吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我好鬼嬲, 20個月仔仔比人打左一巴 (>.<) ...

自由講場今日: 327|主題: 1360546

收藏本版

發帖

返回列表

跳至頁

查看: 2629 | 回覆: 50

我好鬼嬲, 20個月仔仔比人打左一巴 (>.<) [複製鏈接]

12 3

donaldduckduck

伯爵府

積分: 16361

1^#

發表於 11-3-26 19:32 |只看該作者 |正序瀏覽 |打印

今日下午如常帶20個既仔仔去公園玩 (仔仔因為識行幾個月唔係好穩陣)
玩玩下有個大約3歲細路女無端端走去仔仔身邊好快咁推左我仔仔一下, 我立即從後抱住仔仔, 及同個細路女講唔可以推人,
跟住我抱仔仔去玩sir滑梯, 玩左一陣突然個細路女又出現, 好好好快手打左我個仔一巴, 我呆左.....跟住問佢仲乜打人, 佢呀媽本來坐係邊位繞腳都行埋黎話, 哎呀,唔好意思....跟住話佢個女, 你又蝦小朋友, 我唔再帶你黎架, 又話你唔乖我帶你返屋企無得玩架.....
我諗佢係獨生女, 跟住佢又走去第二處, 我留意佢又推第二個, 我都無繼續玩同大仔細仔走左.

但好嬲個仔無端端比人打左一巴, 雖然3歲女仔唔大力, 但打係我20個月仔仔度我諗會好痛囉

0 0 0

私人傳訊

紅紅

侯爵府

積分: 21341

畀面勳章大廚勳章

51^#

發表於 11-3-29 01:49 |只看該作者

LUON 發表於 11-3-28 01:08
我好同意, 子女係好睇父母處事既反應而反應,
在父母的角度, 子女被欺負會覺得心痛和不公平,
你回罵、反擊 ...

我去d商場嘅遊樂場，
好多時見到d小朋友跌到，
初時都冇喊仲自己爬起身，
點知當媽媽一支箭咁衝過佢抱住佢，
咁個小朋友就即刻喊啦！
你講得好啱，
佢地真係睇父母嘅反應而做出反應。

私人傳訊

LUON

大宅

積分: 3466

50^#

發表於 11-3-28 14:08 |只看該作者

紅紅發表於 11-3-27 06:44
我個囡去playground都會俾其他小朋友推落滑梯(因嫌佢慢)、打(因為人地唔想同佢玩)，不過佢都唔知係咩事，仲 ...

我好同意, 子女係好睇父母處事既反應而反應,
在父母的角度, 子女被欺負會覺得心痛和不公平,
你回罵、反擊或不開心的反應, 子女是馬上會學的,
他們的學習能力是很驚人的,
你的一個語氣, 一個眼神, 他們都會學足...

我的兩個孩子, 他們的摸倣能力真是超強,
所以我在這方面很小心,
有時他們跟別人玩時,
被別的孩子打或推倒,
那些碰撞真的很輕微, 我相信推他的小孩有些是故意的,
但在他們的年紀, 即使是故意, 也絕對應該原諒,
所以即他們被打了而哭, 我只笑笑安慰,
絕不讓他們感到這是很大的一件事,
當然我會教他們要保護自己, 不能任別人打,
但絕不讓他們學會小氣小家,
所以他們很容易跟別人做朋友,
這對他們日後在社會生存是十分重要的一課!

私人傳訊

蒨沂媽媽

別墅

積分: 793

好媽媽勳章

49^#

發表於 11-3-28 13:58 |只看該作者

我仔仔都試過. 比兩個細佬約4-5歲(一男一女) 圍住一齊蝦. 個男仔仲打我仔個頭, 比我見到即渴住佢.

但亞仔已好驚. 係咁喊. 跟住我咪係度及住個細佬邊個係佢亞媽囉. 跟住有個女人想抱個細佬. 我問呢個係咪佢個仔. 佢又話唔係(心諗就算唔係都係佢d親戚啦)我即話: 呢個細佬頭先打我個仔.佢喊得幾犀利. (我仔真係未收過聲)
現在D港童真係好唔掂.

都唔知D大人點教仔. 呢D仲要係將來HK的棟樑呢. 唉. 真係冇眼睇.

私人傳訊

donaldduckduck

伯爵府

積分: 16361

48^#

發表於 11-3-28 13:41 |只看該作者

回覆 Anpanmama 的帖子

如果你有小朋友比人打又上黎呻, 我一定比返十個'讚'你

私人傳訊

Sumyeema1

象牙宮

積分: 225734

2024年龍年勳章

47^#

發表於 11-3-27 15:51 |只看該作者

原帖由 oooasis 於 11-3-26 22:38 發表
小朋友成長過程中，一定會經歷碰撞，打來打去，其實好小事。
到你個仔大個之後，你可能都需要不停同其他小朋友家長道歉呢。

私人傳訊

已刪除用戶

已刪除用户

積分: 64840

好媽媽勳章醒目開學勳章畀面勳章環保接龍勳章

46^#

發表於 11-3-27 15:44 |只看該作者

提示: 作者被禁止或刪除內容自動屏蔽

私人傳訊

已刪除用戶

已刪除用户

積分: 64840

好媽媽勳章醒目開學勳章畀面勳章環保接龍勳章

45^#

發表於 11-3-27 15:42 |只看該作者

提示: 作者被禁止或刪除內容自動屏蔽

私人傳訊

jasprincess

子爵府

積分: 13264

44^#

發表於 11-3-27 15:33 |只看該作者

原帖由 donaldduckduck 於 11-3-26 22:53 發表
係, 有每人都會有經歷, 但我好心痛個仔點解無故比人打左一巴係塊面到.
對你係小事, 但佢一打落去我真係呆左囉.
第日如果我個仔係咁, 我一定'教'到佢唔係d咁既人, 三唔識七打落去.
而且唔係道歉就大哂.
...

有時D野好難控制架. 小朋友去到某一個年紀就特別中意某D野. 我女2歲時有一段時間好中意打人, 我地點教都冇乜用. 過左就唔會再做...變左做第2樣野.

私人傳訊

jasprincess

子爵府

積分: 13264

43^#

發表於 11-3-27 15:29 |只看該作者

我個女8個月大時係餐廳都俾一個2,3歲大既男仔一巴打落我女塊面度. 當時我女坐係BB車, 佢走埋黎, 以為佢想同BB玩, 點知就咁. 打完之後我地附近D人+WAITRESS都望住. 2,3秒後佢阿媽黎到就即刻拖住個仔走, 一路走一路話佢. 但由始至終都冇同我地道歉

私人傳訊

紅紅

侯爵府

積分: 21341

畀面勳章大廚勳章

42^#

發表於 11-3-27 06:44 |只看該作者

我個囡去playground都會俾其他小朋友推落滑梯(因嫌佢慢)、打(因為人地唔想同佢玩)，不過佢都唔知係咩事，仲繼續好開心咁玩。

又試過有大過佢好多嘅小朋友(6-7yrs)係咁對住我囡尖叫同大聲同喝佢想嚇喊佢，阿囡又傻吓傻吓咁以為人地同佢玩，仲係咁笑到卡卡聲，攪到人地勁無癮 ....

我覺得雖然佢係俾人蝦，不過見到阿囡完全唔當一回事我完全唔覺得心痛，既然阿囡都冇事，我都冇必要去嬲人地 ....

人地要點真係控制唔到，你可以嬲同呻，不過你重覆1000次都無補於是，結果都係得過嬲字，最適當嘅方法都係教小朋友點保護自己。

而保護自己又唔等於叫佢去打/推/鬧返人，而係令佢變得堅強d，唔怕俾人蝦。

由阿囡開始識行識走，佢每次跌同撞我都由得佢，唔會扶佢(除非由高空跌落嚟果隻)唔會安慰佢，我仲會笑佢: 哈哈！有人跌倒呀！自己起身啦！都唔痛！唔好扮嘢喎！

可能有人覺得我殘忍啦，不過久而久之佢真係唔怕痛唔怕人蝦(俾阿媽蝦慣咗)，見d人因為蝦佢不成個抆樣真係好好笑。

現實係殘酷嘅，所以早d令佢學曉一笑置之對佢係好事。

私人傳訊

blahblahblah

複式洋房

積分: 282

41^#

發表於 11-3-27 02:47 |只看該作者

原帖由 oooasis 於 11-3-26 22:38 發表
小朋友成長過程中，一定會經歷碰撞，打來打去，其實好小事。
到你個仔大個之後，你可能都需要不停同其他小朋友家長道歉呢。

我同我男朋友好錫佢個外甥 (兩歲半)..毎次返香港我地日日會接校車, 然後帶佢去公園玩。咁有一次有個哥哥(小學生)同工人,婆婆喺公園玩緊, 佢一見到外甥仔就追住佢, 又用玩具槍近距離咁指住佢, 跟住佢聽到外甥仔想玩騎馬就即刻衝過去霸住, 扮玩完引外甥仔過去。我地雖然好肉痛,但見佢婆婆一直都有叫個孫唔好咁樣, 我地就冇出聲, 仲教外甥仔要排隊, 等個哥哥玩完先可以玩。

我地等咗一陣就"tum"外甥仔返屋企, 咗咁我地趁佢沖涼就同佢爺爺嫲嫲講返成件事。我好surprise爺爺嫲嫲嘅反應係咁正面。佢地話外甥仔遲早都要面對, 而家嘅佢根本唔知個哥哥蝦緊佢, why not袖手旁觀睇佢點處理, 然後先輔導佢。而我從來都冇諗過呢個係小朋友成長過程

私人傳訊

wing

伯爵府

積分: 18896

分享愛貓狗褓姆魅力公主好媽媽勳章醒目開學勳章 2011精緻種植勳章畀面勳章環保接龍勳章親子達人勳章

40^#

發表於 11-3-27 02:44 |只看該作者

樓主, 唔好話你仔仔咁細唔識反抗, 我細女就黎5歲LA, 佢都係果D俾人蝦都唔識出聲既人

今日經過snoopy land, 佢想去遊樂場玩, 咁咪俾佢上去玩一陣囉 ( 其實我話唔好, 因為太多人, 不過見佢望住個遊樂場雙眼發晒光咁, 咪俾佢玩下囉 ) 我已經叫家姐(12歲) 睇住佢, 佢上到去玩, 行過條橋, 迎面黎咗幾個女仔, 我諗都係5,6歲度, 行頭果個女仔一見我個女行過去, 佢即刻伸開兩隻手捉住兩邊既欄杆, 攔住條路唔俾我女行. 我亞女見佢地行過黎時已經行埋一邊, 咁佢左面唔行得, 想行右邊, 點知個女仔成個身挨埋去唔俾佢過.

我係下面睇得好清楚, 我咪同果個女仔講 "做乜唔俾佢過呀" . 點知佢即刻答我 " 係佢唔俾我過咋喎" 我O晒咀, 即刻好大聲同佢講"我係下面睇住你攔住佢架喎" 佢先即刻縮手俾亞女行. 當時有個女人企係我隔離望住, 不過佢無出聲, 係咁望住我.....後尾我先知原來係果個女仔既亞媽

私人傳訊

洛婷

水晶宮

積分: 58741

2018復活節勳章醒目開學勳章環保接龍勳章

39^#

發表於 11-3-27 02:23 |只看該作者

原帖由 wcandtt 於 11-3-26 20:25 發表
我個仔細個比人吐口水落塊面到

私人傳訊

Fiona0235

珍珠宮

積分: 44134

38^#

發表於 11-3-27 02:22 |只看該作者

原帖由 donaldduckduck 於 11-3-26 10:45 PM 發表
人地點教我管唔到, 真係要自己睇實小朋友....

現在我們一家三口每日都過著幸福快樂的生活。～好感恩現在所擁有的一切人與事，我們必定會好好珍惜這個幸福的家!《幸福會遲到但不會缺席！》 ...

私人傳訊

stkyo

象牙宮

積分: 206249

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

37^#

發表於 11-3-27 01:01 |只看該作者

我以前帶個女去公園玩泥沙，阿女好比心機砌左個城堡，比個小朋友(男仔)一腳踩爛，阿女為左保護個城堡都推左個男仔一下，但係個男仔仲係咁踩。。。結果阿女走埋黎喊（成個過程我係望住佢地），我就安慰佢再砌過一個。個小朋友唔岩，但係阿女都推番佢，個小朋友家長都無出聲。

可以當係比小朋友磨練一下。

樓主心痛係正常，不過原諒佢地啦！唔好屈住屈住。

原帖由 msyoyolam 於 11-3-27 00:19 發表
我都覺得好小事！係會心痛，但如果太保護小朋友，佢第日咪唔識同人相處囉！

私人傳訊

msyoyolam

男爵府

積分: 5596

36^#

發表於 11-3-27 00:19 |只看該作者

我都覺得好小事！係會心痛，但如果太保護小朋友，佢第日咪唔識同人相處囉！

原帖由 oooasis 於 11-3-26 22:38 發表
小朋友成長過程中，一定會經歷碰撞，打來打去，其實好小事。
到你個仔大個之後，你可能都需要不停同其他小朋友家長道歉呢。

私人傳訊

Anpanmama

翡翠宮

積分: 99549

馬年勳章 2026勳章父親節2025勳章母親節2025勳章 2025勳章蛇年勳章 2024年龍年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

35^#

發表於 11-3-27 00:09 |只看該作者

原帖由 oooasis 於 11-3-26 22:38 發表
小朋友成長過程中，一定會經歷碰撞，打來打去，其實好小事。
到你個仔大個之後，你可能都需要不停同其他小朋友家長道歉呢。

私人傳訊

sandra28

琥珀宮

積分: 175231

好媽媽勳章畀面勳章環保接龍勳章 BK Milk勳章

34^#

發表於 11-3-27 00:06 |只看該作者

有次行商塲, 表姐仔 (六歲)拖住我個女 (2歲幾)行, 我行佢地後面, 迎面一個約四歲既女仔向我地行黎, 個樣好唔友善, 我己bear實佢, 佢一拳打唔到表姐仔( 表姐仔縮開) 就即一拳打落我個女個肚到, 佢郁手時我己喝住她, 佢都照打落去 ! 跟住我咪佢仲咩事打人, 呀女嚇親呆左咁......係我問佢痛唔痛佢先識話痛 ! 佢呀媽掛住同人傾計, 見出事先走過黎叫佢個女say sorry ! 佢個女唔肯講, 而佢(媽咪)又冇同我地say sorry, 我見佢咁都冇誠意就拖住個女走 ! 個小朋友似乎係有打人習慣, 而佢呀媽都唔睇實佢, 第日遲早比人打番佢轉頭佢先識驚 !