婆媳關係 今日: 3 | 主題: 27780

積分: 14661

1^#

發表於 11-5-31 02:24 |只看該作者 |正序瀏覽 |打印

今日同c6傾開計, 傾到佢亞媽, 我99
之前傾開無聊野, 之後我講:我係米好老婆呢~呵呵...(之後就黎料了)
c6:冇錯冇錯, 你更係我個好老婆啦, 不過你對我亞媽好d就更好啦

mouth:
我:吓?點為止好d呀?
c6:你次次見到我亞媽都唔係點出聲, 有時見到佢地轉頭又想走人, 其實你可以同佢老人家傾下計
我:呢d唔係一時3刻變成咁既哦? 我唔出聲係因為我真係冇野同佢地講, 佢地都冇乜野同我講,, 傾計..我想傾佢都唔想傾啦, 我又唔係佢個大新抱, 講真, 我之前點對佢地你心照啦, 但我得返既野係乜呀?一次又一次既心淡囉,
c6:你米當佢係亞媽, 大家噪完唔開心完就算囉, 點都係屋企人
我 (嬲嬲地): 佢唔係我亞媽呀!! 你亞媽都從來冇當我係女 !
c6:咁佢點都係我亞媽, 都老人家一名啦
我:我有尊重佢, 我根本做乜佢都唔睇唔受或受左當應份, 你仲想我點呀
c6:你米唔好同佢計囉, 做左就算, 佢點由佢
我:點解一定要自己唔開心呀, 自己攞黎辛苦? 而家我覺得好好呀, 見面叫下笑下
我:公平d呀, 你自己唸下你又放幾多心機時間落我亞媽度呀!
c6:我要做野
我:我都要湊b仲要加多一個大爺你tim呀
c6轉左話題

而家個心唔係好舒服訓唔到, 我有做過野嫁, 做左幾多野, 忍左幾多人, 仲想我點? 我唔係白痴, 有自尊嫁
而家轉頭話我做得唔好 !有冇攪錯呀

佢幫大6湊b湊到手痛做唔到野邊個自己走去幫手一個人湊3個b+個老人家呀?? is me!!!其他人呢?? 見到d衫, 食物99鍾意就即買, 我做過既野都唔知個c6係睇唔到/忘記左 (佢應該睇到嫁!)

要我再好似以前咁...現時未得, 可唔可以俾個舒服d既空間我

0 0 0

私人傳訊

popolun

積分: 11089

16^#

發表於 11-6-1 00:20 |只看該作者

回覆:99唔係我亞媽

係人都覺得自己呀媽係最好，即使知道佢係有錯！

私人傳訊

積分: 14661

15^#

發表於 11-5-31 23:53 |只看該作者

係呀~ 我c6係呢方面真係好理想主義者.
佢成日都想一家"相親相愛","無份你我"

私人傳訊

JJMumMum

伯爵府

積分: 17320

最關心BB問題熱投勳章認識瑞士牛牛第三回認識瑞士牛牛第二回認識瑞士牛牛第一回畀面勳章 wyeth冷知識勳章環保接龍勳章 BK Milk勳章月餅勳章育兒性格勳章

14^#

發表於 11-5-31 16:29 |只看該作者

我老公話:"知"同"想"係2件事.個個老公都知老婆唔易做,個個老公都想老婆同99可以和平共處.個個老公都知幾乎無可能.所以通常唔出聲嗰d老公都係十分明白 - 現實同理想係2回事.因為出親聲都係自掘墳墓.

而通常逼老婆就範嗰d係 - 理想主義者.

風雨同路

私人傳訊

積分: 14661

13^#

發表於 11-5-31 14:41 |只看該作者

今日冇乜野了, 但經過琴日自己個心更加明白
呢個係個死結, 唔知幾時可以解開, 又可能成世都解唔開
其實我明c6, 因為果個係佢亞媽, 佢點都要幫佢
我只希望唔好成日將我同佢地拉堆一齊, 辛苦果個係我呀!
c6唔知佢係唔知, 定知而扮唔知

私人傳訊

FatKM

積分: 1931

畀面勳章

12^#

發表於 11-5-31 14:09 |只看該作者

回覆 JJMumMum 的帖子

會唔會樓主覺得老公唔明佢?
如果明佢, 就唔會明知個老婆以前都做左本份,
自己呀媽都仲會俾氣老婆受, 家陣都仲想老婆再主動對自己呀媽好d...

如果樓主呀媽俾氣個老公受, 有事又要佢老公幫,
跟住樓主叫老公再對呀媽好d,
佢老公又會唔會覺得樓主唔明白佢?

私人傳訊

onon1022

積分: 12600

好媽媽勳章

11^#

發表於 11-5-31 13:16 |只看該作者

你有努力過...係你奶奶唔受...唔關你事...你老公咁講係衰...不過佢都係諗住佢阿媽一把年紀...唔好唔開心啦...

[url=http://lilypie.com][img]

私人傳訊

JJMumMum

伯爵府

積分: 17320

10^#

發表於 11-5-31 12:45 |只看該作者

樓主,唔係話唔撐你,但係今次係你唔啱.

原本傾得好好地,你問佢你係唔係好老婆,其實佢都覺得你係好老婆.只不過佢覺得如果你對99好d就100分啦!

我認為無1個99可以當媳婦係自己女(簡直天荒夜談),可能平時你真係好委屈,我哋都係.

如果你覺得你做唔到咪做返90分囉,又係你問o既,人哋同你坦白,你就唔開心,仲攪到挶住要轉話提,喺嗰一刻你無理你老公感受.如果我係你老公,咁我下次點同你講?

我老公都有咁同我講,我都試過好似你咁,但我我老公就好坦白感同我講:"其實我同你講都只係傾吓偈啫,又係你問o既,我又無要你做d乜,我都知道你辛苦,但係呢d真係我真實感受,如果你下下咁大反應,咁我以後仲點同你講真心話?99呢d嘢,做到我梗係開心,做唔到都唔使夾硬嚟."

嗰一刻我有d內疚囉,所以以後我同佢傾偈都一定以平常心,分得好開,傾偈就剩係傾偈,係了解對方o既過程,如果有嘢要認真講,就要開會,3口6面講清楚.

個人意見,不喜勿插!

風雨同路

私人傳訊

方麗娟

珍珠宮

積分: 40343

好媽媽勳章醒目開學勳章陪月勳章

9^#

發表於 11-5-31 11:56 |只看該作者

而家我都費事同老公嘈, 佢同佢阿媽三十幾年感情, 我同佢只不過十年咁大把, 响佢心目中永遠都係阿媽最好最叻最賢淑最識體諒和關心人...孝順阿媽係應該(有時仲要我提點返佢), 錫老婆更加應該, 因為老婆才是陪佢行埋下半生人, 不過呢一點冇乜幾多男人會明白, 當老婆係阿四居多.

私人傳訊

陪月媽媽

積分: 4135

畀面勳章環保接龍勳章

8^#

發表於 11-5-31 11:17 |只看該作者

從古到今婆媳關係都好有問題，其實係一個死結，同c6鬧黎鬧去都係果Ｄ說話，重覆又重覆無得解決，所以c6一講就叫佢收聲唔好講，唔想講Ｄ唔開心既野，同麻最緊係兩公婆開心恩愛，唔好衰比人睇，唔好為Ｄ無胃人而傷神兼傷腦根，小Ｄ見面咪小Ｄ磨擦囉，其實無止境咁吵鬧係無意思又唔會有答案既，所以我都費是蝕氣。

私人傳訊

A.C.C.

積分: 3786

7^#

發表於 11-5-31 10:59 |只看該作者

Carly,
唔好嬲啦, 男人係咁架.
明明知道個老婆俾人恰到死死吓, 呢頭識得攬住你鍚番, 個頭就乜都唔記得晒......唔係佢唔鍚你, 要委屈你, 而係佢地真係一覺瞓醒就無咗記憶.

我老公都係咁, 佢屋企係問題家庭兼養咗一堆寄生蟲, 隔無耐就會出事, 次次佢俾屋企激到彈彈吓, 嬲一排唔見, 之後咪又再番去, 仲要拉埋我去, 之後一排又再勞氣.....

私人傳訊

fishtissue

複式洋房

積分: 113

6^#

發表於 11-5-31 10:32 |只看該作者

回覆:carly.c 的帖子

回覆 carly.c 的帖子
我同版主你一樣遇到呢個問題，不過我個62+99每一次見到我媽咪都會講我嘅壞話，成日同c6講我嘅兄弟姊妹黎搵我仲咩！！唉......唔通我嫁左比佢個仔之後就無晒屋企人咩，之後我每次見到佢地我都唔出聲，佢地就同c6 & c6個哥哥講次次見到我都黑口黑面，見到佢地果邊親戚人地問我小朋友嘅問題，我就同親戚講幾句，佢就話我口水多過茶，唉......樣樣事都係唔順眼架。

私人傳訊

fishtissue

複式洋房

積分: 113

5^#

發表於 11-5-31 10:31 |只看該作者

回覆:carly.c 的帖子

私人傳訊

kantanjin

積分: 1272

4^#

發表於 11-5-31 10:12 |只看該作者

yes, 唔好為6299而傷兩夫妻感情.
妳應該反問番妳老公. 哦, 咁妳都要當番我媽媽係你親生媽媽喎. 妳睇佢點答.

妳老公肯慢慢講咪好. 我老公係must要對佢亞媽好添. 99成日人齊時就兜口兜面無理取鬧我, 我c6唔幫口. 仲要我唔准出聲. 唔准嬲添. 真係抓爆頭及搞笑. 咁叫我點對當99係自己媽媽呢

以前初結婚時. 成日為呢些野嘈. 家下都廢事嘈.

唔好忟啦, 妳自己有個好媽媽就得

私人傳訊

sfmeow

珍珠宮

積分: 49430

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

3^#

發表於 11-5-31 07:45 |只看該作者

回覆:99唔係我亞媽

唔好唔開心~ 做人係相對既, 唔o岩咀形唔出聲已經好好啦! 下次你答你先生"我次次都忍氣吞聲, 無開火已經係對佢好好喇.

你想點樣再好d? 係唔係要攬住講mama I love u?

唔該你示範下點為之'好d'~" (好態度講, 無謂鬧交啦)

我以前叫我老公對我好d, 佢總係答我"好緊架喇~ 好好好~"

私人傳訊