吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 一個極之麻煩既3角關係裏,MAMI們俾D意見(我不是第3者) ...

夫婦情感今日: 1|主題: 42799

收藏本版

發帖

返回列表

跳至頁

查看: 11795 | 回覆: 149

一個極之麻煩既3角關係裏,MAMI們俾D意見(我不是第3者) [複製鏈接]

12 3 4 5...8

buyer2008

洋房

積分: 71

1^#

發表於 11-2-8 17:22 |只看該作者 |正序瀏覽 |打印

大家MAMI您地好～
角色1：（我）咁我係一個單親MAMI黎既，帶住一個現15個月大既B女～
角色2：（我男友）咁佢都係單親爸爸黎既，有一個現24個月既女～
角色3：（我男友的EX）24個月既B女係個8婆同我男友生既～
首先講講既係，我單親係因為我B女既親生爸爸動手打我，攞晒我D錢，仲搞到我有條UA數要還，所以我帶住個女走返娘家，就冇再同個賤男人聯絡了。
而我男友單親既原因係，佢個EX，呢個8婆之前同佢生左個女，我男友諗住同佢結婚，但佢走左去，話唔嫁，仲要同第2個男人上床，我男友發現8婆個銀行成日都有大量金錢匯入，所以知道佢去做雞。8婆唔要個女自己走左。
咁我要講清楚，我同我男友一齊到現在已有一年了。而我同佢一齊果陣已經同我個EX分開左3個月（大住肚走的）。我男友同我一齊果陣已經同個8婆分開了6個月。
所以我唔係第3者～！
剛剛一齊，我同男友都帶住個女，好似一家4口咁，我都當佢個女係我個女咁湊，因為男友要返工，有時冇人幫佢湊，咁個細路女就自己係屋企。男友識左我之後，我咪唯有每日過佢度幫佢湊佢個女囉～（我住新界東）（男友住新界西）～你地明唔明我一個女人帶住當時只係4﹣5個月大既B女山長水遠入新界西幫佢湊堆佢個女。2個B女差唔多一樣大，我超辛苦。仲有幾次佢個女病，佢又趕住返工，又係我山長水遠入新界西幫佢帶佢個女睇醫生。我見個細路病到咁，我仲帶佢去我娘家住了2日（搞到我全家冇得睏）都算～細路女我唔怪佢，我見小朋友唔忍心！一連4個月都係咁，我捱唔住，病得緊要喇，我MAMI就開口話唔鐘意我幫佢湊個女搞到我自己咁辛苦，我MAMI好心疼。咁我就開始冇過去幫佢湊。我男友爸爸MAMI都唔係咁想湊佢！（因為佢個女成日大叫！打人！又唔願睏覺果D！）
我地呢D單親MAMI要定期見姑娘，一次我係中心參加MAMI會，男友打俾我叫我幫佢帶佢個女睇醫生，咁我已經行出中心門口外既後樓柹架喇！怕姑娘聽到知道我男友就咁將佢個女放係屋企！點知姑娘原來企左係對木門後面聽到晒！
之後，姑娘打俾個8婆（姑娘都本身識個8婆架喇），叫8婆報警！好喇～幸好男友冇事（詳細既唔多講），個8婆都成功地攞返佢個女返去湊！（好似所有野完結晒咁，但點知...）
過左2個月，我有左男友既BB，當時男友都好開心，點知呢個時候條8婆出招玩野！
第1招：8婆打俾我男友既MAMI，扮關心佢老人家，就順道講下是非！（不過伯母知我為人，所以冇信佢）
第2招：8婆明知佢個女有保護令，我男友係一年內唔可以見個細路女，條8婆仲SMS俾我男友話帶個女俾我男友見！（但我男友知佢唔會咁好死，所以冇中計）
第3招：條8婆打電話到男友屋企，我接左電話，佢同我講叫我唔好同男友講佢打過黎，係咁講我男友其實之前打佢點衰點賤等等...（我冇相信，因為咁耐我地都冇嘈交，又點會出手呢？）
就係條8婆搞咁多野！搞到我男友想爭返個女返黎！果陣我個肚已經有4個月大喇！點知我男友叫我唔好要，話養唔起！（果陣我都知到佢個心諗咩啦！佢怕爭個女返黎，我又生多個，加埋我個女，跟本養唔起！除左唔爭返佢個EX生果個女返黎啦！）最後我都迫於無內落左肚裏既BB。
之後，個8婆仲未收手！又出招！
第4招：係上個月（即一月中），8婆無啦啦湊個女過去我男友MAMI屋企，話自己要覆診WOR～（覆診覆3日呀？您地信唔信丫？平時去醫院覆診，我咪又係帶埋個女去，仲有最耐6個鐘咩都覆晒啦下麻～！）
所以，搞到我男友再次掛住個細路女囉！（又想話爭返佢返黎而同我嘈交！）
直至前日，個細路女生日，我男友想見佢，咁男友就叫佢MAMI幫佢去條8婆到接個細路女返黎～
＃男友問我：「如果我爭個女返黎，您會唔會介意？」
＊我答男友：「依家既我會介意！因為你話養唔起2個小朋友叫我落左我同您既BB（肚裏5個月），當時我落果陣幾危險丫！依家您話要爭佢返黎？咁即係2個小朋友啦？（計埋我個女）咁咪好似您所講養唔起囉！」
＃男友：「咁佢係我親生女黎架麻！」
＊我答：「咁我肚入面果個夠係您親生仔啦！」
＃男友：「咁佢未出世可以唔要！」
＊我答：「未出世就唔係您個仔呀？未出世就唔係人命？」
＃男友：「您好自私呀！您就可以帶住您個女！我就唔可以爭返我個女！」
＊我答：「您呢D叫做偏心偏到出面丫！咁耐以黎我個女都有我娘家幫手湊，我自己搵錢養，從來冇煩到人，都冇煩到你！但您果個女返黎係冇人肯幫您湊呀！仲要煩到要我晒氣去教佢！咁我不如留返D氣教我生果個啦（我指既係佢要我當日落左既我地個親生仔！」
我真係好嬲！佢要個EX生既女，都唔要我同佢既親生仔！叫我點樣再忍？大方到再俾個細路女返黎？！（個細路女到前日我見佢，佢都一樣係成日大叫！打隻貓!"我之前俾佢打過，我個女都俾佢打過架喇“）唔通俾佢返黎蝦死我個女（我個女比較怕事，以前見到佢，我個女都會喊，唔肯同果個細路女玩）！
件事大至上係咁...MAMI們俾D意見我好嗎？我好亂呀！＞＜其實我唔係好大個，好多事都真係諗唔通，想您地幫幫手＝（呢D野係我心裏好耐，唔知點處理...）

[ 本帖最後由 buyer2008 於 11-2-8 17:24 編輯 ]

0 0 0

私人傳訊

fukuoka_saga

男爵府

積分: 9178

150^#

發表於 11-3-20 17:08 |只看該作者

唉.....你個女都係得15個月大....搞咁多野做咩吖,比心機湊大個女仲好啦....

咁你男朋友想要返自己個女都好正常既.我係男人我都咁諗啦.一個出左黎,一個都未生...2選1.....

私人傳訊

babyonla

複式洋房

積分: 254

149^#

發表於 11-3-19 12:56 |只看該作者

你既問題係你唔夠理智, 唔捨得分手!
分開左, 諗清楚對大家都好。分開後, 你先可以知道你係唔係真係冇左呢個男人唔得, 你有幾愛佢, 如果你分開左, 冷靜完, 都覺得好想同返佢一齊既, 咁你就僧心甘命底返去幫佢照顧佢個女架啦,你再係度呻都冇用, 因為你講黎講去都係哥d 野, 幫唔到件事, 再講都冇意思 ~ 你自己諗下, 究竟係你個女既將來重要d? 定係你自己既愛情重要d?

私人傳訊

ankle

侯爵府

積分: 20529

叻叻勳章 wyeth冷知識勳章醒目開學勳章親子達人勳章畀面勳章

148^#

發表於 11-2-15 16:27 |只看該作者

如果我係樓主個啊媽, 我一定日日以淚洗面,
咁自私, 只顧住自己快樂, 不顧後果, 有事仲要屋企人幫, 生過叉燒好過~~

私人傳訊

hv245

禁止訪問

積分: 6023

BK Milk勳章

147^#

發表於 11-2-15 12:45 |只看該作者

提示: 作者被禁止或刪除內容自動屏蔽

私人傳訊

IaMMoYY

子爵府

積分: 12198

146^#

發表於 11-2-15 00:16 |只看該作者

原帖由 OneTwoThree 於 11-2-12 22:22 發表
睇完覺得你同你bf一樣, 都無腦兼白痴既人, 自己既開心, 結果換嚟身邊人既傷心、傷身, 你為人女, 巳長大成人, 何苦仍要父母為你去擔心、幫你揍女, 仲要揍埋人地個女, 你係人呀媽, 應該揀個正直顧家的人做囡囡新爸爸, 點解你仲要揀個自私透頂只顧自己的男人做伴, 嚴格嚟講你兩個未結婚, 只係情侶關係, 點解自認完係人地後母又要怪個細路女整死你個仔!!

其實所有問題都只是你+你bf製造出嚟, 個細路女無叫爸爸要番自己, 佢都俾人當人球拋嚟拋去無得揀, 怪就要怪d無腦既父母(包括你), 將小人兒變成犧牲品, 你估你個女好好咩, 你招惹埋d咁既男人入屋, 累個女成人俾人打, 唔係要怪個細路女, 係要怪你自己, 明知人地係咁都仲要痴埋去。

你上嚟目的只有一個, 想人地應同你怪個細路女, 並無打算分手, 只純綷發洩, 你講哂成個story, 我覺得最抵打果個人係你, 最要怪責果個人都係你, 如果你唔係任由個男人擺佈, 點會攪到你父母、細路女同個女咁慘, 你有今日係自招、抵你, 因為你唔帶眼識人而令身邊人受苦, 你苦係應該, 個男人係自己揀, 但d小朋友係無錯, 你父母都無錯, 為何要因為你一個人既快樂要身邊人承受你的一切, 講完就算啦, 以後唔好再上嚟講埋d你認為偉大既理論。

Well said!!

私人傳訊

IaMMoYY

子爵府

積分: 12198

145^#

發表於 11-2-15 00:11 |只看該作者

原帖由 淋魚魚 於 11-2-10 03:05 發表
我都有一個24個月大ge 女..
一個24個月大ge 小朋友大叫and 八厭其實好正常..小朋友一到2歲係反叛期...而且平時又俾人忽略..所以八厭好正常...

樓主唔好下下都針對個小朋友...
你要解決ge 問題其實係係你同你男朋友 ...

"一個24個月大ge 小朋友大叫and 八厭其實好正常" --->
Yes, that's why they are called the "terrible two".

"樓主唔好下下都針對個小朋友...
你要解決ge 問題其實係係你同你男朋友 ... " --->
Agree!

私人傳訊

kikihalu

洋房

積分: 91

144^#

發表於 11-2-13 22:00 |只看該作者

回覆 1# buyer2008 的文章

你1點都不體諒你男友,如果我係你男友我1定不同你1起,希望你男友見到此文自己省覺,你是1位自私,十分粗魯,小器
對自己個女都吾得閒湊,去湊人地個女?扮愛屋及烏?百份百好假無頭腦師奶,話生就佢同人佢生囝的師奶,娶你1定哭成世
我最欣賞你男人都算有點良心,會照顧自己個女先,都天公地道,,還有他都肯照顧埋你個便宜女,算係咁,你都take到,仲咁多要求.唉...定你唔順,扮淑女

私人傳訊

已刪除用戶

已刪除用户

積分: 64841

好媽媽勳章醒目開學勳章畀面勳章環保接龍勳章

143^#

發表於 11-2-13 21:02 |只看該作者

提示: 作者被禁止或刪除內容自動屏蔽

私人傳訊

Loreal

男爵府

積分: 7070

142^#

發表於 11-2-13 20:47 |只看該作者

I only can say you are so Brave.

No money, no career, still dare to think have another baby with different guy. who also no money.

I read your message, talking something he can spend $2500 for rental or whatever, my dear little girl, do you know, $2500 not even enough for clothes or another normal expenses.

Except say you are so brave, I don't know how to describe you.

Donb't give your burden to your family.

When you will wake up lei???

In this relationship, cannot see your future. Even have future, also worst than before.

Work hard for your lovely daughter. Who is more worth for you to contribute your time, money & love.

This guy jus rubbish, you are not rubbish bin. Let him go back where he come from. Give up la.

Wish you have a better ending, little girl.

私人傳訊

mother904

翡翠宮

積分: 82083

畀面勳章

141^#

發表於 11-2-13 12:15 |只看該作者

我只係覺得，你己經錯左一次，令個女變成單親家庭，但話咁快你又踏隻腳入另一個洞。你根本就係未深入認清你男友之前，就決定跟佢，搞到你父母要幫你湊女仲要湊埋人地個女。

你倆個根本沒能力，就決定生多一個，結果又因為種種藉口放棄肚入面既bb，謀殺左一條小生命。

唔好口口聲聲話係人地個女害死你個b，個兩歲既小朋友冇叫父母生佢出黎，冇叫佢老豆爭佢番黎，更加冇叫你去落仔。你真係咁愛肚入面既bb，根本就冇人可以叫到你去墮胎，個細路女只不過係你男友同你唔想負責任既藉口!

所有事都係你兩個不成熟既大人一手造成，男女係一齊唔係要即刻住埋上床然後生仔，要睇清楚雙方係咪成熟．負責任，可以一齊建立家庭然後生兒育女，俾一個好家庭同未來小朋友。你究竟諗清楚自己既人生想點未？

趁後生就好諗清楚，努力照顧好自己個女，然後再搵一個可以負付終生既人，你唔自愛唔緊要，但都要為個女打算!醒下啦，呀女，為你父母同個女諗下啦。

[ 本帖最後由 mother904 於 11-2-13 12:16 編輯 ]

私人傳訊

kokoalex

大宅

積分: 4856

好媽媽勳章

140^#

發表於 11-2-13 00:41 |只看該作者

講得好!!鬧醒下個傻女,唔好以為細個就做野唔諗後果!!我夠細個,但我都唔會好似你吟唔識諗!!我地鬧你都係想你好,唔好再行錯,你唔得係一個人,仲有個女跟住你!!做得人呀媽,生得佢出就有責任保護好個女,記住!冇野緊要得自己既兒女,吟既男人要黎有寶咩!!

原帖由 OneTwoThree 於 11-2-12 22:22 發表
睇完覺得你同你bf一樣, 都無腦兼白痴既人, 自己既開心, 結果換嚟身邊人既傷心、傷身, 你為人女, 巳長大成人, 何苦仍要父母為你去擔心、幫你揍女, 仲要揍埋人地個女, 你係人呀媽, 應該揀個正直顧家的人做囡囡新爸爸 ...

私人傳訊

bby0602

大宅

積分: 4056

BK Milk勳章畀面勳章

139^#

發表於 11-2-13 00:27 |只看該作者

睇完哂只係覺得樓主你年幾一定不大，仲係愛情大過天。
可能我保守ＬＡ～　
我都係覺得，你係愛我就明正言順娶左先講。可能係覺得只是一張紙一個名的分別，但唔好睇少結婚的過程，其實可以說係對雙方的考驗。
你而家拍拖不久，婚又未結因為佢想生ＢＢ而不避孕，有左５個月又因佢一句養唔起而落左真係好傻。見過好多傻妹妹好似你甘愛情大過天，但呢個杜會好現實

小朋友一天一天長大，要的洗費就越來越來。
樓主你ＢＦ有責任心嗎？靠得住嗎？
多數女人都係想找個可靠的肩膀，但你今次找呢個肩膀好似唔係好靠得住。

私人傳訊

OneTwoThree

男爵府

積分: 5598

138^#

發表於 11-2-12 22:22 |只看該作者

睇完覺得你同你bf一樣, 都無腦兼白痴既人, 自己既開心, 結果換嚟身邊人既傷心、傷身, 你為人女, 巳長大成人, 何苦仍要父母為你去擔心、幫你揍女, 仲要揍埋人地個女, 你係人呀媽, 應該揀個正直顧家的人做囡囡新爸爸, 點解你仲要揀個自私透頂只顧自己的男人做伴, 嚴格嚟講你兩個未結婚, 只係情侶關係, 點解自認完係人地後母又要怪個細路女整死你個仔!!

其實所有問題都只是你+你bf製造出嚟, 個細路女無叫爸爸要番自己, 佢都俾人當人球拋嚟拋去無得揀, 怪就要怪d無腦既父母(包括你), 將小人兒變成犧牲品, 你估你個女好好咩, 你招惹埋d咁既男人入屋, 累個女成人俾人打, 唔係要怪個細路女, 係要怪你自己, 明知人地係咁都仲要痴埋去。

你上嚟目的只有一個, 想人地應同你怪個細路女, 並無打算分手, 只純綷發洩, 你講哂成個story, 我覺得最抵打果個人係你, 最要怪責果個人都係你, 如果你唔係任由個男人擺佈, 點會攪到你父母、細路女同個女咁慘, 你有今日係自招、抵你, 因為你唔帶眼識人而令身邊人受苦, 你苦係應該, 個男人係自己揀, 但d小朋友係無錯, 你父母都無錯, 為何要因為你一個人既快樂要身邊人承受你的一切, 講完就算啦, 以後唔好再上嚟講埋d你認為偉大既理論。

私人傳訊

君瑤媽

別墅

積分: 858

137^#

發表於 11-2-12 01:08 |只看該作者

我睇晒你的故事, 恕我直言傻女醒吓啦 , 你的善良、你的愛心被人利用了:

他不很愛你, 他只是揾你笨, 佢一句要番工就交波比你攪掂晒, 你番工唔番工都要老馮oncall 幫佢, 佢自己屋企人都唔幫佢湊,他根本在找奶媽幫佢湊他個女之麻,

你的男朋友好狠心好自私呵, 4-5個月自己的bb都叫你打丟?
1) 他沒顧及你安全, (唔愛你的表現)
2) 沒諗過要愛肚入面的bb (唔愛家的表現)
3) 佢沒為將來計劃、打算。你同佢一齊分分鐘係你要照顧多一個大細路!
4) 佢自己屋企人都唔幫佢湊, 佢搶回來為咩?又咪係靠你, 到時你就做呀 4, 佢就出去We Wet, 個陣你就後悔莫及啦!

見一步,行一步的日子很難過的.
呀女, 你都好聰明好有思想! 你只要攪清楚自己的方向, 你一定可以過得比他好的!
唔使介意自己係咪單親家庭, 而家香港地唔會有人睇唔起你o家! 加油呀!
既然你自己女家肯支持你, 你好好珍惜呀, 多為自己和咁聽話的女兒諗吓。
支持你, Try your best!

私人傳訊

BOBO6

禁止訪問

積分: 9967

環保接龍勳章

136^#

發表於 11-2-11 22:27 |只看該作者

提示: 作者被禁止或刪除內容自動屏蔽

私人傳訊

cotychan

伯爵府

積分: 18748

畀面勳章環保接龍勳章

135^#

發表於 11-2-11 20:42 |只看該作者

都諗住要分手...仲要講啲乜?喺佢度住就執嘢走,佢喺你度住就叫佢就.唔會咁都唔知你想點啩?!無論執嘢走或者叫佢走你都要搵個FD一齊陪住你呀!有乜後話就電話傾啦!
唔通你仲諗住叫佢放棄佢個女仲要養埋你同你個女?佢會唔會你心知,知佢會就唔會講唔出,知佢唔會就無謂等佢比說話你聽!

原帖由 buyer2008 於 11-2-11 12:10 發表

因為果日我講唔出...所以我琴日打左封信諗住俾佢...您地覺得呢個方法WORK唔WORK？

私人傳訊

BOBO6

禁止訪問

積分: 9967

環保接龍勳章

134^#

發表於 11-2-11 18:34 |只看該作者

提示: 作者被禁止或刪除內容自動屏蔽

私人傳訊

gk678

伯爵府

積分: 19582

133^#

發表於 11-2-11 15:22 |只看該作者

睇完晒, 真係忍唔住要留言, 我估呢一個根本係個局.
所有野都係條8婆搞出黎, 其實最終目的就係想你學佢出黎做雞.
佢專登擺低個女大拿拿三日咁多, 梗係引到你bf 要搶返個女啦. 你bf 咁鍾意細路, 搶返個女之後佢實成日痴住個女, 工都無心機返, 連累佢俾炒, 咁到時你又無野做, 佢又無野做, 點搵錢, 咪唯有學佢囉.

呢個世界上咩人都有, 最緊要帶眼識人, 就好似酒肉朋友周圍都係, 屋企人就得咁多, 你算好彩有屋企人支持, 只希望唔會越踩越深.

私人傳訊

女王大人

大宅

積分: 2657

132^#

發表於 11-2-11 14:26 |只看該作者

原帖由 buyer2008 於 11-2-8 17:22 發表
大家MAMI您地好～
角色1：（我）咁我係一個單親MAMI黎既，帶住一個現15個月大既B女～
角色2：（我男友）咁佢都係單親爸爸黎既，有一個現24個月既女～
角色3：（我男友的EX）24個月既B女係個8婆同我男友生既～
首先講講既係，我單親係因為我B女既親生 ...

睇完晒咁多留言, 覺得樓主你本身已經有一個女，應該為個女著想。

恕我直言, 樓主本身冇本事, 生左個女都要辛苦父母湊。
你要拍拖冇所謂, 唔該帶眼識人。

你個bf搵得少, 有個女, 你又唔係唔知, 唔好將落仔件事賴落人地度, 你地咁既環境, 養掂自己&個女先講再生啦。

至於你bf, 你對佢有咁多怨懟, 做咩仲要一齊喎？
老實講, 佢5個月先知自己養唔起架咩?!
如果你bf響你生左之後先話覺得養唔起, 你係咪又隊埋個細b俾你媽媽湊