吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唔想要有條件嘅禮物

婆媳關係今日: 0|主題: 27771

收藏本版

發帖

返回列表

跳至頁

查看: 2190 | 回覆: 30

唔想要有條件嘅禮物 [複製鏈接]

franki0911

子爵府

積分: 11344

畀面勳章

1^#

發表於 11-5-18 20:05 |只看該作者 |正序瀏覽 |打印

有件事我擺喺心度兩年, 冇同過任何人講, 就係因為呢件事我好唔想亞女同佢哋接觸, 因為尋晚一件事令我諗返起想講:
話說當年同6299 傾酒席時相當唔順利, 仲大炒過幾次, 6299 講過好多次如果我唔照佢哋意思搞就唔好結婚, 有一次又炒到火紅火綠, 99叫我哋唔好結婚, 叫我自己搞掂個肚( 當時就係有咗先決定結婚), 無謂再搞咁多嘢, 我照答佢好, 生唔生養唔養都唔會煩到佢哋, 之後我就自己走返入房( 當時一齊住)...
隔咗一陣, 99就自己開我房門, 問我個肚想點, 我好嬲咁話既然冇人認頭咪落咗佢囉, 佢出咗世都冇一個完整家庭, 唔會幸福, 佢聽完冇聲出就走返出去...
之後我就開始盤算有冇可能自己養大個女, 坦白講, 如果我真係咁放棄呢個小生命, 我就唔使日日同嗰班人嘈都話要同c6 結婚啦!
當然之後我哋就結咗婚, 生咗亞女出嚟, 而家亞女都15個月喇, 由始至終我都唔想亞女同6299 有接觸, 因為佢哋曾經要放棄佢, 唔認佢, 冇理由到我生咗出嚟就要跟返晒佢哋嘅要求, 係, 亞女出世時佢哋係俾過二千蚊利是, 但係除此之外, 佢哋冇做過任何有貢獻嘅嘢!
上個月c6 買咗部相機返嚟, 當然我已經用緊啦, 原來係喺百x匯買, 如果用匯x 信用咭有7折, 所以c6 就叫咗62幫佢出, 返屋企先俾返錢佢, 呢件事我尋晚先知, 咁我就問俾返錢62 未( 因為我唔想好似欠咗佢哋咁), c6 話62 唔收佢錢, 話送俾亞女, 只要多啲帶佢返去同影多啲相曬返俾佢哋就得, 我即刻話一定要俾返錢佢哋, c6 就話62 送得俾亞女咪要囉, 但我唔想要呢份有條件嘅禮物, 收咗佢我好後悔, 好似俾人收賣咗咁...

0 0 0

私人傳訊

franki0911

子爵府

積分: 11344

畀面勳章

31^#

發表於 11-5-21 17:05 |只看該作者

c6 話離婚都係得個講字, 我又唔係怕呢樣嘢, 佢次次話離婚我都答佢好架, 只不過佢又係繼續鬧, 好煩, 唔想佢次次都係為咗呢2個人同我講離婚, 咪應承佢去囉!

其實我同嗰2個人嘅恩怨, c6 都知道好多, 佢次次都係話係我放唔開, 係自己攞嚟嬲, 我認架, 雖則話過咗去就算, 但要我尊重呢2個唔尊重我同我屋企人嘅人真係好難, 我就真係過唔到自己嗰關, 見到叫佢哋一聲已經係盡晒人事...

私人傳訊

angel12182003

別墅

積分: 910

30^#

發表於 11-5-21 13:01 |只看該作者

我都覺得你都應該照直講當年發生既事,起碼自己心安理得先...如果照你咁講,其實有咩理由要俾哂d野佢地,更加冇理由唔俾斟茶俾你d親戚la...你咪同你c6講清楚,起碼俾佢知道why你咁憎佢地,佢要離婚咪應承佢(嚇下佢都好):;pppp:

私人傳訊

katehoho

大宅

積分: 1194

29^#

發表於 11-5-21 10:12 |只看該作者

回覆 franki0911 的帖子

樓主, 其實我建議你坦白, 平心靜氣同你C6講個原因出來, 點解你咁唔仲意你6299. 我之前都有不愉快經歷, 但係我只係同自己屋企人講無同C6講. 每次我6299來睇個B, 我都黑面, C6只係覺得我無禮貌, 唔尊重老人家, 仲鬧我CHI線. 我講俾佢聽之後, 佢都唔敢再話我. 當然, 唔知你C6聽完之後有咩反應, 但係起碼你講左出來會舒服D. 同埋你都係講事實啫.

仲有, 唔好俾你C6覺得你怕同佢離婚, 你要俾佢知你係唔"自再". 以後佢就唔敢同你講離婚. 咁容易將"離婚"呢兩個字掛係咀邊, 我覺得佢好唔成熟LOR.

私人傳訊

小mama

珍珠宮

積分: 41553

28^#

發表於 11-5-21 08:44 |只看該作者

本帖最後由小mama 於 11-5-21 08:49 編輯

比番部相機佢算啦....

做人過得度自己個關....就得啦...

你c6成日叫離婚, 你係咪靠佢養架....如果唔係, 你搵一次同佢講:"好呀!!"睇下佢係咪真係同你離婚?

有時d男人靠嚇, 特別係手上冇籌碼個d

私人傳訊

franki0911

子爵府

積分: 11344

畀面勳章

27^#

發表於 11-5-21 01:00 |只看該作者

angel12182003 發表於 11-5-21 00:13
你c6知唔知佢地以前咁對你??同想8下結婚畤佢地有咩要求??

C6 知道我哋擺明唔妥, 但係唔知道呢件事, 我唔識同佢講, 講咗又怕佢以為我因為憎嗰兩隻嘢而誇大件事, 我真係覺得佢講得太離譜, 真係講都冇人信嗰隻, 呢啲說話邊度係人講架?
結婚時嘅要求就真係太多太離譜喇, 但我都忍, 照做, 最經典係佢要收返我同C6 收到嘅金器同所有利是! 仲有講明擺酒嗰陣唔俾我斟茶俾女家親戚, 其實我都冇話要斟, 係斟的話, 我出門時都斟咗啦!
不過好好笑, 早幾日C6 個堂妹結婚, 即係我哋係女家親戚啦, 去飲嗰陣嗰兩隻嘢竟然自己話新人要斟茶俾佢哋, 又問我新人唔係要斟茶俾長輩咩, 我答佢:你咪自己去問吓人哋想唔想斟俾你囉, 啲人又話女家唔使飲茶!
之後嗰兩隻嘢黑咗面成晚, 我好心涼!

私人傳訊

franki0911

子爵府

積分: 11344

畀面勳章

26^#

發表於 11-5-21 00:46 |只看該作者

回覆 cindytsg 的帖子

佢哋都有百年歸老一日, 到時你先後悔就遲了
坦白講, 我真係好憎佢哋, 我成日都諗住點解佢哋仲未死, 所以如果佢哋死咗, 我未必會開心到開PARTY, 但就一定唔會後悔!

其次, 婚都結了, 離婚的意氣說話不要成日講, 傷感情, 因為C6在中間很難做
其實次次都係C6 話離婚, 我先唔會為咗嗰兩隻嘢同C6講離婚! 我唔想同佢屋企人食飯, C6 就會不停鬧, 粗口橫飛, 鬧到冇嘢鬧佢就會話離婚, 唔通我真係為咗一餐飯就離婚咩? 咁咪唯有去囉...

另外, 你都要比6299落台階, 當年邊個錯都好, 佢哋都可能有其它苦衷, 例如: 怪個仔唔生性, 無儲夠$ 就學人結婚, 又可能覺得你用個肚迫佢個仔, 又或且你搶了個仔....
我諗唔到理由要俾落台階佢哋, 佢哋根本唔識得尊重人, 淨係識得個錢字, 唔尊重我事小, 我都可以同自己講, 鬼叫自己嫁咗俾佢哋個仔咩? 但係佢哋唔尊重我媽, 指住我個頭, 用粗口鬧我媽( 當然我媽唔知咩事啦!), 鬧咗好耐, 到我返咗外家住, 佢哋冇通知我, 自己上嚟, 上到嚟唔同我DADDY 打招呼, 淨係要我俾個女佢哋抱, 唔趕都唔肯走, DADDY 唔敢同我講佢覺得唔受尊重, 我都係靠第三者先知佢咁唔開心!

總之, 如果你愛c6, 你就遷就一下, 唔好搞到成日嘈交, 呢排睇點解阿sir 係阿sir, 鐘嘉欣為了陳豪, 都接受了姐夫啦. 放開些, 明天會更好 !
恕我多口: 你是 90後嗎?
我係80 後呀~~

私人傳訊

angel12182003

別墅

積分: 910

25^#

發表於 11-5-21 00:13 |只看該作者

你c6知唔知佢地以前咁對你??同想8下結婚畤佢地有咩要求??

私人傳訊

Fannie923

禁止訪問

積分: 3374

24^#

發表於 11-5-20 16:54 |只看該作者

提示: 作者被禁止或刪除內容自動屏蔽

私人傳訊

FatKM

大宅

積分: 1931

畀面勳章

23^#

發表於 11-5-20 14:50 |只看該作者

回覆 cindytsg 的帖子

樓主經歷過的事, 我諗無人可以深切咁了解同明白.
雖然時刻記住以前唔開心的事, 只會令自己繼續唔開心,
放開係比記住好~
不過, 唔係一句"都過左去"就可以抹走晒一切架~
更加唔關係唔係90後事...

所以樓主俾D時間自己啦~~

有D事可能對你打擊好大, 好深刻,
但只要諗下, 小朋友都需要親人~
你係佢媽媽, 有權阻止小朋友被傷害,
不過無權阻止小朋友被自己既親人錫~~

相機可能只係62對自己個仔既小小心意, 可以既話不要想太多啦~

私人傳訊

cindytsg

男爵府

積分: 6391

陪月勳章

22^#

發表於 11-5-20 10:04 |只看該作者

回覆 franki0911 的帖子

我自己睇法 :
都做人阿媽了, 仍孩子氣, 就算唔妥, 佢哋都有百年歸老一日, 到時你先後悔就遲了
其次, 婚都結了, 離婚的意氣說話不要成日講, 傷感情, 因為C6在中間很難做
另外, 你都要比6299落台階, 當年邊個錯都好, 佢哋都可能有其它苦衷, 例如: 怪個仔唔生性, 無儲夠$ 就學人結婚, 又可能覺得你用個肚迫佢個仔, 又或且你搶了個仔.... 總之, 如果你愛c6, 你就遷就一下, 唔好搞到成日嘈交, 呢排睇點解阿sir 係阿sir, 鐘嘉欣為了陳豪, 都接受了姐夫啦. 放開些, 明天會更好 !
恕我多口: 你是 90後嗎?

私人傳訊

GI2007

大宅

積分: 2050

21^#

發表於 11-5-20 09:37 |只看該作者

我係你的話, 我會自己比番錢6299, 如果佢仲要問點解或者唔駛, 我即話: 我唔駛要人地0既嘢.

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章

20^#

發表於 11-5-20 08:58 |只看該作者

比番錢佢,會令你安心的話,就照比啦...
不過個人覺得,你62話:多啲帶佢返去同影多啲相曬返俾佢哋就得...
其實都唔算話咩條件...
我相信絶大部份的老人家,都會想見自己個孫多D的...(就算有冇送禮都係一様,當然,你唔想小朋友見6299,當然可以自行再打算啦)

私人傳訊

seaheart88

瑪瑙宮

積分: 129427

大廚勳章

19^#

發表於 11-5-20 00:26 |只看該作者

franki0911 發表於 11-5-19 18:03
自從我生亞女之後我就搬返娘家啦, 就係唔想亞女同佢哋接觸!
生活上我哋應付到, 只係唔可以亂洗錢買嘢啫~~ ...

咁你c6 ...有無跟你回娘家住呀?
or 只係你走左回家?

喇麼撻沙啪卡挖多
阿喇克多沈瑪沈潑躂沙

私人傳訊

franki0911

子爵府

積分: 11344

畀面勳章

18^#

發表於 11-5-19 18:11 |只看該作者

安室だがな發表於 11-5-19 15:34
比我老公都冇面比,反埋老公檯!!
(唔好意思,我EQ係負數)
1-你都唔知部相機係你62送

哈哈, 如果我係淋善就唔會同嗰兩隻嘢日嘈夜嘈, 仲自己搬走啦~~

私人傳訊

franki0911

子爵府

積分: 11344

畀面勳章

17^#

發表於 11-5-19 18:03 |只看該作者

seaheart88 發表於 11-5-19 11:22
你一日係佢地度住 , 已經係屈服啦....
得 8k , 你有暫未做野(post 內估你全職湊b) ....
唔靠男家.... 可 ...

自從我生亞女之後我就搬返娘家啦, 就係唔想亞女同佢哋接觸!
生活上我哋應付到, 只係唔可以亂洗錢買嘢啫~~
我夠膽講, 而家除咗嗰2千蚊利是同部相機, 佢哋咩都冇俾過我哋一家, 當然佢哋冇義務幫我哋任何嘢, 但相應地, 我覺得佢哋都冇權利接觸我個女!!! 唔通就話全靠佢哋廿幾年前生咗c6 出嚟, 我先" 有幸" 擁有自己嘅家庭?

私人傳訊

see

伯爵府

積分: 18772

好媽媽勳章

16^#

發表於 11-5-19 17:16 |只看該作者

比我都吾會要,費事比人話貪心。當然樓主吾可以對6299太强硬。或者你自己封2千利是比62,然後心中當打和,不拖不欠。反正你老公之前亦未經你同意。至於見吾見6299，真係随你心意。

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

ABBC

子爵府

積分: 13533

15^#

發表於 11-5-19 16:46 |只看該作者

其實過左去咪算囉…放唔低嘅人先係最辛苦…
成日要記住人地對你嘅不是…倒頭來辛苦自己…
咁又何苦呢？
佢地係你丈夫嘅父母…除非離婚…否則關係唔會變…
咁點解要搞到咁薑呢？你仲要教你女兒孝道…
並唔係佢地唔係你親父母就唔使孝順架嘛…
言教不及身教呀…樓主！！！

點評

cindytsg sure, 佢地係你丈夫嘅父母, 關係唔會變, 同埋 : 言教不及身教呀發表於 11-5-20 09:39

私人傳訊

小虎妹媽

水晶宮

積分: 63101

BK猜猜猜慶中秋

14^#

發表於 11-5-19 16:36 |只看該作者

比我就會好堅缺同c6講比返錢6299 & 唔會再用部相機, 如果c6 keep住d錢&相機, 咁就係佢既事囉. 而我都唔會去做嗰d條件~不過我會一五一十咁同c6講清楚之前發生過d咩事, 起碼比佢知6299咁樣對你同你bb, 比佢知道你既想法, 你唔比佢知但又同c6嘈, 其實嘈得多c6就覺得你無理取鬧, 最終都係你蝕囉, 而且久而久之c6有咩都唔會幫你...