影視娛樂今日: 6|主題: 16162

收藏本版

發帖

返回列表

跳至頁

查看: 9562 | 回覆: 73

12 3 4

積分: 108856

環保接龍勳章

1^#

發表於 11-7-14 13:39 |只看該作者 |正序瀏覽 |打印

雖然單新聞已經係好悶. 但跟左咁多日. 現只係UPDATE下最新八料.

楊思琦失驚無神單方面宣布和拍拖九年的李泳豪分手，即時一身蟻，俾人唱勾佬，又遭李家全體狂插，思琦不甘示弱，還拖大數李家十宗罪，又公開承認新歡吳帥（Andy Ng）男友地位。雙方各執一詞，但楊思琦的乖女形象已大插水；以為搵到好歸宿可以唔使撈，點知新歡男友原來係空心老倌而非富商，在香港樓都無層，更被人追債告上法庭。揀錯爛燈盞外，連份工亦危危乎。據知，與無綫只餘下兩年合約的她，至今仍未被聯絡傾續約，隨時搞到工又無錢又無。

借錢唔還
自從宣布同李泳豪分手，李家上下包括李家鼎、施明及李泳漢，每日都追住楊思琦鬧，指她一腳踏兩船，滿口大話，令她忍唔住公開數爆李家十宗罪反擊，九年來經常被屈就，唔受到李家任何人尊重，同時承認新男友吳帥，但否認懷孕，聲稱只是想借這個藉口令李泳豪死心。至於楊思琦新男友吳帥，是前香港跳水隊隊員，十多年前，思琦還未選港姐已經拍過拖，雖然有報導指他是做生意，當年跳水隊的隊友兼老死俞越亦指吳帥家住半山御花園，父親在大陸經營礦務生意；但其實吳帥絕非富商，只在貿易公司打工，經常中港兩邊走。更甚是吳帥曾經試過借錢唔還，被人告上小額錢債審裁處追債，○一年他向人借了三萬元，當時吳帥寫下借據及口頭承諾會在○六年全數歸還款項及利息，但他一直未有還過一個仙，另外○七年又曾經因為欠租，被房協收樓。

橫行李家
楊思琦、李泳豪分手，被李家圍剿的思琦接受訪問時狂數對家十宗罪，但據知情者透露，思琦一向在李家橫行霸道，李家鼎更直指：「臭罌出臭草！」

罪狀一：同施明作對楊思琦每晚校啱時間，吼施明唸經開大音響，與哎吔奶奶作對，更惹來鄰居投訴。罪狀二：要施明做阿四楊思琦在李家白食白住，唔肯幫手做家務，放工回家又黑口黑面，施明免兒子難做，試過幫對方按摩，又煮埋早餐，但思琦都唔領情。罪狀三：臭脾氣施明在家煎安格斯牛扒做晚餐，楊思琦食到一半突然拍枱，衝入房鬧李泳豪，投訴冇沙律、冇麵包唔夠佢食，仲問豪仔點養得起佢。同姜大偉拍《巴不得爸爸》時，有人向監製投訴她，返到屋企，思琦就指住施明發洩：「係咪你同李家鼎得罪人？累到我俾人搞呀？」罪狀四：食飯唔俾錢對於楊思琦指經常請李家鼎食飯，他說：「我啲記憶力好強，印象中係有一次喺公司canteen，我買咗$61.5嘢食，點知得$60喺身，佢一手推開我隻手，自己用八達通嘟咗！一次，就係請我食咗個$16.8嘅一次，就係請我食咗個$16.8嘅飯盒。仲有一次係個仔同佢嚟探我，請我食咗包$31嘅煙。我李家鼎唔係冇錢，佢成日都話請我食飯食消夜，但到埋單就扮聽唔到，咪又係我個仔俾錢！我唔係同佢計，但唔好話請又唔請嘛。佢今時今日搞到咁，70%係受佢阿媽影響，臭罌出臭草，臭草冇條好。」

作大住豪宅
根據吳帥的資料調查，他在香港並無任何物業，他名下有一間華萃（香港）有限公司，公司登記地址是紅磡馬頭圍道一幢舊樓；記者上門查探過，發現是一個劏房單位，向屋內人查詢，均表示不認識吳帥這個人。「呢個吳帥之前成日周圍同人借錢，好似佢教游水嗰陣就成日問啲學生家長借，每次借幾萬，好多時都有借冇還，俾人追債之後就走佬返大陸。但係聽人話佢喺大陸識到啲人，都搵到啲錢，只係唔肯還錢俾人。至於話佢以前住半山就仲搞笑，佢以前同屋企人係住响石硤尾白石邨公屋嘅！」吳帥友人說。

玩外母政策
視為未來老公的吳帥被揭發欠債，楊思琦拒絕回應，但據她身邊人透露，思琦對此其實十分震驚，明顯對吳帥的底細一知半解。「思琦十幾年前同Andy（吳帥）拍拖嗰陣，亦知道佢無錢，但後來佢返咗大陸做嘢，就成個暴發戶咁，周身名牌，佢仲好識玩外母政策，思琦媽咪一直唔鍾意豪仔搵唔到錢無出息，咁見到Andy變咗另一個人，又成日有股票消息，仲教佢買樓，買咗三層樓全部升值之外，吳帥亦有教佢哋（思琦母女）買舊樓搏收購，加埋成日同佢哋去名店shopping，十足有錢人。見Andy咁本事，所以思琦媽咪以為呢個『女婿』可以養得起個女，咪成日勸思琦飛咗豪仔同番Andy一齊，點知原來都係個空心老倌。」思琦身邊人說。

無綫唔吼
為求同李泳豪一刀切，楊思琦講晒大話，諗住泊到好碼頭唔使捱，點知都係揀錯，搞到一鑊泡，連帶事業都危危乎。「思琦同TVB仲有差唔多兩年約，如果公司覺得個藝人賺到錢同有得做，呢個時間已經會傾續約，但思琦就仲未有人接觸講續約！其實呢一年來，思琦已經俾公司放棄，因為佢拍劇成日俾人投訴麻煩唔合作，以前接開泳衣騷，又突然錫身唔肯再性感，搞到工作量大跌，而家搞埋呢單嘢，十足大話妹咁，公司放棄佢嘅機會好大。」一名無綫員工說。