原帖由 Lezah 於 11-1-8 02:17 發表 
......我而家只係想有咩方法可以解決...
...... 可以指點一下我? 唔該晒~
睇得出你好清楚自己的限制, 又諗住要有長遠的打算, 同埋好有禮貎.
就當你而家屋企的情況, 同男友分開的決定都冇變....或者, 可以分開幾方面來諗...可能會易d搵到解決辨法....
1. 居住問題, 當然係同屋企人住最好啦
2. 搵錢問題. 最適合分三階段諗,
a) bb出世前
b) bb入學前
c) bb入學後
3. 搵人湊bb方面, 都可以分入學前後來諗.
1. 同屋企人住, 都係可以申請到綜援的; 只要社工肯定你唔係濫用, 又肯幫你搞, 你屋企人簽個字証明: 只係提供屋所, 沒有提供任何金錢, 物質, 水電的幫助!
2. bb出世前, 試下搵兼職或短期工; 有咗都可以搵呢類工的. 儲多個錢先, 佢出咗世先再打算....
3. 湊bb方面, 其中一個好少人諗到的方法係: bb戒夜奶後或入學後, 搵夜晚工作(便利店等). 夜晚時間, 就由屋企人幫手睇下bb. 以你的處境, 睇下適唔適合用呢個方法啦.
仲有時間慢慢諗的. 但係就盡早上去社署見下社工, 問下佢地的意見先; 起碼都知道自己仲有咩路可以行, 係咪?
緊急求助熱線 / 中西醫藥網址 / 單親或情緒支援網址 請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何ＰＭ
發表於 
返回列表
