吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 香港四大地獄醫院

自由講場今日: 1760|主題: 1367254

收藏本版

發帖

返回列表

跳至頁

查看: 31002 | 回覆: 53

香港四大地獄醫院

[複製鏈接]

12 3

蜆介鯪魚球

珍珠宮

積分: 41363

好媽媽勳章醒目開學勳章環保接龍勳章

1^#

發表於 11-5-5 14:46 |只看該作者 |正序瀏覽 |打印

病人擁有的金錢多寡，可衡量其生存權利嗎？每年掌管納稅人三百九十億的醫管局，無心搞好公營醫療，不斷制約支出，懶理病人、前線醫護人員死活！一眾無法負擔私院昂貴醫藥費的病人，入公立醫院救命，隨時變無命。做心臟檢查要等三年、有生腦瘤的病人等到眼盲仍無得做手術、心臟病發入院要等半年才有「資格」開刀，生人輪候卡，最後慘變死亡證；公立醫院變成人間地獄，資深醫生、護士大量逃亡，留守下來的「勇士」不斷被勞役，不眠不休地工作，以命搏命。醫生、護士、病人全城怒哮，統管全港政府醫院的食物及衞生局局長周一嶽竟叫人勿斤斤計較！

繼婦產科及兒科醫生、護士踢爆內地孕婦湧港，逼爆公立醫院後，原來公立醫院的內科部門更嚇人，有公立醫院醫生更以「四大地獄醫院」來形容屯門、聯合、伊利沙伯及瑪嘉烈醫院，四間是病人最多、醫護人員工作時間最長及人手最不足的公立醫院，當中以屯門醫院的情況最為嚴峻。

四月二十一日，記者到「地獄」屯門醫院察看，本來寬闊的門診地下大堂，站滿約千名病人，擠得水洩不通，等候取藥的顯示牌叫號為一千六百多。二樓亦排滿等候預約新證的市民，一名坐輪椅、等候看老人內科的婆婆等了五轉電梯，仍因爆滿無法成功入內。

照心等到二○一四年「到時死咗啦，仲使照！」

走進五樓專科門診，當時是下午三時，全個大堂坐滿近千名病人，當中不少老人家，許多拿到上午籌的仍在等候，有些已等到睡着了。離譜的個案莫過於患有腎病十六年的李女士。她近日覆診，醫生發現其腎臟有陰影，懷疑是癌症，亦可能同時有心臟病，於是安排她排隊進行照心（心肌灌注檢查），無奈照腎需輪候至明年十二月，照心臟更須排期至二○一四年尾。

「而家懷疑有 cancer！等到二○一四年，我都可能死咗啦！仲照乜鬼！」李女士氣憤地說。經常入住內科病房的她說，最近病人數目太多，病房內病床數目由只可容納六張增至十張，「都唔知當啲病人係乜！近到頭貼頭咁滯，我隔籬床個病人係咁咳，我走都無得走！入去又死，唔入去又死，好無奈！有時唔夠位仲要喺走廊加床，啲病人真係好陰功！」

洗太平地迎周一嶽

「醫院情況咁差，二月底周一嶽嚟巡視仲要做 show清洗太平地！我當時喺度等睇病，覺得奇怪，點解專科門診等候人數得小貓三、四隻，啲病人喺邊呢？後來問番啲病人就知道，原來佢哋將幾十個病人搬去檢查，等周一嶽見到好少人，佢走咗就即刻打回原形啦！如果佢有心知實況，好心佢就上病房啦！真係當病人唔係人！」李氣憤憶述。

屯門醫院一名心臟科醫生說，李女士已算「幸運」，現在輪候已排到二○一五年，許多病人被迫改以一些高風險的方法檢查，如在跑步機上測心跳等，「若果病人有心臟問題可能引致病發，惟缺乏人手及資源下，才迫於無奈去做。」他踢爆，屯門醫院負責照心臟及腫瘤的核子醫學部，僅得一名醫生，以該院須服務新界西一百萬人，醫生病人比例高達一比一百萬，要等到與中六合彩頭獎一樣困難！醫管局指，全港九間公立醫院設有核子醫學部，主要供癌症及心臟病的病人使用，在缺乏培訓及人手流失下，僅得十名核子醫學專科醫生。

醫生每週工作一百小時

爭取醫生合理工時行動組發言人袁孟豪坦言，醫生捱病照上班極普遍，有女醫生懷孕，為保胎兒寧願辭職，「大肚都要做到 32至 36週先唔使通宵當值，但每一更都要十二個鐘。」

醫生瘋狂超時工作，令他們苦不堪言!以外國醫生工時比較，英國每週為四十小時，歐洲則四十八小時，澳洲三十八小時，本港醫管局建議每週工時為五十一小時，惟該行動組早前訪問了七百一十一名公立醫院醫生，結果發現他們每週平均工時高達六十五小時以上，近一成人須工作約一百小時，擔心工時過長，會影響臨床判斷、醫療質素及造成醫療失誤；九成人表明若情況不改善將離開公立醫院。單是屯門醫院內科部，共有七十名醫生，已有十八人離開。

腦生瘤阿婆　雙眼等到壓盲

地獄醫院情況不堪入目，即使新界東龍頭威爾斯親王醫院，同樣可怕。有不願透露姓名的醫生爆料，許多接受外科手術的病人，手術後須入住深切治療部，威院已新增深切治療病床，但人手不足，即使有病床也沒有足夠醫護人員照顧，病人慘變人球。「最近有一個六十幾歲嘅阿婆，佢個腦生瘤壓住眼部神經，已經等咗好多年，其中一隻眼已經盲咗，另一隻眼都壓到得番四分之一嘅視力，本來四月頭入院做手術，但住咗十日後，因為 ICU唔夠人，唯有叫佢返屋企，再等到有人手為止！」

內地孕婦湧港產子，令本港公立醫院及健康院，百上加斤。

「我哋都知咁對病人係唔好！佢隨時等到盲！但醫護人員已經做到死死吓！」該醫生透露，威院屬新界東龍頭醫院，醫生都不足，但北區醫院、大埔那打素等也不夠醫生，「現在威院醫生唯有一車車咁去各區救火睇症，有時上晝係威院、下晝就成車咁去北區！」

本刊向醫管局查詢公立醫院專科門診新症輪候時間，該局稱平均僅需四至十二周，惟記者在屯門、聯合、伊利沙伯及瑪嘉烈四大地獄醫院所見貼出來的輪候時間表，相差極遠，部分專科甚至要等兩、三年以上（見表）。醫管局還自誇各聯網醫院均「達標」，將緊急及半緊急個案輪候中位數維持在兩週和八週內。

醫生血淚：睇住病人等死

入公立醫院的病人多如星斗，醫生一樣如熱鍋上的螞蟻，希望「死少一個得一個」。屯門醫院心臟科醫生黃任匡早前傷了膝蓋的十字韌帶，也堅持忍痛拿着枴杖上班，不願加重其他醫生的負擔。

五年前在醫學院畢業時，黃任匡以為政府有足夠資源，為市民提供醫療服務，無奈在公立醫院工作，他不斷看着許多病人等不到醫治而死。他坦言屯門醫院的心臟科屬重災區，「國際標準要求心臟病發一、兩日內，最多一週內就要做手術。但香港唔係，輕微嘅最少要半年先有得做（手術）！真係好有問題！冠心病發嘅人，全部都係急症！我係講緊香港，唔係講緊第三世界國家！而家搞到如果唔係財爺、林瑞麟或曾蔭權，都無得即刻做手術！」

梁柏賢啞口無言

等到死，絕非誇張。「大概半年前，有一個婆婆第一次心臟病入院，佢排到個期係半年後做手術，其間佢第二次心臟病發，但未死得，無得做手術，半年來一直等，點知佢喺做手術之前一個星期，第三次心臟病發死咗。佢個仔捉住我隻手問我，「醫生，點解你唔早啲幫我阿媽做手術？」我將呢件事問早排嚟巡視嘅梁柏賢（醫管局行政總裁），問佢下次有咁嘅情況，可以點解決？梁柏賢話唔識答我。」說着，黃任匡眼泛淚光。

公立醫院逼爆，病人和醫生受罪，護士叫苦連天，白衣天使活在地獄中。在公立醫院當內科護士十多年的楊姑娘坦言，內科是公立醫院人手短缺的長期重災區：「病人全部都係最 dependant嘅病人，好多七老八十，無辦法照顧自己，換片、轉身都要護士幫，工作量特別大，新人有得揀都唔會揀內科，做緊嘅都會申請調走！」

護士一睇二十四

病人激增，資深護士卻不斷流失，令留守護士感不勝負荷。香港護士協會人力資源調查結果發現，全港護士約有二萬人，去年公院流失率達 5.1%，共流失近千名護士，而過去半年的前線空缺更高達九成七無填補。公院護士日間平均每人照顧十二至十四個病人，超出國際規定一對六至八的標準；夜更護士更嚴重，一名護士要照顧廿二至廿四名病人。

「一人睇十幾廿個病人，做都做唔晒！病人倒瀉水要換衫，等到件衫乾咗我都未有時間同佢換；有時啲病人要換片，但我哋真係無時間幫佢，要罨住四個鐘先換都試過。我哋都明咁樣好辛苦，但如派藥呢啲工作有時間性，真係行唔開我哋都無辦法。」楊慨嘆，部分人放假也被醫院急 call開工，導致與家人鬧交，影響私人生活及壓力大。護協發現，以十分為滿分的壓力指數，公院護士平均高達九分，工作滿足指數就只得三分。

護協主席李國麟指，造成今日的護士荒，是醫管局培訓護士的政策朝令夕改、沒有政策挽留資深員工及升遷制度不公所致。九九年護士流失率大幅下降，政府認為護士供過於求，故關閉十間設於公立醫院的護士學校，培訓護士的工作就交由港大、中大、理大和公大負責；後來私家醫院大展拳腳，政府無增加護士大學學額，醫管局又無挽留人才措施，結果私院向公院大量挖角，政府於是○八年又重開護校。

「培訓人才唔係朝夕嘅事，就算而家加番好多，都無助改善情況！大學培訓比護校完善，而家開番護校，即係走回頭路，製造兩種資歷嘅護士，只會造成分化。加上新人根本無法取代有經驗嘅護士，佢哋都要人帶，到頭來又要資深護士分心教佢哋，而家留住有經驗嘅護士先係最重要，但係醫管局就好僵化，資深嘅升職又要佢轉做合約員工，新人又講明頭兩年無得加薪，好多人覺得無前景梗係走啦！」

公立醫院負荷全線到達臨界點，全盤負責醫管局的主席胡定旭責無旁貸。出身會計師的胡定旭，是安永會計師事務所香港及中國區前主席，與商界關係密切，九三年曾出任政商猛人雲集、由已故政協徐展堂成立的新中港集團董事（股東包括李嘉誠、何鴻燊等），亦是被視為曾蔭權智囊的智經研究中心主席，○四年被委任醫管局一職。

曾任醫管局成員的郭家麒醫生指，胡定旭非任主席的適當人選：「佢係商界嘅人，又係總商會主席（去年五月當選），本身就有利益衝突。商界一向希望政府盡量減低醫療同福利嘅開支，咁就唔會有壓力加利得稅，佢哋可以賺多啲。胡定旭上台以來就只係一直幫政府減醫療開支！」

慳錢出事

「胡定旭其實無心搞好公營醫療，一直就靠約制支出，餓死公營服務，等啲人覺得服務唔好、唔想排隊，就自動轉去私營市場。但香港貧富懸殊嚴重，好多人根本無得揀，服務幾差、排幾耐都唯有忍，呢班人就最慘！」郭批評。

醫療爆煲的另一罪魁周一嶽，先後擔任瑪麗醫院行政總監及港島西聯網總監，○四年出任衞生福利及食物局局長（○七年後改組成食物及衞生局），接替因處理沙士不力而下台的楊永強。「周一嶽做咗咁多年公立醫院醫生，公院嘅問題佢好清楚。不過自從佢上台之後，慢慢已經唔似一個醫生，唔係為病人着想，而係政府思維，蝕本嘢就盡量唔做。好似搞藥物名冊咁，明知好多人無錢無得醫，好多癌症病人無錢買藥都唔理！」

郭家麒表示，過去八年政府盈餘充足，卻並未實行一些長遠的醫療政策，導致現時公院在人手嚴重流失和內地孕婦夾擊下不堪一擊：「基層醫療可以減少入院人數，但係社區嘅長者、婦女醫療都無做好，係錯失咗最好嘅時機。而家搞醫療融資嘅供款計劃仲恐怖，完全將醫療責任推晒俾病人。最着數就係啲老闆，實行取消晒啲醫療福利，逼打工仔轉做自願供款。香港人好多都低薪，而家仲要佢哋承擔埋自己嘅醫療，可見呢個政府從來唔係為病人着想！」

胡定旭和周一嶽在○四年分別出任醫管局主席及衞生福利及食物局局長，不過八年來二人不但在解決醫療問題上無建樹，政策和決定更引起爭議不斷。

藥物名冊 2005
醫管局以善用資源為由，設立標準藥物名冊，令兩成病人由免費轉成自費買藥，大量病人因無法負擔高昂藥費而被迫服用次等藥甚至放棄療程，醫管局被批評為節省開支罔顧病人利益。

同工不同酬 2007
醫管局在二千年就增薪點等制度改制，導致出現「同工不同酬」情況，問題拖延七年仍無解決，○七年超過一千名公院醫生在伊利沙伯醫院靜坐抗議，胡定旭到場解釋，反惹來全場噓聲。

醫療事故 2009
公院人手緊張導致事故頻生，○九年數月內接連發生打錯針、配錯藥、調亂嬰兒、甚至調亂屍體等多宗事故，市民對公院信心盡失。

醫護流失 2011
公院醫生護士大量流失導致人手非常緊張，醫護團體要求醫管局改善待遇以挽留人手，保持醫療質素，周一嶽卻叫醫生勿「斤斤計較」，引起醫生不滿，要求周下台。

撰文：梁美寶、林偉聰
攝影：李育明
資料資料組
[email protected]

0 0 0

私人傳訊

mohatman

男爵府

積分: 7671

開心吸收勳章認識瑞士牛牛第一回畀面勳章 hashtag影視迷勳章

54^#

發表於 11-5-5 23:07 |只看該作者

我有朋友排兩年先可以做心臟手術,等了兩了在手術前兩天因心臟病去了

私人傳訊

KarenC

珍珠宮

積分: 38563

環保接龍勳章

53^#

發表於 11-5-5 22:14 |只看該作者

最近有事入左公立醫院，4點入院等到6點先有醫生o黎睇~

人生本是苦

私人傳訊

123mummy

子爵府

積分: 12543

2025勳章蛇年勳章 2024年龍年勳章虎到金來勳章牛年勳章畀面勳章

52^#

發表於 11-5-5 22:03 |只看該作者

回覆 pamelaywy 的帖子

Agree!

私人傳訊

EMMACHEUNG

男爵府

積分: 8151

51^#

發表於 11-5-5 21:43 |只看該作者

近呢一年我都成日入院(政府), 比起10年前入住醫院都有吾同, 以前有派下小吃(餅乾之類),夜晚有奶飲依家吾覺有, 以前醫生一日巡2次房依家只有早上一次. d護士醫生同d阿姐真係忙到不得了. 有時真係忙都同病人鬧交都有. 因為對上一次入院共住了25日見到好多情況. 佢地真係忙個不停. 醫管局請個會計老胡定旭, 係咁 cut cost. 上一次半年前政府排磁力共振我是緊急都要等5個月, 我沒有等去私家照了共一萬元(醫管局就係想迫d人出私家照), 檢查完先知好大件事, 政府即刻安排做手術, 如沒有$個d病人真係等死. 我真係讚成個 $6000 比醫院買多d儀器比市民用吾使下下等一年二年. 遲多十幾年……..醫院應該仲嚴重. 個d病人應該50後60後 (個年代好多人出生)

私人傳訊

Fiona0235

珍珠宮

積分: 44134

50^#

發表於 11-5-5 21:43 |只看該作者

唉...

現在我們一家三口每日都過著幸福快樂的生活。～好感恩現在所擁有的一切人與事，我們必定會好好珍惜這個幸福的家!《幸福會遲到但不會缺席！》 ...

私人傳訊

pat510

子爵府

積分: 12558

醒目開學勳章畀面勳章

49^#

發表於 11-5-5 21:41 |只看該作者

多得梁X傑幫蝗太祖阿爺打官司囉....跟住仲有好多團聚等住來呀...一諗起個人就勁燥...

私人傳訊

mandy-is-good

大宅

積分: 1850

48^#

發表於 11-5-5 21:18 |只看該作者

慘la, 我仲成日要去其中一間地獄醫院覆診添, 但境況好彩未有文章裡面講嘅咁惡劣!
d醫生同護士服務態度仲好好添呀, 去咁多次, 我都冇受過氣呀, 係等得耐d, 所以佢地好抵讚架

私人傳訊

joechan1999

男爵府

積分: 7839

47^#

發表於 11-5-5 21:07 |只看該作者

政府快D幫下手啦.

私人傳訊

oscarmama

侯爵府

積分: 20356

46^#

發表於 11-5-5 20:55 |只看該作者

我諗吾單止公營e院迫爆，遲d連私院都無位，真係冇錢又死，有錢都死

mouth:

私人傳訊

hamstermama

大宅

積分: 1456

45^#

發表於 11-5-5 20:28 |只看該作者

香港地少人多, 就算有幾多醫院醫生護士都死啦!
日日仲要批咁多big6落嚟, 唉! 真係唔多醫療事故都幾難啦!

私人傳訊

charmaine_1

公爵府

積分: 25706

醒目開學勳章畀面勳章

44^#

發表於 11-5-5 20:11 |只看該作者

pamelaywy 發表於 11-5-5 14:57
香港公營的醫療也頂不住啦!!
派錢派錢, 連新移民都係度派錢, 正視問題啦! 何解咁多盈餘都唔搞好香港醫療同 ...

正視問題啦!

順順利利大吉大利

私人傳訊

BabyLincoln

子爵府

積分: 14979

2025勳章蛇年勳章好媽媽勳章醒目開學勳章環保接龍勳章

43^#

發表於 11-5-5 19:54 |只看該作者

私人傳訊

waterlemon

珍珠宮

積分: 37960

wyeth冷知識勳章畀面勳章

42^#

發表於 11-5-5 19:47 |只看該作者

私人傳訊

lulu1312

禁止訪問

積分: 17648

41^#

發表於 11-5-5 19:40 |只看該作者

提示: 作者被禁止或刪除內容自動屏蔽

私人傳訊

AA1107

男爵府

積分: 7626

40^#

發表於 11-5-5 19:36 |只看該作者

citty 發表於 11-5-5 15:44
當年政府醫院的药是最好,
現在的药很cheap

其實有d藥要收錢真係無可厚非...

如果有睇過街症既都知道佢地派藥有幾大手筆, 我早年關節痛, 佢地派既藥真係夠食2-3個月, 我當時問過藥房, 1樽食1個月都要$4xx/樽! 而我只係俾 $6x 費用就可以攞到成千蚊既藥.

因此, 當年有一批 "職業病人" 出現, 去扼藥然後再轉售藥房搵$, 當時亦有電視節目專題報導. 因此令醫院想出藥物名冊...

最近, 不幸晚上要睇急症, 晚上8點登記, 要12點才有得睇, 等既途中, 發現身邊大部份都是新移民/少數族裔/老人...唉...公立醫院彷彿不再係服務 "香港人".