單親天地 今日: 0 | 主題: 18391

積分: 190

1^#

發表於 10-12-8 17:16 |只看該作者 |正序瀏覽 |打印

自從法庭判左隻衰佬有探視權, 我都好合作地執齊哂所有日用品俾佢, 因為佢一向都無照顧開小朋友既 (係 - 佢係由小朋友出世到而家都從來無照顧過!), 所以我寫定一個list俾佢希望佢盡量配合, 咁個list都係提醒佢唔好俾汽水呀, 零食呀之類俾小朋友食, 又提佢幾時要同小朋友訓覺食飯咁. 其實我都明白隻衰佬根本唔會理, 佢淨係會做自己想做既事, 但我都希望佢念在小朋友既身體著想而會留意下.

唉~ 點知, 第一個禮拜, 小朋友返黎個晚就肚瀉, 痀左4日, 醫生話係腸胃炎; 咁好番之後隔2日小朋友又去左隻衰佬度, 返黎之後兩晚訓覺都大喊, 脾氣好差, 但總算無病倒; 到第三個禮拜, 小朋友返黎第二日就發燒+感冒, 醫生話係氣管炎, 仲問我點解呢排小朋友成日病, 我又費事講咁多, 於是話係天氣唔好囉.

今日我問律師, 小朋友到今日都仲發緊燒 (39度), 如果到星期六都仲係病緊咁可以唔可以叫隻衰佬唔到帶小朋友出去, 律師話唔可以, 因為係法庭頒令, 如果違反左就好大鑊! 但我真係身心都好疲累, 一方面要捱夜照顧小朋友 (佢通常半夜會燒得好勁, 跟住就大喊, 我點訓?!), 日頭仲要返工, 另一方面又"鄧"小朋友肉赤, 咁樣病法都唔知點捱呢幾個月! 暫時探視權要到出年先至再review, 律師話, 呢段時間無論點我都要俾個小朋友去佢daddy度, 我問佢如果小朋友唔肯去咁點? 又或者病左咁點? 律師話總之法庭頒令我係唔可以違反, 唉~~~ 好唔開心...

0 0 0

請不要轉發我的post, 謝!

私人傳訊

積分: 190

31^#

發表於 10-12-24 20:16 |只看該作者

上星期去見左社工, 我無好直接咁話隻衰佬唔識照顧小朋友, 只係話上幾次探視完小朋友都病左, 我好擔心

, 社工話如果只係探視左三四次就判斷隻衰佬唔識照顧未免太草率, 佢話不如留意多幾次先, 如果小朋友都係每次返到黎都病先至再傾.

呢幾日小朋友又勁咳, 我問佢爸爸俾過乜野佢食, 佢話"薯片, 橙汁"!!

我好想即刻打俾隻衰佬鬧爆佢, 佢究竟係靠害定係無知??! 明知小朋友有咳 (佢送小朋友返黎個陣仲話俾我知佢有咳) 仲俾呢啲野佢食???! 激死我!!!

請不要轉發我的post, 謝!

私人傳訊

sailow

禁止訪問

積分: 13734

30^#

發表於 10-12-15 23:40 |只看該作者

回覆 29# hellopuffy 的文章

提示: 作者被禁止或刪除內容自動屏蔽

私人傳訊

南光坊天

積分: 407

29^#

發表於 10-12-15 23:23 |只看該作者

我完全感受到hellopuffy 媽既心痛,覺得自己好好彩,對個衰人冇信心,從未結婚,個仔真係永遠都係我既,沒有人可以羅到個仔...
生既,養既,揍大既都係我一手一個人做,做乜要養到咁大就要被迫送左自己既最愛bb比人喎,(我既決定係冇錯既)

私人傳訊

積分: 145090

好媽媽勳章醒目開學勳章畀面勳章

28^#

發表於 10-12-11 00:19 |只看該作者

咁KEEP住食藥啊，唔好著咁多衫，會散唔到熱架！！

原帖由 hellopuffy 於 10-12-11 00:11 發表
到今日小朋友仍然斷斷續續咁發燒, 但好在唔算高燒 (37.7度), 食住退燒藥都ok既, 家陣佢開始有汗出咁即係應該會退燒囉, 我都安心啲!

當日响法庭個官判左定時既探視權, 規定每個星期六都要俾隻衰佬帶佢出去, 所以我個 ...

緣是天意，份是人為，有緣相遇者，珍惜緣份的來臨

私人傳訊

積分: 190

27^#

發表於 10-12-11 00:11 |只看該作者

到今日小朋友仍然斷斷續續咁發燒, 但好在唔算高燒 (37.7度), 食住退燒藥都ok既, 家陣佢開始有汗出咁即係應該會退燒囉, 我都安心啲!

當日响法庭個官判左定時既探視權, 規定每個星期六都要俾隻衰佬帶佢出去, 所以我個律師話唔可以唔俾佢囉! 其實我都覺得唔make sense, 咁唔通小朋友病左都要俾佢帶出街咩? 而家我唯一希望係今次帶完佢出去之後, 小朋友唔好又病左, 我真係身心都好倦喇, 而小朋友成日咁樣病法對佢都唔好啦.

有無人知去見社工時要留意啲乜野? 跟我個case既社工係男人黎ga, 會唔會又偏幫男人ga?!

請不要轉發我的post, 謝!

私人傳訊

singsingfok

積分: 2419

畀面勳章

26^#

發表於 10-12-10 22:03 |只看該作者

bb點呀？好d未？

私人傳訊

積分: 145090

好媽媽勳章醒目開學勳章畀面勳章

25^#

發表於 10-12-10 17:37 |只看該作者

有好多嘢,喺離婚嗰時真係要同嗰d濺人講清講楚,等佢地無位入架!!我有個律師幾好架,如果你地想要電話就pm我!!

緣是天意，份是人為，有緣相遇者，珍惜緣份的來臨

私人傳訊

singsingfok

積分: 2419

畀面勳章

24^#

發表於 10-12-10 17:22 |只看該作者

係無的！要妳自己同d人渣傾掂咋。

私人傳訊

masiuling

積分: 331

23^#

發表於 10-12-10 16:16 |只看該作者

我想問下探視權,有冇講明每月可以見幾多次, 每次幾多時間架?

私人傳訊

sylviayan

積分: 1126

22^#

發表於 10-12-10 15:30 |只看該作者

hellopuffy, 我條賤佬都係有探視權,但我問過律師如果佢半夜三更唔通話要見個女都要俾佢見呀.. 佢話法例所講既係適當探視,即係起碼要我時間可以配合先得架喎,唔似你個律師話一定唔可以唔俾佢老豆見.. 問多些意見好D.. 法律不外乎人情之麻,唔通個小朋友病到五顏六色仲踢佢出街咩,大人病左都要休息啦..

我個賤佬帶個女出街個時我都準備哂所有阿女既用品俾佢架,但佢真係好衰,有幾次個女去完街番來條尿片濕哂連條褲都濕埋,但個賤佬竟然唔同佢換片,真係好Q衰...仲有一次佢夠膽屎問可唔可以借埋個工人姐姐跟佢同個女出街方便照顧,HELP.... 經典~~

私人傳訊

cikao

積分: 1032

21^#

發表於 10-12-10 15:13 |只看該作者

原帖由 ChammyMAMA 於 10-12-8 23:57 發表
都係我最好彩，對個囡不聞不問，仲同我講叫我地唔好打比佢添！！

我隻賤佬都係呀!不聞不問,仲話我地煩住佢!早輪我個小朋友發高燒想問下佢地點做好?因為話哂佢老豆係e 生,點知條朴街叫我地去醫院睇急診打支針.好................
又一証明佢地唔當個小朋友存在,我都決心以後唔比佢地見我個小朋友.一年見三四次,跟本冇意思.

私人傳訊

積分: 190

20^#

發表於 10-12-9 21:33 |只看該作者

果然不出我所料, 我同隻衰佬講小朋友病左, 星期六佢帶小朋友出去時要小心照顧, 千祈唔好俾生冷野俾佢食, 隻衰佬只係"哦~ 哦~ 係呀係呀"咁答我, 跟住我話佢由星期一已經發燒到今日, 隻衰佬話"下?!", 我話已經帶左佢去睇醫生, 醫生話係URTI, 佢好求其咁話"哦~ URTI呀? 哦" (我心諗, 你究竟知唔知乜野係URTI ga?!) 跟住佢又問我係咪小朋友啲咳仲未好, 我話"醫生話係上呼吸道感染同埋發燒, 唔同流感, 但一樣會傳染既", 佢就話"哦..." 講到呢度我已經唔想再同佢講落去, 因為我要講既野已經講哂, 同埋佢咁既反應同我同幅牆講又有乜分別??!

之後佢仲離奇, 話要10:30pm先至帶小朋友返黎, 我話小朋友一向都要9:00pm就訓覺 (呢樣野, 我已經响第一次寫俾佢個list寫左, 同埋呢個係小朋友一向既習慣), 如果咁晏唔係幾好, 所以希望佢可以9:00pm前送佢返屋企, 佢話"下~ 咁呀, 咁呀", 我話"小朋友一向都係呢個鐘數要訓覺, 麻煩你9:00pm前送佢返黎啦, 唔該哂", 跟住我就收線!!

唉~ 希望今次去完街, 小朋友唔會又病啦...

請不要轉發我的post, 謝!

私人傳訊

積分: 145090

好媽媽勳章醒目開學勳章畀面勳章

19^#

發表於 10-12-9 11:35 |只看該作者

上屋企我覺得唔好囉,點知會唔會偷你d嘢,又唔知佢會做d咩架嘛!

緣是天意，份是人為，有緣相遇者，珍惜緣份的來臨

私人傳訊

積分: 145090

好媽媽勳章醒目開學勳章畀面勳章

18^#

發表於 10-12-9 11:34 |只看該作者

敵不動,我不動,睇下嗰隻衰嘢點先!

原帖由 hellopuffy 於 10-12-9 11:30 發表

我有諗過叫隻衰佬上黎我屋企探小朋友, 咁"探視權"無講明一定要去佢屋企或者俾佢帶出街ga mar, 但我啲朋友話隻衰佬咁賤格, 佢一定會做到我"屈"佢同埋"監視"佢探小朋友既權利, 之後可能同個官講我無理! 個日上庭個 ...

緣是天意，份是人為，有緣相遇者，珍惜緣份的來臨

私人傳訊

積分: 190

17^#

發表於 10-12-9 11:30 |只看該作者

原帖由 catfitfit 於 10-12-9 10:39 發表
大家諗吓, 貢做又得唔得呢????

做跟得呀媽, 同場加影呀媽不離身照顧自已生病的baby, 的確, 樓主前夫是有棎視權, 但呀媽照顧自已個baby亦係天職, 法令係無講過"棎視權"係單對單架囉, 不過就要委屈一下樓主要 ...

我有諗過叫隻衰佬上黎我屋企探小朋友, 咁"探視權"無講明一定要去佢屋企或者俾佢帶出街ga mar, 但我啲朋友話隻衰佬咁賤格, 佢一定會做到我"屈"佢同埋"監視"佢探小朋友既權利, 之後可能同個官講我無理! 個日上庭個官既態度已經有點偏幫隻衰佬, 如果我仲做埋咁多佢認為係"阻止佢同小朋友見面"既動作, 我真係唔知到出年review個陣會點囉!

其實我係咪好無用, 連保護自己既小朋友都做唔到...

請不要轉發我的post, 謝!

私人傳訊

積分: 145090

好媽媽勳章醒目開學勳章畀面勳章

16^#

發表於 10-12-9 10:52 |只看該作者

好彩我嗰隻夠廢,一早傾好晒一個月見一次,咁佢都唔去見,依家仲叫阿囡唔好打比佢添,但林生記得每個月準時入錢比我啊!!

原帖由 hellopuffy 於 10-12-9 08:07 發表
CHAMMYMAMA, 有時我都會諗, 如果隻衰佬唔搵我地仲好, 起碼我有餐安樂茶飯同埋有覺好訓, 但點講都好始終隻衰佬係小朋友既爸爸, 我無可能唔俾佢地見面ga mar! 但當日法庭咁樣判 (有留宿探視) 我就唔想, 個小朋友係我 ...

緣是天意，份是人為，有緣相遇者，珍惜緣份的來臨

私人傳訊

catfitfit

公爵府

積分: 26782

畀面勳章環保接龍勳章大廚勳章

15^#

發表於 10-12-9 10:39 |只看該作者

大家諗吓, 貢做又得唔得呢????

做跟得呀媽, 同場加影呀媽不離身照顧自已生病的baby, 的確, 樓主前夫是有棎視權, 但呀媽照顧自已個baby亦係天職, 法令係無講過"棎視權"係單對單架囉, 不過就要委屈一下樓主要成日對著佢前夫囉....

悲歡離合總無情
一任階前點滴到天明

私人傳訊