吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 我工人咁做, 有無犯法?

論盡家傭今日: 5|主題: 134048

收藏本版

發帖

返回列表

跳至頁

查看: 4909 | 回覆: 80

我工人咁做, 有無犯法?

[複製鏈接]

12 3 4 5

熹曈媽咪

大宅

積分: 3011

1^#

發表於 11-6-20 20:01 |只看該作者 |正序瀏覽 |打印

佢頭先烈日當空32度, 無經我同意, 無向我知會下,
私自帶2個女去爆曬的滑梯公園,
仲要丟低佢地2個係滑梯, 佢自己一個去街市買條紅蘿白,
佢咁樣做, 有無犯法? 係咪算疏忽照顧兒童, 即抄係咪可以唔使補?

0 0 0

喜樂的心，便是良藥;
優傷的靈，使骨乾枯. (箴 17:22)

私人傳訊

熹曈媽咪

大宅

積分: 3011

81^#

發表於 11-7-6 02:15 |只看該作者

回覆 Snot 的帖子

聽你咁講, 我先有番d信心, 你真係好專業, 好似律師咁.....

我其實都有冧過全家一齊走上去勞工處搞, 但以佢性格,
佢一定唔會肯簽唔追究的文件, 因為上次簽一個月通知信時,
佢話a準出封信英/印文簽名的地方出錯了,
即是本來是由我發出通知信, 變了是由她發出通知信,
她就死都唔肯簽, 但英文部分是無錯的,
最後我將簽名部份調轉, 佢先肯簽,
每次簽警告信和通知信我都叫佢比resign letter,
我話唔收佢通知金, 佢都一定企硬唔比信,
所以我估, 就算去到勞工處都係一樣只簽收人工同機票,
最後都會告代通知金.......

今次我都一定企硬, 無理由佢犯錯都要比幾千蚊送走佢!
我有成20頁紙的口供, 睇下邊個有理據d!?

喜樂的心，便是良藥;
優傷的靈，使骨乾枯. (箴 17:22)

私人傳訊

熹曈媽咪

大宅

積分: 3011

80^#

發表於 11-7-6 02:02 |只看該作者

回覆 ellawyc 的帖子

好多謝你關心我2個女, 好好彩, 感謝主, 佢地都無受傷/曬傷,
心靈上都應該無乜事, 所以我先至唔想夾硬同2個女去睇醫生/心理,
講到好大咁, 去搏封信証明佢地心靈受損.........

但以媽媽既角度, 真係好嬲, 我講到明因為唔想佢地係屋企熱,
去玩滑梯又曬到死, 先至叫佢攞張會員証, 去有冷氣既地方玩玩具,
點知佢淨係話無帶key, 但無講話無去個會玩,
咁正常34度曬到應, 都唔會去公園玩啦, 咪帶佢地去第2度囉,
加上佢小小事都send sms 比我, 搞到我要比多191蚊短訊費,
無理由曬到死都仲玩個半鐘咁耐, 實問我點好點好,
但係佢淨係話同佢地玩緊, 可能個官會覺得係誤會,
但我就100%認為佢有心, 起碼係唔上心照顧小孩!

喜樂的心，便是良藥;
優傷的靈，使骨乾枯. (箴 17:22)

私人傳訊

sillything

水晶宮

積分: 69180

2024年龍年勳章 HiPP勳章(1) 開心吸收勳章美好大世界2017勳章想生BB熱投好媽媽勳章醒目開學勳章畀面勳章大廚勳章 BK Milk勳章

79^#

發表於 11-7-5 23:57 |只看該作者

Snot 發表於 11-7-5 15:53
因為我係指大家係勞工處簽字後就會無手尾跟
我都無講過任何情況下都無手尾根

我想講其實工人有6年追溯期架.

點評

Snot 在勞工處見證下簽字settle, 情況同你去法庭和解一樣, 工人已沒有6年追溯期發表於 11-7-19 18:55

我們都以為，很努力去做，就可以做好一件事。但原來我們是很用力地，去做錯一件事。

私人傳訊

simb

別墅

積分: 733

78^#

發表於 11-7-5 17:02 |只看該作者

報警

私人傳訊

simb

別墅

積分: 733

77^#

發表於 11-7-5 16:57 |只看該作者

疏忽照顧兒童 + 無人性 + 害人

私人傳訊

Snot

大宅

積分: 1236

76^#

發表於 11-7-5 15:53 |只看該作者

本帖最後由 Snot 於 11-7-5 15:57 編輯

我咪就係想講上勞署settle 就只係作證同解釋勞法囉
工人唔同意...一樣有手尾跟之ma....點解你唔明我講乜

因為我係指大家係勞工處簽字後就會無手尾跟
我都無講過任何情況下都無手尾根

其實我同你既意思都係差唔多, 只不過大家有誤解

以佢係呢樹呻個d工人過失都唔算咩大過失

看回上文, "嚴重過失"係睇工人整體, 唔睇每單case分開計
成日犯錯, 不願改善, 搏炒心態, 咁加加埋埋都可以係

大家都齋up...個官信邊個講唔埋架

對! 係睇個官信邊個
但樓主唔係齋up, 佢起碼有三封warning letter同報案記錄係手
好過工人得把口
如果工人喜歡講大話, 到時比個官chok一chok, 隨時現形

我愛可樂

私人傳訊

siusum

伯爵府

積分: 15132

好媽媽勳章醒目開學勳章

75^#

發表於 11-7-5 15:28 |只看該作者

Snot 發表於 11-7-5 15:05
回覆 siusum 的帖子

我咪就係想講上勞署settle 就只係作證同解釋勞法囉
工人唔同意...一樣有手尾跟之ma....點解你唔明我講乜

我唔知樓主個三封warning寫乜, 記憶中係agent幫佢寫....
以佢係呢樹呻個d工人過失都唔算咩大過失(可能有但樓主冇講都未定)
都係問乜都i don't know咁

我只係想講...上法庭冇話一定win,
尤其大家都齋up...個官信邊個講唔埋架

同以上面polly所講, 先detail記低事發經過,
即本等工人黎claim, 咪引述呢件事做証囉

私人傳訊

Snot

大宅

積分: 1236

74^#

發表於 11-7-5 15:18 |只看該作者

本帖最後由 Snot 於 11-7-5 15:21 編輯

老實講外傭就真係搏, 搏你過堂時肯和解, 屈你一筆
反正無乜成本, 唔搏就笨
十個上庭, 九個和解
咁好搵, 你搵唔搵先?

其實樓主過堂時唔好理法官點講
樓主企硬唔賠
外傭分分鐘放棄了事

佢真係同你打, 佢都無so架
搞咁耐隨時偷雞唔到蝕渣米
你估佢唔會驚咩?

我愛可樂

私人傳訊

Snot

大宅

積分: 1236

73^#

發表於 11-7-5 15:05 |只看該作者

本帖最後由 Snot 於 11-7-5 15:20 編輯

回覆 siusum 的帖子

我意思係樓主個case就算係勞署做證都唔代表冇手尾跟, 勞署唔會講實僱主所講個d係咪嚴重過失

我完全誤解曬我意思呀!!
請搞清楚, 我唔係話勞工處可以幫僱主證明呢個係嚴重過失
我根本無咁講

我意思係話, 將來如果再炒工人, 要settle就去勞工處, 唔好搵A準, side時間
上到佢, 係勞工處度比錢同簽字不追討, 如果對方接受, 咁呢單野就會真正完結, 唔同係A準簽, 事後佢可反口, 但係勞工處簽就唔得

如果對方唔願意簽, 你當然唔可以格硬黎
佢唔肯和解, 佢當然可以去法庭告我地

但當時佢未有機會接觸到工會, 佢仲未學識d古惑招 (希望呀), 你理直氣壯同佢解釋, 佢自知理虧, 大多應該會願意簽, 收埋尾數同機票錢, 好行夾唔送

依家仲明唔明?

既然疏忽照顧唔成立, 咁樓主就要有其他理據去support工人真係有犯嚴重過失先得...嚴唔嚴重唔係由僱主決定

疏忽照顧(罪)唔成立 [警方唔落charge]
同佢有無過失係兩回事

不如簡單d講
佢咁樣丟低小朋友唔理, 小朋友隨時出事, 佢咁樣已經係一種過失

同警方有無charge佢疏忽照顧罪, 根本無關
唔係話警方唔charge就代表呢個過失唔成立

好多過失都唔係涉及刑事, 例如員工嚴重疏忽, 導致公司損失, 員工無犯任何刑事罪, 公司一樣可以炒人唔賠長服

所以唔好因為警方唔落charge而耿耿於懷, 根本唔關事
落唔落charge都好, 呢個都係一個過失

問題係夠唔夠嚴重姐?

"嚴重過失"係睇工人整體, 唔睇每單case分開計
轉句話說, 工人如果"嚴重有問題", 你一樣有權炒佢唔使補

樓主之前已經講個工人好有問題, 收咗三封warning letter
視乎果三封warning letter係講乜, 佢可能違犯埋"故意不服從合法命令" / "慣常性疏忽職責"添

一單我都驚未必夠, 但工人唔止衰呢一單呢
照睇就應該足夠有餘

我係上面講左, 係咪嚴重過失係由官決定, 作為母親, 一定會覺得係嚴重過失, 但可惜係法庭唔係由母親角度出發

對! 但法官最終都要按本子辦事
判案時佢唔會亂黎
既然一個員工嚴重疏忽, 導致公司損失, 都可以炒人唔賠

我地請佢, 佢最基本既責任係照顧小朋友
發生咁既事, 叫人仲點放心交小朋友比佢照料
我相信法官衡量呢件事既嚴重性, 都會覺得工人係犯咗大錯

當然一單可能未夠, 但樓主仲有三封warning letter做backup
只要樓主肯堅持, 唔好耳仔軟, 我相信好大機會贏

上得庭, 邊有話win 硬, 我都支持樓主即本摶一摶, 唔好一上庭就賠,
就算唔係企硬到底都有機會和解比少d

我都明, 無話sure win, 但外傭又何嘗唔係呢?
佢打到落尾, 最後輸埋, 乜都蝕曬, 佢都要承擔風險

我唔覺得係搏, 咁個工人都唔算"嚴重有問題"?
我以前都有一單, 我仲衰, 乜證據都無
邊有好似樓主咁又有warning letter, 又有一單獨留同報案記錄
我得把口都贏, 一個仙都唔洗比, 好難相信樓主咁都會輸

我愛可樂

私人傳訊

pollyw

侯爵府

積分: 24035

好媽媽勳章大廚勳章

72^#

發表於 11-7-5 15:05 |只看該作者

其實樓主錯過了某幾步，的確令自己勝算降低。

我同意樓主由得佢告，等個官去判妳駛唔駛補那代通知金。

報警方面，既然已錯失了立刻報警拿錄影的大好時機，現在再搞落去盞大大花費金錢人力，畀着我會放棄拿影片。

一方面，在沒實質或有力證據情況下，妳只靠口供。宜盡快冷靜地寫下，記錄下哂太陽事件經過，細節，對話，無証據之中也總會有多小喳拿，例如有無其他人見到、佢買野單據、agent做証當天聽妳講過件事。以提升自己囗供可信性。

另一方面，就算幾有信心，都要有心理準備，逢打官司都冇話邊一方一定贏。如果一心諗住自己贏硬，到時若不是如願，心理上可能會好難接受。去馬還去馬，但自己必需抱平常心去接受任何結果（無論輸贏都好）。

盡量去做但同時不讓件事影響自己同家人的心寧平安是我給妳的小小提醒。

私人傳訊

bunbuncoco

男爵府

積分: 5258

好媽媽勳章醒目開學勳章畀面勳章環保接龍勳章

71^#

發表於 11-7-5 14:40 |只看該作者

緊係有問題喇

私人傳訊

siusum

伯爵府

積分: 15132

好媽媽勳章醒目開學勳章

70^#

發表於 11-7-5 13:59 |只看該作者

Snot 發表於 11-7-5 13:20
我係想講上勞工處做settle, 好過去A準
一來A準可能係企係工人果邊
二來你係勞工處簽字settle既話, 法定第三方見證, 對方事後不能反口告你, 你唔會再有手尾根
相反係A準搞, 就算收錢簽字, 工人事後都可以反口, 入稟法庭告你?
明未?
<<<<<其實你明唔明我講乜???
我意思係樓主個case就算係勞署做證都唔代表冇手尾跟, 勞署唔會講實僱主所講個d係咪嚴重過失, 工人唔同意一樣可以claim返代通知金, 不過都可以做見證, 工人確實收左機票/人工...呢d冇得屈, 但唔係一定冇手尾

警方冇落charge, 似乎疏忽照顧呢個解僱理由唔一定成立

刑事同民事唔同
民事只係邊個較可信就可以
刑事要有好強既證據至入到罪
警方唔落charge都唔代表會輸
呢樣野都係果位對工法有七八年認識既人教佢
佢係有豐富處理勞資官司既經驗
<<<<<我知刑事同民事唔同, 冇錯民事係睇各方供詞同証據,
宜家大家都冇証據, 就靠供詞, 既然疏忽照顧唔成立, 咁樓主就要有其他理據去support工人真係有犯嚴重過失先得...嚴唔嚴重唔係由僱主決定
我只係想帶出, 好難單單以比小朋友係公園獨自玩10mins 而即炒唔賠

係網上search左一d疏忽照顧o既定義, 似乎小朋友冇受傷, 就好難用呢個point炒人唔賠

你睇錯咗條例
刑事同民事唔同, 我地依家唔係話佢犯邊條罪而炒佢
純粹係佢照顧唔到小朋友, 丟低佢地唔理
你要睇係睇僱傭條例

嚴重違反以下任何一條即可構成"嚴重過失":
故意不服從合法命令
行為不當，違反正當及忠誠履行職責的原則
慣常性疏忽職責
犯有欺詐或不忠實行為
<<<<<我係上面講左, 係咪嚴重過失係由官決定, 作為母親, 一定會覺得係嚴重過失, 但可惜係法庭唔係由母親角度出發

我唔係想勸樓主賠錢算, 只係怕樓主以為 sure win 會鑽入牛角尖
上得庭, 邊有話win 硬, 我都支持樓主即本摶一摶, 唔好一上庭就賠,
就算唔係企硬到底都有機會和解比少d

私人傳訊

Snot

大宅

積分: 1236

69^#

發表於 11-7-5 13:20 |只看該作者

回覆 siusum 的帖子

我又覺得就算帶上勞署settle都唔代表工人唔可以claim notice pay喎

我係想講上勞工處做settle, 好過去A準
一來A準可能係企係工人果邊
二來你係勞工處簽字settle既話, 法定第三方見證, 對方事後不能反口告你, 你唔會再有手尾根
相反係A準搞, 就算收錢簽字, 工人事後都可以反口, 入稟法庭告你?
明未?

加上警方冇落charge, 似乎疏忽照顧呢個解僱理由唔一定成立

刑事同民事唔同
民事只係邊個較可信就可以
刑事要有好強既證據至入到罪
警方唔落charge都唔代表會輸
呢樣野都係果位對工法有七八年認識既人教佢
佢係有豐富處理勞資官司既經驗

係網上search左一d疏忽照顧o既定義, 似乎小朋友冇受傷, 就好難用呢個point炒人唔賠

你睇錯咗條例
刑事同民事唔同, 我地依家唔係話佢犯邊條罪而炒佢
純粹係佢照顧唔到小朋友, 丟低佢地唔理
你要睇係睇僱傭條例

嚴重違反以下任何一條即可構成"嚴重過失":
故意不服從合法命令
行為不當，違反正當及忠誠履行職責的原則
慣常性疏忽職責
犯有欺詐或不忠實行為

我愛可樂

私人傳訊

Snot

大宅

積分: 1236

68^#

發表於 11-7-5 12:55 |只看該作者

回覆熹曈媽咪的帖子

結果係點, 都係益左佢(因佢一定無錢陪比我, 仲可以更長時間留港搵工)

佢係要留係度總有辦法
香港政府太仁慈
工會大把招數教佢點留係香港

反而你堅持打, 佢至無so
打緊官司期間, 外傭搵到新僱主都唔會批
到時輸埋一個仙都無, 仲要賠償你既損失
佢唔賠咩, 你有大把野可以做, 搞到佢雞無鴨血

如果你地係我, 你會點做呢? 和解? 定係企硬呢?

當然建議你企硬
因為你呢個case你絕對夠理由炒人唔補
你係理直氣壯可以唔補
點解仲要補?
仲唔嫌香港人比外傭屈得夠咩?

我都講過, 賠錢變相做壞事
變相資助外傭同工會害更多無辜既人

不過小心法官在過堂時會蝦你地唔識法律, 令你錯誤選擇和解
法官咁做係因為逼到你和解, 法庭會做少好多野

其中一個事例, 就係法官嚇你, 如果你堅持打, 但對手咬住你唔放, 佢可以申請法援, 你要自己比錢, 佢一路告到終審, 你就算贏咗, 佢一句無錢就可以拍屎忽走人, 你就要付上高昂既堂費, 講緊可能幾十萬, 你無謂為咗一啖氣而企到咁硬

聽完之後係咪急不及待和解, 自認當黑呢?

我自己都試過比人告上法庭, 好彩最尾搵到人幫我手
佢仲要係對勞工法例有七八年認識既人
我問佢, 佢第一個反應係法官吹水嚇你咋, 呢d事無可能發生
堂費你贏咗係對方比堂費你, 佢唔比你都唔需要上身
上訴唔係話上訴就批, 佢輸咗法援更加唔會show佢
佢仲話, 法官講好多野都係錯誤, 目的就係想你和解
我聽完後真係..頂! 死狗官, 生草藥亂咁up, 不知所謂!

為香港, 為自己
請堅持不和解, 不讓步, 打到底
讓公義伸張!

我愛可樂

私人傳訊

siusum

伯爵府

積分: 15132

好媽媽勳章醒目開學勳章

67^#

發表於 11-7-5 12:25 |只看該作者

本帖最後由 siusum 於 11-7-5 12:30 編輯

Snot 發表於 11-7-5 12:07
你第一步錯在靠A準, 佢地有時會夾埋工人屈你錢
你炒佢時帶佢上勞工處麻, 可惜你行錯第一步

我又覺得就算帶上勞署settle都唔代表工人唔可以claim notice pay喎

勞署只會解釋法例講解下d人工計算方式岩唔岩, 但唔會講實呢d行為算唔算"嚴重過失"
所以最多咪做個證人, 工人真係收左機票/人工...
至於通知金, 工人唔同意僱主指控, 一樣可以claim 僱主, 冇得話係勞署settle就冇手尾跟...
加上警方冇落charge, 似乎疏忽照顧呢個解僱理由唔一定成立

係網上search左一d疏忽照顧o既定義, 似乎小朋友冇受傷, 就好難用呢個point炒人唔賠
不過樓主都可以摶一摶

==================================================================
何謂疏忽照顧？疏忽照顧是虐待兒童的其中一種形式。根據本港現時各專業人員使用的「處理虐待兒童個案程序指引–1998年修訂版」（該「指引」由「防止虐待兒童委員會」通過，並由社會福利署編制），虐待兒童的定義是危害或損害兒童身/心健康發展的任何行為，或任何不作出某作為以致兒童身/心健康發展受危害或損害的行為。而疏忽照顧是指嚴重或長期忽視兒童的基本需要（例如足夠飲食、衣服、住宿、教育及醫療照顧），以致危害或損害兒童的健康或發展（包括因生理因素以外的原因造成兒童不能正常成長），或在本來可以避免的情況下使兒童面對極大的危險（包括饑寒、長期缺乏照料、強迫兒童從事與其體力或年齡不相稱的工作等）。然而，上述定義只為各有關專業人員就處理虐兒個案提供執行上的指引，以便大家更有效地合作處理各項舉報、提供危機介入、調查事件及跟進個案等等。該定義沒有法律效力，也沒有法律含意。至於疏忽照顧兒童的行為是否會遭檢控，則由律政署依法律觀點衡量及決定。
===============================================

點評

熹曈媽咪唔該晒你的資料, 好有用! 發表於 11-7-6 01:39

私人傳訊

Snot

大宅

積分: 1236

66^#

發表於 11-7-5 12:18 |只看該作者

本帖最後由 Snot 於 11-7-5 12:19 編輯

回覆 ellawyc 的帖子

工人, 佢攞晒我都係一萬幾千, 我當做善事

呢樣野唔係做善事, 係做壞事
正正就係太多香港人怕事怕side時間
加上過堂時法官都想你地和解, 話知你地死
造成外傭有理無理都屈僱主一筆, 因為佢地一心諗住只要上到法庭, 佢地多少都會屈到一筆

個個僱主, 明明自己啱, 都選擇賠錢了事
咁會對外傭發出乜野訊息?

咪搞到依家屈錢成風
外傭個個有樣學樣
屈錢如家常便飯
愈來愈多香港僱主受害

工會搞掂一單, 又有錢分, 愈做愈大
依家已經發展到有十幾個工會爭住幫工人告僱主

賠錢係做緊壞事
變相資助外傭對付下一個無辜既人

我愛可樂

私人傳訊

Snot

大宅

積分: 1236

65^#

發表於 11-7-5 12:07 |只看該作者

熹曈媽咪發表於 11-7-4 02:39
回覆 ellawyc 的帖子

咁我係勞工處同佢和解時, 好唔好買佢怕比返19日代通知金佢?

你第一步錯在靠A準, 佢地有時會夾埋工人屈你錢
你炒佢時帶佢上勞工處麻, 可惜你行錯第一步

你根本唔洗賠19日比佢
你出咗三封warning letter (我無睇內容, 但相信佢平時都好有問題你至出warning)
再加一單疏忽照顧兒童事件, 呢樣係好嚴重既過失, 加上你又有報警既記錄
聆訊時如無意外, 法官信你多過信個外傭
佢要贏你就要推翻三封warning letter, 一次疏忽照顧兒童事件同報警記錄
民事係鬥多證據, 邊個可信就邊個贏
法庭有乜理由信佢唔信佢, 佢得把口, 佢輸既機會好大
除非, 你其實身有屎, 到時比法官踢爆你講大話, 咁就唔同講法

勞資糾紛唔係上小額(錢債審裁處)
你應該係八千樓下, 案件會交去小額薪酬索償仲裁處

放底佢地係公園唔理, 走咗去買餸, 當然算係疏忽照顧
如果有意外發生, 可以好大鑊架!

我愛可樂

私人傳訊

Snot

大宅

積分: 1236

64^#

發表於 11-7-5 10:54 |只看該作者

回覆 ellawyc 的帖子

何之謂嚴重違反, 唔係僱主話事, 要由官定

對! 但唔代表僱員可以幾無理, 僱主都要啞忍
只係一般家庭唔識法律, 唔識點保障自己, 再加上法庭和解時會嚇你地, 至搞到僱主以為真係嚴重到死人冧樓或犯下好嚴重既刑事至可以即炒唔使補
你又唔見大公司要咁樣容忍d下屬?

請提出証據 - 唔係口述証供, 而係要solid proof.

恕不敢認同! 佢上既係民事法庭, 刑事法庭至需要在沒有任何合理疑點下證明被告有做至會罪成, 但民事法庭只係睇邊方證供較可信, 無話一定要solid proof!

有solid proof會增加勝訴既機會, 但無唔等於會輸

如果口同鼻拗, 法官到時係睇邊方版本較為可信

記著你既口供在法庭角度都係證據之一

三封warning炒人唔使補, 絕不成立

我都無講過出夠三封warning就可以炒人唔使補

我唔知點解你要咁講

Anyway, 其實法例上無規定話一定要發warning letter或發了幾多張至能夠炒人唔使補

發warning letter只係白紙黑字, 方便舉證咁解

一切都係睇事件既嚴重性, 如果佢累積犯錯不改善, 或有一單嚴重過失, 都可構成炒人唔使補

我愛可樂

私人傳訊

ellawyc

公爵府

積分: 26643

好媽媽勳章

63^#

發表於 11-7-4 12:51 |只看該作者

熹曈媽咪發表於 11-7-4 02:39
回覆 ellawyc 的帖子

咁我係勞工處同佢和解時, 好唔好買佢怕比返19日代通知金佢?

咁講, 你發生曝曬事件當日唔即時報警, 的確係失策
因為成件事得番口述証供
同埋, 你當日報咗警的話, 由警方出面問保安攞video就容易好多

而家, 你可以做嘅唔多
你耍有心理準備, 最後都係比一個月
過程中, 你必須緊記 : 唔好為咗令自己look good或者想佔上風, 去講任何大話或者隱瞞
你可以win的一個main factor, 係誠實, 如實講出事件
(請唔好誤會我唔信你, 我睇親你個case都握腕歎息 : 點解唔報警呢? 因為只有講真話, 你至唔會有破綻, 同埋唔會比官chok到, 一旦chok到, 你其他真話都會變得唔可信)
帶女曬太陽一事, 你亦要講, 亦要準備充足資料 (你prepare到幾多就幾多)
你不妨比官知, 呢件事上你有幾心痛, 但因為自己一時心軟同失策, 冇報警, 而家想為女兒攞公道都唔得.

另外, 曬太陽事件上, 你兩個女有冇心理後遺症? 呢個我比較關注
工人, 佢攞晒我都係一萬幾千, 我當做善事
但個女的心靈, 至係一個媽媽最應該focus的事