夫婦情感 今日: 7 | 主題: 42705

積分: 254

1^#

發表於 11-6-30 16:14 |只看該作者 |正序瀏覽 |打印

我想離婚好耐, 因為婚姻生活令我好唔開心.

結咗婚六年, 有兩個仔.佢唔溝女, 唔賭錢, 但亦無朋友, 一日到黑只會對住個電腦, 兩個人一晚講唔到十句嘢, 同佢講嘢當聽唔到, 唔答你, 自己o既事唔會同你講, 你o既事亦無興趣知. 唔關心你, 生日, 結婚周年, 母親節....完全無表示, 生日快樂都費事講...衰過roommate

價值觀唔同, 我想搬屋, 佢唔想, 因為佢怕人地知佢搵得唔多但又住得唔錯(唔係豪宅, 只係私人屋苑), 一定係老婆出錢. 阿仔升小學我想佢有好d生活環境, 亦唔會花佢錢, 點解唔可以搬好d? 佢自己唔係慳, 一樣用iphone, 食煙, 有part time唔做, 試過20個月唔返工, (係自己唔做o既), 但就唔俾我哋改善生活...

結婚之前我知佢無錢, 我嗰時以為佢可以照顧自己就得, 而且當時佢對我好...

而家變晒, 佢要我呢個老婆做咩? 我又同佢一齊做咩? 講心無心, 講金無金...

想同佢傾, 佢話:係咁架啦, 跟住繼續唔同我講嘢, 望都無望我一眼.

我經濟獨立, 可以照顧到兩個仔, 好想離婚, 但好驚佢發癲, 佢試過係個仔面前發脾氣打爛玻璃流晒血不斷爆粗, 我唔想再發生...

好煩...

0 0 0

私人傳訊

積分: 254

31^#

發表於 11-7-1 18:29 |只看該作者

好多謝你哋, 人間有愛

私人傳訊

olimo

積分: 17265

好媽媽勳章

30^#

發表於 11-7-1 17:41 |只看該作者

最怕他有暴力.....
明白你在這樣的環境下生活係好唔開心

如果對方對你好 d，無金都算數
最慘無金無心

私人傳訊

CALVEN

水晶宮

積分: 64826

好媽媽勳章醒目開學勳章畀面勳章環保接龍勳章

29^#

發表於 11-7-1 17:33 |只看該作者

支持你,不過萬事小心

私人傳訊

Nancy20090615

瑪瑙宮

積分: 135828

28^#

發表於 11-7-1 17:15 |只看該作者

我好支持您過番自己的生活, 不過佢有暴力傾向, 您小心 d , 搵社工傾下, 安排好晒至離開, 唔好比佢有機會傷害您同囝女.

私人傳訊

ysy_bonnie

積分: 1426

27^#

發表於 11-7-1 16:58 |只看該作者

回覆:yanwingy2001 的帖子

每日平靜靜地過，因在我來講想搬出去但負擔唔到，如果我出來工作全日2個小朋友點呢？又冇多餘的錢可以應付，同埋小朋友1個8歲1個10歲太細個，我試過返阿媽住咗1個星期，佢覺得我同佢玩野，初時都很唔老利。以前小朋友在房外完全不理，最過份是開始夜晚出去喝酒很夜才返，佢就話返夜，但我相信有時是真，有時就根本不係，所以有一次我鎖門不給佢進入，個次之後日日同我玩嘢。講真最大影响都係我2個小朋友，個大女開始性格怪怪地。我之後再搬回家，佢開始有理小朋友所以我就見一日過一日。

私人傳訊

to0318by

積分: 1513

26^#

發表於 11-7-1 09:25 |只看該作者

你都唔愛佢, 離婚啦

我MAMA同你好似, 我阿爸係我細時都係唔番屋企, 一番就問要錢, 我MAMA一個女人帶大我3姊弟!日日唔開心, 我同我2個細佬都希望佢離婚, 不過我知我MAMA仲愛佢, 所以無離, 我地都尊重佢決定.

不過如果我係你既女, 我一定迫你離!! 我唔可以忍受我MAMA比唔愛既男人掂!!!同強奸有咩分別?!!!

我覺得你一個女人可以帶大對仔女, 真係好叻, 已經無咩面對唔到. 而且我希望你都同係對仔女傾下, 佢地都大, 都有自己意見, 我覺得如果你老實同佢地講,佢地一定支持你!!!!

最後, 最重要, 我希望你錫自己多D, 珍惜自己, 唔好比自己受傷害落去, 唔好因為怕, 就由佢!!!! 如何佢傷害你同仔女, 我覺得法律仲係可以保護你既!! 當然你要自己小心, 唔好再同佢獨處一室, 好好保護自己

我好希望係你度聽到好消息!!! 加油!!! 大家都好支持你!!

私人傳訊

積分: 254

25^#

發表於 11-7-1 08:45 |只看該作者

ysy_bonnie 發表於 11-6-30 23:30
你討厭他是他平日唔關心你，到了需要才找你所以就討厭他。我以前都係這樣，有一段很長的時間同女瞓，他都係 ...

無錯, 可能就係因為咁好憎佢...

我唔想咁落去...

兩個人一齊係為咗咩?生活上和心靈上有人互相依靠, 互相扶持, 互相溝通...無咁呢d, 一齊無咩意思...

ysy_bonnie, 咁你哋而家點呀?

私人傳訊

ysy_bonnie

積分: 1426

24^#

發表於 11-6-30 23:30 |只看該作者

回覆:好想離婚, 鼓唔起勇氣同佢講...

你討厭他是他平日唔關心你，到了需要才找你所以就討厭他。我以前都係這樣，有一段很長的時間同女瞓，他都係這樣。但之前我哋吵了一場大架之後，我哋上到床己各自瞓一邊很久沒有再搞過己2年。

私人傳訊

jessie811213

積分: 1075

23^#

發表於 11-6-30 23:15 |只看該作者

引用:我想離婚好耐,+因為婚姻生活令我好唔開心.

原帖由 yanwingy2001 於 11-06-30 發表
我想離婚好耐, 因為婚姻生活令我好唔開心.

結咗婚六年, 有兩個仔.佢唔溝女, 唔賭錢, 但亦無朋友, 一日到黑 ...

我都同你一樣!我老公三年冇做野!我大住個肚果時重要養佢!好想離婚!同佢講野又唔理我,直至我有一日同佢講比最後一次機會佢,佢先知死

而家終於去返工,份工都幾好

終於有啖飯食下!

私人傳訊

積分: 254

22^#

發表於 11-6-30 22:45 |只看該作者

可能我寫得唔清楚, 佢而家有嘢做, 已經做返成年, 係曾經20個月無做嘢啫...

但仲有一個問題, 就係每當佢有一日幫口叫仔瞓覺, 我就知佢想點: 半夜會摸入嚟想搞嘢(我同d仔瞓), 我會好唔想佢入嚟, 唔想同一個唔愛我嘅人做, 但始終係佢老婆, 無辦法, 有時要就範, 有時拒絕, 有時佢肯, 有時就夾硬嚟, 好難受...

可能我反應差, 佢無成日要求嘅, 一個兩三次, 但係都好討厭

私人傳訊

ysy_bonnie

積分: 1426

21^#

發表於 11-6-30 21:47 |只看該作者

回覆:好想離婚, 鼓唔起勇氣同佢講...

我同你情況差不多，為一不同他有份工作做，回到家就打機，一天都講唔到5句。更加唔會希望他會關心你，當你病的時候一句問候都冇，這樣對着很辛苦。你經濟可以獨立養到2個小朋友。我就會同2個小朋友搬出去住先看下可唔可以改變他。但我上試找他的朋友可唔可以聽下他是否有冇其他問題，但他把口就好似被膠水痴住咗。到今天為止我因經濟不能獨立沒有地方住所以照舊這樣生活。希望2個小朋友再大些我可以出來找工作再做決定。

私人傳訊

sasatt

積分: 19547

20^#

發表於 11-6-30 21:03 |只看該作者

好痛苦的關係,
呢d人傾唔到架啦,
唯有忍.
妳一講離婚佢車爆妳個頭都似

私人傳訊

tyon

子爵府

積分: 14835

19^#

發表於 11-6-30 20:28 |只看該作者

又係自卑心極重既男人,小心處理~

私人傳訊

積分: 254

18^#

發表於 11-6-30 19:32 |只看該作者

回覆 cotychan 的帖子

cotychan,

我欣賞你有直率既性格, 如何你係我, 可能唔會拖咗咁耐...

可惜我無你咁勇敢, 之前同佢有拗撬, 都係五句起六句止, 佢一係唔理你, 一係勁面黑, 大聲兇你, 我唔識鬧交, 最多只有黑面, 最勁試個兩日唔睬佢, 換嚟o既結果咪就係佢丟玻璃嗰次囉...

佢試過好幾次丟嘢, 水樽呀, 杯呀, 一路丟一路爆粗, 不過流血就係嗰一次啫, 佢亦無打過我, 我講過打我一次都唔會原諒佢, 一定會離開佢, 所以佢無做, 不過佢丟嘢我已經好驚...

呢d係咪有暴力傾向?

私人傳訊

cotychan

積分: 18748

畀面勳章環保接龍勳章

17^#

發表於 11-6-30 18:14 |只看該作者

你怕佢,咁就無可能解決到問題,如果佢唔係郁手打人,而係話自殺呢?咁你又會諗下係唔係安於現狀?而家你唔係諗住大下佢,話離婚而要佢去改變下生活態度,而係你應該都諗咗唔少時間,想離開佢生活.
自私既係佢,唔係你,你試過同佢溝通,佢根本就唔覺自己有問題,或者覺得有問題又點姐?你預咗架啦!所以先會答你"我係咁架啦!"

你真係怕既....咁唔好寫佢唔改,你會同佢離婚住囉~之後再比啲時間佢,都係咁就同佢實牙實齒咁講,你要搬番娘家諗下大家仲應唔應該喺埋一齊,跟住執嘢返去住幾日先算.

私人傳訊

積分: 254

16^#

發表於 11-6-30 18:00 |只看該作者

坦白講, 大家係無咗愛情, 感情...都唔覺得有...

之前一直覺得為咗兩個仔要支持落去, 但係慢慢又覺得仲有幾十年流流長, 唔通就咁過埋佢咩?好矛盾

到底我係咪自私??

寫信...會考慮, 但係咁佢就會知道我想離婚, 我驚佢會發脾氣...

私人傳訊

siuidy08

積分: 2908

15^#

發表於 11-6-30 17:58 |只看該作者

回覆 cotychan 的帖子

your method so terrible ><
no signal before moving which is not fair to him, so hurt

點評

cotychan 如果佢唔係暴力傾向~~我都唔會有咁既建議. 發表於 11-6-30 18:07

私人傳訊

積分: 254

14^#

發表於 11-6-30 17:40 |只看該作者

我試過兩三次話要傾吓, 兩次係喺屋企, 佢當然係當聽唔到睇唔到無答我啦, 後來嗰次就出去傾, 佢咪答我'我係咁架嘞'....

佢係唔想人哋知佢唔好o既野o既人, 他無做嘢都叫我唔好講俾佢屋企人聽, 佢d屋企人仲以為佢而家好生性...所以佢係唔會肯見社工架

私人傳訊

cotychan