籃球健將 男拔力邀入讀
着重學生運動表現的名校，向來會主動揀蟀入讀，直資名校拔萃男書院看中鮮魚行學校籃球健將陳飛揚； 13歲的他，身高已達 1.78米，如入讀可獲獎學金。但出身基層的飛揚擔心入學後表現欠佳，未能再獲獎學金，將無法負擔每年 3.3萬元學費，因此打算拒絕男拔好意。
陳飛揚 07年由內地移居香港，入讀鮮魚行小二，之後跳升一級至小四，成績中上，惟英文稍差。昨獲派第一志願的油麻地中文中學基督教信義會信義中學，他感到滿意，「因為可以同師兄、同學一齊係嗰度讀」。
他曾當選西九龍區最佳運動員，籃球技術出色，男拔教練在學界比賽發現了他，力邀他入讀；但因他未作決定，所以仍需參加升中派位。
飛揚的父親任職貨櫃車司機，母親當快餐店兼職侍應，一家收入不多，擔心入讀男拔若不能持續獲得獎學金，將無力支付學費、課外活動費和雜費，變成無書讀。
不過男拔未放棄，前日安排他應考筆試，以測試其學業水平，在鮮魚行校長梁紀昌鼓勵下飛揚出席應試。試後飛揚有新憂慮，「考試全部都係英文，我驚入讀後英文會跟唔上」。
直資學校學費高昂，令基層學生怕怕，梁紀昌直言：「呢啲係基層學生嘅悲哀，佢哋怕高攀唔起。」梁校長認為飛揚是難得可塑之材，會再嘗試說服其父母，及想辦法為他籌學費，「我當埋底褲都要畀佢讀」。
男拔負責收生的曹老師昨表示，筆試仍未批改，因此未肯定會否取錄他，料本月中會有結果。該校設有獎學金獎勵在運動和音樂方面表現突出的學生，表現若不是突降，可每年繼續領取，另有助學金給清貧學生。
身高 1.78米的陳飛揚，其籃球天份吸引男拔主動錄取。旁為其媽媽。
http://hk.apple.nextmedia.com/template/apple/art_main.php?iss_id=20110706&sec_id=4104&subsec_id=11867&art_id=15405232
cy101 發表於 11-7-6 08:38
見咗報我又唔担心佢無錢讀LA, 反而真係要諗諗補下D英文, 第日入咗去掛住練波可能仲少時間讀書!!! ADD OI ...
男拔都係旨意佢喺籃球方面為學校增光啫,話之佢英文肥佬,無時間讀書,將來無大學收...等等....一律都唔重要.(喺學校嘅角度嚟講)
發表於 
mouth:
花生組組員 
返回列表
