吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好難吾令我胡思亂想, 係咪真係咁現實??

婆媳關係今日: 0|主題: 27772

收藏本版

發帖

返回列表

跳至頁

查看: 2222 | 回覆: 25

好難吾令我胡思亂想, 係咪真係咁現實?? [複製鏈接]

心抱

子爵府

積分: 13095

好媽媽勳章醒目開學勳章畀面勳章

1^#

發表於 11-5-20 00:43 |只看該作者 |正序瀏覽 |打印

本帖最後由心抱於 11-5-20 01:00 編輯

本來同姑9們既關係一路都係差既, 但99走後, 佢地一反常態, 對我好好.....好似將以前既野無發生過咁
但現實係, 好多野我吾出聲, 吾係我吾想出聲, 係呢個時候, 我出吾到聲, 人地阿媽走左, 我吾顧佢地, 都要顧住我老公感受, 我吾想做到咁絕
記得早前有人話過, 99一走, 佢地會搬, 吾會再同我地聯絡
而家, 佢地話繼續住, 照交租, 問題係, 我收佢地既租金, 遠遠俾市面平左成5-7成, 一層收5k, 另一層因有我工人同住既關係, 收3k, 我好無奈
對我老公而言, 佢會覺得d姑9回頭是岸, keep住而家呢個relationship幾好, 但對我而言, 只係$$作怪
係咪我太小家, 太睇得 $$咁重?? 係咪我無親情呢??

<<拜託吾好quote我帖>>

0 0 0

私人傳訊

coco1234hk

男爵府

積分: 7976

畀面勳章環保接龍勳章

26^#

發表於 11-5-20 14:40 |只看該作者

同佢地講加返少少租得唔得?

市價8折囉....如果佢地住得企理都好嘅..如果租俾出邊d人麻麻煩煩都幾慘架...但如果佢地又俾平租又麻煩就梗係...

私人傳訊

yamaneko

侯爵府

積分: 20278

25^#

發表於 11-5-20 13:23 |只看該作者

睇開你個POST都知你D姑9擺明當你地係LULU啦. 我係你既話, 99未走都已經"胡思亂想"啦.

其實分開黎睇, 你同D姑9一向都唔係好岩既, 肯租比佢地已經係比面C6, 叫做一家人啦. (C6唔係成日係家, 好多數睇唔到架, 你當我烏鴉口, 佢地好快就用埋你個工人, 走埋黎食飯, 一句一家人就做死你.) 其實應該同C6講, 相見好, 同住難, 遲早又吵起來, 不如講定, 如果D姑9 做D你容忍唔既事時, 就請姑9 走啦. 佢地而家死都唔肯走咁. 咁不如大家SET 個底線, 他日好做人啦.

租真係無理由減咁多喎. 自己仔細老婆嫩, 點唔搵多個錢呀, 你地收咁少, 重請多個入黎住, 人地唔會多謝你架 , 你自己傻咋. 睇下講好錢未啦, 收租正常D, 就少D House rules, 收得少就多d rules, 羅番個權呀. 最緊要唔可以欠租, 一日都唔得, 咩人講咩一家人, 咁咪話, "就係一家人, 講錢失感情, 唔想無感情就最好唔好租."

之前C6 promise 你咁多,而家又忘記哂. 咁點吵.

私人傳訊

ZetaGundam

男爵府

積分: 7556

24^#

發表於 11-5-20 12:58 |只看該作者

不如收番一層，租出去，另外收8 - 10 K租俾兩姑奶住

私人傳訊

ZetaGundam

男爵府

積分: 7556

23^#

發表於 11-5-20 12:58 |只看該作者

不如收番一層，租出去，另外收8 - 10 K租俾兩姑奶住

私人傳訊

gk678

伯爵府

積分: 19582

22^#

發表於 11-5-20 12:21 |只看該作者

梗係睇得個錢太重啦.
即係咁, 間屋雖然都係俾錢既, 但係都係阿爺留塊地俾你老公, 咁佢照顧埋兩個家姐/細妹, 應唔應該先? 佢地無架喎.
講到尾, 無論佢地對你幾衰都好, 佢地都係你老公既家人; 係 "可以負擔" 既情形下, 照顧家人係咪理所當然先.......我覺得就算佢地唔交租, 只要唔係痴飲痴食, 都ok 囉........

ps. 補多句, 男人就係咁架喇...........

點評

麥兜媽如無記錯間屋係心抱ga 唔係佢老公ga 發表於 11-5-20 23:41

私人傳訊

zitzai

珍珠宮

積分: 35482

21^#

發表於 11-5-20 10:58 |只看該作者

我唔覺得你小家～

細個聽人講，"細時兩兄弟，大時兩房人"，結o左婚之後我真係覺得好有道理。特別係而家連細路都有埋啦，我唔食，我肚入面o個個都仲要食。下下俾人搵著數，唔嬲就假！！！心就無得講o架啦，咁唔講金講乜！唔好講親戚，朋友o既o野數目都要清楚分明。日日行過地產舖望下都知個價爭幾遠啦～如果佢地係唔係存心搵著想o既，係人係鬼都會講下加少少啦～

不過而家係敏感時期，又真係唔好明刀明槍同你老公講，唔係你就做晒醜人。男人好衰o架，我老公都係，平時佢幾唔妥某個兄弟都好啦，總之我出聲佢就會起"鋼"。我諗好多人天生都有呢種保護屋企人o既心～

私人傳訊

yanyan0906

子爵府

積分: 12342

20^#

發表於 11-5-20 09:53 |只看該作者

佢地成世都唔嫁點算呀

mouth:

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

19^#

發表於 11-5-20 09:53 |只看該作者

對住呢d cheap精, 你都要同佢地鬥命長, 攤長黎玩. 很同意你而家風頭火勢, 先按兵不動, 只收佢地8千蚊租, 出年先加租. 路遙知馬力, 日久見人心, 佢地都冇可能忍到成年唔發作的. 呢一年, 你可以久唔久就不經意咁同你老公呻唔夠錢用, 亞女想學乜都唔得, 但千期唔好指名話姑9佢地交得少租, 你老公自己心中有數, 到出年你要加租, 你老公都唔會再阻止.
或者你可以咁諗: 收平1年租, 都係幾萬, 就當用呢幾萬買你夫妻和諧恩愛, 咁會舒服d.

私人傳訊

asyura

複式洋房

積分: 455

18^#

發表於 11-5-20 08:56 |只看該作者

如果一路有睇開樓主post就會明佢地幾乞人憎
你絕對唔多心, 換著我都唔會覺得佢地"回頭事岸"咯
以前恃住有你99撐唔會趕佢地走呀嘛
而家你99一走佢地仲唔知驚咩?
學你講, 佢地去邊到搵咁平既租盤? 呢啲正cheap精
而呢種人你都唔駛旨望第日你有咩事佢地會幫你
要幫, 你99在生時已經幫左啦, 仲唯恐天下不亂
我都有兄弟姊妹, 仲要係感情好好個種
所以我明白你老公見到姑9佢地而家咁"友善"既心情
掉轉係我都希望自己老公可以同自己兄弟姊妹夾到

而家你唯有忍下, 睇開啲啦
同埋同佢地鬥做戲咯
如果佢地而家交足戲, 但你又成日黑口黑面或者好冷淡
到時你想加佢地租或者係你老公面前講佢地咩
你老公都會覺得係你有偏見

租就加硬架啦, 不過唔係而家咯
呢段日子你唯有同佢地戲來戲往
再慢慢洗你老公腦, 等佢知道8千根本唔夠
講到為佢好唔想佢擔子咁重, 又話個女想多啲時間見爸爸, 你地一家想多啲時間有親子活動........
同埋加佢地租都唔好加到市價住
佢班人成日搵你同你老公著數
你老公就捱到死死下, 佢班人就un un腳
你99在生時仲要搞是搞非
我唔會成世收佢地咁少錢益佢地咯
就算拎返來自己住或者吉左佢都唔鬼益佢地!

私人傳訊

美亞

禁止發言

積分: 16954

17^#

發表於 11-5-20 08:52 |只看該作者

提示: 作者被禁止或刪除內容自動屏蔽

私人傳訊

琪琪BABY

大宅

積分: 1578

16^#

發表於 11-5-20 05:35 |只看該作者

人生總有起有落呢個世界無話所有事都能盡如人意今日你老公有能力幫到D兄弟姊妹也是你老公今日種下的福他日好難講會唔會倒返轉頭要佢既兄弟姊妹幫返佢 (一D唔係用錢解決唔到既事情) 何況只係為幾千蚊之前你一家人無呢幾千蚊都係咁過日子架啦...樓主我都有睇過你之前既POST 明白你此刻唔甘心的心情可能此刻你無法平伏你過往的種種你試下找個信仰或者學下打坐令自己心靈平靜下來就會多點容人之量自會明日兄弟姊妹情係點運用希望你每日過得開心一點^^

私人傳訊

evalan

大宅

積分: 1090

15^#

發表於 11-5-20 03:03 |只看該作者

有兄弟姊妹都唔一定有親情，我有3個哥姐，但有等如冇。大哥怕老婆，每月得$3000洗，個個月問我者。二哥在上海出事，我要賣樓幫佢。唔係講到自己點叻，而係家人包括我媽都當咗我奉旨要幫手，唔幫就係衰女。試問呢啲又有親情咩？我有困難時又有人幫我咩？所以甘多年黎我認爲啱嘅就做，唔會理會旁人點講。

開心啲啦新抱，你老公都幾好呀，又有愛你嘅小朋友，其它野慢慢黎同老公講囉。

點評

wcpcelia 我同意... 發表於 11-5-20 08:51

To be or not to be, that's the question

私人傳訊

心抱

子爵府

積分: 13095

好媽媽勳章醒目開學勳章畀面勳章

14^#

發表於 11-5-20 02:49 |只看該作者

諗左好耐至出post, 因為自己都覺得自己小家, 好似同人計住計住咁
人地阿媽岩岩走, 我就諗住錢錢錢
又好難去交待前因後果, 有睇開我post既人就明, 無睇開計, 好難去理解我既難處
我明白呢度大家都係用心去開解我
個個post既回覆都有佢既道理, 亦令我明白到親情既存在
可能我屋企得我一個, 我真係吾明兄弟姊妹情係點運用點運作

私人傳訊

celery

男爵府

積分: 7257

醒目開學勳章

13^#

發表於 11-5-20 02:30 |只看該作者

cotychan 發表於 11-5-20 01:17
唉~雖然你唔鐘意佢地姐,但都係一家人ar ma!如果我有錢買樓,我去比我細佬去住,而我老公話唔鐘意佢,我都唔會 ...

你講嘅都啱.但樓主嘅case唔係單純唔鐘意某人,
而係某人對待佢唔好,對佢有d傷害.
但而家扮好人,扮對樓主冇野,令樓主老公認為佢地改過,
樓主自己暗啞底呀........

私人傳訊

evalan

大宅

積分: 1090

12^#

發表於 11-5-20 02:25 |只看該作者

希望你老公都明白你，只可以話呢個係長期抗戰，要慢慢同化你老公，不過有時唔可以一面倒忍讓，否則你有日會爆炸。努力呀

To be or not to be, that's the question

私人傳訊

心抱

子爵府

積分: 13095

好媽媽勳章醒目開學勳章畀面勳章

11^#

發表於 11-5-20 02:10 |只看該作者

回覆 evalan 的帖子

同老公傾過好多次, 我明佢有難處
佢係一個好傳統既男人, 而家成屋得佢一個男人, 佢覺得佢要擔起呢頭家
我俾左個期自己, 今年, 平俾佢地, 出年, 我要同佢地傾清楚, 我自己都有一頭家要養, 家家有本難諗的經, 吾可以因為佢地既問題而去影響我一家既經濟
老公得果30幾歲仔, 擔子太重了
佢地一家人開開心心過日子, 無負擔, 我一家人, 每日都過住無老公無爸爸既生活, 搵少個"賓"都過吾到活