夫婦情感 今日: 13 | 主題: 42776

積分: 26605

1^#

發表於 11-7-3 23:29 |只看該作者 |正序瀏覽 |打印

大家好，我係新人！有d 問題想請教大家：
我今年十月結婚，到時就足三十四歲了，離高齡產婦很近了！我和男朋友拍左四年拖，他比我小一歲，他很愛小朋友，所以想要bb!他本身經濟ok, 但性格是一個大細佬！

而我是一個標準愛自由的港女，喜歡旅行、扮靚和shopping!

對於生bb，我有很多擔心，最怕是沒有了私人空間和時間，又怕身材走樣！我知道自己係一個自私的港女，對於自己能否無條件愛一個小生命很有保留！

身邊有bb的朋友都鼓勵我努力造人，家人及男友都很想我生。甚至乎勸我現在開工！

我知道以我的年齡想要也不容易，我有朋友做iui做ivf，有人成功，有人失敗，所以我知道要把握時間，我怕將來後悔！

但我真的有點十五十六，所以想問生左的jm:

1. 有後悔嗎？
2. 會否生活壓力大了很多？
3. 和老公感情好了或差了
4. 有冇走樣？
請過來人給我意見，謝謝！

0 0 0

私人傳訊

積分: 44184

2018復活節勳章

60^#

發表於 11-7-11 18:13 |只看該作者

引用:小朋友細嗰時緊喺得意同最靚(BB媽媽自以為)

原帖由 Cinken 於 11-07-11 發表
小朋友細嗰時緊喺得意同最靚(BB媽媽自以為),但漸漸大時妳或想佢會變為叉燒一啖食咗落肚好過 ...

中哂point

私人傳訊

Cinken

伯爵府

積分: 16509

59^#

發表於 11-7-11 15:57 |只看該作者

小朋友細嗰時緊喺得意同最靚(BB媽媽自以為),但漸漸大時妳或想佢會變為叉燒一啖食咗落肚好過

私人傳訊

天使仔

積分: 1937

58^#

發表於 11-7-11 14:53 |只看該作者

其實BB真係好可愛, 大個識得玩識得笑時真係會好開心, 但要諗清楚, 佢會有唔可愛既時候, 例如佢扭計, 佢會有令你好擔心既時候, 例如佢病, 如果諗清楚接受到先好生

同埋我好想問下, 點解你地話同老公感情無變?我地依家除左講個女, 真係累到無其他嘢講, 以前我地會成日傾計, 依家有時間都情願瞓覺, 真係企O係度都瞓得著

私人傳訊

天使仔

積分: 1937

57^#

發表於 11-7-11 14:34 |只看該作者

睇到個個媽咪都話唔後悔, 究竟係咪我有問題? 我又係老公鍾意生, 我唔想但最後順佢意, 依家個女7個半月, 我見過社工, 無用, 佢只係叫我去睇醫生. 到依家都好懷念以前既日子, 老公有幫手但始終BB都係依賴媽咪同埋我本身個人緊張, 所以依家覺得好辛苦, 每日生活除左返工就係湊BB, 我都好想請教咁多位媽媽, 點樣平衡自己好呀?但其實我好錫我女, 我覺得自己好精神分裂呀, 自己一個人時就會好唔開心, 我好唔想咁呀~

樓主唔好意思借左你個POST

私人傳訊

blueskywen

積分: 1520

56^#

發表於 11-7-11 10:22 |只看該作者

等我都分享下先..

我都係港女一名, 人地眼中我仲係個女強人..
我大b 而家11個月大, 而家又有另一個在肚裡了.. 10月生得~

我而家唸番轉頭.. 好懷念同老公2個人自由自在既生活~ 我覺得如果我一早知道有左小朋友係咩一回事, 我永遠都唔會ready 去生bb...大B出世後, 我開頭真係好唔慣.. 我岩岩生完仲有小小產後益屈tim... 仲同自己講 "番唔到轉頭了..咁就一世了.."

但係, 坐完月, 個人正常番, 習慣左照顧bb 既感覺, 同埋習慣左做人媽媽既責任, 加上bb 一日一日咁長大好可愛, 仲鬼咁痴我.... 我又唸, 如果我當初冇生佢.. 而家又會點呢.. 我會後悔冇生佢囉~~~

我仲唸, 一係就唔生, 一生就唔好生一個, 等佢地大家一起長大, 比最好既童年佢地.. 照顧小朋友方面, 同自己講唔好太緊張, 因為以前d 媽媽一個湊3-4個都係咁大.... 而家世代物質咁充裕... 點會餓得死..?

我覺得生bb係人生一個重大改變, 點都一定要時間習慣.. 如果你唸住生左又唔想負太大責任, 咁不如唔好生, 因為生小朋友要用好多愛心同耐性去教養.. 我成日同自己講唔可以害左下一代..

身材 - HUMM.. 我不嬲肥肥地高大型.. 我而家好想快d 到10月生完細b 收工.... 努力減肥做潮媽..... 我覺得唔好比太大壓力自己, 最緊要自己開心同身體健康..

樓主, 你都要加油~

私人傳訊

積分: 44184

2018復活節勳章

55^#

發表於 11-7-11 00:09 |只看該作者

引用:原來差不多年紀，情況也差不多！我是家中的

原帖由 Joball 於 11-07-10 發表
原來差不多年紀，情況也差不多！我是家中的細女，有一個哥哥，一個家姐。佢地兩個都沒有小朋友，老人家到好 ...

係囉，真係好相近似的情況呀

私人傳訊

11B

積分: 42609

育兒性格勳章睛靈勳章

54^#

發表於 11-7-10 23:06 |只看該作者

1. 有後悔嗎？ ---> 絕對無

(唔生就後悔)

2. 會否生活壓力大了很多？---> 會,起碼經濟上,有時係情緒。
3. 和老公感情好了或差了 ---> 50/50,有時會為亞仔而嘈。

4. 有冇走樣？ ---> 呢樣嘢遲早都會,只係生過BB嘅快人一步啫。

私人傳訊

積分: 26605

53^#

發表於 11-7-10 22:03 |只看該作者

回覆:nainaitze 的帖子

好開心，所以想順期自然！不過見到俾自己後生的朋友都有生育困難，都知道要把握時間！
所以e 排都調理下，煲d花膠飲下！希望有d幫助！

私人傳訊

積分: 26605

52^#

發表於 11-7-10 21:59 |只看該作者

回覆:nainaitze 的帖子

原來差不多年紀，情況也差不多！我是家中的細女，有一個哥哥，一個家姐。佢地兩個都沒有小朋友，老人家到好恨抱孫，媽咪開到口話不如雙喜臨門！

我和c6 的生活都是飲飲食食，放假就周圍去，有長假就去旅行！其實我地兩個人都好enjoy!
所以有bb 就係去人生另一個階段！就算無兩口子都廠

私人傳訊

積分: 44184

2018復活節勳章

51^#

發表於 11-7-10 18:46 |只看該作者

回覆:Joball 的帖子

係呀，我同老公都係平常心，做好準備去試，有係人生另一個歷程，無就依舊兩公婆吃喝玩樂，起碼叫做過嘢丫，第日就唔會後悔啦
另一個令我有小小考慮生小朋友嘅原因係我父母都好想我生，尤其係我阿媽，簡直恨湊孫恨到流哂口水，佢哋真係好好嘅父母，咁好好人，對我哋三姊弟好愛錫，我就好低b咁諗如果自己有下一代就當係報答父母嘅恩，還父母一個心願

私人傳訊

edutm

男爵府

積分: 5955

50^#

發表於 11-7-10 16:53 |只看該作者

Joball 發表於 11-7-9 23:51
男人個個當bb大玩具，我今日先同他講bb就算玩厭都不能退，不能縮沙！我都怕他三分鐘熱度！

...

你要想清楚. . 就算你老公很幫忙, 孩子都是首先依賴媽媽, 這是天性. 總之有了小朋友, 家庭生活一定不會跟以前自在. 不要說外遊, 行街shopping跟朋友飯局也非易事
一提生bb, 周圍地人只會唱好. 但很少人提到負面的, 立生活上的改變,每天照護孩子變得沒有了自己, 夫婦之間吵架不斷等等. 是苦樂參半.
所以夫婦兩人一定要心理準備.

私人傳訊

積分: 26605

49^#

發表於 11-7-9 23:51 |只看該作者

引用:1.+有後悔嗎？有一點.+因為bb出世後,老公發

原帖由 edutm 於 11-07-09 發表
1. 有後悔嗎？有一點. 因為bb出世後,老公發現照顧孩子很辛苦, 縮沙, 結果要我自己頂
2. 會否生活壓力大了很 ...

男人個個當bb大玩具，我今日先同他講bb就算玩厭都不能退，不能縮沙！我都怕他三分鐘熱度！

私人傳訊

積分: 26605

48^#

發表於 11-7-9 23:48 |只看該作者

引用:我一直無想過生,+好中意去旅行,+一有錢就去

原帖由 to0318by 於 11-07-09 發表
我一直無想過生, 好中意去旅行, 一有錢就去, 之前又用曬D錢來讀書, 1d saving都無, 我男朋友又係中意周圍去 ...

我都係勁中意旅行，每年都用晒所有假去旅行，一去就去十多二十日。但比起你地，我地都不是無腳雀仔！

男朋友成日話船到橋頭自然直，不是所有野都可以prepare，而我就比較容易擔心lor!

私人傳訊

積分: 26605

47^#

發表於 11-7-9 23:40 |只看該作者

引用:我同樓主一樣咁嘅年紀，結咗婚四年幾，起初

原帖由 nainaitze 於 11-07-09 發表
我同樓主一樣咁嘅年紀，結咗婚四年幾，起初我哋兩公婆都覺得要教育一個小朋友嘅責任太大會好大壓力，所以一 ...

其實你同我諗法差不多，叫做試過吓，有就有，無就算！如果不試，我怕大家將來後悔！

私人傳訊

edutm

男爵府

積分: 5955

46^#

發表於 11-7-9 21:50 |只看該作者

1. 有後悔嗎？有一點. 因為bb出世後,老公發現照顧孩子很辛苦, 縮沙, 結果要我自己頂
2. 會否生活壓力大了很多？視乎有沒有很好的保母.
3. 和老公感情好了或差了<==差了
4. 有冇走樣<=走了好很多

私人傳訊

to0318by

積分: 1513

45^#

發表於 11-7-9 18:15 |只看該作者

我一直無想過生, 好中意去旅行, 一有錢就去, 之前又用曬D錢來讀書, 1d saving都無, 我男朋友又係中意周圍去, 佢之前係東南亞流浪左1年, 我就話3年內佢一定要同我去多次, 最少玩半年, 佢都好開心話好...

點知今年初有左...完全係意外, 我剛剛先番新工, 我地又未結婚, 講真我喊左好耐...我覺得我咩自由都無曬...本來想SUMMER去外蒙古, 西藏...咩都無啦...

但係我無後悔, 有左真好奇妙, 原來生仔真係女人天生既本能, 有左後, 其他野都唔重要, BB變得最重要, 為左佢, 唔去旅行無問題, 而且一D都唔免強!!! 每日睇住個肚大, 個種感受, 只有自己知, 真係好美好 (所有懷孕既唔C服除外)

總之我覺得, 原來唔駛怕自己PERPARE唔好,有左自己就會自己PERPARE, 不過, 你都要有一定心理準備會好辛苦!!!

而家我7個月, 其實都好怕, 不過又好期待!! 無人想過我同我男朋友會生仔, 因為大家都話我地係無腳既雀仔..不過, 我地真係一D都無後悔!!

責任係好大, 不過人係要有D責任先會成長

我未生, 未知會唔會走樣, 而且我堅決喂人奶(希望成功!!) 不過我講過, 我一定要KEEP番, 仲要靚過以前!!! 已經PLAN好點做!! 大把靚媽生完仲索過以前!!! 我信努力就oK!!

希望你唔覺我太長氣!!! 不過生唔生完全自己決定,最緊要開心啊!!!

私人傳訊

積分: 44184

2018復活節勳章

44^#

發表於 11-7-9 16:15 |只看該作者

回覆:十五十六！生不生好？

我同樓主一樣咁嘅年紀，結咗婚四年幾，起初我哋兩公婆都覺得要教育一個小朋友嘅責任太大會好大壓力，所以一直都偏向唔要小朋友，但最近老公話覺得自己在身理心理同經濟上都已經有哂要小朋友嘅準備，問我會否考慮生個小朋友，我考慮咗一排，決定先做體檢，再搵中e調理下，然後努力一排，有就有無就疊埋心水唔要
身邊個個人都同我講如果我依家唔要第日老咗一定會後悔，會唔會後悔我就唔知，不過既然老公想要，我哋能力又許可，咁就試一試，得唔得就交俾個天啦

私人傳訊