吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 請教返工前的準備

母乳餵哺今日: 0|主題: 85709

收藏本版

回覆發帖

返回列表

跳至頁

查看: 1498 | 回覆: 8

請教返工前的準備 [複製鏈接]

TigerBCheung

大宅

積分: 1385

1^#

發表於 10-12-14 00:27 |只看該作者 |正序瀏覽 |打印

我現在是全埋身餵人奶，阿b就快3個月，我過埋農暦新年就會返工，想請教上班泵奶媽媽：

1：要幾耐之前開始轉泵唔埋身餵？我係咪要先跟阿b既食奶時間泵？即我現在3個鐘食一餐，咁我就先每三小時泵一次，然後再隔疏啲，如四至五小時一次？係咪咁？

2：但我點樣開始第一曰咁樣做？因我只有少量冰奶，係for有時行開比屋企人餵，但係不太夠一日既total份量，咁我係咪再儲多啲冰奶，咁第一日就夠飲，唔洗補奶粉。或者有冇更好方法，請指教。

3，我現在埋身餵是剛剛夠阿b食，但泵出來的話其實不算很多，試過谷左六個鐘，夠阿b食之余再泵到3.5oz左右，我怕到時一日泵出既奶量不夠一天吃。係咪泵密啲就可以夠的？

4：現在用緊avent手泵，係咪兩邊一齊泵會多啲奶？我好唔好買多個泵同時泵？我又未試過medela既雙泵，係咪眞係快啲和清啲，我都唔知點好。

0 0 0

私人傳訊回覆引用

jadeklleung

別墅

積分: 570

9^#

發表於 10-12-17 23:54 |只看該作者

可以放假放0甘耐，真係好呢... 我返左工成個月啦，分享下經驗俾你參考下:

1. 唔使轉晒唔埋身既... 我而家早晚埋身，中間三餐用樽餵。開始由一日一餐開始，得佢唔抗拒就慢慢加到你想要既次數。我返工前用左兩個星期bb就接受到(當時佢兩個月大)，不過最近佢逢星期一第一餐都有nipple confusion，要攪成個鐘先肯/食到樽。

最好泵既次數同你bb食既次數一樣，時間唔跟都可以，照你返工時間調整就得。比如我個b四小時一餐，最初我都盡量跟番佢食奶時間，後來工作太忙碌谷得好辛苦，我就索性朝早六點半餵完佢泵清，加埋返工lunch同6點臨收工各一次，只要每日大約都係果個時間泵就唔會太谷。

2. 我覺得冰奶唔使太多，我當時都係靠產假每日一次朝早泵清儲左廿幾包當係儲備。分量一安起都可以照冰，記得寫清楚方便照顧者計數。因為剛開始返工既產量未必好穩定，差一安半安就加包細冰奶就剛剛好。如果包包都係一餐份量就可能會浪費啦。如果返工泵得順利，每日泵既量係可以足夠佢第二日食(甚至有多)，新鮮雪奶日日清，冰奶只係備用而已。

3，泵耐d就會有多d，原理同bb啜係一樣既。唔使擔心，泵既時候千祈唔好望，我次次一望d奶就泵唔出，明明谷晒都泵唔出... 好靈架...

4：返工真係用雙泵好呀... 泵要十至十五分鐘，之後仲要洗泵，成個過程差不多半個鐘，雙泵慳多好多時間~ 我就用緊m記mini electric plus，乾濕電兩用，都唔錯，不過覺得有少少大力。

私人傳訊回覆引用

alicedickson

別墅

積分: 605

8^#

發表於 10-12-17 22:35 |只看該作者

回覆 7# ET0626 的文章

甚麼是多奶丸？

私人傳訊回覆引用

ET0626

大宅

積分: 1658

7^#

發表於 10-12-14 18:02 |只看該作者

我都係9月媽媽, 你就好啦, 咁遲先返工. 我o岩o岩放完假返番工啦. So far我返左8日工, 返公司泵奶的份量都keep到, 有時甚至多過初頭果1,2日.

我返工前約個半月開始儲冰奶, 就算幾十ml我都照儲, 諗住第日奶量少可以溝落新泵的奶入面.

返工之前keep住埋身餵, 返工前一個禮拜前開始, 每日有一至兩餐train阿b用奶樽. 佢初初都唔肯, 返工頭1,2日佢都仲有d扭計, 跟住就ok啦. 宜家我日頭返工時三餐用樽, 放工同放假就埋身餵.

我返工每日泵兩次, 只係用medela swing(單泵), 每次泵約15至20分鐘. 朝早11點零一次, 下晝4點左右一次, 半夜12點阿b訓左再泵多一次, 加埋夠第二日樽餵的份量(因阿b不大食, 三個月每餐食150ml), 有時仲有d剩。Weekend除埋身餵半夜都會泵, 可以繼續儲冰奶.

每日返工前同放工都飲魚湯, 亦有食多奶丸. 希望keep到餵最少6個月. 一齊努力呀.

私人傳訊回覆引用

草

伯爵府

積分: 18713

環保接龍勳章

6^#

發表於 10-12-14 16:38 |只看該作者

我一面食一面泵的方法係用欖球式, 坐sofa/ 床, 用毛巾墊高阿b, 令佢個口同個胸一樣高. 另一邊用電泵同手泵都一樣得. 不過電泵好嘈, 阿b好八卦, 成日掛住裝個泵, 手泵好d.

私人傳訊回覆引用

airyaoi

大宅

積分: 3829

月餅勳章陪月勳章

5^#

發表於 10-12-14 15:01 |只看該作者

我諗返工之前起碼一個星期前要俾個B開始適應食奶樽。我有個朋友無預早俾個B學食樽, 一返工先知個B唔制, 一定要搵阿媽, 寧願餓足一日都唔要奶樽, 卒之要請多個星期假O黎教阿B。

我自己響返工前一個月已經開始儲奶, 因為我好蛇"GREA", 諗住儲定多D有安全感。返工後D情況唔知點O架嘛, 同埋返工後會越來越少奶, 儲定多D, 就算真係頂唔住無晒奶, 都可以俾阿B食冰奶, 食多幾日人奶都好丫~ 如果返工之後情況理想, 就可以日日清, d冰奶拎o黎涼沖囉。

雙泵通常係電動, 你放屋企定放公司? 有d人會放響公司, lunch時兩邊一齊泵, o拿o拿聲搞掂就可以食耐少少飯囉。

私人傳訊回覆引用

MS.KAM

大宅

積分: 2350

熱血金章

4^#

發表於 10-12-14 13:43 |只看該作者

我在上班前三星期每日留一包150ml(幾次儲埋)在冰箱.到返工時有二十幾袋
我是用雙泵泵完之後再埋身餵bb,bb飲後奶好似飽d,奶量因為咁重多左好多(開心)
我都控制唔到一邊餵一邊泵,僱主抱bb,都冇手攪個泵,如果有人幫就得.

私人傳訊回覆引用

hehababy

大宅

積分: 3973

3^#

發表於 10-12-14 11:54 |只看該作者

我過埋呢個月就要返工喇...都有d問題未諗得掂....

但係手泵點樣可以一邊餵一邊泵呢??我試過一次唔成功呀....有冇咩方法架??

同埋我想問返緊工泵果時係咪泵晒兩邊??因為如果而家埋身餵係餵一邊之嘛..咁到時係咪要兩邊都泵晒??

私人傳訊回覆引用

prettywife

男爵府

積分: 6787

2^#

發表於 10-12-14 05:07 |只看該作者

1：要幾耐之前開始轉泵唔埋身餵？===> 其實無定

我係咪要先跟阿b既食奶時間泵？===> 快速有效的方法:餵左面, 同時泵右面, 腦部收到訊號會製造多些奶!

即我現在3個鐘食一餐，咁我就先每三小時泵一次，然後再隔疏啲，如四至五小時一次？===>其實無定, 覺得谷奶時就可泵. 當然, 餵完 bb, 感覺幾 empty and soft 就不泵住.

2：但我點樣開始第一曰咁樣做？因我只有少量冰奶，係for有時行開比屋企人餵，但係不太夠一日既total份量，咁我係咪再儲多啲冰奶，咁第一日就夠飲，唔洗補奶粉。或者有冇更好方法===> 你可 PM 我, 我在電話中告訴你詳情

3，我現在埋身餵是剛剛夠阿b食，但泵出來的話其實不算很多，試過谷左六個鐘，夠阿b食之余再泵到3.5oz左右，我怕到時一日泵出既奶量不夠一天吃。係咪泵密啲就可以夠的？===>泵密啲一定夠, 都係個句:餵左面, 同時泵右面 or vice versa. 仲有, 我以前在 2 - 3 am 起身泵奶, 當時 bb slept, 有又谷奶, 就最適合泵奶儲貨

4：現在用緊avent手泵，係咪兩邊一齊泵會多啲奶？====> 都係個句:餵左面, 同時泵右面 or vice versa
我好唔好買多個泵同時泵？===> 不用

我又未試過medela既雙泵，係咪眞係快啲和清啲，我都唔知點好。===> 我用過 Avext is better than Medxla
No need to buy two milk pumps