夫婦情感

收藏本版
發帖
返回列表
跳至頁

首頁
123

尾頁
   0
emma_luk


大宅

積分: 3900

畀面勳章


1#
發表於 11-3-29 22:04 |只看該作者
大家好!!成日黎呢版睇下大家兩夫妻相處之道
不過我真係成日都好多野諗,,好唔開心!!
首先講講自己,我就黎24歲,有個3歲多的囝囝
老公大我一年..其實一路感情都唔算太穩定,但又不是關係好差
我17歲同我老公開始拍拖,18歲就大家一齊儲錢結婚
當時..我的工作能力係遠勝於佢的(但我不是自誇)我沒有介意過
我老公當時月入7000..而我月入都有10000以上的
他是做侍應,我是做sales..大家一開始就好認真,拍拖4個月左右已經見晒家長
而我同佢都係識左一段時間先開始拍拖的..
而有時自己諗返佢當時追我所做我一切,心裡會有不其然的感動
仲好記得一齊左2個月佢已經同我講分手..我當時個心何其難受
而佢想分手既原因更加係唔清唔楚,令我本來就係諗住有結果既感情
突然覺得好兒戲!!於是就係因為呢個心態..我不斷打電話比佢
想約佢大家放工後去附近的公園傾下我地之間出左咩問題..
原來佢話同我一齊好辛苦,我所做既野同佢想我咁做既唔同..
例如:佢想我陪佢多d..但我偏偏就成日趕返屋企..etc.
老實講,以前真係為左呢個問題鬧過幾次交.到最後係我為左佢
連屋企人反對都唔理,去左佢屋企同佢開始半同居的生活
而媽咪初頭更日日夜夜不停打去老公屋企搵我叫我快d返屋企..
令我係家人同老公之間處於一個難堪局面!!過後媽咪都冇再理過我
由得我想返屋企時就返,,得閒一齊食下飯咁樣,講真,我好多謝媽咪當時既諒解
雖然知道自己任性..但可能真係當時太年輕,唔會諗到將來有幾遠

大概一齊左半年..係佢生日果日..公司要OT
因為我做野電話係唔比開同埋要比經理收係LOCKER
所以係百忙之下..我根本抽唔到時間打比佢..但果日本身係講左會去佢屋企訓
到凌晨3點左右我先收工..而本身早幾日買比佢既生日禮物..亦因為突然要OT
我返唔到屋企攞比佢..但有一點自己當時真係忽略左,,我竟然唔記得買蛋糕
當去到佢屋企時,,佢唔睬我..我同佢講SORRY..禮物放左係媽咪屋企
我冇時間返去攞(我當時事業心都好強,掛住返工係好多野都會唔記得,或者咁講,真係好攰..
一日平均要返12個鐘頭工,連食飯都係得2餐食..仲要每餐得半個鐘..我有時會寧願係公司貨倉訓一陣)
而頭先都有講..佢係做侍應,都好難聽到電話,除非落場,但好多時都就唔岩時間,大家都係等放工先傾到計
我知佢果次真係好嬲,但佢嬲到講左D我根本唔相信係出至佢把口既說話..令我當時因為呢幾句說話
我患左抑鬱症..佢鬧我唔配做佢女朋友,話自己19歲生日就係咁過,出街叫我千祈唔好話比人知
我係佢女朋友..佢覺得好丟假..仲話公司一個同事都仲好過我,早知當初聽d同事講同佢一齊都唔同我一齊
我唔知自己係咪真係咁差..但果個女同事我都認識,據我所知佢係一個好慳既女仔,又唔係爛蒲既女仔
亦係一個好玩得既人..我自問好多野好似比唔上佢,又唔係話好慳,我會寧願唔食野而去儲錢買野
但我唔係剩係買野比自己,好多時都係買野比佢或者朋友生日同請屋企人食飯..
我知道老公鍾意乜都係名牌,我儲錢買名牌袋比佢(講既都唔係話咩好貴果d,千幾蚊一個袋)
但當時對我對講都好難先儲到..因為我仲要比家用屋企人..我由本身唔識咩係名牌
比老公教到冇一不曉..其實老公係內地人..可能佢的心態係為左滿足自己自卑既心理
唔想比人睇唔起..而搞到成身乜都係名牌..而佢買禮物比我所有野都係名牌
我其實真係對名牌既野麻麻地,,不過佢話買野比我梗係買好d既..買cheap野冇意思
其實我想講女人要既根本唔係呢d...........朋友眼中覺得我執到..但係佢只係物質上滿足我
感受他是很少理的..但眼見佢有時係對我好好,,有好多事情我決定唔到..
佢會幫我諗埋..但我決定到既事..往往佢都唔比我做決定..即係好多野都要佢話事
大男人..我只是近來先明白..原來佢地覺得乜都係佢地話事就係錫另一半...

(待續.......)
私人傳訊

ntk_mami


男爵府

積分: 8288


45#
發表於 11-4-1 14:44 |只看該作者
我覺得咁既婚姻好唔健康...
私人傳訊

唔好煩我


水晶宮

積分: 50369


44#
發表於 11-4-1 13:32 |只看該作者
樓主，我覺得你老公非常自卑，怕你搵錢多過佢，又怕你仲後生，返工容易同其他男人有接觸繼而發展,所以好自私同不負責任地唔比你返工，想孤立你兼要你同社會脫節呀！佢佔有欲好強，你要小心！
私人傳訊

dada~0w0~


禁止訪問

積分: 24347

好媽媽勳章 大廚勳章


43#
發表於 11-4-1 11:36 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

三小豬之家


禁止訪問

積分: 2987

醒目開學勳章


42#
發表於 11-4-1 11:07 |只看該作者
提示: 作者被禁止或刪除 內容自動屏蔽
私人傳訊

ndw


子爵府

積分: 13855


41#
發表於 11-4-1 07:25 |只看該作者
你唔系29，都好似做緊佢29 0甘。簡直系折騰啊！
私人傳訊

ndw


子爵府

積分: 13855


40#
發表於 11-4-1 07:23 |只看該作者
Dear emma,
讀緊你講你老公對你，佢似D有強烈操控配偶心態0既人。對愛人占有欲好強0既人。只是有感而發，我睇發可能會錯。

努力磨合磨合啦。
私人傳訊

雨晴B


珍珠宮

積分: 32721

好媽媽勳章 醒目開學勳章 畀面勳章 大廚勳章


39#
發表於 11-4-1 02:29 |只看該作者
樓主,
不如試下從另一角度去睇, 試下愛自己多D
你C6係一個點樣性格既人, 你一早都知
佢愛你的方式係完全佔有你
而你愛佢愛到好似冇左自己
我想信你地2個都係深愛對方
好老實, 馬C落地行
真係自己唔食個仔都要食

私人傳訊

emma_luk


大宅

積分: 3900

畀面勳章


38#
發表於 11-3-31 19:14 |只看該作者
回覆 kai3028 的帖子

車輪?車輪包就有..

整個"平記車輪"先

點評

emanma  hahah..like..  發表於 11-4-1 15:29
HEI`  讚xd  發表於 11-4-1 09:58
私人傳訊

kai3028


水晶宮

積分: 50564

好媽媽勳章 醒目開學勳章 睛靈勳章


37#
發表於 11-3-31 17:51 |只看該作者
回覆 emma_luk 的帖子

有冇車輪呀...?有就打得架啦..
大平平話預埋佢呀...
私人傳訊

emma_luk


大宅

積分: 3900

畀面勳章


36#
發表於 11-3-31 15:37 |只看該作者
回覆 20022009 的帖子

我仔已經讀緊書喇..
只係依家讀半日..因為我老公當初想我多d時間湊佢
唔想我比人湊..所以我就由佢出世湊到依家..
想搵人幫手睇1,2日都難...

總之我就係為錢已經好煩
日日都諗唔掂條數點計..自己唔食
都要比佢兩仔爺食..由其小朋友最重要
支出又多..因為一來早排搬左出黎
咩原因就有睇婆媳版都略知一二
學校雜費又多..我都預左搬左出黎一定捱唔到我係要去做野
只係估唔到迫到埋身佢都唔想我做野姐..-0-
私人傳訊

emma_luk


大宅

積分: 3900

畀面勳章


35#
發表於 11-3-31 15:30 |只看該作者
回覆 gk678 的帖子

以前拍拖都冇話唔比我返工,,
只係唔想我搵咁多多過佢..
到有左bb叫我唔好做,,話因為我身體差叫我休息下
生完bb先到時睇下做唔做野囉..
點知生完bb,,現形!!
私人傳訊

20022009


男爵府

積分: 6903

好媽媽勳章


34#
發表於 11-3-31 15:05 |只看該作者
到咗呢個moment, 我係你, 我一定要出番黎做野, 學識下點樣保護自己先. 如果你老公唔比, 你要堅持(可能等阿仔讀書先). 記住~ 一定要堅持~

講真~ 男人廿幾歲(好似話大你一年, 唔記得), 邊有咁快定性吖~ 我老公當年都係(嗰時我未識), 玩到咩咁. 佢同咗我一齊之後, 我同佢講我唔理佢之前點玩, 我都唔理. 但同我一齊之後就一定唔得. 而係呢段時候, c6啲朋友, 個個玩到癲咗(一腳踏兩船係等閒事). 所以你老公未定性係可以理解~

所以你點都要做下野, 一黎自己有啲收入, 二黎又可以有啲野寄託下. 唔使下下灘大手板問c6拎.
私人傳訊

gk678


伯爵府

積分: 19582


33#
發表於 11-3-31 15:04 |只看該作者
邊有男人要個老婆去做野!?

咁都講得出? 佢真係當平機會流架喎.........mouth:
講真, 佢都傻既, 攤開條數都知屋企夠唔夠洗架啦; 唔夠生活仲講埋D 咁既野, 佢真係以為唔講唔提第日自動有飯開呀?
咁你呢, 識佢果時都應該知佢傻架啦, 咁你又嫁佢? 你嫁得佢就預左同佢捱......成世喎, 你講既.
總之, 你老公未肯 "面對現實" 之前, 你千祈唔好出黎做野, 如果唔係又搵交嗌..........
私人傳訊

emma_luk


大宅

積分: 3900

畀面勳章


32#
發表於 11-3-31 14:31 |只看該作者
回覆 kai3028 的帖子

點打嫁!?我唔識wo:;pppp:
私人傳訊

emma_luk


大宅

積分: 3900

畀面勳章


31#
發表於 11-3-31 14:27 |只看該作者
回覆 HTML 的帖子

首先感謝你的回應;
其實我覺得..佢唔係唔愛
我一路都覺得佢既方式係唔岩
佢朋友唔多,,唔多唔少可能性格影響..佢好少會同人傾感情事
由其是佢做廚房的..返工都係同d同事傾咸野-_-"
同埋成日痴住d亞嬋..可能係因為大家都係內地人掛
佢放工唔會周圍去,,每日一收工都係返黎屋企
係有時佢話有d同事約佢飲野佢先連電話都冇打過返黎
不過呢樣野好少發生..1個月都唔知有冇1次..
但只係每1次我個心都好亂..我又唔敢打比佢..
因為有時佢返到黎我都會發少少脾氣..唔係話大吵大鬧咁
只係係咁而講句:電話都唔打返黎..唔知以為你去左邊
佢試過話同d同事去飲野..費事打..
同埋早幾日都試過..我約左d朋友去佢做野果個商場食野順便等佢收工
點知佢係平時收工既時間打比我問我係邊時..佢話佢已經返左屋企
我果刻就好似神經緊張咁..行去廁所時一路行一路周圍望
好想知..到底佢係真係返左屋企定係佢會同個女仔一齊行緊怕比我知
所以先呃我返左屋企呢?你地一定會覺得我諗太多..但佢永遠同d女性都好曖昧
唔會去避忌..我同佢傾過好多次..佢話朋友姐..轉頭又氹下我咁樣
其實我本身都幾易氹..佢有時會攬下我話我咁小器..一係就錫下我咁
再唔係直頭佢唔出聲...過一段時間扮冇時發生過同我傾計問我野
佢係可以不斷問同一個問題..問到我答佢為止..試過1個鐘內不停問
但果1個鐘內佢唔會諗其他辦法氹我..我依家知道..佢唔會諗辦法氹我
係因為佢唔覺得係果件事上佢有錯.....
一路以黎佢都覺得自己有付出過好多好多..
但我冇開口話佢..只係自己屈住日日夜夜自己諗
我覺得佢係有付出過..金錢囉..體力囉..佢成日返黎都同我講
公司d人個個讚佢好男人話佢顧家,,,老實說..顧家的定義係乜野!?
佢放工即刻返黎屋企沖涼食飯訓覺叫唔叫顧家!?定係我要求高...?
我只係想佢沖涼識自己攞齊野先去沖..食飯時識自己攞飯出黎食..
就算唔攞..我幫你攞冇問題..但佢食完擺係度就走去訓覺..要我執
我唔係要佢放工返到黎乜都仲要佢做..我一日到黑湊住個仔都好辛苦
想佢返黎幫輕下我,,,,對1個男人黎講真係咁難咩!?佢成日話返工辛苦好攰
咁點解要搞野果陣又唔攰呢?佢話唔同wo..但我真係攰到唔想搞..
但如果我真係唔比佢搞..佢會唔會真係搵第2個搞我唔知
其實我唔想佢有籍口搵第2個..唔知點解真係好怕
好多人都話..男人要搵第2個可以有好多籍口..我唔想我老公搵到其中1個

好多人問我點解唔直接同佢講呢!?
我屋企人直情叫我唔好整慣佢叫我發下脾氣
唔好意思,可能我自己都係性格影響..習慣乜都收埋唔想講唔想提
一來覺得講黎都冇用..以前都會攪盡腦汁係度諗點樣反駁佢
依家知道就算點講佢都唔會覺得自己有問題就講黎都冇用..
唔想日嘈夜嘈為同1個問題嘈..其實我唔開心黎黎去去
都係圍繞住果幾個問題..1:冇安全感 2:覺得佢對佢屋企人好過我(我認我比較小器)
3:自從生左小朋友好多事情都要自己獨力承擔,同1個單親媽媽冇分別
而佢要我對佢屋企人好d..我自問好多野都做足..但覺得好唔公平
因為佢從來唔會打電話問候我媽咪近況..大時大節食飯只係比錢人唔到
(媽咪成日教我:施恩莫望報)如果想人報即係自己計較...
我唔係話要佢報..但佢要求我做既野我做到..但點解我想佢做既野冇樣做到!?
唔好話一唔一齊食飯喇..更唔好話屋企人了..人與人之間關心係好簡單一樣野
我媽咪都有病嫁..可能隨時會走左去..佢冇過問不特止..仲禁制我返去陪媽咪
但總是要我去佢男家屋企陪佢嫲嫲..叫我打比佢傾下電話..
我覺得好對唔住我屋企人..咁早結婚生小朋友已經好有罪疚感
每日同媽咪傾電話都好似要比佢訓話咁..一係話叫我唔好咁早結婚啦
一係話我以前唔讀多幾年書..嫁個有錢既咪幾好..

老實講,,問題多到我都唔知應該點講
好攰....我唔敢再認為自己愛唔愛佢
只係羨慕有d人可以好堅強..點解自己唔得
我媽咪都好堅強..我爸爸同我老公係同一類人
不同的是我爸爸永遠唔會攞錢返屋企..我老公唔多唔少都會比d我
只係夠唔夠用的問題..琴晚同老公傾過睇下公屋會唔會仲要等好耐
如果仲要等一段時間就不如同學校講比囝囝轉全日..如果轉到我就去搵野做
再係咁落去..錢又唔夠用..佢又成日怨..遲早我同佢都爆..唔想影響個仔
我同佢講就講左..佢冇應承我..話到時睇下點先..我預左佢都係反對
但唔理了..我相信佢遲早會明白我苦心..我囝囝有個同學仔住我對面屋
佢同我講佢生佢第1個小朋友時佢老公都係廿幾歲..都係乜都唔會幫手
好多野都係捱返黎..到佢依家3十幾歲生左第2個佢老公先定d
會幫手湊下仔..叫我等下..我每次個人好灰果陣..我就諗下呢番說話
好希望自己可以捱得過!!!
私人傳訊

kai3028


水晶宮

積分: 50564

好媽媽勳章 醒目開學勳章 睛靈勳章


30#
發表於 11-3-31 13:56 |只看該作者
emma_luk 發表於 11-3-30 19:32
回覆 kai3028 的帖子

我對你地不嬲好認真嫁wo..

咁認真..即刻同你打返個車輪先..

點評

emanma  可唔可以預埋我呀xd  發表於 11-3-31 14:42
私人傳訊

emma_luk


大宅

積分: 3900

畀面勳章


29#
發表於 11-3-31 13:32 |只看該作者
回覆 kai3028 的帖子

我對你地不嬲好認真嫁wo..
私人傳訊

emma_luk


大宅

積分: 3900

畀面勳章


28#
發表於 11-3-31 13:32 |只看該作者
回覆 cnga 的帖子

唔會唔岩聽..大家都係比個意見
我都有諗過係搵part-time..一個月就算搵多千幾2千
已經好唔同了..但我老公就寧願一係自己夜晚返多份
都唔要我出去返工..我明白夜晚等佢放工返黎我再去返工
佢一聽到夜晚已經覺得有危險性..講過話一係佢辭職我去返日頭
佢去返夜晚..我以為佢真係咁順攤..點知第2日就話..
講下咋..邊有男人要個老婆去做野!?
唉,.,我話咁如果真係經濟唔許可就要做嫁啦..有乜話比唔比
佢就認為我嫌佢搵錢少...真係唔知點溝通
私人傳訊

HTML


男爵府

積分: 6744

畀面勳章


27#
發表於 11-3-31 12:42 |只看該作者
做一個女人, 愛一個人, 要有少少保留.
你個問題係.. 你愛你老公, 但竟然沒有保留一點點.
而你老公鐘意你 (就算論到愛, 都係得好少好少) 就有所保留.

如果唔係你講得咁清楚, 我仲以為係你追你老公...
你辛苦, 佢唔會體諒你,
明知你搵錢唔係多, 仲想要"名牌"先可以滿足佢...

唔係想教你離婚, 但相信你前面條路會好難行...
希望你老公快d長大,
可以睇得見一個好老婆一直係身邊...
祝福妳!
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy