吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 頂不住了...想喊..

婆媳關係今日: 0|主題: 27782

收藏本版

發帖

返回列表

跳至頁

查看: 13975 | 回覆: 101

頂不住了...想喊..

[複製鏈接]

12 3 4 5...6

SHB999

別墅

積分: 501

1^#

發表於 11-5-6 12:26 |只看該作者 |正序瀏覽 |打印

突然好想呻... 又唔想0係熟人面前數算咁多.. 好想0係依到借個位發洩下..

未結婚前.. 一星期見奶奶一兩次, 同老公拍拖五年幾...
一直同奶奶關係ok.. 佢都好似好錫我.. 老公話想儲下錢之後買樓..
所以.. 我妥協0係奶奶到一齊住下... 我真係以為我依個奶奶會唔同0的ga...
唔知係咪身份唔同左... 對對0既要求都唔同左....

好多好多少事... 令我覺得真係相處唔倒...
1. 婚前裝修間房.. 牆0既顏色.. 掛0既燈.. 衣櫃.. 床同台擺放0既位置佢都要管.. 佢都要ban..
你一樣半樣我會ok... 但點解我連自己想揀自己鐘意0既野放落自己間房... 你樣樣都唔覺得
唔鐘意, 最攪笑, 有次, 我地買左個胡桃夾子放0係床頭, 返到黎唔見左, 奶奶原來自己覺得唔鐘意... 扔左入廚房.. 仲要佢賴.. 係因為鄰居個小朋友黎左.. 怕佢拎黎玩所以收埋.. 又點解佢會見倒我床頭有0的乜... 就因為佢成日走入黎我地間房.. 仲要話我0的內衣褲唔好掛0係房個窗, 要掛出黎... 但我想話... 佢屋企仲有佢哥... 會唔會有0的尷尬呢..??
2.擺酒場地... 什至連姊妹裙顏色... 佢又要理... 我覺得奶奶給予意見係ok.. 但係佢0的所謂意見.. 就係覺得應該要所有野跟晒佢二女咁做, 應該同二女擺同一間酒樓, 姊妹裙應該跟佢同一隻色...
其實依0的.. 一直以黎我都覺得ok, 明白每個媽咪都會長氣.. 明白自己要體諒.. 要忍耐...
直至有左bb....
1. 奶奶好鐘意煲涼茶... 我大肚佢都照煲, 3個月未夠, 都叫我飲... 話自己0的涼茶唔涼...
仲有煲0的涼0既湯..<-- 平時我都唔見佢煲依隻湯... 我覺得.. 有少少玩野lor...
住左半年.. 我真係頂唔順... 老公又驚我可能真係會抑鬱.. 所以都同我搬出去...
1.搬左出去之後... 我老公成日ot... 我有時同朋友出去食飯.. 0個陣仲大肚..
我奶奶打黎問我0係邊, 我話同朋友食飯, 奶奶問... 咁我個仔食咩ar...
2. 0個時搬屋.. 因為老公唔想搬野撞倒我.. 咁佢自己過去收傢俬...
咁我自己一個仲留0係奶奶屋企.. 奶奶又話唉.. 個仔咪冇野食lor..
3. 我地搬左出去, 每次返到去奶奶到, 奶奶都會話搬返黎同阿媽住咪好lor...
出面又冇飯食... 又冇人照顧你... , 但其實我會煮飯ga....

生左bb 之後... 因為bb 早產左一個月, 要去兒科觀察..
1. 我奶奶黎醫院0既第一日... 就問我老公食錯0的咩要攪到bb 早左出世...
然後0係病房到.. 因為隔離0的床位, 有bb, 佢見倒人地0的親人可以同bb 玩...
然後佢0係我面前嘆氣... 話, 唉.. 如果遲少少出細咪唔駛訓氧氣箱lor...
2. 坐月期間.. 我媽咪辭左份工黎照顧我.. 但我媽住大埔.. 我住mk..
我叫我媽唔駛日日黎.. 我奶奶有時見倒我媽一日冇黎, 就係咁問我...
有次.. 我媽知道佢黎買晒送煮好飯...叫佢過黎食飯... 我奶奶仲特登0係屋企煮多2碟送過黎
其實個仔叫左佢唔好帶野過黎, 咁我媽話唔緊要, 多0的送一齊食咁..
我媽煮左雞.. 我奶奶又煮左隻雞過黎, 我夾我媽碟雞.. 我奶奶推開... 話食佢0個碟, 佢0個碟係新鮮... 但其實我媽0個碟都係新鮮lor...

仲有好多好多... 每一次同老公講, 老公都話咪有得佢(奶奶)講lor...
老公問我.. 點解要唔開心wor... 我真係唔係想我老公要一齊數算我奶奶...
或者返去鬧佢... 我只係想佢安慰下我咋.. 但原來我連唔開心0既權利都冇...

佢屋企人.. 家姐.. 阿哥.. 話我唔識諗.. 係都要搬出去.. 唔諗下個仔將來要好多錢..
佢地話, 係人都想有自己0既家.. 但諗野要成熟...
我地搬出去第一日, 佢家姐就send msg 比我叫我考慮搬返去..
又話唔覺得佢媽咪有咩問題.. 仲有樣野係, bb 出院第一日, 十日大, 奶奶口乾要比涼茶bb 飲..
佢家姐話.. 唔覺得飲涼茶有咩問題, 佢話佢地都係咁樣大...

最後最後.. 我老公決定搬返去奶奶屋企住.. 佢話我地唔會夾倒...
然後提出不如分開... 我有諗過為左段婚姻.. 為左個仔自己忍下.. 自己唔開心就算..
但最後.. 老公都覺得我冇可能返倒去住... 或者同佢屋企人共處..
佢話不如離婚.....

點評

bonbongon 同我c6一樣，唔願面對問題，唔解決，只係不斷逃避，要佢面對就話離婚 ~
而你仲有個小朋友添，佢真係 ..........太差喇 ~ 發表於 11-5-14 00:12

hikki1201 下! 離婚? 有無攪錯... 唔要老婆唔要個仔... 依個男人好離譜wor.. 發表於 11-5-9 17:51

cobaba 下? 佢話為左佢屋企要分開? 咁你地呢個又唔係佢屋企咩? 佢唔需要負責任咩? 會唔會係籍口丫發表於 11-5-9 16:14

kkttssng 你老公都未諗過點解決問題就就話離婚？有冇搞錯呀! 發表於 11-5-7 10:15

ming1020 咁既男人要唔要都罷! 發表於 11-5-6 17:41

honeybear0207 你老公根本唔愛你，有乜理由老婆同媽媽相處唔嚟就要離婚，唔好話真係實行，就算只係講吓都傷夫妻感情，佢都唔在乎你既！離譜！發表於 11-5-6 16:29

MANDY103 你老公有無搞錯呀! 老婆同個仔都唔要, 揀自己屋企人,佢究竟愛唔愛你架? 發表於 11-5-6 15:46

princessDD 嘩！你老公都好自私啫！知道做夾心人好慘，但係都唔駛連老婆同仔都唔要呀？！發表於 11-5-6 14:45

0 5 0

私人傳訊

eggcarol

水晶宮

積分: 51856

102^#

發表於 11-9-16 19:08 |只看該作者

引用：Quote:SHB999+發表於+11-5-6+12:26+突然好

原帖由 gk678 於 11-05-06 發表
樓主, 其實你都講, 你講既全部都係小事, 但係就影響到你夫妻間既生活, 咁樣好唔抵.
其實你老公肯同你搬出 ...

Agree，其實你所講全部都係小事,都係生活上的鎖事,為什麼要變成要離婚呢?
為左咁影響夫妻感情真係好笨,

私人傳訊

looklook_66

禁止訪問

積分: 10048

101^#

發表於 11-9-16 19:00 |只看該作者

回覆：頂不住了...想喊..

提示: 作者被禁止或刪除內容自動屏蔽

私人傳訊

寶貝樂樂

伯爵府

積分: 17256

母親節2025勳章 2025勳章蛇年勳章 2024年龍年勳章畀面勳章

100^#

發表於 11-9-16 18:47 |只看該作者

男家成家都要捉入"青山"住一排,抖抖
short,short 地

私人傳訊

withmina

大宅

積分: 1314

99^#

發表於 11-9-16 17:32 |只看該作者

引用：樓主，有以下幾點要想清楚： 1.+千千萬萬不

原帖由 Bibibut 於 11-05-30 發表
樓主，有以下幾點要想清楚：
1. 千千萬萬不要沒有工作，無工作比人蝦得仲慘。
2. 工作可以令自己有自信

同意！有經濟能力好好重要！

常常都煩惱

私人傳訊

withmina

大宅

積分: 1314

98^#

發表於 11-9-16 17:14 |只看該作者

回覆：頂不住了...想喊..

唉~又一個可憐例子。

相見好同住難呀

常常都煩惱

私人傳訊

SHB999

別墅

積分: 501

97^#

發表於 11-9-16 15:53 |只看該作者

回覆 fion718 的帖子

我0岩0岩先睇倒你個REPLY.. 你而家分開左住, 同老公點AR?

私人傳訊

fion718

複式洋房

積分: 394

96^#

發表於 11-6-2 20:21 |只看該作者

回覆:頂不住了...想喊..

唉，睇完你個post好感觸

我都係因為我62同c6分開住，雖然冇離婚，不過一星期見一晚：（我同62住左2年，每日放工都好唔想返屋企，我生左第一個仔之後，我媽咪過左來臭我個仔，我地兩個由朝到晚都唔會出房，因為我老爺好污慒，又有小小老人痴呆，會著住條底褲周圍行，有時又會發顛鬧工人，我真係好驚佢，我老公一直叫我忍，好快，我又有左bb. 媽咪繼續幫我臭，我係屋企既時間絕對唔會出房，幾個人困係百幾尺房，食飯都喺房入面。兩個月前，我終於忍唔住，自作主張租左間屋，我老公知道左冇鬧我，不過都冇跟我走。我老公好孝順，佢媽咪已經過左身，佢話唔會留低老豆比工人臭，選擇放走我同2個仔。真係好唔明白，點解好地地2公婆，會因為咁分開？

私人傳訊

kufubaby

子爵府

積分: 11364

95^#

發表於 11-6-2 15:41 |只看該作者

好在樓主都好堅持返工! 有收入對於日後任何打算都是有幫助的!
至於再回不回男家及同唔同老公分開, 唔係單方面說了算的. 對方想時, 你自己又想不想? 你想時? 對方又想不想?

在整件事上, 你老公是關鍵人物, 如果佢個心已經不在你及你BB, 也沒有對你們"自己的家"有憧憬, 那麼縱使你點勞力都只會更傷自己心! 不如找日平心靜電, 不要帶BB, 跟你老公好好傾下"將來", 傾下佢想點, 你又想點? 大家睇下回配合! 萬不得意真係要分開, 樓主要記得唔好認為係壞事, 也許對你, 對BB, 對兩個家庭都更好!

我見到有個jm share過, 她都有跟老公分開過, 之後再復合, 結婚, 生bb... 我會看為, 如果當日無分開再勉強一齊, 到大家互相傷害得更深再分開, 可能就無復合, 結婚生bb的結局了! 將來的事無人知, 但今日要如何面對就一定要作出選擇, 拖不是辦法, 大人跟bb的心理都會有影響的

加油.

私人傳訊

icyboy2011

複式洋房

積分: 144

94^#

發表於 11-6-1 13:53 |只看該作者

好難解決既一個問題 ......
老公同奶奶係一家人, 我同老公同個仔又係一家人 !
都係早d 分開, 間唔中見下面關係會KEEP 得耐D

呢d 就係我既睇法 .....

私人傳訊

Bibibut

公爵府

積分: 26805

93^#

發表於 11-5-30 12:31 |只看該作者

回覆:頂不住了...想喊..

樓主，有以下幾點要想清楚：
1. 千千萬萬不要沒有工作，無工作比人蝦得仲慘。
2. 工作可以令自己有自信
3. 可以的話吾好返去，因你老公簡直是白痴，似乎對你可有可無。
4. 如果到時真係搞離婚，有份工是好重要。

私人傳訊

ANGUSOR

複式洋房

積分: 184

92^#

發表於 11-5-30 00:56 |只看該作者

我都好明白擔驚受怕既感覺, 我諗你同bb住住先, 老公就返你奶奶到住,冷靜下再傾,唔好敢易放棄一段婚姻,加油,要愛鍚自己同bb.

私人傳訊

monsterjanehk

大宅

積分: 1622

91^#

發表於 11-5-30 00:28 |只看該作者

回覆:SHB999 的帖子

回覆 SHB999 的帖子
加油呀!

私人傳訊

monsterjanehk

大宅

積分: 1622

90^#

發表於 11-5-30 00:28 |只看該作者

回覆:SHB999 的帖子

回覆 SHB999 的帖子
加油呀!

私人傳訊

日月水火

水晶宮

積分: 51348

2023年兔年勳章

89^#

發表於 11-5-19 01:05 |只看該作者

SHB999 發表於 11-5-6 12:26
突然好想呻... 又唔想0係熟人面前數算咁多.. 好想0係依到借個位發洩下..

未結婚前.. 一星期見奶奶一兩次, ...

分明你隻99搞屎搞非!!!!!
E十明明你同99相處唔到,最多咪唔同隻99住!!!
離婚?真係多得你隻99唔少!!!!!

私人傳訊

cherisa

複式洋房

積分: 300

88^#

發表於 11-5-18 00:48 |只看該作者

你個老公真不知所為，玩呀？佢要離婚咪同佢離囉！呢d男人無用架，佢都唔放你在第–位，唔要罷啦！比個機會自己識過笫二個好男人。唔好再為班精神病人來藥代自己，放鬆下，唔好諗佢地，放晒d時間落個bb度好過啦！個bb係你自己既，你個c6係佢呀媽既，叫佢阿媽凑番佢，真係無敢多時間和腦汁去凑佢呀！成個未戎奶细路敢！

點評

Carriekaka 講得好!!! 發表於 11-6-4 17:35

私人傳訊

Suissesse

伯爵府

積分: 19928

87^#

發表於 11-5-16 23:36 |只看該作者

其實係你老公幼稚定係你幼稚？

老婆係一世，佢阿媽好話唔好聽已經大半世。

比涼茶bb飲？
咪玩啦

想害死bb咩

請盡量唔好點評我，因為我通常用手機版，睇唔到ga！！！

私人傳訊

asyura

複式洋房

積分: 455

86^#

發表於 11-5-16 09:37 |只看該作者

樓主你不如暫時唔好返佢地到，自己冷靜下先啦
一個愚孝既人男人係好難頂好難頂的，再加一個變態99.......仲要有一班八婆姑9大伯？
你有冇諗過如果你老公一世唔改，你要忍既講緊係廿幾三十年 (唔知你99幾歲？而且你99百年歸老後仲有班八婆姑9大伯.......)
你有外家撐，又有工作，已經比好多人好，至少你有第二條路楝
我每逢見到啲有個愚孝老公+變態99 +八婆姑9大伯叔仔既人就會諗起我媽咪............個種日子真係好難捱的.......
你真的想你以後廿幾三十年就咁樣過日子嗎？你有工作有自力更生既能力，有愛惜你既外家，做咩要返去受氣委屈過日子？
而且呢啲問題都會影響到小朋友

我同意樓上媽咪講，你唔好見佢地一段日子，連小朋友都唔駛俾佢地見，呢啲要仔唔要乸既人駛咩同佢地客氣...........

如果佢地真係有所改變，你都要觀察清楚諗清楚添呀，費事佢地為霸返個孫做戲

你再愛你老公，都要睇下佢愛唔愛你、識唔識珍惜你，人地都開到口分開，你仲死lur，咪盞佢地吊高來賣，覺得你犯賤

堅強啲！唔好衰俾人睇！