吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我和6299不快的事~~結婚篇

婆媳關係今日: 0|主題: 27766

收藏本版

發帖

返回列表

跳至頁

查看: 3132 | 回覆: 22

我和6299不快的事~~結婚篇 [複製鏈接]

朸朸媽

大宅

積分: 2580

1^#

發表於 11-5-16 01:28 |只看該作者 |正序瀏覽 |打印

我同c6結咗婚3年喇,,但係一諗起結婚時ga經過我就好唔開心,,好想發洩一下:

我同我c6係好細個已經識ka喇,,我老公係圍村人,,我姑姐都係住係果條村,,我細個因為冇人湊所以我姑姐間唔中都會湊下我(so我同我表姐感情都好好),,我媽咪果陣有時都會係條村到d舖仔打馬吊,,我媽咪一早就識得我6299.......我同我ex分咗手搬咗去我表姐到,,某天返村再見返我c6就開始咗,,當時我表姐曾叮囑我小心佢D屋企人,,因為我c6 D姑姐阿叔全部都住晒係條村到.......我同我C6因為有咗BB而結婚,,知道有咗BB時已經係12WK喇.........

當決定結婚後我第一次同我C6返佢屋企同6299傾(我C6一早同佢地講咗),,返到去我C6叫我99出嚟(佢係房),,佢一路行出嚟一路講: {有咩傾呀??? 快D講啦...}我C6問佢想點攪呀??? 99答:{你地想點丫} 62:{你地鍾意點咪點囉..... 想旅行結婚都得KA} 我當時答佢: {我屋企人想我擺酒(我屋企係水上人)},,99答:{你地想點咪自己問阿痳囉...(阿痳JA係太99,,佢係呢個家族GA最高領導人)},,99再答:{點呀))) 仲有咩傾呀,,冇我瞓KA喇} 當時我C6火都嚟{你而+得一個仔KA,,我唔係你個仔呀,,問你咩都唔知 (99好偏心我叔仔,,唔鍚我姑9同我C6,,係全村人都知果隻),,}當時我已經係到喊緊,,我奶奶冇出聲,,我姑9出聲話我99:{人地都係尊重你,,返你問你想點,,你洗唔洗咁呀},,之後我99叫我C6入房傾咗一陣就返出嚟,,之後我就同我C6走喇.........返到我地屋企,,我第一時間係大喊一場........

到咗雙方家長見面果日,,我6299仲有99個家姐都有嚟,,寒暄幾句就入正題,,我阿媽同佢地講:{我地係嫁女唔係賣女,,要10圍酒同50張餅咭就得喇,,過大禮都唔洗喇},,我62都準備咗D酒樓菜單話幾錢一圍咁....... 我99一句聲都冇出過全程黑面,,我阿媽問我99:{做咩唔出聲呀?有D咩咪攞出嚟傾囉,,.......} 99答:{唔知,,我咩都唔知} 之後我阿媽問佢咩,,佢都係答"唔知" ,,當時我真係好想喊囉......我99個家姐都有幫我99打完場,,我阿媽再問我62:{你地擺唔擺酒呀???} 我62答{我地返佢問下阿痳先}之後我99係餐飯都未食到一半GA時候問:{傾完未呀??? 傾完走喇.........} 當時我真係好想同佢講"我唔嫁喇",, 但係我見到我阿媽打咗個眼色比我,,意思係叫我跟我C6返屋企,,我死死地氣跟咗C6返去.........返到屋企都係大喊一場.......之後我C6先同我講返佢阿媽果日同佢係房講咩......我99話:{我唔係唔想擺酒,,係因為我冇$$,,仲要聽你阿痳話.......}.......到最後我C6果邊都係唔擺酒只係擺咗30圍盤,,但係要過大禮囉..............

係過大禮果陣,,我地女家只係要佢10X(X果個字唔識打),,但係我99要我地買龍鳳诐,,長褲.......,,我地都照買,,到我阿媽叫佢地買包發菜(我阿媽只係要個意頭)我99竟然問長問短....... 我C6只係講:{你買咗幾$,,我比返你}....... 過咗大禮之後同日我地返去擺盤,,我一樣有比足面佢地,,但係佢地冇比面我屋企人...,,連幾點返男家都冇提過...........到結婚前幾日我阿媽見到我99先話11點返到去男家..........

到結婚果日早上一齊都好順利,,點知........接完新娘返男家.......返到男竟然一個人都冇,,當時我GA伴娘(佢係我叔仔女朋友),,走去搵佢地返嚟........我99先係2樓施施然行落嚟.......我同我C6當時係忍..............我99要我地同曰賣回門,,SO我地要趕返去攞隻豬,,其實我真係覺得佢多魚............

去到酒樓,,我覺我係我女家擺酒,,SO我要好好放下我GA心情.........但係到進場之後,,上台講心情之時.......我地兩公婆係泣不成聲囉.................

結婚之後GA第二日,,我同C6經過我99屋企,,我99當時晒緊3,,我唔識比返應(因為我嫁後GA第一日,,我唔知叫咩好),,佢竟然同我62講話我唔叫佢.........我62打比我同我講:{你99話你唔叫佢呀,,你99好小器KA} 由呢一日開始到而+我都冇再叫過佢一聲...............

到兩年之後我太99同我傾計,,講開我同C6擺盤D$係我太62比,,但係佢地一蚊都冇收返,,我就同我太99講,,我地兩公婆咩禮都冇袋過,,攪結婚D野都係我地兩公婆$$$........我太99一句聲都冇再提過...........

0 0 0

私人傳訊

bbco

民房

積分: 26

23^#

發表於 11-5-17 17:54 |只看該作者

算啦!以後唔好理佢.最緊要c6 對你好

私人傳訊

maymay.choi

大宅

積分: 1422

22^#

發表於 11-5-17 13:44 |只看該作者

回覆 maymay.choi 的帖子

只要c6鍚就得啦,其他既---外人來既....系咪...

私人傳訊

papa2011

珍珠宮

積分: 47280

21^#

發表於 11-5-16 22:27 |只看該作者

私人傳訊

朸朸媽

大宅

積分: 2580

20^#

發表於 11-5-16 22:09 |只看該作者

回覆奀b豬媽咪的帖子

我同我6299好細個已經識ka la,,我媽咪同佢地都識咗好來......
我同我c6拍拖果陣都有同佢地食過好多次飯,,我同我c6個陣係半同居,,
我c6一個人住一間屋,,不過同我99屋企只係3分鐘路程,,
所以我地係成日都見到面ka........

私人傳訊

小mama

珍珠宮

積分: 41553

19^#

發表於 11-5-16 22:04 |只看該作者

本帖最後由小mama 於 11-5-16 22:05 編輯

我好明白你心入面既結係好多年都解唔開, 尢其係一生人一次個d..

因為我都係咁, 結婚個日受盡人面色同欺負, 我心一直都唔開心...
成2年, 我都放唔低, 我仲係好憎我99同我姑仔係度攪攪震...

其實細節再講都冇意思, 因為已經過左, 永遠都唔會再發生...你愈諗只會愈唔開心
你唯一可以做既係, 唔去諗, 試下令自己淡忘...

我都係係個日之後冇再同99佢地見面, 佢地依加當我仇人, 唔緊要, 我一年都見唔到佢地2次, 我試過好快樂, 但當過年去c6外婆度見到佢地, 我就勾起好多唔開心既回憶, 我諗我會諗辦法去幫下自己, 如果唔係, 痴線都似...

點評

朸朸媽其實都淡忘咗好多喇,,因為我地住賣同一條村冇可能唔見面,,我都唔想我c6難做,,所以都一樣有同佢地傾計食飯,,只係我99唔尊重我屋企人我真係放唔低..... 發表於 11-5-16 22:19

私人傳訊

朸朸媽

大宅

積分: 2580

18^#

發表於 11-5-16 22:02 |只看該作者

回覆好老婆的帖子

擺盤d錢係我62話佢攪掂,,點知原來係太62話佢比錢
我地兩公婆覺得都唔我地比錢,,所以人情呢d野我地都冇過問.......
點知兩年後太99督爆咗,,我地先知原來有人袋晒d人情.......
我6299只係食咗果d人情

私人傳訊

朸朸媽

大宅

積分: 2580

17^#

發表於 11-5-16 21:52 |只看該作者

回覆安室だがな的帖子

可能我打得唔太清楚啦......
我地只係擺盤果到係我太62出$$$,,其中所有野都係我地兩公婆出,,
當時我62同我地講擺盤d錢"佢攪掂啦",,所以我地冇收過d人情,,
兩年後我太99同我地講返d錢係太62出,,但係一封人情都冇收返,,
果陣我地先知道係咩事,,姐係有人話佢地出,,點知唔係仲要袋賣d人情

我99當年都係大住肚嫁比我62,,我諗佢唔係因為我攪大個肚唔好睇,,
只係想擺個99款比我睇,,等我賣佢怕.........

如果第時我對仔女結婚唔夠錢,,我諗我會幫佢地......
因為自己經歷過一個唔開心ga婚禮,,我唔希望佢地一世一次ga結禮都攪都好似我地咁.......
當然係係唔過份ga情況下,,先會幫佢地啦........

私人傳訊

maymay.choi

大宅

積分: 1422

16^#

發表於 11-5-16 20:15 |只看該作者

哎,點都過佐去啦.
最緊要系你c6鍚你,同埋你地姻姻愛愛姐....

點評

朸朸媽我c6真係因為呢件事而近錫我,,我亦都放低咗好多,,只係一諗起佢唔尊重我屋企人,,我就好唔開心...... 發表於 11-5-16 22:23

私人傳訊

penpenvivi

子爵府

積分: 12812

畀面勳章

15^#

發表於 11-5-16 19:55 |只看該作者

我覺得樓主99唔太錫呢個仔,因為我深深感受偏心嘅痛苦,完全唔會理你感受咖.

點評

朸朸媽我99偏心叔仔實再太出面la,,令到我c6好難受,,完全係可以感受到我c6係係冇愛ga環境下成長....... 佢對自己真係好冇自信ka........ 發表於 11-5-16 22:42

私人傳訊

奀b豬媽咪

男爵府

積分: 6086

好媽媽勳章

14^#

發表於 11-5-16 18:47 |只看該作者

安室だがな發表於 11-5-16 12:34
其實我覺得99係因為你大肚嫁入去唔好睇又冇面先會甘
同埋一直睇你成篇野都係話99/太99/太62出錢
你 ...

唔....我同意你~
我唔介意人地既仔女大肚先結婚,但係最好唔好係自己既仔女身上發生~
樓主好似係第一次上去就已經係大住個肚?(唔知我有冇理解錯)如果係,我做呀媽都會好慶~

奀b仔9月16日出世啦~

私人傳訊

好老婆

伯爵府

積分: 16651

13^#

發表於 11-5-16 17:46 |只看該作者

到兩年之後我太99同我傾計,,講開我同C6擺盤D$係我太62比,,但係佢地一蚊都冇收返,,我就同我太99講,,我地兩公婆咩禮都冇袋過,,攪結婚D野都係我地兩公婆$$$........我太99一句聲都冇再提過...........

點解錢係你地出, 唔問佢地拎返d禮??
你99仲要食埋你太62的錢, 食左兩份錢, 仲要俾咁差的態度

私人傳訊

mimichong

珍珠宮

積分: 34693

2024年龍年勳章畀面勳章環保接龍勳章 wyeth冷知識勳章叻叻勳章

12^#

發表於 11-5-16 15:15 |只看該作者

樓主~講咗呢句 {攪結婚D野都係我地兩公婆$$$}.....
講緊邊部份先...用錢最多應都係婚前洗費...過大禮/禮金/餅/租衫/包車....等等.
酒席好明顯係太99出 ~99食咗

前面是絕路~希望在轉角

私人傳訊

do2

別墅

積分: 767

11^#

發表於 11-5-16 14:20 |只看該作者

其實係你老公出錢定係佢地出錢~~
如果佢地出錢你就要順佢地氣,受下氣都要
你地出錢既彩佢都傻啦~~~
其實老人家唔理結婚d野就仲好,人到禮到就ok了~~
因為我覺得結婚係2個人既事,俾足面尊重佢地都唔理
我覺得再冇必要乜都同你99交代
你99咁傳統既人,你就叫99啦
我覺得呀媽就係呀媽,呀媽就只得一個,所以我打死都唔會叫我99做呀媽,只會叫奶奶