夫婦情感 今日: 0 | 主題: 42770

積分: 138

1^#

發表於 10-12-13 12:10 |只看該作者 |正序瀏覽 |打印

各位MAMI你好︰

小妹遇到一件事，好想有人幫我分析下，我無從去向。

小妹尚未結婚，一齊6年，就如同結婚了的親密、好恩愛，當年初打算同居然後結婚，發生了一件事，我”老公”突然消失左，連佢家人都找不到，後來與他爸聯絡，才知道我”老公”有一日同佢弟弟打架，甚至報警處理，然後我”老公”就無再回家過夜，電話一直都係唔通，其實佢發生事當晚有搵過我，只係我低估個嚴重性，佢平時將所有野收係心唔講我知。

發生打架事件後佢一直未有回家，直到2星期後有晚我搵佢食糖水(我住開的租約到期，要搵新屋，所以打算一齊住的，傾過地區，佢大埔我荃灣，佢話就我想近家人就選荃灣)，佢就問我搵到屋未(佢都仍然無返屋企，我想佢總有辦法容身，有問題佢會同我講)我見佢平時唔緊唔要搵屋的事，我見到好盤問佢意見又話我鍾意咪都得，都唔知佢有冇心同我一齊住，我就激佢答”關你咩事”，佢一直就話為同我住，同佢爸嘈，咁我可以點喎，無理由要佢同佢爸鬧翻架嘛，我更無理由去搵佢爸講啦。然後我見到有街招租套房，就叫佢你租啦咁(都係激佢)

我知道當初我都有錯，發生事無關心佢、佢無屋住都無上心、亦無體諒佢的心情、佢連家人都唔理時我都無理佢、當我要處理好多事時佢好多唔開心都無同我講，我忽略左佢，又自以為是，但佢食糖水當晚依然係笑笑口，無憂愁的樣，呢個就係令我低估發生係佢身上的事情的原因。

後來，我仍然繼續去搵屋，繼續打去問佢意見，因為離我退租期只有2星期，我仲未搵到，我再去搵盤(青衣)(佢從未同我一齊睇過盤，但都有一齊去搵過，因為佢工作關係，好難約一齊去睇)，考慮後再打去問佢意見，就同佢嘈，然後佢一句”分開住啦”，我以為係氣話，咁見佢咁嬲，我連忙係2日內去租另一個地方(粉嶺)，仲俾個代理呃，我都係樓市動向問過意見。個代理後來俾個新盤我睇，就租左，都無問佢，因為電話打唔通啦，SMS又唔覆，我租約只有1星期。租左後，我一直搵佢，又要搞搬屋，個舊業主又麻煩，要我係夜晚11:30交吉，我話唔得就話扣一日租，當我SETTLE晒啦，不斷SMS通知佢，都係無回應，電話亦唔通。

我一直都有不斷SMS同CALL佢的，1個月後有一日中午，我打通佢電話，當然無聽，後來佢覆我話分手，佢已回大陸住(佢一向極度抗拒上大6)，又話有新女友(MMS張相，但只係一張男女合照)等等，我簡直晴天霹靂。當晚收工就係佢家等佢，佢係附近返工嘛，佢知我去等都有覆我，但都係唔肯出現和覆好絕的話，仲話佢連父親都放棄，點會放棄唔到我，一時又話佢爸贊成同我分手(我問佢爸話唔會理我地之間的事，一唔一齊都唔關佢爸事)，將佢一直收係心的發了出來。佢見我唔肯走，打俾我媽喊住同我媽講佢一直的不滿，我點求佢氹佢都係無用，當時以為佢係發洩，就由得佢靜一排啦，然後去搵佢爸食飯先知道真係咁嚴重，佢仲叫佢爸”要溝通，搵社工”。

隔左約2個月，因為佢唔住，我都退租了粉嶺，好在我上網搵到人頂租，如果唔係我要賠11個月或一直住，我唔住因為我想存錢去還卡數向佢證明，因為佢係附近返工，佢有晚開始回家住，當然佢爸無通知我，但佢爸就會KEEP住話我知佢的情況，但一直唔知佢咩原因，開解唔到佢。

事由如今已8個月啦，佢一直唔肯見我，我過得好辛苦，份工又搞到好麻煩俾人針對，最後我11月頭被裁了。係呢8個月，我好努力將佢同我媽講的不滿都改好，包括清晒卡數、消費習慣、生活習慣、離開公司(公司人少，佔我太多時間)、將我消費過多的物資清走(有賣、有上網換同捐去明愛)和由200幾磅減到160幾磅(呢個我自己改，佢從無嫌我肥的)，仲有做好多唔同的食物、親手做本相簿俾佢、買佢鍾意的野送俾佢同煲湯俾佢(全部都經佢爸的)。

直至上星期二晚，同佢爸傾過後，我就上去搵佢想講清楚、問清楚，當我見到佢後，佢就好平靜咁話原諒左我啦，佢有新女友啦(仲用手機俾我睇，我無睇)，半年前已分左手架啦，我話我知道錯了，我們從重開始過開開心心生活、2個人面對問題、叫佢唔好收係心，佢就開始火起話見唔到我就好開心架啦，佢已經處理D晒問題，只要我離開佢就冇問題、有人結婚都會離啦、從重開始可以的佢媽就唔會死左啦，又話佢都係大6俾人呃左幾萬元、話佢當初住賓館等左我一個月俾答案佢、仲叫我去搵社工，那刻我只懂喊，後來佢叫保安趕我走，趕唔走就報警了。

我真的知道錯了，佢都有講一句，問我係咪可以同佢係香港搵屋住，又問夙知唔知佢的需要，又話叫我令佢後悔咁對我，又話當初係我叫佢自己搵屋，而家佢聽我話自己搵屋，我又唔制，問我想點﹗我就同佢講，我當初無理佢感受係好唔啱，但當時真係好多事一齊發生，係我有限時間內(佢已叫了保安報警)，我實在解釋唔晒。我同佢講，我係2日內都為左佢去租粉嶺，然後1個月內退租，佢就呆左一呆。我俾我紅簿仔佢睇，我存有幾萬了同剪了的信用卡之前都寄晒俾佢睇，改晒大洗的習慣，一星期用100元而已，佢就話唔信我。

原來佢根本唔係要時間去冷靜和消化，佢的怒氣一直都存在，佢而家更加唔再回家住了，每日上上落落去落馬洲，我知佢都辛苦。無意中，我發現佢現在的電話號碼，佢爸都應該唔知，佢當初就係同家人斷聯絡時都仲會俾我搵到，仲會理我，後來佢連我都嬲埋啦。佢成日覺得我唔會為佢去做任何事。

當晚佢都有話佢住大6係因為同佢弟弟的問題(佢爸都係咁講)，又話間屋無佢份(買的公屋)係佢弟弟的，咁我知佢同家人關係一直唔係好好。但人地家事我管唔到咁多(就算結婚都唔可以理咁多啦)，加上佢一直好愛我，唔鍾意講太多唔開心的事，而我自己家亦有好多事。我知道佢一直好想有自己的家，有個撐佢的女人令佢安心出外工作，所以大家係想一齊住開開心心的，點知就變成咁。

當中事情的細節未必好詳細，我好想請教各位意見，一個男性的怨氣可以維持幾耐，而家我唔想再提舊事，但佢又怒氣沖沖，唔令佢解開心結，佢唔會平靜到，但佢無再回家，斷估佢農曆年會回家都係未知數，再俾時間根本無幫助，我見佢之後，就寫了一篇文想寄俾佢(可能佢中午回家收信)同一段SMS(我有佢新NO)。

成件事，我地就係欠缺好的溝通，我事後都怪自己當時唔冷靜同佢傾，但佢已經叫保安，令我好心急，有時我感覺佢要試探我(因為佢對我失望過又無信心)，有時又覺得佢連警都報了，我仲要有信心下去嗎？

我真的好亂，有冇姐妹分享下、分析下，又或者男性角度分析下，俾個意見我諗諗。

謝謝

0 0 0

私人傳訊

viotior

男爵府

積分: 6043

75^#

發表於 10-12-21 12:04 |只看該作者

原帖由 rainbowhere 於 10-12-17 22:33 發表
 http://hk.apple.nextmedia.com/template/apple_sub/art_main.php?&iss_id=20101216&sec_id=12187389&art_id=14769889&cat_id=7003949&coln_id=3566275

你愛的人再好，如果不肯與你交流，你只是跟自己想像中的愛情談戀愛而已。

私人傳訊

積分: 138

74^#

發表於 10-12-21 11:25 |只看該作者

原帖由 rkw 於 10-12-19 15:27 發表

不是要代入他的情緒, 而是直接以自己的感覺去想像你會否做他現在對你所做的事, 如八個月不見對方, 不回覆對方的SMS等, 不用代入他的情緒是因為你根本無法真正知道他的情緒是甚麼, 如果你結論是"不會如他那樣做", ...

佢會做呢一切的行為，都是由佢的悲傷情緒所引起的，即使唔考慮佢的情緒。

是否用這些行為解釋作”不愛”？
那請問佢問我的那3條問題，又解釋為什麼呢？

如果一個人心平氣和去做呢D行為我都知係要死心的時候，何必自己抓爛臉﹗

你問我他以後再作出呢D行為時的接受度，我相信今次係因為2個人溝通出問題，大家誤解左對方的行為背後的原因。我亦相信如果可以好返一齊，大家都有教訓了。

只是我現在要點做，才可令佢心平氣和溝通。

佢每次有事都會收起自己一排調整自己，然後再講返我知係咩事，但今次我真係唔知要點處理…

私人傳訊

freespoken

民房

積分: 2

73^#

發表於 10-12-20 19:46 |只看該作者

原帖由 rkw 於 10-12-19 15:27 發表

不是要代入他的情緒, 而是直接以自己的感覺去想像你會否做他現在對你所做的事, 如八個月不見對方, 不回覆對方的SMS等, 不用代入他的情緒是因為你根本無法真正知道他的情緒是甚麼, 如果你結論是"不會如他那樣做", ...

講得好！女人多敗在情感手上！要理智，好難！但關鍵時刻，必須要理智地處理事情。

私人傳訊

rkw

積分: 4861

72^#

發表於 10-12-19 15:27 |只看該作者

原帖由 tango_yanny 於 10-12-17 22:22 發表

如果我係佢，代入佢的情緒反應+行為，我完全判斷唔到我會點做…如果我可以，我想問題就早解決了。

男性的方法果然簡單而實際，你提出的意見好好，只是我做唔到。 ...

不是要代入他的情緒, 而是直接以自己的感覺去想像你會否做他現在對你所做的事, 如八個月不見對方, 不回覆對方的SMS等, 不用代入他的情緒是因為你根本無法真正知道他的情緒是甚麼, 如果你結論是"不會如他那樣做", 便令你知道一個愛對方的人不會做這些東西, 記住, 不要找任何藉口, 要直接、簡單的問自己.

另一個問題要問自己的是如果你們最後和好如初, 你可否承受到下一次(或多次)他再對你作出相同的事, 記住, 不要祈望自己有改變其他人(包括你男友)的能力, 現在他的行為在將來必定會重現, 在你希望他回心轉意的同時, 你必須有此心理準備.

從旁觀者的角度看, 你現在需要的不是要找出你男友是否還愛你(其實很明顯是"否"), 而是令自己不再盲目地渴望對方還愛你, 請嘗試不再花太多時間想這件事, 盡快找一些可令自己分散注意力的事做吧.

私人傳訊

積分: 138

71^#

發表於 10-12-18 22:32 |只看該作者

回復 1# MACY姐姐的帖子

其實佢都有問過我，係咪可以係香港同佢搵屋住？可惜當時我怕佢仲係情緒高漲緊，無論我答咩佢都會否定，所以我一星期後都SMS佢我的答案，至少大家都平靜左啦嘛﹗

而且佢仲有問我，係咪真係了解佢，所以我去睇那本”男女大不同”

，嘗試了解男性的不同之處，希望可以站佢角度多去想、多去了解和明白佢行為背後的理由。

最後，佢都有問我係咪知佢需要，可見佢係未放得低，佢當初係失去我的關心，佢都好想知道我係咪佢的MISS RIGHT，但我自己唔識去表達自己的感情，尤其大家之間仲有誤解…

講真都8個月啦，如果佢真係放低左，又點會仲咁激動呢？而且佢真係開心過現在的生活的話，佢唔會咁嬲我。我知道佢想有一個屬於自己的家…

我明白而家呢個好似係奢望，我知道大家都係關心我，唔想我自己攞苦嚟辛。

多謝大家對我的關心，亦好多謝各位的留言和瀏覽。

私人傳訊

MACY姐姐

子爵府

積分: 13298

BK Milk勳章

70^#

發表於 10-12-18 16:41 |只看該作者

樓主，我覺得男主角已經不再愛你，不會再回頭。你還年輕，早D放下早D搵到屬於自己架幸福

私人傳訊

rainbowhere

http://hk.apple.nextmedia.com/template/apple_sub/art_main.php?&iss_id=20101216&sec_id=12187389&art_id=14769889&cat_id=7003949&coln_id=3566275

積分: 1329

69^#

發表於 10-12-17 22:33 |只看該作者

私人傳訊

積分: 138

68^#

發表於 10-12-17 22:22 |只看該作者

原帖由 rkw 於 10-12-16 14:36 發表

你的愛已達盲目, 如此明顯也不能分辨. 建議你用角色互換的方法思考這問題, 即想像你是他, 會不會做他現在對你所做的事, 如果會, 代表他有可能還愛你, 如果否, 你便明白大部份人所說的答案. ...

多謝你回覆﹗

如果我係佢，代入佢的情緒反應+行為，我完全判斷唔到我會點做…如果我可以，我想問題就早解決了。

男性的方法果然簡單而實際，你提出的意見好好，只是我做唔到。

私人傳訊

積分: 138

67^#

發表於 10-12-17 22:18 |只看該作者

原帖由 5geng 於 10-12-17 08:20 發表
既然你都知自己係一個好執著嘅人. 可能你要自己親身經歷過先會甘心. 可能你會覺得同佢都一齊左6年, 唔掙在再等多佢一兩年啦. 点都好, 要記住自身安全. ...

多謝你明白我的想法，我只係唔想為左一件咁嘅事，好似好兒戲咁，大家都有付出過、一同建立左的關係，係咪可以咁兒戲，我唔知囉﹗

但我最近睇緊一本書，係之前我係其他POST有樓主講對2性關係有幫助的，我都留個網址，大家有興趣可以去睇睇﹗

http://www.wattpad.com/23073-%E7%94%B7%E5%A5%B3%E5%A4%A7%E4%B8%8D%E5%90%8C-%E4%BD%9C%E8%80%85%E5%BA%8F-%E4%B8%8D%E5%8F%AA%E6%98%AF%E3%80%8C%E5%A5%BD%E5%A4%A9%E6%B0%A3%E6%9C%8B%E5%8F%8B%E3%80%8D

私人傳訊

5geng

積分: 413

66^#

發表於 10-12-17 08:20 |只看該作者

既然你都知自己係一個好執著嘅人. 可能你要自己親身經歷過先會甘心. 可能你會覺得同佢都一齊左6年, 唔掙在再等多佢一兩年啦. 点都好, 要記住自身安全.

私人傳訊

Nancy20090615

瑪瑙宮

積分: 137519

65^#

發表於 10-12-16 17:06 |只看該作者

一廂情願係無得解釋的.
好似我有個朋友, 覺得咁係為別人好, 但係唔諗果個人想點, 迫得人地好辛苦, 因為一廂情願的人有個好朋友, 叫強加於人. 佢重會接受唔到人地接受唔到, 一味一意孤行.

[ 本帖最後由 Nancy20090615 於 10-12-16 17:37 編輯 ]

私人傳訊

呀豬媽

積分: 1383

64^#

發表於 10-12-16 16:32 |只看該作者

原帖由 Hipoma 於 10-12-16 14:54 發表
不如大家又幫男方想一想: 我己連警都報埋, 新女友都出埋, 佢都仲可以自圓其說, 咁我仲可以做d乜另女方明白我己不再愛她?

如果我係個男人.. 我會"又"佢...佢等佢的事.. 我又有新女友.. 又有新地方住.. 只係日日有人send sms 來, 煩d啫... 收到.. 即 detele ..

私人傳訊

audreymok

積分: 1644

63^#

發表於 10-12-16 16:23 |只看該作者

個男人好慘

私人傳訊

Hipoma

積分: 1043

好媽媽勳章

62^#

發表於 10-12-16 14:54 |只看該作者

不如大家又幫男方想一想: 我己連警都報埋, 新女友都出埋, 佢都仲可以自圓其說, 咁我仲可以做d乜另女方明白我己不再愛她?

私人傳訊

rkw