吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 點解我媽咪咁唔關心我？

心聲留言今日: 0|主題: 17565

收藏本版

發帖

返回列表

跳至頁

查看: 4901 | 回覆: 45

點解我媽咪咁唔關心我？ [複製鏈接]

12 3

annababe

大宅

積分: 3782

1^#

發表於 10-10-18 18:03 |只看該作者 |正序瀏覽 |打印

我媽咪同我daddy都好鍚我家姐，可能佢比較孝順，所以自我家姐生第一個bb時，我家姐都冇出聲我媽咪就義無反顧咁去幫我家姐湊bb亦搬埋去我家姐屋企，而家我個兒甥仔而家已經有3歲幾返緊學。前幾個月我個bb都出左世，主力係我99同工人湊，我同老公都信唔過工人，所以我地屋企裝左cam，每日我99出街買餸或者唔得閒時，我地都會係個cam睇實個工人。有日，我99因事要出去成個下午都唔係屋企，我同老公又要返工，所以我同99提議叫我媽咪過黎幫手睇囝，唔需要佢湊，只係睇實個工人就得，我奶奶亦同意所以我就打比我媽咪，但我媽咪明明就係同我講佢得閒冇野做，只要接兒甥仔放學，但係佢又講到如果兒甥仔放學返到屋企午睡時，如果瞓到半路起身一定要搵佢，表現到佢唔想過黎，最後我都唔使我媽咪黎我自己請假自己睇返。

其實發生呢件事後，我真係覺得我媽咪好唔關心我，我明白十隻手指都有長短，但我都係佢個女，我有左bb頭幾個月作小產，我家姐每個星期都會update我媽咪我最近既狀況，但我係屋企瞓左2個月床我媽咪係1個電話都冇打比我，最多都係我打比佢，陀左bb十個月，1個電話都冇，到我生bb個日佢亦唔係第1日就黎，佢冇搵過我。到出院之後幾日因為我係街大出血而要再入醫院，佢知道都冇搵過我，更何況係去探我。我眼見人地媽咪都好緊張個女，個女大住肚時又會買好多bb衫比個孫，但我就係要我出聲佢先送得1條包被。點解佢會咁架！

[ 本帖最後由 annababe 於 10-10-18 18:06 編輯 ]

0 0 0

私人傳訊

hapibaby

別墅

積分: 622

46^#

發表於 11-5-10 02:58 |只看該作者

既然你咁開心,所以你應該盡量公平對待每一個小朋友
吾好令佢地都咁諗

私人傳訊

cobaba

大宅

積分: 2027

45^#

發表於 11-5-9 17:25 |只看該作者

唔好傷心, 做好自己做女既本份就好
你仲有好多人錫你, 關心你。
用呢件事為借鏡, 將來, 對自己小朋友, 一定要公平唔偏心, 生幾多個都好, 個個都咁錫。

私人傳訊

tigerbbvv

子爵府

積分: 11389

畀面勳章親子達人勳章

44^#

發表於 11-5-8 15:25 |只看該作者

提起媽媽...我也有點傷心....所以唔想再諗佢...樓主隨緣吧啦~

私人傳訊

joannelai930

琥珀宮

積分: 192715

好媽媽勳章醒目開學勳章畀面勳章有「營」勳章 2011至尊種植勳章大廚勳章 BK猜猜猜慶中秋 BK Milk勳章

43^#

發表於 11-5-8 09:12 |只看該作者

有其他人錫已經好好啦, 唔駛太介懷

私人傳訊

WINCEKWOK

男爵府

積分: 8273

42^#

發表於 11-5-8 01:22 |只看該作者

回覆 WINCEKWOK 的帖子

無呀，都係唔夠分...但總算叫比佢試過，好過佢將來覺得當時無再一年而後悔，自修完一年，係得定唔得都係佢自己，與人無尤.....

私人傳訊

kaitathk

複式洋房

積分: 323

41^#

發表於 11-5-6 23:50 |只看該作者

說得對,兩每女講運氣

私人傳訊

WINCEKWOK

男爵府

積分: 8273

40^#

發表於 11-5-6 17:04 |只看該作者

我家姐大我一年...細個出世無耐就寄住伯伯屋企，到2歲幾要返幼稚園先接返我一齊住
我一直都唔明，佢地點捨得同我分開，佢地話果陣我細，湊唔黎...咁家姐都係大我一年姐...有差幾遠？
細個我係比較百厭比較曳，家姐係文靜D乖D...父母親戚都鍚家姐多D...有時我曳係上黎，佢地會話我係撿返黎/石頭爆出黎，我真係覺得係架...好多時都覺得佢地3個先似係一家人，我好似個局外人咁
到返小學，我小學6年比同學蝦足6年，佢地完全無原因蝦我...我係學校比人蝦完，返到屋企又唔敢同父母講，仲係識話比家姐知...但D情緒屈住屈住，自己都知自己係好曳...父母親戚見我曳，又更加厭惡我...
果陣我曳起上黎，父母會捉我沖凍水涼，拎衣架當滕條咁打我，嬲起上黎會大巴大巴星落我塊臉...但我家姐係從來無受過呢D體罰，仲係得唯一一次，我同家姐一齊唔知做錯D咩，爹地嬲起上黎星左我地一人一巴，星家姐果巴仲比戒指印打到紅左，媽咪見到即刻好心痛上前呵返家姐，仲罵爹地做錯打得咁重手...但佢從來無係爹地打完我之後咁呵返我
之後升到同家姐同一間中學，我脫離比同學仔蝦既日子...係學校比較沉靜，但上堂比心機聽書，好多老師都睇好我...中一至中四呢段時期，我係學校參加camp、做perfect、參加遊學團去台灣、做libarian主席、senior perfect...全部都係得老師推薦先有機會做5...但每次媽咪知道後，只係識問點解我有份，家姐無(意思係竟然係我唔係家姐)
到中五，我係online game識左個男人同佢拍拖(我果陣好天真、好蠢既)，又因為呢個男人背景唔多好，我唔想同屋企人講太多，所以拍拖果段時間同屋企人關係好冷淡...係呢個時候，我屋企人先開始重視返我，怕會無左我呢個女...但果陣同媽咪吵起架上黎，佢講d說話係難聽到我唔敢信佢係我媽咪...
拍左9個月左右，開始同當時男朋友成日吵架，屋企人見我成日唔開心，就比較就我.....係果時關係先開始好轉
18歲生日，我媽咪仲買左條好貴既頸鍊比我，我收到時嚇親，無諗過佢會咁買條鍊...(最衰上年唔見左，應該係街跌，之前見個扣壞已經去珠寶店換過扣，點知都係再跌>.<想買返個同款既都搵唔返)
拍左年半拖，終於分手...無正式同家人講，但佢地見我少出街、少電話都開始估到...之後媽咪一直都好就我，除夕果日我忽然話想bbq，估唔到媽咪真係即刻著手搞，果晚叫埋d親戚一齊係屋企樓下bbq...
但我知道佢心底最鍚果個都仲係家姐，佢係重視我多左，但真係要佢選擇，依然係偏心家姐
因為家姐中五果年repeat，我同家姐變左同屆生，一齊升上左中六...
讀預科，就係時候要諗大學...但大學既學費貴，屋企經濟唔算好，更無可能傾得上同時供兩個人一齊讀大學...媽咪就係家姐唔在場時半明示半暗示咁同我講屋企供唔起2個人讀大學...其實我都明既，反正我自己知自己事，本身英文好差，升到上預科都算好彩，我自己亦唔打算一定要讀大學...放榜見自己差英文合格就可以勉強入冷門科大學，反觀家姐仲差頗多分...之後我決定唔哂時間，早d出黎搵野做，搵左9個月總算搵到...而家姐就決定再自修一年，我雖然唔睇好，但亦唔敢反對......媽咪當然係支持佢...
至今，我同屋企人關係都算唔差，但始終比唔上家姐係佢地心目中地位，不過自問我確實無家姐對佢地咁細心...或者都係注定既，而家諗開左都無話怨唔怨

點評

ckat 我睇哂成篇, 我都覺得你諗開左! 一D都無嬲你屋企人!
不過我想知最尾你家姐有冇讀大學? 發表於 11-5-6 21:51

私人傳訊

hamstermama

大宅

積分: 1456

39^#

發表於 11-4-28 21:02 |只看該作者

自問自己冇乜父母緣.
我喺小二阿媽已經跟佬走咗, 自此我都再冇見過佢, 直到今時今日.
其實妳阿媽唔關心妳我覺得唔緊要嘅, 因為仲有好多親人同朋友關心妳架嘛.
所以妳唔好唔開心, 要加油啊!

私人傳訊

Sunday_Tea

別墅

積分: 886

38^#

發表於 11-4-28 15:55 |只看該作者

換個角度諗, 或者你媽咪係放太心你, 太唔放心你家姐, 所以將成副心機放哂在你家姐度。

我見過有 d case，係個男仔嫌個阿媽日日問長問短煩到爆，反而佢家姐就成日同 d fd complain 個阿媽唔理佢....

私人傳訊

maywei

伯爵府

積分: 18726

好媽媽勳章

37^#

發表於 11-4-27 17:08 |只看該作者

你有奶奶錫都好過無啊! 我連奶奶錫我都無份啊! 算啦! 唔好計較咁多, 免得自己唔開心.

私人傳訊

Sayuri_Li

大宅

積分: 3913

36^#

發表於 11-4-24 23:28 |只看該作者

我媽咪都係偏心，i don't mind

，我心底其實孝順佢。

私人傳訊

suetwababe

翡翠宮

積分: 77585

畀面勳章

35^#

發表於 11-4-17 03:52 |只看該作者

我媽咪都係咁可能本身我同關係差喇~
所以佢對我同我bb一d關心都冇.

私人傳訊

yinyeung_mami

公爵府

積分: 26170

醒目開學勳章

34^#

發表於 11-4-16 23:45 |只看該作者

alicealice313 發表於 11-4-16 23:12
我媽媽在我小時候已過身,我都無爸爸疼惜過, 在他心目中我只是一個工人, 每日都有做唔完既家務,直到最近31-1 ...

私人傳訊

alicealice313

禁止訪問

積分: 56391

畀面勳章

33^#

發表於 11-4-16 23:12 |只看該作者

提示: 作者被禁止或刪除內容自動屏蔽

私人傳訊

MUMREDBB

大宅

積分: 1646

32^#

發表於 11-4-15 00:32 |只看該作者

真係唔係个个媽咪都對自已好的.講都冇人信,我係獨女但我媽咪話不可以打擾她的生活而她也不需要我給她錢.我同她都是有緣冇份了.
我重慘啦.我99同我阿媽一样自私從沒有幫我湊細路.最衰我太好生養,重生理孖胎,鬼禁難凑,又唔食又唔罰,日日都嘈到死,就黎連印傭都頂唔順. 還有一个要閙才肯做功課的大仔. 我重要返工才可以養這班細路. 你話死唔死!
唉人地7个大人(爸,媽,99,老爺,婆婆,公公加工人姐姐)凑–个金波羅,而我地就冇人冇物地凑３个百厭到死的細路. 唉....

私人傳訊

dmimi

大宅

積分: 2637

31^#

發表於 11-4-12 23:24 |只看該作者

唔好唔開心啦....我都係比媽咪冷落架!!
我依家一家三口同媽咪住,我仲係細女...我家姐同細佬都結哂婚
我呀媽對眼度只係錫我家姐同細佬...我個女讀幼稚園放4點幾
我要啦啦聲趕返屋企幫佢煮飯,佢都黑哂口面架!!!!
佢個面口都好難睇下架~~有d咩好野都留比佢2個,而我就咩都冇
真係好心酸架,所以我依家都寄情落去個女度!
希望你都唔好諗咁多啦,之後佢會知邊個係最錫佢既人!
加油加油