其實已經唔係而家先係，我讀大學果陣已經有D同學係咁，
有一次有個新Lecturer嚟教，佢係我地D師姐，
講真佢係教得麻麻地，但都有備課又唔會遲到早退，
都叫做盡責，不過班上面有D比較多要求嘅同學就唔係咁諗，
尤其是有幾個敢講敢Challenge老師嘅同學，上堂就傾計打機，
好D嘅靜靜地睇報紙，做其他科作業。
有一堂已經係學期最後一堂，可能D同學太嘈，
令到個老師唔可以專心講課，於是就出聲叫幾個同學靜D。
點知果幾個同學反而同老師講，問佢知唔知自己幾唔掂，
都唔知佢教D乜，上堂花成半個鐘續個名叫點名，
如果佢教得好，唔駛點名都成村人卜到去上堂，
問老師有冇檢討吓自己點解咁多同學唔聽書，
係因為老師教得唔好。。。
你一言我一語，個老師好尷尬好驚訝，
我睇到佢好激動幾乎好似想喊咁，
果時有少數同學出聲叫老師繼續講落去，
唔好理果D投訴嘅同學，我都有出聲~
當時感覺係老師都係一個人，點解要踩人踩到盡？
兜口兜面俾D師弟妹話自己冇料幾難受，
個老師有一份正職，只係每星期教一兩堂，
我估佢都唔係因為錢先返去母校教，
我已經唔係好記得最後係點，好似老師有講過唔想上佢堂可以走，
但有同學就講如果唔駛點名佢地一堂都唔會到，
但奈何要計出席率先可以教試，
果幾個同學甚至話老師可以考試肥佢都得，
最多出年再修過，但唔希望又係同一個老師教,
又話上堂之前已經做咗有關佢嘅問卷調查,
呢個係事實，個個上堂前都填晒，
佢地有寫叫個系換老師。
好似最後老師話佢冇辦法再上果堂，
執埋D書同筆記就走咗，我地就提早放食飯。
事隔咁多年我都記得個老師叫咩名，當日嘅場面都歷歷在目。
其實果班同學唔係壞份子，佢地讀者成績都好好，
只係比較激D啫, 如果可以大家都有落台階就好好多。
花旗太太生活在花旗國，留意時差，你問我未必即時答到。
發表於 
發表於 
.
, 不過好快就消失左....
現在D人已不將老師放在眼內了. 常有老師比學生打的新聞呢
返回列表
