吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我好內疚~

夫婦情感今日: 7|主題: 42744

收藏本版

發帖

返回列表

跳至頁

查看: 3580 | 回覆: 33

我好內疚~ [複製鏈接]

bblook2

男爵府

積分: 6397

1^#

發表於 11-4-26 15:07 |只看該作者 |正序瀏覽 |打印

阿仔最近學爬,很得意...
那晚我對住阿仔,放佢係大人床上,我用被圍了個圈與他一起玩...
突然,電話响起,房內的電話按不動(不是第一次了),
就在我想走出房拿電話時,聽到"嘭"一聲,
我好驚,回頭一看,阿仔跌在地上,面伏在地上,哭了一下,
我連忙抱起他,他鼻流血,我用紙巾抺了抺,
抱他聽電話,急忙跟電話中的老公說"B從床上跌下來,我要把他送醫院了"
收線後,我拿起個袋,抱着仔便走,樓下截了的士,再打比老公,
老公在附近,接埋老公上車,一直駛至醫院急症室,
車上我一直在哭,仔閉着眼像睡了,卻用力扯着我的頭髪,小拳頭握得很緊,
急症室等了也差不多半小時,我一直哀求快點看我的兒子,
他很安靜,很乖,醫生檢查時他可能覺得痛才哭了出來,又安靜了.
老公很激動,有罵我,我是抵罵的,係我疏忽,係我對唔住個仔
醫生說問題不大,留院觀察,我問是否要照一照有冇跌傷個腦呢..
他說早上照掃描, 我問他其他地方會否骨折呢.. 他說他活動OK,該沒問題,不用全身照...
我說個仔要離開我留醫?他說家長可以陪他..
在病房(不是兒科),老公哭了,他跟我說他只有這麼一個兒子,如果孩子離開了,他不想活了...
我很難過,請求老公原諒,他說如果仔沒事便原諒我,
我抱着B,老公回家拿尿片等日用品給我,他為我帶來食物,輕吻我回去了,
一整晚,我抱着B(其實我每晚都是抱着他睡的),我不敢睡,我一直在聽個仔的呼吸,好驚他會這樣離我而去...
老公早上6時便來,他沒有睡,清潔地上的血跡,替我撒謊讓他父母不要來我們家,把房內電話丟了...
早上7時,帶B照掃描,11時結果出了,奇蹟似的什麼也沒事...
這兩天回家觀察他很精靈,間中有些扭抱而已...
老公跟我買了小朋友那些避震墊鋪在廳的地上,跟我說仔以後不放大人床上了,
我們也籌劃買張bb床(我一直抱住b在細房睡的),過往覺得無地方放,無錢買,現在覺得這些都不是理由...
6299今天來了,沒發現任何異樣,99不喜歡家裡多了東西,老公做了我的護身符..
這幾天我沒胃口,吃不下,他特意請我出外吃東西,出到去,我哭了,我跟老公說,我這樣對你的兒子,你還對我如此好?他說,在他眼中,我已是100分媽咪,他知我平日的辛苦,人總有錯,不要再掛口邊,我們以後小心點就是了... 我真的不配,真的不配老公對我如此好...嗚~嗚~這是我一生的內疚啊

0 1 0

私人傳訊

JJMumMum

伯爵府

積分: 17320

最關心BB問題熱投勳章認識瑞士牛牛第三回認識瑞士牛牛第二回認識瑞士牛牛第一回畀面勳章 wyeth冷知識勳章環保接龍勳章 BK Milk勳章月餅勳章育兒性格勳章

34^#

發表於 11-5-12 18:40 |只看該作者

其實點解明知個電話有問題都唔換?

不過,好小事啫,我bb嗰時喺上架床跌落地...

咁又點?而家做咗人哋呀媽lu

風雨同路

私人傳訊

fafacat

男爵府

積分: 6375

33^#

發表於 11-5-12 17:59 |只看該作者

我個仔既後腦比個(今次至話衰佢)C6 : 人出LIFT 佢出LIFT,
佢抱住佢竟然佢自己出先, 夾住個仔後腦, 真比佢激死,
當然個LIFT即時彈開, (係夾完至彈)

主保佑, 今年16 la, 青春美麗, 智力正常, 除左係前幾名就算數,
仲係打機高手, 至於個爸, 跟本無講對唔住添

Do not count your days down!

私人傳訊

alik

公爵府

積分: 25507

32^#

發表於 11-4-28 21:41 |只看該作者

樓主，你記得要放鬆吓自己，你壓力越大，會令你做的每樣嘢都慌失失，咁意外發生的機會就更大，這是循環來的。只要第時行開前，睇清楚安置好亞B未就得

唔該唔好同我打招呼，不要點評！

私人傳訊

evalio

大宅

積分: 1699

31^#

發表於 11-4-28 17:14 |只看該作者

樓主不用太擔心同責怪自己，以後更加小心就好la。
我bb六個幾月ge時候都試過係大人床碌左落地下，當時bb嘔左小小奶同個頭腫左，我自己都有嚇到喊左，後來自己觀察左幾日發覺佢都無事。

私人傳訊

幸福謝師奶

珍珠宮

積分: 39732

畀面勳章貢獻勳章環保接龍勳章

30^#

發表於 11-4-28 11:03 |只看該作者

阿仔1yrs 時, 我入左廚房煲粥仔,點知阿仔起大人床訓醒搵我,就係咁澎一聲跌左落地, 果下真係嚇到我心都跳埋出來,拿拿聲去睇阿仔, 我見到佢頭向下訓左起地大喊呀, 我即抱起佢檢查下,剩係見到佢側額頭瘀黑曬, 果刻真係勁內疚同自責呀,仲攪住佢一齊喊tim~
果晚同老公講, 老公都冇話我, 因為小朋友跌親緊有, 下次更加留意就ok wor ~~ 反而我就比阿媽阿爸話到7 彩呀

依家我真係唔敢阿仔未起身就走左去做野 , 就算佢做咩,我都會更加留神!!!

私人傳訊

JJYau

大宅

積分: 4626

29^#

發表於 11-4-28 00:21 |只看該作者

我跟你一模一樣,經一是長一智loh，以後小心d!

唔好自責喇,自己心情唔好影響食慾,健康,你點可以好好照顧bb呢?

私人傳訊

Nancy20090615

瑪瑙宮

積分: 136726

28^#

發表於 11-4-27 23:31 |只看該作者

男人常常對住一個精神繃緊的女人都幾有壓力的, 樓主要留意.

私人傳訊

snowbaby521

男爵府

積分: 5123

叻叻勳章好媽媽勳章畀面勳章 BK Milk勳章

27^#

發表於 11-4-27 19:56 |只看該作者

唔好內疚`~依家都無事, 你又唔係有心既~下次小心d, 唔好再放佢自己一個係床~

私人傳訊

crazycarrot

男爵府

積分: 6725

26^#

發表於 11-4-27 19:48 |只看該作者

小朋友長大嘅過程一定會受傷, 做媽咪嘅一定會自責. 我想這裏嘅媽咪都會試過, 小朋友長大, 媽咪都會. 加油, 做個好媽媽!

私人傳訊

Allyly

男爵府

積分: 8127

2011至尊種植勳章畀面勳章親子王國15週年勳章

25^#

發表於 11-4-27 16:50 |只看該作者

bblook2 發表於 11-4-26 15:07
阿仔最近學爬,很得意...
那晚我對住阿仔,放佢係大人床上,我用被圍了個圈與他一起玩...
突然,電話响起,房內 ...

唔緊要啦, 其實好多媽媽都試過, 下次小心do羅!
我個囝仲係bb 時都跌過2次落地, 明明出廳拎野, 都唔夠半分鐘, 就跌o左落地下! 不過好彩2次都冇事, 第一次見佢自己用手按住地下; 另一次大個少少, 跌的時候, 仲自己用手捉住床邊的床單滑落地下! 雖然好好笑, 但係都幾驚. 之後, 每次出房前都會放番佢落bb床先!

~~~ LOVE & PEACE ~~~

私人傳訊

bblook2

男爵府

積分: 6397

24^#

發表於 11-4-27 16:42 |只看該作者

好多謝大家留言安慰.. 今日老公又想請我食野,我一口拒絶咗..我覺得自己真係要食番野,阿仔好重我已經抱唔上手了...
或許大家覺得我真係太過敏,或許我係新手媽媽,無經驗... 不過,我不斷反思,其實情況可以很壞,有好多遺憾的事都可能源於一時疏忽..
我不是不容許自己兒子踫壁,只是不接受自己的大意,
老公話經過今次件事才知道兒子對他如此重要,而我覺得我的安全意識提高了,我很感恩有讓我改善的機會。再一次多謝大家關心.

私人傳訊

bblook2

男爵府

積分: 6397

23^#

發表於 11-4-27 16:42 |只看該作者

私人傳訊

SUSANNA

伯爵府

積分: 17460

好媽媽勳章 BK Milk勳章

22^#

發表於 11-4-27 12:01 |只看該作者

坦白講,我覺得樓主的感受是過份了, 我相信大部分小孩也曾跌落床(包括我女兒), 當時也有送急症室, 我兩公婆當然有不開心, 但我老公沒有對我說負面說話,我們現在也會拿那次經歷開玩笑，樓主，你試想想，小朋友在成長階段會有很多次跌親，弄傷，弄瘀等，有些，我見到成腳都是蚊咬，又或見個臉腫了或瘀了一大遍，如每次都要這麼激動，是會嚇壞小朋友，所以你要先冷靜，才可面對日後種種．

私人傳訊

heidys

子爵府

積分: 12992

母親節2025勳章 2025勳章蛇年勳章虎到金來勳章 HiPP勳章(1) 好媽媽勳章

21^#

發表於 11-4-27 11:48 |只看該作者

唉..我阿仔復活節連續2日向後跌,撞到後腦呀
第一次在鋪頭離佢太遠,仲要係磚地板
第二次佢企在我大髀之間,但木板跣腳跣左落去,反應太慢,唔識用大髀夾住佢.好在速度慢同埋木地板
好在兩次都無事.
碰撞o既野真係防不勝防呀

我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG

私人傳訊

yokie_beagle

大宅

積分: 1985

20^#

發表於 11-4-27 00:39 |只看該作者

我細個時同哥哥去落樓下玩, 我係D 架上面跌左落黎, 個下巴不停咁流黑血添LA....我媽咪即刻送我去診所連針....而家我咪一樣生存到, 而家個下巴仲有4針巴係到....
放心LA, 唔好怪責自己, 最緊要家人老公體諒你
Add oil ar

私人傳訊

Nancy20090615

瑪瑙宮

積分: 136726

19^#

發表於 11-4-26 21:16 |只看該作者

本帖最後由 Nancy20090615 於 11-4-26 21:18 編輯

bblook2 發表於 11-4-26 15:07
阿仔最近學爬,很得意...
那晚我對住阿仔,放佢係大人床上,我用被圍了個圈與他一起玩...
突然,電話响起,房內 ...

這幾天我沒胃口,吃不下,他特意請我出外吃東西,出到去,我哭了,我跟老公說,我這樣對你的兒子,你還對我如此好?他說,在他眼中,我已是100分媽咪,他知我平日的辛苦,人總有錯,不要再掛口邊,我們以後小心點就是了... ....

您 c6 很好呀會控制情緒又識安慰您, 無一味責怪您, 您嫁佢係福氣.

我囝細個我都有疏忽, 放佢 (6個月大) 在梳化我去左廁所佢仆左落地狂喊, 但好在喊無耐就無事. 另有一次係幫我湊佢 (3 個月大) 的親戚讓他在她的床上仆落地 (佢張床是窗台咁高), 佢打電話講比我知嚇死我, 但佢都好驚, 好在係 (同您個 b 一樣) 唔係後腦著地, 否則真係唔死都變白痴, 呢次佢跌瘀左前額起樓. 果次佢猛同我講對唔住, 如果 b 有咩事, 佢呢一世人都唔安樂, 但我答佢o既答案我都覺得自己好冷靜, 我話有咩事都係注定, 唔關您事.

不過, 呢兩次我就學識, 凡離開 b 要放佢在地下先至最安全.

大家都未做過媽咪, 係咩都唔識. 經一事長一智. 努力加油呀~

(另重有一次, 係地上有水, 佢行過床邊 sin 親眼角撞埋床邊角爆晒缸, 現有少少o那, 所以家居潛在好多危險. 小心留意, 但又唔洗比自己太大的壓力._

私人傳訊

lailaiha

水晶宮

積分: 63408

2025勳章 2025勳章蛇年勳章虎到金來勳章 2018復活節勳章開心吸收勳章最關心BB問題熱投勳章認識瑞士牛牛第三回認識瑞士牛牛第二回認識瑞士牛牛第一回我的育兒心得勳章 hashtag影視迷勳章好媽媽勳章醒目開學勳章畀面勳章環保接龍勳章

18^#

發表於 11-4-26 18:08 |只看該作者

’我很難過,請求老公原諒,他說如果仔沒事便原諒我,’
我相信你老公都係１時未處理到阿仔件事咁講
事後你都睇到佢都唔係真係怪你的

我老公試過成個人坐住阿仔幾秒，果時阿仔只係１個星期大
坐到阿仔抽搐抖唔到氣咁

人誰無錯呢，　做媽媽係１生的責任
錯左ＧＥ，識得汲取經驗，下次處理更好就可以了

放鬆Ｄ呀！

~ 神的恩典夠我用~
~用流淚撒種的必歡呼收割~

私人傳訊