懷孕前後 今日: 0 | 主題: 330522

積分: 3292

1^#

發表於 11-4-25 03:20 |只看該作者 |正序瀏覽 |打印

本帖最後由 ryanne 於 11-5-10 20:06 編輯

上年7月1日，因為尿道炎去咗急症室，醫生突然同我講話有咗BB，當然嘅心情只係諗：唔係呱！已經做好措施都中？
因為只係結婚半年，未有計劃準備要小朋友，最後受丈夫商量後，決定順其自然啦！
「能夠懷孕係神所俾嘅禮物；BB能夠順利出世係神嘅恩典呢！」

2星期後上班途中，感覺到流血，二話不說，請假去睇急症。醫生即刻幫我照超聲波，胎兒仍然穩定，即刻放下心頭大石。
2日後再去醫院做產檢，醫生再幫我照超聲波，發現胎已經唔喺到了！腦裡面一片空白，原來我自己排咗個胎出嚟都唔知呢！回到家，我先識得喊出嚟……抱住丈夫哭了一晚，失眠了一晚，放了一星期的假休息。

這是我第一次小產。(當時胎兒只有5~6wks)
這次並沒有特別調理身體，只係更均衡飲食吧了。

今年4月6日，因為感冒，去咗睇私家醫生，有證實再一次懷孕了，又再一次意外。今次雖然已經有了做媽媽的準備，但並唔係喺呢個時候。
同樣都係順其自然嘅心情去過之後嘅日子……
直到4月18日，開始少量流啡，但未有肚痛……
4月19日，開始流血，量比之前一日多咗，而且開始有肚痛，於是下午去咗急症室，醫生二話不就，即刻幫我照超聲波，胎兒仍然存在，只係比正常週數少好多。醫生話因為未有心跳，所以週數亦不能作準。不過以正常週數而言，胎兒實在太少了，所以你最好都要有心理準備。
4月20日，繼續流血，而且肚痛加劇，次數亦頻密咗，即刻同丈夫再去一次急症室。急症室醫生希望我留院觀察一晚，當晚亦有照超聲波，醫生話胎兒仍然正常，喺正常位置，安全起見，都係留一晚睇下出血情況有冇改善吧！
4月21日早上，醫生再幫我照超聲波，發現胎兒已偏離正常位置，而且有排出體外傾向。已經有心理準備再一次小產。
4月21日下午，出血情況有改善，食咗止痛藥，肚痛減少。醫生再巡房時，按我當時情況，胎兒有好大機會排出，不過仍有機會返回正常位置，只係機會好微。醫生批准出院，同時亦都俾個小瓶我，睇下有冇機會攞到排出嚟嘅胎兒組織。醫生亦好好人，出院前幫我再照一次超聲波，因為我怕自己好似第一次小產咁，排咗個胎都唔知，想再確認一下。而且醫生仲解答我一切疑慮，我擔心自己有慣性流產，亦擔心因為自己身體結構、健康等問題影響胎兒生長。不過醫生話我一切正常，我可以安心出院了。

既然醫生都打定輸數，我亦冇抱太大期望。只係心情比第一次輕鬆，雖然有唔開心，但冇喊過。

4月23日晚上，同丈夫出外吃飯準備回家，感覺到有一粒物體從子宮排出嚟，返到屋企衝入洗手間，發現一粒好似花生嘅物體，我估…這就是我的胎兒了。丈夫幫忙把它放入瓶子內放入雪櫃。聽丈夫形容，胎兒其實有點明顯分為頭、身、腳三部份呢！

當晚，真正看見了自己的胎兒，才懂得抱住丈夫真真正正的哭了出來，而且我失眠了一整晚呢！

4月24日早上，把胎兒組織送去醫院，等待5月9日覆診時再睇報告。然後趕返崇拜了，崇拜時，我再一次忍不住再哭了出來。

這是我第2次小產 (胎兒有8wks)

傷心、心痛是必然的，我沒有刻意要自己不要哭，而且我知道哭了出來會舒服好多。現在總算平靜下來，當然仍有些傷感吧！
只是今次待排清所有血液後，會睇中醫認真的調理身子，補補身。

透過文字分享出來，除了想讓自己多一個舒發途徑外，亦希望大家可以作為一個參考，縱然可能未必有參考價值，亦希望各位曾經小產過嘅媽媽唔好放棄。

我仍然期待有第3次懷孕嘅機會：因為我愛丈夫，我希望為他生一個小孩；因為我愛小孩，所以我希望把我的愛分享給他/她；雖然我可能未必係一個好媽媽，正正因為我知道得來不易，所以我更會懂得珍惜。因為我深信……「能夠懷孕係神所俾嘅禮物；BB能夠順利出世係神嘅恩典呢！」

謝謝大家願意花時間睇我的分享。歡迎各位留言和大家交個朋友呢！^^

更新 on 25 April 2011

昨晚，再一次哭了 (今早起床，眼睛還哭踵了)……其實我自己亦冇諗過今次會咁(心) 痛，可能真係冇預計個自己會咁真實感覺到自己排咗個胎，而且親眼目睹吧！丈夫抱著我安慰我，第一次完完全全的向他說出自己的感受……其實心情真係好難受，小產了固然難受，只係身邊嘅朋友一直詢問令我更難受。

這件事，我同丈夫都冇打算同其他人講，因為對知道嘅人或我都冇好處，所以只有身邊不到5個朋友知道，因為自己本身有舞蹈事奉正在進行，所以亦需要向有關人士作一個交代。
不過仍然會有一些不識趣嘅朋友呢！其他不知情嘅人，我只會向他講一句身體不適。

只是人係有好奇心的，亦喜歡查根究底。弟兄姊妹會質疑，點解身體咁耐仲未好？經期唔需要唔食牛肉吧！(因為而家仍然有出血，怕食太多牛肉會加多出血量)。

我唔可能怪弟兄姊妹，始終佢哋都係出自一片關心，我哋亦唔想欺騙佢哋，只係，真係唔想再舊事重提。不過…面對呢啲問題，其實真係好難受。
昨晚同丈夫講咗呢個問題，日後佢會幫我處理，感謝丈夫嘅包容、忍耐同體諒。

**因為字數有限，往後update 將會喺其他樓層，我亦會在這裡說明樓層數目，謝謝！**

~26 April 2011 update details at 60/Floor

~27 April 2011 update details at 86/Floor

~28 April 2011 update details at 100/Floor

~7 May 2011 update details at 112/Floor

~10 May 2011 update details at 120/Floor

點評

mypineapple 神唔會遲到架, 佢一定會係適當的時候俾 bb 你架 :) 發表於 11-4-25 23:04

baby_cat 真心希望你快D有BB..... 可能你計劃生BB, 唔好意外有, 例如食定葉酸, 小心健康, (BB)質素會好D都未定. 發表於 11-4-25 20:34

shanwongsun 努力!!! 加油!!! ^O^ 發表於 11-4-25 17:53

0 1 0

私人傳訊

積分: 3292

126^#

發表於 12-2-1 00:55 |只看該作者

大家新年快樂~~好耐冇嚟啦！

自從上年6月搵到新工之後，就一直忙到不得了~~~
唔知大家有好消息未呢？

我同丈夫都希望可以生個龍b，不過都冇抱好大期望，順其自然啦！不過我自己就希望可以30歲之前生，始終對自己身體各方面都好啲……

不過，而家嘅工作，我相信好難會有bb，工作壓力真係太大了，我而家要做hr, admin and account........所以有考慮轉工，就係為咗生bb。

最近，終於"的"起心肝去睇中醫，而家主要都係想調理身體，因為我唔想再懷孕時又陀唔隱，或者又再第三次小產。

如果話唔擔心就假嘅，當然會有擔心啦！不過都會盡量放鬆心情；相反工作開始對我情緒有影響了，已經感覺到……特別聽到公司嘅福利開始減少，又冇人工加……

唉！開始覺得而家做女人打工都幾辛苦，最黃金嘅時間，又要結婚、又要生仔、又要進修、又要顧自己事業…真係唔知做得邊樣呢！

希望大家都加油，快啲可以做媽咪啦！

私人傳訊

viev

積分: 544

125^#

發表於 11-5-16 11:35 |只看該作者

我剛剛看完大家的經歷, 想分享一下我類似的情況。我在去年4月及11月也經歷過兩次小產。

第一次是大約八週,在六週時開始流啡, 然後看醫生照到有心跳。一直休息了兩個星期後，再去照發現沒有繼續長大, 做了刮宮手術。

第二次發現自己懷孕, 到醫生處驗血證實。然後再看了兩個專科醫生, 由於hcg指數太低, 他們不看好, 只有二至三週大, 後來自然排出, 不用做手術。

由於我高齡(快36), 身體不好, 工作壓力大, 我對自己能懷孕的信心不大。加上兩次小產, 我決定去看不育專科醫生。因為我不想去到40歲才發現問題, 到時會更難懷孕。

專科醫生替我做了一些驗血的test, 指數十分正常。他沒有叫我做人工懷孕，因為我的問題不在懷孕方面, 而在陀方面。這個醫生很好, 對我有很多的鼓勵, 他跟我說流產大部份都找不到原因,某程度上比不育更難醫，但要心理上堅強, 不斷嘗試, 雖然困難, 但慣性流產的人有70%最終可以成功有小朋友。就是他的說話, 鼓勵了我。我不再自怨, 也更積極去面對, 起初還會常常哭, 後來不會了, 因為我知道還有一條很長的路要行。除了西醫,我還看了一年中醫, 無間斷地食中藥。

我現在懷孕9週, 一直情況很穩定。一開始發現懷孕, 要打安胎針,食安胎藥及塞藥。甚至連工都辭了, 在家安胎。對我來說, 現在都比上兩次好。心情比較平靜及安穩, 對bb有很大的幫助。

我是基督徒, 我相信神賜生命, 賞賜的是耶和華, 收取的是耶和華, 耶和華的名是應當稱頌的。並且在難行的日子, 神會同行。

希望你心裡有著平安及信心等候神賜的產業,並且尋找醫生的幫助。

私人傳訊

Aprilbaby

積分: 2155

124^#

發表於 11-5-14 12:40 |只看該作者

神沒有忘記祂的兒女, 我也是難懷孕的, 但神最後都賜予產業給我...
繼續仰望, 不要失信心~

私人傳訊

vanchan519

積分: 839

123^#

發表於 11-5-12 22:37 |只看該作者

回覆鄭孖寶媽媽的帖子

你都加油呀! 我都係KEEP 住食中藥，等M來返...希望下個星期會來呀。

私人傳訊

鄭孖寶媽媽

積分: 1290

122^#

發表於 11-5-11 22:24 |只看該作者

回覆 ryanne 的帖子

最擔心就係period唔嚟, 但我4.May(Day1) 終於都 M come .. 是個好開始~
你都要加油呀~!

私人傳訊

ShinTung820

積分: 975

121^#

發表於 11-5-10 20:48 |只看該作者

加油呀! 調理好身體bb 就返黎架啦.

私人傳訊

積分: 3292

120^#

發表於 11-5-10 20:04 |只看該作者

update on 10 May 2011

星期五晚又開始失眠，天光先瞓；到星期六又失眠，只係瞓咗2個鐘，就要返教會，以為會瞓到，點知都係眼光光，等到5點幾先瞓，瞓咗2個鐘就準備去見醫生了。

一切已經完結！
上次檢到的，的確係胎兒組織，咩原因小產？冇人知，亦都冇人會去研究。我亦都唔需要做手術之類，所有組織已經排清。待經期正常之後2~3個月，又可以開始造人，醫生仲建議計劃生B之前2~3個月可以食「葉酸」，不過一問之下，其實葉酸同懷孕成功與否係冇閞的。=.="

私人傳訊

vanchan519

積分: 839

119^#

發表於 11-5-10 20:00 |只看該作者

無論有無宗教信仰也好，都有機會面對這些事情，傷心難過的日子總是難免的，始終是一個生命,曾經住在自己的身體，一種血濃於水的感情，最重要是傷心過後，依然會對未來都有一份盼望和積極的信心，我相信每個人都有自己的際遇和命運,只要自己活得開心就可以。

私人傳訊

積分: 3292

118^#

發表於 11-5-10 19:49 |只看該作者

回覆 babyonla 的帖子

好開心你終於諗通咗呢！專業醫生有冇俾任何建議你呢？

唔使擔心我，我已經冇事。我係一個理性嘅人，亦因為自己獨立嘅性格，知道喊或者長時間喺負面情緒下係冇任何幫助。
當我知道自己再次小產時，我第一個念頭就係：我會唔會有慣性流產，或是身體上有其他問題呢？不過醫生話3次或以上先算係有慣性，而且醫生幫我檢查時，醫生話我基本身體上冇大問題 (例如：子宮上問題等)，其實已經令我放心不少。
2次懷孕都可以話係一個意外，最少對我嚟講係，我亦知道自己係需要好好調理才可預備有BB，因為我本身身體太差了，所以除咗而家要好好調理外，喺計劃要BB之前，亦都會加倍留意。(醫生仲建議我要BB之前2~3個月可以食葉酸呢！)^^

私人傳訊

babyonla

複式洋房

積分: 254

117^#

發表於 11-5-10 17:09 |只看該作者

ryanne:
而家我反而有種解脫 & 鬆一口氣既感覺, 因為我會將我交俾專科醫生, 希望係佢地既專業資識下, 可以解答到我既疑問, 搵出點解我有慣性流產既原因, 睇下有乜解決方法, 係專業人士既指導下, 我先考慮再嘗試, 而唔需要盲目咁去睇中醫 & 嘗試懷孕。
係排隊 & 未見到醫生之前, 我可以好好享受生活, 做自己喜歡既事 (e.g. 運動, yoga, 跑步, bellydance or take a academic course to upgrade myself, etc). 其實上天俾生命我地, 我地要珍惜 & 好好地活, 活得開心都好重要, 予其日日愁眉苦臉, 憂心忡忡地過, 我選擇開開心心咁過每一天。
我媽咪見到我之前不斷為"生仔" 既事而煩, 佢都有d 唔開心, 而家我諗通左, 暫時放低左, 做返原本既我, 佢覺得自己個女終於返左黎。

私人傳訊

babyonla

複式洋房

積分: 254

116^#

發表於 11-5-10 16:57 |只看該作者

Ryanne:
我唔係教友, 所以唔識用聖經入面既例子黎安慰你, 我只可以係度同你分享一下我自己既經歷 & 當中既個人領悟。
我上個月尾 (4月26日)剛剛經歷了第三次小產, 三次懷孕都唔過8 週就自然流產, 第一次因為係意料之外, 所以只係傷心左一段好短既日子, 第二次流產, 因為預先有準備, 所以傷心左足足一年, 當一人獨處時, 就控制唔到自己既眼淚, 成日覺得係自己唔好, 不斷怪責自已。到第三次, 都係計劃之下有左, 不過又係保唔住, 有左冇幾耐已經放假, 休息訓床安胎, 但都係唔得。今次知道唔得既時候, 當然都有難過 & 哭, 不過今次反而理智左, 唔會再不停自責, 因為今次流產另我明白到, 我身體可能出左d 問題 or 欠缺左d 野, 所以先會成日早期流產, 第三次流產另我知道, 我唔可以再盲目嘗試, 我要正式去搵醫生 check 下我出左咩問題, 要正面去面對呢年事, 因為喊係解決唔到問題既。

我之前以為係份工有壓力, 以為自己身體唔好, 所以係有第三胎之前, 已經有一段長時間食中藥調理身子, 但結果話俾我知, 我唔可以好似其他人呾只係靠食中藥就可以安到個胎, 我知道我一定要搵專科醫生幫我。

見到你話 "有d 人好唔識趣", 我好有同感, 今次除左我父母& 一兩個親戚, 我冇同身邊任何朋友講, 費事成日問返問去, 我只係想做到 "淡淡然來, 淡淡然去", d 人一日到黑想八掛 or 問候, 反而另我諗起一d 不必要既傷心事, 個b 對我有縛重要我自己知就得啦, 唔使佢地不停remind 我d 唔開心既經歷lor, 真係好唔識趣 & 好唔 considerate!!!!

私人傳訊

積分: 3292

115^#

發表於 11-5-8 23:36 |只看該作者

回覆 rabbit333 的帖子

傷心係無可避免的，因為是自己的孩子，我第2次聽到自己又小產初時，完全冇喊過，反而令我覺得自己有點冷血呢！><"

有件事我一直都深信的：神有祂的計劃，所以我只要憑信心順服；神亦會為我預備最好的，因為神愛我，祂的恩典必夠我用。
所以不論結局係點，我仍會感恩。縱然失去係心痛的，但從另一方面睇，我每次都會有所得著：讓我更懂得倚靠神；因為生命得來不易，所以我要更珍惜，而且要喺尚有生命氣息時，努力地事奉祂，愛身邊嘅人。

我第一次小產之後嘅禮拜日返崇拜，我聽到1首詩歌，當時俾我好大嘅感動，令我哭了：主的恩典乃是一生之久 (讚美之泉)。
到第二次小產之後嘅禮拜日前，我一直都冇喊過，直到當日返崇拜，我聽到首詩歌：緊緊抓住你 (讚美之泉)，我終於哭了。

傷心的時候不妨聽下詩歌吧！除咗可以安靜自己，可能又會有所得著呢！
神係愛你架！因為祂曾經也同樣都失去祂的兒子呢！

私人傳訊

rabbit333

積分: 832

114^#

發表於 11-5-8 16:55 |只看該作者

看完你的經歷，我的眼淚己流得滿面皆是！
我的bb在5月4日離開了，她只有9wks大，我很掛念她……
由我流啡日開始，我己不住的向神禱告，可否拿走我面前的苦杯……
可惜bb都走了……
我知道這是神的安排，但我真的很捨不得她……

私人傳訊

jbread

積分: 666

113^#

發表於 11-5-7 16:43 |只看該作者

加油!保重身體!

私人傳訊