吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 不知所謂既老公

夫婦情感今日: 0|主題: 42737

收藏本版

發帖

返回列表

跳至頁

查看: 5838 | 回覆: 52

不知所謂既老公 [複製鏈接]

12 3

csansan

大宅

積分: 1795

1^#

發表於 10-12-17 21:59 |只看該作者 |正序瀏覽 |打印

最近我先生左個女, 我係私家醫院生, 我用全麻, 我個女出世之後推左比我老公同我呀媽同我D家人睇, 但我就遲左成兩至三個鐘先出病房, 係等我出黎既期間, 我屋企人勁擔心, 叫呀媽叫我老公問下點解我甘耐都未出黎, 擔心我有事, 但我老公掛住同佢二家姐同佢二姐夫睇啱啱同BB影既相, 好唔情願甘先去搵姑娘, 之後又好似化石甘坐係度研究D相點解影得甘黑, 而我屋企人就勁擔心我可能出左事! 講真, 如果真係愛個老婆, 應該會擔心, 點解可以兩三個鐘都唔出黎重可以有心情睇相!

其實, 好多野係結婚前都無好好睇清楚, 結左先後悔, 重有好多事不能盡錄, 只知佢非常自私, 只愛自己, 但宜家又有左小朋友, 簡直無奈兼進退兩難, 好痛苦!

0 0 0

私人傳訊

月希

珊瑚宮

積分: 119719

2024年龍年勳章好媽媽勳章畀面勳章

53^#

發表於 10-12-22 23:18 |只看該作者

原帖由 joey211 於 10-12-22 11:21 發表

您eq真高!!勁~!

對住我老公就係..
米飯班主嘛..可以做全職主婦..開心在家...唔多唔多..要睇下佢頭...反正佢罵仔仔又唔係罵我

對住阿仔就唔得啦...
阿仔真係一舉一動都會觸到我全身既神經

一睇唔順眼...就好似火山爆發

私人傳訊

rtt@kaikai

大宅

積分: 3691

52^#

發表於 10-12-22 12:15 |只看該作者

too bad to hear that.

原帖由 呀豬媽 於 10-12-19 11:34 發表
咁你地d c 6 都唔係差...
我媽咪臨行前係 e 院果一個星期.我老豆都仲係 29 屋企... 到媽咪走左 3日後佢至返屋企, 見到門口點左白"立足" 仲走去問我家姐, 做咩事點白"立足" ... 我家姐答佢... 你老婆走左啦... ...

私人傳訊

joey211

男爵府

積分: 7336

好媽媽勳章環保接龍勳章畀面勳章

51^#

發表於 10-12-22 11:21 |只看該作者

原帖由月希於 10-12-22 00:03 發表

唔會既..我仔都幾痴爸爸架..
可能仔仔慢慢大..興趣會似爸爸...
所以應該會越大越岩傾既...

雖然..我同仔仔都覺得..爸爸係屋企時好煩丫..不過...佢係度...大家又係會痴住佢... so far..其實我覺得我一家三 ...

您eq真高!!勁~!

私人傳訊

月希

珊瑚宮

積分: 119719

2024年龍年勳章好媽媽勳章畀面勳章

50^#

發表於 10-12-22 00:03 |只看該作者

原帖由 OneTwoThree 於 10-12-20 23:59 發表

我覺得佢根本當個仔係玩具、寵物, 有啱玩既野先同個仔玩吓, 其餘時間個仔都係食自己, 我唔陪, 個仔就真係咩都一個人, 有時睇到個仔咁, 真係好陰公, 唔識教唔學、唔聽、唔問, 佢一星期睇既佛經, 多過佢睇親子書, ...

唔會既..我仔都幾痴爸爸架..
可能仔仔慢慢大..興趣會似爸爸...
所以應該會越大越岩傾既...

雖然..我同仔仔都覺得..爸爸係屋企時好煩丫..不過...佢係度...大家又係會痴住佢...

so far..其實我覺得我一家三口相處幾好架....雖然我見有時老公係會搵野駛開仔仔...不過我仔都8歲..佢地2個有佢地既相處方式..佢地2個都唔覺得有問題咪得囉

私人傳訊

csansan

大宅

積分: 1795

49^#

發表於 10-12-21 16:56 |只看該作者

其實結婚前都無睇得好清楚, 好少接觸佢屋企人, 到結婚後先發現佢好多陋習(其實呢D野可能係結婚前多D了解同接觸佢屋人就會知, 而佢當時亦有刻意避開, 因為有次鬧交時我話如果結婚前知道我唔會甘選擇, 佢話結婚前同結婚後先適應有乜分別, 我話我可以選擇唔結囉!)!

起初結左結, 有部份陋習出現, 我都覺得兩人相處, 可適應, 可改變, 所以大約年幾開始"造人" , 但一路生活, 一路發現更多佢D唔好野, 加上越同佢屋企人相處, 就越唔鍾意佢D屋企人,發現因為家人既磨擦又多, 更覺佢唔會專重同明白我! 加上人係會變, 佢有D地方都改變左, 有D壞習慣係最近一兩年先開始! 所以就覺得越黎越差, 但由於造人計畫已開始, 自己又好喜歡小朋友, 都想過放棄, 但又好爭扎, 而佢又好堅持, 亦因為甘鬧過,最後自己都係任性, 想滿足自己有個小朋友而輕視左自己同BB要面對既問題同困難! 因為已經生左佢, 我唔可以話後悔甘不負責任, 我會堅強起黎, 為佢而行出一條寬路!

原帖由 maymycheung 於 10-12-21 00:04 發表
唔好介意, 我真係好想問吓, 你哋係結咗緍之後先知道老公係一個咁自私的人? 如果結婚前已經知佢係一個咁的人, 咁點解仲要同佢結緍? 如果緍後先知, 咁點解仲要同佢生小朋友? ...

私人傳訊

MIYU1409

大宅

積分: 1016

48^#

發表於 10-12-21 10:41 |只看該作者

原帖由 OneTwoThree 於 10-12-21 00:06 發表

係生左個仔後先慢慢發覺, 原來佢係極度自私, 因為個仔出左世, 專注力通常都係個仔度, 我覺得自己對仔女既付出同家庭既付出係好自然既事, 但佢唔係咁諗, 呢d野係未有小朋友之前未睇到咁多野, 同咁清楚的, 這是我個 ...

我都覺.. 好似我C61個禮拜兩日假..
我會覺得佢應該羅1日出黎俾我同個囡..
但佢就話放假係佢既私人時間囉...
完全無諗過我同個囡..

私人傳訊

OneTwoThree

男爵府

積分: 5598

47^#

發表於 10-12-21 00:06 |只看該作者

原帖由 maymycheung 於 10-12-21 00:04 發表
唔好介意, 我真係好想問吓, 你哋係結咗緍之後先知道老公係一個咁自私的人? 如果結婚前已經知佢係一個咁的人, 咁點解仲要同佢結緍? 如果緍後先知, 咁點解仲要同佢生小朋友? ...

係生左個仔後先慢慢發覺, 原來佢係極度自私, 因為個仔出左世, 專注力通常都係個仔度, 我覺得自己對仔女既付出同家庭既付出係好自然既事, 但佢唔係咁諗, 呢d野係未有小朋友之前未睇到咁多野, 同咁清楚的, 這是我個人感覺。

私人傳訊

maymycheung

子爵府

積分: 13589

46^#

發表於 10-12-21 00:04 |只看該作者

唔好介意, 我真係好想問吓, 你哋係結咗緍之後先知道老公係一個咁自私的人? 如果結婚前已經知佢係一個咁的人, 咁點解仲要同佢結緍? 如果緍後先知, 咁點解仲要同佢生小朋友?

私人傳訊

OneTwoThree

男爵府

積分: 5598

45^#

發表於 10-12-20 23:59 |只看該作者

原帖由月希於 10-12-20 22:23 發表

唔好sad..我老公勁過你老公....
我仔baby時代..我老公從來都冇幫佢換過片...沖涼,開奶...1隻手數得晒佢成日都頼話係因為我湊得掂...但係佢試過..我燒到40度..佢都重叫我煮野比佢食..同個仔沖涼 ...

我覺得佢根本當個仔係玩具、寵物, 有啱玩既野先同個仔玩吓, 其餘時間個仔都係食自己, 我唔陪, 個仔就真係咩都一個人, 有時睇到個仔咁, 真係好陰公, 唔識教唔學、唔聽、唔問, 佢一星期睇既佛經, 多過佢睇親子書, 我買咁多返嚟, 佢一本都未睇過, 我貼係牆度佢又唔睇, 同佢講又唔聽, 咩方法同用齊, 無計啦, 第時個仔唔理佢, 無得怨, 怨就怨佢自己份人太自私, 唔理人, 而家我都係用咁既方法嚟對付佢, 偶爾有心軟, 但一諗起佢點對我同個仔, 我就唔會手軟

私人傳訊

月希

珊瑚宮

積分: 119719

2024年龍年勳章好媽媽勳章畀面勳章

44^#

發表於 10-12-20 22:23 |只看該作者

原帖由 OneTwoThree 於 10-12-18 00:30 發表

我可以講吓我個case你聽, 最初係c6恨有bb, 我唔想, 後來應承話幫手揍我先生, 開頭都好肯幫手, 時間越長, 幫手既意識or熱誠都越來越低, 到左而家個仔5歲, 每次要叫先幫吓手, 有時唔幫仲會鬧個仔, 有次星期日個仔醒 ...

唔好sad..我老公勁過你老公....
我仔baby時代..我老公從來都冇幫佢換過片...沖涼,開奶...1隻手數得晒

佢成日都頼話係因為我湊得掂...但係佢試過..我燒到40度..佢都重叫我煮野比佢食..同個仔沖涼

佢打機,睇電視...一樣會趕個仔行開...細個時都好d...係叫佢行開..自己玩...大個d就搵野比佢做..搵野鬧佢...執房丫,執書包丫...執好書枱丫...做完功課未架...溫好書未架..務求鬧完阿仔..阿仔唔得閒再行埋佢身邊睇佢玩

不過都好彩...有時阿仔真係乖..佢都會同阿仔玩...亦好捨得買野比仔仔..佢係錫仔仔既...只係佢都好著重個人空間...
有時weekend...佢地2個起身先..我老公可以自己食早餐唔預個仔

到我起身..阿仔先黎叫我整早餐...

不過如果問我係咪好不滿..我又唔係喎..有少少得淡笑既感覺...講番出黎都覺得佢幾搞野...咁都做得出...
可能真係時間耐左...就會睇化晒

私人傳訊

csansan

大宅

積分: 1795

43^#

發表於 10-12-20 21:52 |只看該作者

我老公都好唔好手尾, 間房亂到唔見得人, 又唔肯掟垃圾, 乜都儲, 有用無用都唔捨得掟!

另外, 佢勁鍾意睇波睹波, 早兩日, 佢話唔舒服, 勁訓, 我就同個女搏鬥到12點幾, 其實都有成個月都夜晚無得點訓, 點知佢12點幾一醒就開電腦睇波, 我火都黎埋, 重係亞女勁喊時發亞女脾氣, 之後我好後悔, 因為佢都唔識表達, 我做亞媽既都唔包容同照顧佢, 突然覺得佢好淒涼, 因為甘我又喊左一陣!

另外, 我好明白各位媽媽所講, 亦覺得呢D媽咪比我更慘劇但係, 我覺得雖然一公還有一公衰, 但我仍然覺得佢地作為老公, 作為人老豆, 應該有一定既付出, 不過我都知期望唔一定能夠達到, 正正係覺得佢地應該要盡丈夫同父親既責任, 但佢似乎唔會做, 唔覺得要做, 而我作為老婆又要係唔會有乜改進既情況下, 只係繼續做, 重預期有更多情況會好差, 好難處理, 我就覺得好對唔住個女, 患到佢黎呢個世界同我一齊受苦, 好驚大家有好多唔同既價值觀, 令教養出問題, 甚至令佢學壞! 心情好無奈又難過!

原帖由 MIYU1409 於 10-12-20 15:20 發表

你老公都有D似我老公喎~
佢又係話我唔用生水"LONG"下個碗喎..
成日話自己好乾淨.. 話我好污糟..
但係出街返黎佢淨係用水洗1洗隻手就算..
我用"簡"液嫁喎..
次次整到間房亂晒成房垃圾果個又係佢..
佢返工果D時間間 ...

私人傳訊

mkt

大宅

積分: 1535

42^#

發表於 10-12-20 17:47 |只看該作者

原帖由 carrie_1102 於 10-12-20 15:32 發表
雖然有時我都覺得我老公好不知所謂...但係你老公真係抵打囉~~果陣我生完阿囡...我老公嚮出面等我...佢就狂"禁"鐘問姑娘我點??係問到姑娘都覺得佢煩...之後姑娘問我,我幫你同你先生講,你ok..休息緊好冇呀??咁我老公先 ...

老公咁緊張你咪好囉，咪嫌人煩啦，要惜福~

私人傳訊

carrie_1102

伯爵府

積分: 19211

41^#

發表於 10-12-20 15:32 |只看該作者

雖然有時我都覺得我老公好不知所謂...但係你老公真係抵打囉~~果陣我生完阿囡...我老公嚮出面等我...佢就狂"禁"鐘問姑娘我點??係問到姑娘都覺得佢煩...之後姑娘問我,我幫你同你先生講,你ok..休息緊好冇呀??咁我老公先冇再煩,慢慢等我咋~一推我出去就即刻衝前黎睇我...你唔好理佢啦~要好好坐月休息下呀!!

私人傳訊

MIYU1409

大宅

積分: 1016

40^#

發表於 10-12-20 15:20 |只看該作者

原帖由 csansan 於 10-12-18 11:18 發表
多謝您地既回應! 好老實講, 我覺得我老公真係唔擔心, 係好ENJOY去睇相!
係醫院, 我二姑奶已經話快D再生, 下一個一定要係仔! 我講比我老公聽, 佢只係幫佢家姐話佢唔會甘講, 話佢家姐都係生左個女(佢個女已經二十幾歲, ...

你老公都有D似我老公喎~
佢又係話我唔用生水"LONG"下個碗喎..
成日話自己好乾淨.. 話我好污糟..
但係出街返黎佢淨係用水洗1洗隻手就算..
我用"簡"液嫁喎..
次次整到間房亂晒成房垃圾果個又係佢..
佢返工果D時間間房都好整齊既~
1到放假就搞到成地都係野都係垃圾....
佢又係成日都話好錫我同丫囡..
但係無理過我感受無問過我想要D咩呢D叫錫囉..

不過佢總算唔會鬧個囡既..
大個D就唔敢講喇..(我個囡E家8個月..)
放假果日肯幫我洗下BB D3囉..
跟住就講到自己好好幫我洗3咁嫁喇..
但係呢D好似唔係幫我嫁喎..
好似佢都有責任嫁喎..

我老公都係個好自私既人..
佢直頭覺得全世界要就晒佢..
永遠都係人地阻住佢唔係佢阻住人..
佢有缺點就係天生,, 改唔到..
最叻講"我係咁嫁啦~"
人地有缺點犯到佢就要即刻改..
自己唔肯返工人地鬧佢就係人地唔岩..
總之佢做錯人地唔係鬧佢..
就算話1句佢都要鬧返人...
不可理喻自我中心好自私既人...

私人傳訊

美亞

禁止發言

積分: 16954

39^#

發表於 10-12-20 10:27 |只看該作者

提示: 作者被禁止或刪除內容自動屏蔽

私人傳訊

呀豬媽

大宅

積分: 1383

38^#

發表於 10-12-20 10:02 |只看該作者

原帖由美亞於 10-12-19 20:43 發表
為何要原諒佢?.係我就一世唔見(我好記仇).由29去照顧飽佢LA.個29走著仲好.等你爸爸知道無你媽媽照顧是幾慘.男人係要等到發生事情先知老婆GE重要.如果你地照顧返佢.咁佢一世都唔會知錯.(佢仲覺得兒女照顧佢是應份GA) ...

始終... 佢係老豆... 佢生我.. 養育我... 而且係佢變壞之前.. 佢真係好顧家... 搵幾多比哂我媽咪.... 係早個十幾年, 去左地盤做散工之後.. 識左果度d "朋友" 成日帶佢上大陸玩. 至攪成咁...

私人傳訊

呀豬媽

大宅

積分: 1383

37^#

發表於 10-12-20 09:47 |只看該作者

原帖由 VKwan 於 10-12-20 00:04 發表
哇！都唔知講咩好，睇到都傷心！你媽媽一定好傷心！

媽咪傷心到臨走前一刻都唔比我地打比老豆...

私人傳訊

VKwan

珍珠宮

積分: 38391

36^#

發表於 10-12-20 00:04 |只看該作者

原帖由 呀豬媽 於 10-12-19 11:34 發表
咁你地d c 6 都唔係差...
我媽咪臨行前係 e 院果一個星期.我老豆都仲係 29 屋企... 到媽咪走左 3日後佢至返屋企, 見到門口點左白"立足" 仲走去問我家姐, 做咩事點白"立足" ... 我家姐答佢... 你老婆走左啦... ...

哇！都唔知講咩好，睇到都傷心！你媽媽一定好傷心！