自由講場

收藏本版
發帖
返回列表
跳至頁

首頁
123

尾頁
   0
katie0921


侯爵府

積分: 24521

2018復活節勳章 畀面勳章 BK Milk勳章


1#
發表於 10-10-8 10:31 |只看該作者
放學的時候 阿女就係咁喊, 話老師話佢 "講大話", 我再問清楚...事件係咁

數學堂的時候, 有2個同學(A 和 B) 就問阿女一D數學課堂的功課, 咁阿女就答咗佢地一次, 跟住(A 和 B)又再問, 咁我個女就沒有再答佢地, 跟住(A 和 B)就係到玩和傾計...
數學老師就問佢地3個(阿女 A 和 B)
你地係咪傾計...
(A 和 B)就認咗有傾計
阿女就話 冇傾計, 只是答(A 和 B)的課堂功課問題
老師就再問阿女, 你有冇傾計, 阿女都係話 冇
老師就話咁你再諗清楚先, 落堂再問你.....
跟住落堂 老師就叫阿女 出課室門口, 阿女就好驚(因一年級 未試過比老師叫出門口), 老師再問阿女, 你有冇傾計, 阿女都係答 冇, 跟住老師再問多次, 你係咪真係冇傾計, 今次阿女就答有.......結果

A 和 B 認咗傾計.....咩事都冇

阿女的結果....
因老師要去隔離班上堂, 跟住老師就叫阿女去隔離班當住全班(六年級)的同學面前, 再問阿女, 你有冇和(A 和 B)一齊傾計, 阿女又再答 冇...老師就話 阿女點解要 "講大話", 阿女驚到只識喊, 沒有再回答任何 問題

我問咗阿女有10次以上, 你真係冇同 A 和 B傾計, 阿女都係答 冇...再問阿女點解老師在課室門口 問你, 你就答有...阿女話 好驚...所以唔知點解會答咗 有

老師有錯嗎?
還是我太信任個女呢.....我個女 好內向 和 慢熱, 所以我相信阿女係 冇傾計...
私人傳訊

mrs.so


公爵府

積分: 29603

畀面勳章 環保接龍勳章 hashtag影視迷勳章


58#
發表於 10-10-8 17:52 |只看該作者
我通常都會係了解件事,但唔會偏幫任何一方, 我會嘗試安慰小朋友, 然後再問學校查詢...

無論我出任何結果, 我都唔會係女面對話老師不對, 亦唔會同老師企硬, 避免影響關係, 同小朋友心理因素好重要
私人傳訊

Cindymei


子爵府

積分: 10181


57#
發表於 10-10-8 17:43 |只看該作者
讀書唔係單一為成績，就算羅fullmark都冇用，現在小學尤其係小一要用愛心去引導學生，樓主以上情況我見過，校長亦有叫老師改善教導方法，奈何老師認為自己冇錯，情願在下一年度離校。樓主妳如果想還個女公道就要親自去學校表示妳的承意去搵科主任，佢會幫你處理會同校長傾，而家學校好開明，唔係話家長大晒，但學校一定會比個答覆妳，因為學校每日放學後都會開會，首先傾下當天發生的事。而家學校好關注家長意見，妳唔去表達咁六年學校生活囡囡點會過得開心。
私人傳訊

sukili1981


子爵府

積分: 11900

好媽媽勳章


56#
發表於 10-10-8 16:39 |只看該作者
俾我會同個老師講清楚件事囉,話佢聽咁做傷害左個小朋友嘅心靈,睇下個老師講D咩,如果佢都仲係覺得佢咁做係冇問題嘅,我會同校長投訴.

私人傳訊

LILY媽咪


珍珠宮

積分: 41995


55#
發表於 10-10-8 16:29 |只看該作者
放心晒



原帖由 katie0921 於 10-10-8 16:26 發表
多謝晒你地咁多位的意見 我見阿女今日放學返嚟, 同平時一樣, 沒有唔開心

又係好快咁做功課, 我都沒有再問佢, 今日返學老師, 有冇同你傾計 希望她 真係 昨天的事 完全忘記了 ...
私人傳訊

katie0921


侯爵府

積分: 24521

2018復活節勳章 畀面勳章 BK Milk勳章


54#
發表於 10-10-8 16:26 |只看該作者
多謝晒你地咁多位的意見 我見阿女今日放學返嚟, 同平時一樣, 沒有唔開心

又係好快咁做功課, 我都沒有再問佢, 今日返學老師, 有冇同你傾計 希望她 真係 昨天的事 完全忘記了
私人傳訊

Sherryko9


大宅

積分: 2249

好媽媽勳章


53#
發表於 10-10-8 15:41 |只看該作者
6年來,囡囡學校事學校人有唔少令媽咪不滿事件,當然呢6年亦有快樂生活,大前題是小朋友快樂事多過不愉快事這已足願了!
唔好為左一兩件事令小朋友在校唔開心,因為佢仍有漫漫長夜學校日子,每間學校實有幾個極品老師,睇吓自己好唔好彩,唔駛担心,明天會更好,我相信呢個老師唔會跟足你小朋友6年,經一事長一智.
私人傳訊

lovecupid


別墅

積分: 716


52#
發表於 10-10-8 15:18 |只看該作者
可能個老師都唔記得咗件事咯.....
私人傳訊

Sherryko9


大宅

積分: 2249

好媽媽勳章


51#
發表於 10-10-8 15:14 |只看該作者
我唔會教佢委屈自己,"人善被人欺,馬善被人騎".
在學時期,我亦會教小朋友,你唔好去蝦人,但我亦唔想你被人蝦,媽咪保護唔到你過世,你自己要識保護自己,唔好委屈自己,屈吓屈吓好易屈死!以上首要就係做好自己本份---讀好D書.

原帖由 ZZdaphne 於 10-10-8 12:47 發表
假設....
呢件事係發生响個女出來做事時遇到,
大家會點處理.....
私人傳訊

晟媽


大宅

積分: 4653

畀面勳章


50#
發表於 10-10-8 15:03 |只看該作者
無計喎! 我個仔小四, 上堂前面個同學擰轉頭問佢野(亞仔話係課堂上既問題, 吾係傾計), 亞仔無答同學問題, 只係話佢一句"好煩", 老師見到就話佢地兩個傾計, 一齊被記手冊.

係老師角度, 上課係一句聲都吾可以出, 吾理你係咪答人問題(老師話有問題要舉手問), 甚至叫同學吾好嘈都吾得. 你解釋番比個女知, 等佢知道老師只係想比佢知上堂吾可以幫同學解答問題.

原帖由 katie0921 於 10-10-8 10:31 發表
放學的時候 阿女就係咁喊, 話老師話佢 "講大話", 我再問清楚...事件係咁

數學堂的時候, 有2個同學(A 和 B) 就問阿女一D數學課堂的功課, 咁阿女就答咗佢地一次, 跟住(A 和 B)又再問, 咁我個女就沒有再答佢地, 跟住(A ...
私人傳訊

lauretta


子爵府

積分: 14479

好媽媽勳章 醒目開學勳章 睛靈勳章


49#
發表於 10-10-8 14:53 |只看該作者
唔好認定呢d嚴既老師係唔好,我女女舊年小一都遇到一個超級惡死既代課老師(代教中文英文),初頭令我好唔高興,不過我都忍住唔插手..最後我個女既成績因為呢位老師而大有進步,呢位老師要求好嚴格,甚至上堂寫錯野要擦都要舉手請示(唔係既一律當玩擦膠,沒收處理,當然,放學又會比番佢地啦),正正因為老師係咁,所以女女上堂變得勁專心,英文測驗既時候17分..到3個月後考試雖然都係唔合格,但只係爭幾分就合格(165分滿分),中文由測驗得33分,3個月後考試就合格有找(140分滿分),真係好大既進步呀,多幾十分wor,而家女女小二,呢位老師都時常打黎問下女女而家點,識唔識d野...呢位老師雖然好惡,但佢真係好有heart先咁高要求...
樓主,
希望你可以開導下女女,話佢知上堂係要一粒聲都唔可以出,除非老師要求,否則係應該唔可以講野既,另外亦解釋比女女知老師想佢地好先會咁嚴厲,並唔係想難為佢,響女女眼中係答同學,響老師眼中已經係傾計,老師要求係唔可以出聲,一粒聲都唔可以,同佢講,而家已經知道老師既要求,咁佢以後就唔好響未有老師同意之下再出聲,有問題想出聲應該先舉手得老師准許先可以,跟住每樣野都做好d就可以嫁喇

ps:小朋友係需要響挫折挫敗同錯誤中成長,太過保護佢地,只會令佢地長大之後受唔到壓力而自殘..何必要小朋友做溫室既花呢?風吹雨打仍然屹立不倒先係堅強又成功!

[ 本帖最後由 lauretta 於 10-10-8 14:58 編輯 ]
私人傳訊

polarbb


侯爵府

積分: 21205

好媽媽勳章 醒目開學勳章 畀面勳章 環保接龍勳章


48#
發表於 10-10-8 14:12 |只看該作者
我自己親身上過學校一次,因為我都想當住老師同個女面講清楚,我唔會聽一面之詞,大家對口對面講就最好,只係想攪清楚事件,起碼知老師個準則係咩,既然佢話聽到個女有講野,咁就上去問清楚佢聽到D咩? 等個女知原來咁都唔得,咁都係傾計,就咁安慰個女係冇用,同佢講點做都冇用,因為老師話佢有講,咁係講左D咩先? 或者小朋友根本就唔知咩叫傾計,可能佢只係講左一句,但佢認為唔係傾計,老師認為係呢?我個女都試過,我就同佢講咁都係傾計,叫佢下次唔好. 但起碼要知佢係講左D咩先 lor.
   
私人傳訊

zoemanman


男爵府

積分: 6205

好媽媽勳章 醒目開學勳章


47#
發表於 10-10-8 13:54 |只看該作者
好老實咁講，樓主就算打電話或去學校都喺無用 。因為老師就喺老師，况且佢真喺覺得好小事，佢喺唔會覺得自己有錯，佢只會將自己認為是對的向你說一次。好明白您感受 ，你可以從囡囡方面入手，安慰佢和同她分享您兒時也遇過的問題。
私人傳訊

polarbb


侯爵府

積分: 21205

好媽媽勳章 醒目開學勳章 畀面勳章 環保接龍勳章


46#
發表於 10-10-8 13:05 |只看該作者
我會親身上去搵個位老師,話係想了解清楚件事,當然,要比佢知道你係對事,你米同佢講女女返到黎都話冇,所以你想親身了解事件,因為你都係唔容許女女講大話,如果佢講大話你一定會罸佢,所以想同老師見面了解下.要求見面的時候最緊要比老師覺得你唔係幫住個女,有D人就係見你幫佢就玩野,見你鬧就會幫.
   
私人傳訊

jlam


伯爵府

積分: 18248

好媽媽勳章


45#
發表於 10-10-8 12:50 |只看該作者
agreed!

講唔講, 要點講, 好睇個老師咩性格, 講真, 佢做得出響G6同學面前做D咁唔尊重人既野, 佢唔似會係一個聽人意見既人囉!

quote]原帖由 siulili 於 10-10-8 12:42 發表
樓主

我覺得你打返去都係嘥氣， 自已知咩事就算。 而家D老師， 好多都唔客觀， 自已心中有個答案，個小朋友唔係咁答， 就一路比壓力佢， 要佢答到果個答案為止。 就算家長明知小朋友在壓力下先咁答，你打去問佢， 佢就會話係小朋友 ... [/quote]
私人傳訊

bbJP


大宅

積分: 4982


44#
發表於 10-10-8 12:48 |只看該作者
我就会見校長,平心靜氣咁同佢傾下e位老師既處理手法.
私人傳訊

ZZdaphne


王國長老

積分: 31691

好媽媽勳章 醒目開學勳章 王國長老


43#
發表於 10-10-8 12:47 |只看該作者
假設....
呢件事係發生响個女出來做事時遇到,
大家會點處理.....
私人傳訊

siulili


伯爵府

積分: 15556


42#
發表於 10-10-8 12:42 |只看該作者
樓主

我覺得你打返去都係嘥氣， 自已知咩事就算。 而家D老師， 好多都唔客觀， 自已心中有個答案，個小朋友唔係咁答， 就一路比壓力佢， 要佢答到果個答案為止。 就算家長明知小朋友在壓力下先咁答，你打去問佢， 佢就會話係小朋友答：有。

我聽都聽唔少呢D CASE，自已都經歴過，只不過我好彩D，唔係課堂秩序，而係功課上， 因我係FULL TIME MOM，所以自已有睇住小朋友做功課， 所以好肯定咁同老師講係咩事， 但結果，老師都唔會同小朋友認錯架， 只會話個小朋友，“我教過你地架， 是說是，不是說不是呀嘛！”

我問阿女果時， 阿女話：佢問我咁多次，我答無，佢就繼續問， 不停問完又問，又話我唔認就要我去見副校長。 即係要我答有啦。 咁我唔想去見副校長，咪答有囉。

如果你係我， 你會唔會篤爆個老師呀？ 係唔會架嘛。所以我覺得打去都多餘。
私人傳訊

daydaytse


別墅

積分: 927


41#
發表於 10-10-8 12:41 |只看該作者
聽到你囡囡情況, 作為家長真係好心痛, 又明白佢需要成長, 不過件事對你囡囡黎講應該好深刻架, 好可能會有陰影, 變得內弱, 不懂分是非黑白, 我都讚成你去學校一趟, 親身了解件事經過, 見一見老師說話態度, 比學校&老師知家長有幾重視, 但首先你要表明你絕對信任囡囡, 安撫好佢情緒先.

私人傳訊

jlam


伯爵府

積分: 18248

好媽媽勳章


40#
發表於 10-10-8 12:28 |只看該作者
咁我覺得樓主個女又唔係軟弱, 大佬, 當住咁多G6哥哥姐姐面前咁剷, 唔喊既, 要面皮好厚先得!

樓主, 如果果位老師係D好食古不化既老PAT PAT, 你都係算罷啦, 唔係唔同個女爭取, 反而係唔好將個女推去更WORST 既CONDITION!

一日流流長, 果位老師, 唔好話針唔針對你個女, ONLY 係IGNORE 佢, 舉手都唔選佢答問題, 已經會令個女有HARD FEELING 架啦!

如果你選擇硬食呢次, 就更加唔好響呀女面前表現出好替佢不值, 咁會唔小心喧染左件事, 加強左佢負面既感覺, 你要表現出冇野, NO BIG DEAL 咁, 佢好快就可以忘記!

GOOD LUCK!
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy