我同一家人係6月24日去開觀塘同阿媽飲茶,飲完茶去左apm後面港貿中心樓上Bibidada睇士的車,有一款C-Max Runner啱就買左啦, 點知返到阿媽屋企試清楚發現架車有一個轆係唔貼地架, 即係架車唔平架, 咁天時暑熱我同我細佬又拿回去換啦, ‘拍枱’事件就開始啦!
一開始我地試比個男店長睇,佢開頭猛話bb車係咁架,後來講得2句就話退錢, 我心諗我係要架車唔係想退錢呀! 咁我同個店長講你開多一架車試下,如果真係個轆係唔貼地,我就算啦, 佢仲猛話退錢, 我就話你開多一架車試下 (而家諗下都有啲唔妥, 下述), 佢開頭話無貨, 後尾又去倉拿一架另一款出來,又話睇錯. 唉!咁我話退錢啦, 橫掂佢一早都話退錢, 點知…….
佢話而家佢唔退, 仲話個道係佢既地方, 而家佢唔就唔退, 咁點呀. 我同我細佬同佢理論啦, 佢就越講越大聲, 仲
‘拍枱’ 想’吼’我地, 我地梗係大聲回應啦. 仲話我細佬’吼’佢, 我地話
: 你’拍枱’ ’吼’我地, 仲話我’吼’你,我地都無拍枱.
理論左15分鐘到, 可能佢知道自己理虧, 最後同意退錢. 最攪笑係佢話我簽卡買嘅, 要扣起3%手續費,我細佬即刻話佢都未load機, 就咁cancel就得啦, 佢死死氣叫個女幫手cancel張單. 佢咁都想呃理3%
第二日,我係上水(我住上水的)買左同一款車, 仲平100元, 而個士頭婆又好好人, 而我部車都無個轆唔平嘅問題, 所以我懷疑我退的那部是次貨來的.
唉!今時今日, 買嘢都要受氣, 仲俾人‘拍枱’同’吼’, 真係………
發表於 
係唔係觀塘店先係咁,元朗店OK喎! 我試過直接去買野和上網訂貨,D服務態度好好喎 
擺明黑店，睇下幾時執笠
. 我呢d生客就拍枱同賣次貨lor
返回列表
