我對呢D咩生女好生仔唔好，或者生仔好聽生女好命，又或者生仔威有面子等等都極度反感。
個仔女係自己生嘅，點解要標籤佢嘅性別，孝唔孝順係睇父母點教，
而且呢個年代都唔應該要旨意仔女養，當然冇人想老來孤獨冇人理，
但要做個通情達理識做嘅99或外母至係，有時仔女講緣份，
佢對你好，但佢第時嘅另一半對你唔好，你都唔想仔女做磨心啦。
睇見有D媽咪講自己對自己阿爸阿媽好，因為佢係女，會對父母上心，
唔知有冇人覺得都應該對老公個爸媽好呢？或者叫自己老公都對6299好？
6299係生你老公，係咪都應該尊重佢？如果你老公對父母唔好而你覺得理所當然，
因為佢係仔，咁樣嘅身教好有問題，小朋友由細到大耳濡目染，
你覺得佢大個應該會點對自己父母至係？
當然有D極品6299好惡頂，但極品外父外母都一定唔會少，
人總有偏心，但我覺過得人過得自己，我唔想我老公點對我父母，
我就唔會點對我6299。我好彩冇咩婆媳問題，唔係我99好，
係我唔要求佢完美，佢都縱我對仔女，亂俾嘢佢地食，但我從來唔會話佢，
呢個責任由我老公做，但6299每年嘅聖誕禮物生日party就我一手包辦。
花旗太太生活在花旗國，留意時差，你問我未必即時答到。
發表於 
返回列表
