吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 有無工作上不如意既媽媽入泥呻下

在職全職今日: 26|主題: 48035

收藏本版

發帖

返回列表

跳至頁

查看: 2918 | 回覆: 41

[在職媽媽] 有無工作上不如意既媽媽入泥呻下 [複製鏈接]

12 3

babybabypooh

大宅

積分: 4810

1^#

發表於 11-1-3 15:48 |只看該作者 |正序瀏覽 |打印

係呢間公司做左成6年, 又無得升, 人工又加得少, 福利又唔好, 想轉工又搵唔到, 真係好down...........
我唔係想做到好高職位, 只係想搵多d錢等bb同一家人生活得好d, 點解噤黑仔.......

0 0 0

私人傳訊

kantanjin

大宅

積分: 1272

42^#

發表於 11-2-4 23:37 |只看該作者

係過去既虎年. 工作真的對我來講超不如意. 自己亦一敗塗地! 超不如意.

未試過日日12點收工
未試過搵工半年內都唔岩自己心水. 心懷念舊公司
未試過舊上司打來拉我回公司做, 我又肯食回頭草
未試過返回舊公司後第2日就後悔回巢
睇清以前好同事. 再以新人身份入來. 超級唔同對待
日日受氣. 受屈.
有些以前唔多妥. 今次笑容滿面唔介意. 歡迎再次加入

今日我好開心. 就係我選唔做.
上司. 經理及大老闆出面留我. 亦好大方唔介意我又走
Last day, 大方同事們依依不捨我. 我好感恩. 平日唔多句. 原來視野唔窄. 大大方方.
亦都睇清"洽"我既同事們. 最後幾日都唔放過. 日日玩針對. 仲爆粗鬧我, 對人不對事. (以前共事未試過)
最後那日仲要. 唱我屈我. 我真係嬲到扯火. 但.........

新一年立春開始, 我不再怕. 開心走了
我係一敗塗地. 但我信天有眼. 班同事咁對我. 他朝君體也相同

我會努力向前~
姊妹們. 唔好學我咁失敗~

私人傳訊

cherry_hon

大宅

積分: 4115

41^#

發表於 11-2-1 14:52 |只看該作者

D衰氣快D走

趕搭兔仔..尾班車..
Cherry*Pick
Facebook search:Cherry*Pick

私人傳訊

muybien

珍珠宮

積分: 39036

陪月勳章

40^#

發表於 11-2-1 14:40 |只看該作者

我都祝大家下年工作順利, 所有不如意都迎刃而解 ~~

私人傳訊

3509

男爵府

積分: 5127

39^#

發表於 11-2-1 14:20 |只看該作者

祝各位有怨氣嘅姊妹, 新一年有新景象. 萬事如意. 我人生嘅低潮同黑暗日子快將完結, 否極泰來.

私人傳訊

cherry_hon

大宅

積分: 4115

38^#

發表於 11-2-1 13:46 |只看該作者

我做左呢間公司2年..宜加進入第3個年頭'人工OK..不過想再高D..14日大假..有醫療幅利,5天工作,番9-5:30...幾好..
開始果一年都幾好..同事變朋友..不過隨著人事變動..漸漸朋友變敵人..

明明我做入口..佢做出口..大家都識做大家的工作...第一年的時候..我放假..佢會幫我跟...佢放假我會幫佢跟...

不過..上年開始我放假時佢唔再跟我D野..話佢冇時間跟..
但到我放假時..就迫著要跟佢D野..因為我同佢工作不同..佢日日都要出單走貨..所以日日都要做.....而我係睇盤倉數..唔使日日CHECK都得..

由於同佢變左敵人...就好唔中意佢放假..我就要做佢D野....等佢放完假..我就要跟番晒條數...而佢就唔使.....放唔放假/.我都係要自己追番公司D進度..真係好大壓力...同上司講完又冇改善.....

真係頂唔順有日直接同老闆講!!!

趕搭兔仔..尾班車..
Cherry*Pick
Facebook search:Cherry*Pick

私人傳訊

睿睿媽

別墅

積分: 693

37^#

發表於 11-1-31 13:11 |只看該作者

真係唔明點解一間公司總係有D麻煩老屎忽.. 我個度仲衰...唔埋佢地堆就咩都唱你,屈你..現在我已經訓練自己咩都聽唔到,咩都唔好多是.

私人傳訊

muybien

珍珠宮

積分: 39036

陪月勳章

36^#

發表於 11-1-31 11:48 |只看該作者

我都好想轉工... 不過出面可能搵唔返唸份人工

私人傳訊

muybien

珍珠宮

積分: 39036

陪月勳章

35^#

發表於 11-1-31 11:47 |只看該作者

我公司都有個老C忽, 成日係度玩針對, 大吵大鬧.... 同事一齊傾計就話人地講是非... 又成日踩其實部門d同事懶... 奈何佢係公司做得耐, 老細無左佢唔得, 都扮唔知唔理佢...

私人傳訊

貓山公主

伯爵府

積分: 15367

34^#

發表於 11-1-30 22:33 |只看該作者

呻..
公司有2個懶精，一個鐘意是非當人情，精過鬼，有事扮好關心，背地又是非又偷睇同事文件，無聊兼做作。
一個懶到好似係公司生旦咁，蛇王到想打爆佢，成日將D工作推比人做。
同事個個賣人情，好似買佢兩個怕咁，不過無計，兩件都係老屎忽。

私人傳訊

睿睿媽

別墅

積分: 693

33^#

發表於 11-1-30 10:29 |只看該作者

我咪又係囉.. 早早前同班同事okay的.. 後才其中3個super唔like好..好像係說我太串收工後唔join佢地去玩喎.
初初我都好主動去修補d關係,不過佢地完全當我透明,我好唔開心架..之後想通左"我唔開心你就更開心啦"為什麼我要為左你地而攪到自己唔開心..then我早上見到佢地都會照講早晨,人家理唔理係人家的事..我做番我做的野就好了.
點之前兩天有個男同事比上司照肺,個幾條女就立即就係我攪出來的.之後個個男同事的上司幫我x清左d料唔係係我度來的.
現在佢地的家我就更加唔上心了.. 專心工作,收工回家同囝囝老公開開心心..約吓朋友及家人聚會.. 要過得幸福快樂

私人傳訊

qqsasa 該用戶已被刪除

32^#

發表於 11-1-22 12:54 |只看該作者

提示: 作者被禁止或刪除內容自動屏蔽

私人傳訊

3509

男爵府

積分: 5127

31^#

發表於 11-1-22 12:35 |只看該作者

啱啱聽到個成日害人嘅同事同老細對話, 明明件事唔係咁, 經個害人嘅人把口轉述(加上扭曲), 就變左人地唔啱, 個老細眼又盲, 心又盲. 呢間公司第日出事, 肯定部份原因係個害人精一手造成. 不過都抵個老細死. 咁鐘意相信呢個人.

私人傳訊

3509

男爵府

積分: 5127

30^#

發表於 11-1-21 18:02 |只看該作者

今日又俾個專害人嘅人搞到我俾人鬧, 佢果人成日做錯嘢連累人. 鬧人嗰個又係持住老屎忽鐘意擺款鬧人, 我本來真係好想發脾氣, 於是一邊做嘢, 一邊諗件事. 幾個鐘後, 我終於覺得唔值得為呢啲人怒氣, 因為佢地唔值, 何必為佢地影響自己情緒同脾氣. 由得佢地死啦.

私人傳訊

maywei

伯爵府

積分: 18726

好媽媽勳章

29^#

發表於 11-1-18 17:11 |只看該作者

我今朝都俾老板無拿拿鬧咗一餐, 喂, 我都大把嘢做, 唔係淨係你一個要搵人出氣. 頂....

私人傳訊

heunheun

複式洋房

積分: 352

28^#

發表於 11-1-18 13:07 |只看該作者

回覆 1# 3509 的文章

我都明白, 我都係仲有一個月就放假, 到時就係真正既relax, 好好等bb 出世. 又可能bb 出咗世後會學得一身絕世忍功, 不過上來呻下都好, 起碼有人安慰下

私人傳訊

3509

男爵府

積分: 5127

27^#

發表於 11-1-18 11:05 |只看該作者

回復 1# heunheun 的帖子

生完先啦. 處理好一樣再處理第二樣好啲. 我都係做到無晒心機, 無論你幾努力去處理每件事, 都唔會得到認同. 我真係係到等時間到. 相份呢份工係我職業生涯裡面最失意嘅時候. 只希望否極泰來.

私人傳訊

heunheun

複式洋房

積分: 352

26^#

發表於 11-1-17 14:05 |只看該作者

今日晨早流流已經比人話, 真係做到好心淡,係到做前前後後加起都有10年, 無論你點做, 點比心機做, 都會比人話, 近來每天都只係想著唔想做呢份工, 我亞仔就來出世, 原本想等生完仔, 再讀2年dip後出去搵工, 最怕而家都頂唔住2年, 但讀完dip後都37歲, 又難搵d, 定生完之後走, 搵到份工, 邊做邊讀.