吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 基督家庭› 亞女點極都唔醒, 我係未應該放棄?

基督家庭今日: 0|主題: 9939

收藏本版

發帖

返回列表

跳至頁

查看: 3315 | 回覆: 32

亞女點極都唔醒, 我係未應該放棄? [複製鏈接]

estw

男爵府

積分: 5977

1^#

發表於 11-7-20 18:37 |只看該作者 |正序瀏覽 |打印

對住亞女, 我學到忍耐, 包容, 謙卑, 依靠, 順服, 我相信神透過佢黎操練我, 要我明白主耶穌有幾愛我. 曾經聽到聖靈提醒我要信得過神必帶領亞女, 但我仍然信心唔夠. 特別係今次又見到亞女唔返學校補課, 重話唔讀書添, 唉! 中六喇, 差幾個月都唔捱埋佢, 無論學校老師或父母費盡唇舌, 佢都依然唔明. 我問神我可以點做? 箴言19:18提到"趁有指望, 管教你的兒子, 你的心不可任他死亡." 見佢一次又一次令我失望, 我真係好心淡, 我諗只有耶穌基督才有咁大忍耐黎等世人回轉, 但作為母親, 即使幾困難都唔可以就咁放棄, 不過我又可以點做? 繼續勸告? 定還是任憑佢選擇自己嘅路, 神自會教導的. 有冇人可以比到d意見我?

0 0 0

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

熙媽媽

大宅

積分: 2326

33^#

發表於 11-8-13 08:01 |只看該作者

本帖最後由熙媽媽於 11-8-13 08:01 編輯

回覆 estw 的帖子

真係唔好意思，上次一次過問左咁多問題，本來仲想寫D嘢，但係突然發生左D事，未及寫埋。

知事件已告一段落亦為你高興，加油，凡事交託，多同教會你信任嘅朋友講講件事，從唔同角度睇睇，唔好剩係一個人去面對。

點評

estw Thanks! 教會有人知, 不過除左祈禱就做吾到d嘜. 發表於 11-8-13 08:18

私人傳訊

estw

男爵府

積分: 5977

32^#

發表於 11-8-11 16:35 |只看該作者

回覆熙媽媽的帖子

好多謝熙媽媽關心! 亞女嘅問題暫時可以算係告一段落, 詳細情形太長篇喇, 吾想係度慢慢講, 希望將來有機會由佢自己講, 見證神點樣令佢生命改變. 總之人係好複雜嘅動物, 吾可以用常理去推測, 以人嘅方法亦幫吾到d麥, 唯有依靠無所不知, 無所不能嘅神, 一切會變得有盼望.

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

熙媽媽

大宅

積分: 2326

31^#

發表於 11-8-10 19:28 |只看該作者

回覆 estw 的帖子

我想問一D問題：

囡囡幾時第一次唔返屋企瞓呀？
之後有咩後果呢？

你認識佢D朋友嗎？
如果佢唔返屋企，你知道佢係邊度落腳嗎？

你第一次搵佢男朋友傾囡囡嘅事，囡囡之後有咩反應呢？

佢會點形容屋企呢？
對佢嚟講，有什麼人 / 事令她掛住屋企呢？

有無請學校社工同囡囡傾傾呢？有需要你都可以搵學校社工傾傾。

私人傳訊

estw

男爵府

積分: 5977

30^#

發表於 11-8-9 19:57 |只看該作者

亞女仲係冇變, 仍然鍾意玩失蹤, 著晒校服卻係冇番學, 成個人, 所有心思意念只想愛情愛情愛情. 佢男友要同佢分手, 佢吾肯, 用d野蠻行為死纏住, 今日仲犯左好嚴重行為. 所有人包括父母, 老師, 同學都勸過佢, 但佢里頭話明白, 個頭又係咁. 係未真係需要睇吓心理醫生, 請問有冇好介紹?

點評

ptm_sarah 好似我個女, 好難搞, 大家加油! 發表於 11-8-15 16:26

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

estw

男爵府

積分: 5977

29^#

發表於 11-7-29 16:04 |只看該作者

亞女真係為左感情冇晒心機讀書. 個男朋友因為佢太唔理智想同佢分手, 佢就好唔開心係咁出去搵朋友傾訢. 前晚個男朋友同佢一齊返黎, 要亞女當我面解釋清楚唔係男朋友帶壞佢, 因為我曾經搵過佢話佢令到亞女改變, 所以個男仔覺得好無辜, 想話分手, 但亞女又唔肯, 仲玩自殘. 咁個晚傾完, 同亞女再講一大論道理, 佢好似真係明喇, 話唔會淨係顧住拍拖, 會做好本份, 尊重學校老師, 對父母要有交帶等等.

感謝神比我係亞女身上學習如何信靠, 學習點樣交托. 雖然過程中有出現疑惑, 但比之前更覺平安穩妥. 亦多謝各位BK主內弟兄姊妹支持及禱告. 亞女黎緊表現係未如我所望唔重要, 最要緊係我今次表現達唔到神嘅要求.

點評

pyjess 讚! "亞女黎緊表現係未如我所望唔重要, 最要緊係我今次表現達唔到神嘅要" 發表於 11-7-30 22:44

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

ndw

子爵府

積分: 13877

28^#

發表於 11-7-27 10:39 |只看該作者

計我話，唔好曬精神同距挨夜啦。養足精神等某日日頭距有無約人，唔出去時，你就等低曬D事唔做來約距出街飲D0野，慢慢聽下距有乜野講，要先宜情養下性，搞好過關系先在慢慢來。而加好似唔教得啦，要等距問你意見先開口講。講時候唔好數距，要園滑D。
我認識好幾位朋友都系有教初長成的兒女的困擾。
有個當屋企系露宿者之家。
有個去左第樹上大學，誰知學費唔交，屋租唔交，使曬父母畀D錢就去露宿街頭。好在父母醒水，來得及飛去揾翻距。
有個好渴望揾到個傾到心事既朋友。媽咪都唔揾。成日揾我聽距傾。因為媽咪唔花時間聽距0念乜嘛，講唔埋幾句就掛住教距點做。我夠耐性聽距0念乜，要講時就要點到即止。結果，距由食煙便到願意唔食煙。男歡女愛的事又喜歡揾我傾。距媽咪都唔知距有人追。但系要等年輕人聽你真系唔容易，要花好多時間先聆聽，先尊重距地既感受。先唔好理距地做得夠唔夠好，又無可以做得好D，都唔好管先。

點評

estw 我學緊架喇! 發表於 11-7-28 02:45

私人傳訊

estw

男爵府

積分: 5977

27^#

發表於 11-7-27 09:00 |只看該作者

回覆 sshoi 的帖子

衰在唔係超過24小時唔得報得警lor. 佢有返過黎一陣架, 趁我地熟睡就靜靜雞出左去. 我諗下次要成晚唔瞓睇實佢lor.

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

sshoi

大宅

積分: 4598

26^#

發表於 11-7-27 08:33 |只看該作者

estw 發表於 11-7-27 07:40
唉! 連續兩晚冇係屋企瞓, 電話又唔接, 究竟搞緊咩?

咁過份﹖報得警喇喎

私人傳訊

estw

男爵府

積分: 5977

25^#

發表於 11-7-27 07:40 |只看該作者

唉! 連續兩晚冇係屋企瞓, 電話又唔接, 究竟搞緊咩?

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

ndw

子爵府

積分: 13877

24^#

發表於 11-7-24 10:38 |只看該作者

我０岩０岩 pm 你 "美國讀書可能性"

我父母當年都算窮。我和媽媽、哥哥是大陸移民到香港的。可想有幾窮。爸爸系打餐館工，媽媽打份清潔啊嬸工。地盤工做過，工廠工做過。你話有幾多收入呢？來美留學需要有一年留學生生活經濟擔保費用在銀行帳戶裡方可以。你要選些小城鎮的兩年制社區大學來讀，這樣生活費便宜些，開支沒有那麼大。你試下啦，唔試你又如何知留學不是神帶領你個女的路呢？
當年神就是在人看來是沒有可能的情況下為我開拓一條另人跌眼鏡的路給我走。年紀輕輕，許多親朋都不贊成我父母這麼放膽讓我出洋讀書。

不過，你個女現在在抗拒神的話語，我真系唔知在屬靈成長方面究竟去或留那方向對啊女有幫助呢？這只有神知道。我們擺在禱告中，願神的旨意成全吧！不要強求我們想要的。

點評

estw Thanks! 是的, 願神的旨意成就! 發表於 11-7-24 22:14

私人傳訊

estw

男爵府

積分: 5977

23^#

發表於 11-7-23 01:20 |只看該作者

回覆 ndw 的帖子

我就係最激氣佢唔肯讀聖經, 唔肯返教會, 講親耶穌佢都好抗拒. 佢都有講某某同學將要去外國讀書, 佢都幾想架, 不過我地真係冇能力負擔, 所以冇計.

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

pyjess

侯爵府

積分: 24044

22^#

發表於 11-7-23 01:09 |只看該作者

回覆 ndw 的帖子

我唸每個人, 唔多唔少都有少少逃避心態

我讀書唔叻, 反而鐘意做野

中四時, 經INTERVIEW, 入左PREFECT TEAM, 仲要做ASSITANT TEAM LEADER, 年尾取得最佳PREFECT獎;
到左中六, 又再入PREFECT TEAM, 當時, 經過兩輪選HEAD PREFECT INTERVIEW後, 我被選中的呼聲甚高, 我亦十分滿意自己INTERVIEW 表現....但我真很怕輸, 即使呼聲高過90%, 仍有幾%不被選中呀! 於是, 我突然找來訓導老師, 說自己會考成績不佳, 放棄做PREFECT, 專心唸書....骨子裡, 根本是怕失敗

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊

bkchunpapa

複式洋房

積分: 328

21^#

發表於 11-7-22 11:23 |只看該作者

之前提過我教會既姊妹,
佢同屋企人「扯到好恆」,
講野全部都好「頂心頂肺」,

但我發現呢類情況,
原來只要唔同佢「正面」衝突,
佢係會表達佢真正內在既一面.

我試過同果位姊妹響網上msn傾計,
佢講好多野我聽, 包括佢對屋企人既睇法~~
(當然某部份原因係我唔係屋企人, 無角色衝突)

我接觸好多青少年,
發現如果想知一位青少年既「真正心態」,
響網上往往比正面溝通, 更能讓佢「舒暢」地表達內心世界.

當然呢樣唔鼓吹,
但如果正面已經無辦法溝通,
網上溝通都可以係一個好既方法,
佢會覺得你明白佢多d (因為同language)

私人傳訊

ndw

子爵府

積分: 13877

20^#

發表於 11-7-22 03:43 |只看該作者

回覆 pyjess 的帖子

"...開始面對唔到自己, 唔係自己想像中咁叻, 所以逃避: 唔讀, 唔考, 我都可以話, 我唔去考/唔讀之嘛, 讀左, 考左, 無好成績點算?..."One of my brothers think like this way.

私人傳訊

ndw

子爵府

積分: 13877

19^#

發表於 11-7-22 03:35 |只看該作者

本帖最後由 ndw 於 11-7-22 03:41 編輯

"...亞女係一個好依附感情嘅人, 佢可以愛情大過天. 佢唔想讀書嘅另一個原因係拍緊拖, 雖然有好多學生都會拍吓拖, 但一般人都可以保持平衡, 而佢就只想拍拖拍拖拍拖, 連佢男朋友都話好難忍受...." ~ estw

這個係我既翻版。我係咁價。當年我讀唔好書係因為太多人追。神就知道我要在什麼環境下才有屬靈長進。拋我出去，搵個愛神０既人給我早早嫁左人，家庭無經濟支持我, 挨下苦來磨煉我非依靠祂（我的主，我的神）度日不可。然後我才可以專一讀好個大學。

私人傳訊

ndw

子爵府

積分: 13877

18^#

發表於 11-7-22 02:49 |只看該作者

本帖最後由 ndw 於 11-7-22 03:13 編輯

Dear estw,
鼓勵個女多讀聖經來認識神，禱告阿女可以先求神的國和祂的義。神帶領每人各不一樣。神帶領我的路，but it works on me.

祂帶領我這個沒有經濟家底，又有沒有成績，英文會考不及格，最好都系得一個C, 預科都入不到的女子單身去留學先讀英文在讀大學。
當時補習社我都有翻，但係我完全係去得個坐，功課不做，翻到學校抄人功課。
點解我響人眼中咁唔想讀書都會想出國留學呢？因為人地唔明我的需要，神至知道。我需要離開香港。我當時還未識面對人們眼中的＂失敗＂。我覺得自己有許多方面的＂錯敗＂。若果當時我認識神更深，我就不會認為那些是值得丟我臉的事了，我就不會覺得自己無面啦。

留學機會係同學介紹０既。路係自己的選擇。父母無說服我。只是盡量支持我的經濟需要。　
我有兩個好關心我的老師。一位是小學五六年班主任兼中文先生。一位是中三時的班主任兼數學老師。會考前都各自打電話來給我鼓勵。對於當時的我，她們越關心我，我就越感到壓力大，越沒有辦法考好個會考，我越感覺無臉拿會考成績面對她們，面對父母。　好似＂漢羽＂當時無面獨自回鄉見父老鄉親。
出國都唔通知聲她倆。後來本來可以透過舊同學再連絡她們的，我都覺得無面見她們。我當時就是沒有那麼屬靈的態度來坦蕩與她們交往。
因為神帶我還未去到那坦蕩面對人與事的指標。後來我在海外當貧窮大學生時可以坦然接受教會弟兄姐妹的甘心施捨度日。在沒有關注別人怎看我的心境下讀書，我的焦點不同了，後來以最高榮譽，全A在電腦加數學系畢業。那段日子，神教我不為明天憂慮，一天的難處一天當就夠了。 "Fear not tomorrow, God is already there."

而家，因著神在我生命裡所做的工，我唔會啦。我願意搵翻她們分享我＂失敗＂的心路歷程。

私人傳訊

pyjess

侯爵府

積分: 24044

17^#

發表於 11-7-22 01:58 |只看該作者

我估, 再估下...

阿女一向唔洗溫都"轆"過, 仲考得唔錯, 所以當中四之後, 唔再可以只打天才波時, 佢開始覺得讀書吃力, 開始面對唔到自己, 唔係自己想像中咁叻, 所以逃避: 唔讀, 唔考, 我都可以話, 我唔去考/唔讀之嘛, 讀左, 考左, 無好成績點算? (我老公就係呢種, 所以佢講過俾我聽呢種感受; 反而, 如果一個要努力先有好成績O既人 -- 即係我, 會易過呢關, 因為努力無100都有80分, 唔努力一定只有少於60分)

而, 現在社會上, 10分努力未必有8分收獲, 的確衝擊住佢地...甚至我地呢理已經出左黎做野一段時間O既人...."做人咁辛苦為咩?" 大概大家都有浮過呢句說話

計, 同實際面對, 係兩回事... 佢一定好清楚, 搵錢唔夠食, 你都會俾佢食, 唔夠租屋, 你一定唔會趕走佢....何況, 呢D"實際問題", 實際得過上面講O既問題咩?

如果要好多理由讀書, 不如無咩理由, 總之唔想讀喇...代佢講

私人傳訊

estw

男爵府

積分: 5977

16^#

發表於 11-7-22 01:36 |只看該作者

本帖最後由 estw 於 11-7-22 01:44 編輯

回覆 pyjess 的帖子

好多謝妳PYJESS. 我實在好想聽佢真心話, 只要係'真心', 我唔會嘔血的.

唔想讀, 當然唔去補課喇, 好順理成章啫
之前好認真問左佢究竟想唔想讀, 佢話讀, 又應承會比心機, 點知轉頭又係咁.
我梗話你聽想讀喇, 同你講唔想讀, 我仲唔俾你"鵝"到暈? 但, 我唔讀, 你奈我咩何? 阿媽, 我同你講想讀, 都係唔想傷你心啫, 唔讀書無前途吖嘛, 讀左, 你又擔保到我成就輝煌咩?
(之前好似都有咁講過, 佢話大學生都搵唔到野做啦.)

17歲女, 唔想讀, 有好多原因:
成績差,
曾經中三時考過全班第一, 而家中四之後, 課程都唔同晒, 而家深左幾多, 你知唔知呀?
(PYJESS問: 佢以前O係唔O係唔洗溫書, 都成績唔錯?)
(係呀! 佢話不嬲都唔溫書嘅.)

無成功感;
佢話老師問親問題冇同學識答, 得佢舉手答.
(PYJESS: 老師

都係咁話?)
(我又冇問過老師係未咁wor, 不過老師有講過話佢其實比其他同學資質好.)

同同學不和;
同同學經常來往, 間唔中重會黎我地屋企玩添.

老師

針對佢;
佢重惡過D老師, 夠膽駁老師

咀.
(PYJESS: 咁即係老師

鐘唔鐘意佢呢, 駁咀, 唔係個個老師

接受到)
(老師當然唔鍾意學生咁嘅態度, 不過老師冇因此針對佢, 反而好苦心咁勸佢, 而亞女都冇數過老師點唔好.)

想工作有錢用;
里個可能係其中原因, 自從做左M記part time後就冇晒心機返學, 但已經同佢講過好多次, 又分析過好多次, 比佢知道咩先係最重要, 最能幫助自己前途.
你仲話讀書先有前途, 家陣我咪一樣搵到錢, 阿媽你知唔知咩叫PRESENT VALUE? 即係而家搵到一蚊, 多過聽日搵到個一呀? 何況邊個話讀書先有前途?
(所以同佢計過而家搵到嘅係未夠佢將來生活所有開支.)

家庭關係差, 覺得無人O易佢, 所以唔需要O易自己;
里個係我一直好疑惑, 又好困擾我嘅問題. 自從亞女出事, 我就一直好內疚又好自責. 曾經問過佢係未覺得亞媽唔錫你, 所以好想有人錫. 亞女係一個好依附感情嘅人, 佢可以愛情大過天. 佢唔想讀書嘅另一個原因係拍緊拖, 雖然有好多學生都會拍吓拖, 但一般人都可以保持平衡, 而佢就只想拍拖拍拖拍拖, 連佢男朋友都話好難忍受.
(PYJESS問: 出咩事?)
(可以PM話妳知.)

無目標(上大學, 工作), 所以唔明點解要讀書...太多"理由"喇
其實要讀書嘅理由比唔讀嘅理由多, 目標亦好明確, 里點佢自己應該清楚,
咪係囉, 要咁多理由讀書, 我不如唔讀喇...
(所以話佢仲未丁醒lor)

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

ndw

子爵府

積分: 13877

15^#

發表於 11-7-22 01:36 |只看該作者

我覺得 pyjess 分析得合人性D。回想自己成長時期讀書階段，常有事情環境另到自己唔想翻學　（係唔想翻個間學校，或唔想翻個過班）去面對現實。多數係因為我唔識以適當態度來看事情，人關係。別人對自己讀書成就期望高過自己所能及的。真係好唔想面對人地對自己的負面反應。

唔知道點面對才可以有好０既情緒，想逃避。

後來都係靠神的安排，到時到後就給我或轉校或移民的機會逃避，直到我認識神夠深，可以從明白神來掌握正確的人生觀和正確的態度面對困境，人事關係後才要我面對挑戰，接受試練。

"...成績差,
曾經中三時考過全班第一... 老師針對佢..." ~estw
我的成績又係可以好考滿分，超曬普通標，但係我經受不起老師與父母的寄望的壓力，下次考試可以跌剛剛及格。
我唔喜歡同人競爭，好唔中意男同學次次問我考得幾分，要同我比較似的。這些人們的眼光好造成我少年時期的學習的心裡障礙。