想生BB

收藏本版
發帖
返回列表
跳至頁

首頁
1234

尾頁
   0
hellobaby2010


大宅

積分: 3835


1#
發表於 10-10-2 09:23 |只看該作者
我星期一去普通診所驗孕驗血~
星期二驗血報告出了,醫生話報告顯示係有懷孕的,數值係21.2,如果數值少於5即係無懷孕,所以我肯定有懷孕的~
我就講俾醫生知我有流啡,咁醫生就講流啡係好多孕婦初期都容易有,即係作小產現象~
我聽到佢講作小產,我就驚一驚,點算好呀,我唔想有事呀~
醫生就解釋俾我聽,叫我留意會唔會不斷都有流啡or流多左,如果係咁就要去睇急症~
醫生話他們係無野可以做,叫我休息多d,唔好亂食野,特別唔好亂食藥,例如唔好走去食中醫d安胎藥喎,~
醫生話會寫兩封信俾我,一封係排期婦產科,另一封係入急症室信,後者係有必要才用,可以係分流果度快d喎~
不過醫生話我係好初期,數值顯示係0-4週內~

由於我下腹痛和有流啡,所以都係入醫院check下都d~
我係星期三晚入左廣華急症室~
到左急症室,因為我有懷孕證明,所以係分流的第3類~
等左一陣,好快就叫我名,咁我同急症室醫生講我的問題,他說要留院check先得~
就這樣我留院了,到了病房,換過衫褲,就要留小便驗,之後就等叫名見醫生~
等左好耐,又唔俾食野同飲水,終於叫我名了~
入去檢查室,醫生問好詳細問我病歷~
講完一大輪,我就要訓上床,要照陰度超聲波,醫生會先用手先,後用機~
因為我從未試過,所以我好驚,醫生同姑娘叫我放鬆~
check完後,醫生講睇唔到d咩,可能太細,不過有個影,但係唔可以肯定係d咩~
醫生話要驗血睇下點先~
咁我去返我自己張床,已經十點了,我好肚餓,咁我就走出去問姑娘拿奶同餅乾~
之後有姑娘來同我抽血~
講起抽血,我就真係好擔心,因為我d血成日都抽唔到,我自己知自己事~
同我講要抽3支,又札手又拍打,都係好難抽,姑娘話係我太緊張,叫我放鬆~
其實我都已經盡量放鬆,無奈唔知點解會係咁,姑娘話我d血管收起晒~
搞左好耐,抽完了~
希望明天出報告會無事啦~

要睡了,但我睡極都睡唔到,張床好唔舒服,又只係得一個枕頭,盞燈又鬼咁光,再加上有個同房病入駁左部心跳機,成晚響不停~
整晚真係無睡,早上姑娘來量體溫及血壓,之後就有早餐食~
不過d早餐真係好唔掂,係淡口無味,粟米雞肉粥,d粟米打碎晒,雞肉仲細過d豬肉碎~
好彩老公之後買左個M記豬柳包俾我食~
到12點半就派午餐了,係食葡汁雞肉+烚菜+白飯,難食都要食,因為我食完Lunch後又要禁食至到報告出~

等呀等,係超悶,等到6點,醫生來話報告出左,他說懷孕指數好低,只得三十幾,而家會俾我出院先,要再約返來check,但係佢講,估計大多數係一個失敗的受孕~
下...............我大驚!!!!!!咁即係點????????????
佢就話可能係一個不長無生命的東西,要再返來check先再知道清楚~
我就晴天霹靂,淚不停咁流出來,我即打俾老公,係電話同老公講都講唔出~
老公已係樓下上緊來,上到來我叫老公出去問姑娘,因為我講唔出~
姑娘都講話要再返來check先知,而家可以出院~
我因為之前禁飲食,好餓,所以我食埋d飯先換衫走人~
途中,我強忍眼淚都忍唔到,好傷心好傷心~
回到家,因為老公的全部人兄弟姊妹都來了我家食飯,所以我要強顏歡笑下入屋~
入到屋,我立即沖涼洗頭入房了,到他們走後,我才出來食d粥~
到晚上睡覺可算很快就睡了,可能係前一晚無睡過的原故~
到了昨天下午去小便時,又發覺有少少流啡~
唉.............究竟我可以一切順利嗎???上天講給我指引吧~

其實我心裡有數,知道我今次懷孕多數都唔得了~
不過我成日諗,可能得呢~
其實我係咪俾緊一個假希望自己???我好傷心~
點解要係我,千千萬萬咁多人,有d人唔想要又有,我咁想要又唔俾我,點解??????????
昨晚至今早都有流啡流血,我可以做咩??
我唔想入院,因為係醫院我會訓唔到,只係得一個人,我會好寂寞同驚,留係屋我個心會舒服d~
今早我都有用懷孕試紙check,都係好淺色,我諗都係唔掂多了~

我早上訓醒,好想係咩事都無發生過..............

[ 本帖最後由 hellobaby2010 於 10-10-2 09:27 編輯 ]

點評

mapp2009  看了你的update後很替你心痛,我相信整件事中你沒有做錯什麼,先休養好身子!  發表於 11-6-9 11:14
私人傳訊

carman430310


禁止訪問

積分: 423


63#
發表於 11-6-9 10:25 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

zitzai


珍珠宮

積分: 35118


62#
發表於 10-10-25 13:16 |只看該作者
原帖由 hellobaby2010 於 10-10-24 19:52 發表
我而家已經無好唔開心了,只係想快d開工努力,所以有無人幫下我解答一下,因為我唔知可唔可以咁快開工好,thanks!!


西醫O既講法係每次有受精卵都係個別 case 咁睇。"唔好彩" 有O的發育唔到身體自然排斥，下個 cycle m 完就又可以O黎過。

我唔排除係有 DNA 之類出O左問題O既可能性，但係亦都有個可能係自己個身體唔夠暖，唔夠強壯。我幾相信自己係呢個情況，因為我 4 月 chemical pregnancy 過一次，跟住 6 月驗到 1 星期內小 x o左。

我個中醫解釋俾我聽，中醫O既角度，其實著床好似種O野插央咁。泥土（子宮）唔夠肥沃健康，俾你搵到條央（受精卵）插到落去都唔會長。同樣天氣唔夠暖（宮寒），棵苗又係唔會長。

我建議你搵個好中醫睇下，無事有個安心，有事就好好調理下身體。呢O的O野真係無得急。我好明白你O既心情，成日驚下次都未必一定成功（我個人都比較悲觀）。更加係因為咁，我希望O係我能力範圍入面準備得最好最充足先再試。我個 ec 要我等 3－4 個 cycle，6 月小x 之後而家都未開番工。有時都會心急，但係自問又真係無膽去搏。。。

btw，ec O個時要我禁慾 1 個月。始終入面都係傷O左。。。

你係咪流乾淨晒啦？如果係，簡單可以煲紅糖薑水補下，日日飲，特別係天氣轉涼，見凍就飲，沖涼前又可以飲定打底。複雜少少就淮山杞子蓮子煲雞都好。

心情都好緊要O架。盡量放鬆O的～
私人傳訊

rabbitboy


大宅

積分: 1605


61#
發表於 10-10-25 12:16 |只看該作者
你要加油ar!! 好多人會支持你ga!!唔好唔開心．．．要好好保重ａｒ!!

私人傳訊

aliceyy123


別墅

積分: 732


60#
發表於 10-10-25 11:25 |只看該作者
樓主, 你唔好甘傷心啦...我以前都試過你甘架
有左我個女果陣.. 岩岩5WK, 果晚流啡, 好像來M之前果D甘多架,嚇死我,果陣我咩都唔唸,又系即刻沖去急症,E生安排我入院,果晚我根本無食過野, 我奶奶拿左粥,又來睇我,我都探無野,之後又系10點幾先有E生來睇我,只系問左幾句就叫我訓覺...我點訓得著者...成晚都無訓,心唸: 阿B你唔好有事,媽媽好愛你架...仲不停甘求神...喊左好耐---
第2日E生又來了,佢睇左我流啡果D 護墊,之後幫我照陰超,佢見到閃閃下,原來系阿B既心跳 (但前1晚仲未照到架喔..)

果次之後,我就知原來流啡唔1定系壞事,可能系阿B長大緊--你唔好太擔心先, 再觀察1-2 WK 先了...
希望你好像我甘, 可以順利甘生阿B 出來...
私人傳訊

hellobaby2010


大宅

積分: 3835


59#
發表於 10-10-24 19:52 |只看該作者
我而家已經無好唔開心了,只係想快d開工努力,所以有無人幫下我解答一下,因為我唔知可唔可以咁快開工好,thanks!!
私人傳訊

菜菜b媽


大宅

積分: 2497

好媽媽勳章


58#
發表於 10-10-24 11:27 |只看該作者
我都係驗到有左, 點知唔夠一個星期就無左lu.應該係化學性懷孕.
呢次M 好痛...不過都無好唔開心. 因為咁早期, 梗係個受精卵發展得唔好, 先會自然淘汰!
所以我地一齊加油啦!
  
5W2D:0.7cm胎囊 7W1D: 有閃閃啦!
11W2D: 4.5CM豆豆, 舉起晒手手腳腳!
13W2D: OSCAR PASS! 16W 仔仔wor!
私人傳訊

hellobaby2010


大宅

積分: 3835


57#
發表於 10-10-24 11:11 |只看該作者
星期5去左化驗所照完陰超及肚超,昨天報告出了,醫生話無事,流清晒,子宮、卵巢都一切正常,可以隨時有bb了~

我9月尾至10月頭流走左(早期流x),其實我係10號已流清了,22號照左子宮一切正常,今日係24號,當然m仲未黎啦,咁我究竟而家可唔可以行房?會唔會太快?定係等m黎左之後先搞??

請幫忙解答,thanks!!!!!
私人傳訊

hellobaby2010


大宅

積分: 3835


56#
發表於 10-10-13 15:38 |只看該作者
其實呢種事,我又點會想發生呢,我萬萬都想唔到會發生係我身上~不過原來好多人都會發生過的,比我更辛苦,比我更惡劣的大有人在~
我之前睇的一本書內其中的寫得很好,書上寫 : 「遇到這事情不要太難過,因為這是人類生殖過程中一種自然淘汰,是優生選擇的方式.」
我都明白這兩句的意思了~
現在我目前要做的,係養好身體,我明白的~
昨天我係網上討論區周圍看,看到原來有些人不是經歷一次的失敗,而是多次,我甚至看到有人試過5次了,但她們通通都無放棄,還肯積極,她還會繼續嘗試第6次,我覺得她們好勇敢,她們會為自己的目標而努力,我都好希望她們最終都能希望成真.
我試過一次的失敗,我都"好驚"第2次能否成功呢?我對生育有些卻步,因為我真的不想事情再發生,我最怕的是不能再面對我的奶奶及媽咪,我好怕她們會責罵我,說我無用,說我的身體壞,再係咁我都唔知自己接唔接受得到,如果生育是兩個人的事,不用向其他人交代,你話有多好~

[ 本帖最後由 hellobaby2010 於 10-10-13 15:39 編輯 ]
私人傳訊

Fish777


男爵府

積分: 7594


55#
發表於 10-10-13 15:16 |只看該作者
原帖由 hellobaby2010 於 10-10-13 14:13 發表
流了大約十日的血後,而家都流清了~
昨日去睇普通醫生,安排下星期尾去化驗所度照超聲波,照過我才可放下心頭大石~

唔知我幾時先來M呢??好想快d努力過......不過始終都好驚驚~

其實點樣先可以成功安全懷孕至BB出世??
...


你吾好想咁多，其實呢Ｄ係早期流產很常見，估計1/3至1/2受精體會發生，不過有時無check,　當M痛M來就算。自然排出，之後Ｍ後當正常巳可再試。反而你兩老的反應有點誇張，你下次都係吾好咁早同佢地講。
我九月頭9wk無心跳吸了宮，而家都正常Ｍ會再試，我都無食Ｄ乜特別野，係多Ｄmeat,eggs, milk，洗頭就一定洗，痴線咩，一個月吾洗頭，呢個係古時Ｄ水污垢至咁講。
私人傳訊

hellobaby2010


大宅

積分: 3835


54#
發表於 10-10-13 14:13 |只看該作者
流了大約十日的血後,而家都流清了~
昨日去睇普通醫生,安排下星期尾去化驗所度照超聲波,照過我才可放下心頭大石~

唔知我幾時先來M呢??好想快d努力過......不過始終都好驚驚~

其實點樣先可以成功安全懷孕至BB出世??
要成功結合、著床、生長到bb健康出世....一切都順順利利就好喇~
希望我與大家係不久將來會有這一天~:)
私人傳訊

hellobaby2010


大宅

積分: 3835


53#
發表於 10-10-7 22:50 |只看該作者
原帖由 奀b豬媽咪 於 10-10-7 19:33 發表

我唔知有冇記錯,因為都年幾前~
隻腳就係腳眼對上凹左落去個兩個位,我媽咪都有講過,係子宮個D穴位黎,另一個就係頸對落少少兩邊個個位~


thank you~
私人傳訊

奀b豬媽咪


男爵府

積分: 6086

好媽媽勳章


52#
發表於 10-10-7 19:33 |只看該作者
原帖由 hellobaby2010 於 10-10-7 13:37 發表


奀b豬媽咪,
我想知道係邊兩個穴位唔按得,等我下次可以防範,我驚有時自己會同自己按左都唔知,請指教,THANKS!

我唔知有冇記錯,因為都年幾前~
隻腳就係腳眼對上凹左落去個兩個位,我媽咪都有講過,係子宮個D穴位黎,另一個就係頸對落少少兩邊個個位~
奀b仔9月16日出世啦~
私人傳訊

hellobaby2010


大宅

積分: 3835


51#
發表於 10-10-7 13:37 |只看該作者
原帖由 奀b豬媽咪 於 10-10-7 12:21 發表

SORRY,樓主,我想講少少野,你99叫你唔好按摩係岩架,因為我地既小腿同埋膊頭係有兩個穴位唔按得,個時我大肚,健康院D姑娘有話比我地知邊兩個位,下次你有BB,想按的話,一定要去有牌同埋專係比大肚媽媽就安全好多~
希望你 ...


奀b豬媽咪,
我想知道係邊兩個穴位唔按得,等我下次可以防範,我驚有時自己會同自己按左都唔知,請指教,THANKS!
私人傳訊

奀b豬媽咪


男爵府

積分: 6086

好媽媽勳章


50#
發表於 10-10-7 12:21 |只看該作者
原帖由 hellobaby2010 於 10-10-5 14:03 發表
我阿媽又打來同我講,佢話諗左好耐,問我係咪聞嗅丸?食d防腐劑食物?塗d護膚品同化妝品?係咪成日係間房唔開門窗?所以先無左?
救命呀.........我間房都無嗅丸,仲有佢可唔可以科學d,醫生都講係天意......咁想我點啫?????? ...

SORRY,樓主,我想講少少野,你99叫你唔好按摩係岩架,因為我地既小腿同埋膊頭係有兩個穴位唔按得,個時我大肚,健康院D姑娘有話比我地知邊兩個位,下次你有BB,想按的話,一定要去有牌同埋專係比大肚媽媽就安全好多~
希望你快D好番~
PS:我唔係有心話你,只係想提下你,希望你唔好介意~
奀b仔9月16日出世啦~
私人傳訊

hellobaby2010


大宅

積分: 3835


49#
發表於 10-10-7 11:55 |只看該作者
留了3天的血+血塊後,今日已無血塊了,只有血,希望盡快流清啦~
醫院話唔洗覆診,只要流洗就ok,其實我好擔心流唔清,所以我諗住流清後自己去睇醫生照下.
我想問:照留清未係照咩超聲波的?係陰超定肚超??係咪一定會睇得到清晒未的??

請幫忙解答,thanks!!!!!
私人傳訊

alicemic


翡翠宮

積分: 92509

2025勳章 2025勳章蛇年勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章


48#
發表於 10-10-5 15:19 |只看該作者
原帖由 hellobaby2010 於 10-10-5 14:03 發表
我阿媽又打來同我講,佢話諗左好耐,問我係咪聞嗅丸?食d防腐劑食物?塗d護膚品同化妝品?係咪成日係間房唔開門窗?所以先無左?
救命呀.........我間房都無嗅丸,仲有佢可唔可以科學d,醫生都講係天意......咁想我點啫?????? ...



真係唔好食紅早，我刮完宮都仲有流血，小小咁流，老一輩同我講話我面色唔好，講話又無氣，話我刮完都成個禮拜都可以飲淡淡既紅早水，我見99同佢個FD都咁同我講，就飲少少，點知由流啡變成見紅，又要拖多幾日！

老人家都好迷信，有野就懶。 唔想聽就搵你老公同佢2老講，我怕你再係咁會有抑鬱呀！
私人傳訊

hellobaby2010


大宅

積分: 3835


47#
發表於 10-10-5 14:03 |只看該作者
我阿媽又打來同我講,佢話諗左好耐,問我係咪聞嗅丸?食d防腐劑食物?塗d護膚品同化妝品?係咪成日係間房唔開門窗?所以先無左?
救命呀.........我間房都無嗅丸,仲有佢可唔可以科學d,醫生都講係天意......咁想我點啫???????
叫我而家要買d白鳳丸食,咁我而家食唔食得??
跟住我奶奶又話我係因為早期有次返深圳按摩,所以先會咁.唉!都唔知點解個個都做左醫生?我自從計劃有b,我都一直盡量樣樣小心,而且果次的按摩,我係專燈唔俾人按個肚的,只係按下手腳背頭.....奶奶就同人講係因為按摩按死人.
今日lunch,我奶奶燉左湯俾我飲,我之前已經同佢講過,燉d普通豬肉水都ok,唔好放d"紅組"d咁補血行血的東西俾我飲住,點知佢今日就燉左"紅組"湯俾我飲,我唔敢飲,因為驚越飲越多,咁佢就即刻唔鍾意.我講佢知我要流清先飲得,佢就講 : 「你果d遲d要刮宮架!知道未!」下?醫生話自然流走,流清就ok喎! 佢就再講 :「流鬼!你要刮架!」我勁唔開心!一路食飯一路哭,我心諗佢而家係咪好想我刮官呀????
我究竟要點做先配合到佢地,佢地究竟想我點????
件事已經令我唔開心,佢地仲煩住我,我只想好好休息休息,讓身體盡快康復,點解佢地仲要令我日哭夜哭,係咪想我哭死為止?????????????
我好辛苦,想我點啫,如果唔係你地d長輩咁急住逼我生,我想我同我老公係可以隨心及自然地生,一切壓力都係你們俾我的.
呢d事,真係無人100%肯定唔會出事,如有,我都想知道.
我好驚,唔想有下次,搞到唔想生了,壓力好大!

[ 本帖最後由 hellobaby2010 於 10-10-5 14:07 編輯 ]
私人傳訊

Annie888


禁止訪問

積分: 10633


46#
發表於 10-10-5 12:22 |只看該作者
提示: 作者被禁止或刪除 內容自動屏蔽
私人傳訊

alicemic


翡翠宮

積分: 92509

2025勳章 2025勳章蛇年勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章


45#
發表於 10-10-5 12:08 |只看該作者
原帖由 hellobaby2010 於 10-10-5 09:48 發表
我而家流好多血,好似來m咁,有血塊,咁呢d係咪就係惡露?個肚有dd痛,係咪正常?
我想快d流晒佢呀,而家成日都要去廁所換m巾同清理d血~
因為醫生話唔洗覆診,等佢流清晒就ok,不過我點知佢清晒未?佢又無叫我流清返去俾佢照下 ...



流晒就即係清晒，如果無再肚痛就OK，唔放心乾淨後可以搵醫生照一照。

唉! 好都好怕同長輩講呢D事，我99知道咗個反應同你媽一樣，不過始終我唔係佢個女，無哦得咁勁！ 唔想聽就off咗個電話先啦！ 係呢刻心情好緊要，唔好比佢影響，養好身體先啦！
私人傳訊


首頁
1234

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見