1-3歲今日: 0|主題: 19542

收藏本版

發帖

返回列表

跳至頁

查看: 773 | 回覆: 7

我唔明奶粉供應量點解唔係需求幾多就俾幾多? [複製鏈接]

franki0911

子爵府

積分: 11343

畀面勳章

1^#

發表於 11-2-19 03:34 |只看該作者 |正序瀏覽 |打印

而家khloe 1 歲( 啱啱18/02 生日

), 食friso 3, 經過上個月嘅搶奶粉潮之後, 上星期我去藥房, 職員仲同我講嚟緊日子來貨量會多返, 售價都會回落少少( 雖然都係加咗), 唔使咁緊張喇, 因為我之前係每日都去藥房問有冇貨, 人哋都認得我喇, 聽佢咁講, 我都鬆一口氣......
點知而家又話有毒奶, 所以今日又走去藥房入貨, 職員一見到我喺門口, 已經幫我去貨架攞定2罐奶粉俾我, 佢話: 唔係呃你, 最好聽日嚟買多2罐, 下星期又會少貨, 一少貨又加價, 同埋你冇可能夠大陸人搶架, 而家又話毒奶, 肯定又一返貨就俾人掃清光, 記得聽日再嚟呀, 留俾你啦! ( 因為次次都係得我一個推住bb 車去買, 所以每次我都係買2罐)
唔好理係咪真係佢講得咁誇張先啦, 但照咁睇, 每當有內地人嚟香港掃奶粉, 奶粉商就會收起存貨, 供應量不增反減, 因為由1月開始到今日, 我買嘅奶粉生產日期都係2010年11月22日, 如果有上個月真係有增加過供應量, 同一批奶粉又點會賣到今時今日呀?
平時買嘅奶粉多數都係上一個月生產嘅, 而家買到3個月前嘅貨, 唔通荷蘭嗰邊喺11月已經預知1月會有搶購潮, 所以造多3倍奶粉?
好喇, 而家又話有毒奶, 即係又有人嚟搶貨啦, 佢又話會少貨, 咁即係點呀? 愈多人要就愈少貨?
我都多口問過藥房, 點解唔入多啲, 我直情同佢訂一箱, 佢話個別奶粉商係配給奶粉, 佢俾幾多就幾多, 就算你有錢入貨, 佢係唔俾就唔俾, 尤其每當有搶購潮, 佢每星期來貨一次, 多數都係得1至2箱, 係1至4號幾種奶粉加埋得1至2箱, 唔好話香港啦, 一個屋邨有幾多個bb 呀? 根本就係唔夠, 係咪見到我哋同內地人爭到死死吓, 奶粉商就開心?