夫婦情感 今日: 0 | 主題: 42799

積分: 4009

1^#

發表於 11-8-4 03:24 |只看該作者 |正序瀏覽 |打印

本帖最後由 chan_gi 於 11-8-4 16:04 編輯

多謝各位俾我既意見，我驚c6見到，我打呢篇野。所以都係delete先，雖然我未知道依家應該點做好？不過我會嘗試你地提議既方法...多謝哂

0 0 0

私人傳訊

gk678

伯爵府

積分: 19582

32^#

發表於 11-8-4 15:49 |只看該作者

回覆 chan_gi 的帖子

樓主, 不如聽下男人既睇法.
首先, 佢打你係唔岩.
但係, 我諗你都唔係善男信女, 你都有講過你會打返佢; 而且, 你講到佢好似因為一句說話而打你, 咁你講呢句說話之前呢? 需知道, 一隻手掌拍唔響, 如果佢係成日打老婆既人, 你應該唔洗上黎問人, 即刻走啦.
我覺得你地最大既問題係 : 發展得太快. 你地拍拖大約三個月就已經有左, 根本無時間了解對方. 可能之前你地太多事發生, 無時間無得靜靜地諗下. 如果可以既話, 我建議你地得閒放下自己假, 兩公婆放低bb 去relax 下, 培養下夫妻感情先.

私人傳訊

jastangtang

別墅

積分: 704

31^#

發表於 11-8-4 14:24 |只看該作者

chan_gi 發表於 11-8-4 12:39
其實我係有諗過同c6離婚，但係我自己所有條件實輸洩俾佢，同佢一齊到依家都無做過野，我屋企得我阿媽(仲係 ...

常試尋找一些專幫受虐婦女的機構。或者佢地既專業知識可以幫到你地

私人傳訊

07mama

積分: 6099

30^#

發表於 11-8-4 14:16 |只看該作者

aidan08 發表於 11-8-4 12:07
我知道你而家心裡面一定有好多理由原諒佢，例如為BB，例如佢都有對你好，又例如佢以前點為過你.....等等。 ...

打開女人只會愈打愈離譜，你自己小心！----> 認同!
妳仲要連走都多多藉口, c6真本唔會當你咩事
最少, 最少都要走開1-2個月, 比自己冷靜, 比c6想清楚自己的行為帶來的後果
無真心悔改及反省絕不能一起生活, bb會長大, 慢慢佢唔止打你, 仲會打bb, 係bb面前打你....
甚麼奶煲, 可以用熱水煲代替的, 妳問妳媽咪以前點煲奶樽, 洗潔精幾十蚊包買囉
一係得佢唔係屋企返去拎..........................
問題係妳想唔想縱容到佢有一日係bb面前打你, 62, 99佢都唔怕, 佢怕咩係小朋友面前打你??????????

私人傳訊

Sicitsoi

積分: 7119

29^#

發表於 11-8-4 13:50 |只看該作者

回覆：如果你係我會點做...?

帶佢睇醫生，如果係有病，你要幫佢

私人傳訊

20022009

積分: 6903

好媽媽勳章

28^#

發表於 11-8-4 13:23 |只看該作者

我諗又未至於去到要離開佢既階段. 你試下work唔work先. 係你同佢有嘈咬之前. 我地通常係沉點咗先, 睇下邊個忍唔會, 就爆. 咁你係沉默既時候. 好選擇離開屋企冷靜. 佢問你去邊, 你咪話帶阿B返阿媽到探阿媽.

之後, 就係電話到同佢講, 有咩唔掂, 都係係電話到傾掂佢. 如果佢要等你返黎又打你發"涉". 呢個男人唔要得. 咁樣遲早打死你架.

係佢平靜既心情時候, 同佢講番, 你好驚佢郁手郁腳(當然你自己都唔可以出手) 你話你地嗌烚時你都有出手. 佢會覺得, 你出手, 佢都唔會蝕底. 佢都會還拖架麻. 所以你有出手, 你都有唔啱. 你自己都要控制.

三口六面講清楚. 同佢say sorry先, 話以前出手自己都有唔啱. 亦都希望佢點嘈都好, 都唔好出手. 要兩個一齊做出承諾. 以後兩個點嘈都好. 都唔可以再出手. 解釋佢知, 咁樣會好影響個仔既童年陰影.

私人傳訊

女王大人

積分: 2657

27^#

發表於 11-8-4 12:55 |只看該作者

chan_gi 發表於 11-8-4 03:24
我同c6因為我以前做過既職業認識到一齊，到有小朋友之後再結婚，頭尾加埋一齊左1年8個月度..依家我個baby都 ...

咁你地好似一齊左1-2個月就有左兼結婚, 感情同了解都好似唔多夠啵...
同埋..都好似一開始就打你囉......咁點樣繼續下半世呀

私人傳訊

積分: 4009

26^#

發表於 11-8-4 12:39 |只看該作者

其實我係有諗過同c6離婚，但係我自己所有條件實輸洩俾佢，同佢一齊到依家都無做過野，我屋企得我阿媽(仲係做緊野未退休)，個妹先叫做啱啱讀完書出黎hea緊，如果我都出黎做埋野，我個仔都唔知揾得邊個照顧好？仲有我c6屋企家底唔係話好豐厚，(我c6都叫做係外國移民返黎)但係佢做絕啲，同個法官講判俾佢，等佢可以帶佢返過去...到時我仲見都無得見，諗到呢度，我都唔知應該點好??

私人傳訊

juicypig

珍珠宮

積分: 30278

環保接龍勳章 hashtag影視迷勳章

25^#

發表於 11-8-4 12:08 |只看該作者

帶埋個B離開佢

一個人之所以快樂,不是因為她擁有得多, 而是因為她計較得少

私人傳訊

aidan08

侯爵府

積分: 21125

24^#

發表於 11-8-4 12:07 |只看該作者

我知道你而家心裡面一定有好多理由原諒佢，例如為BB，例如佢都有對你好，又例如佢以前點為過你.....等等。不過，我可以話比你知，睇你個C6應該唔會改到，打女人的男人，我個人認為改到係奇蹟！呢D人由心底裡唔尊重女性，而且控制情緒一定係極差！我自己都有一段好慘的經歷，好彩當時只係拍拖，而且好短時間，但足夠我一生都有陰影！打女人的男人唔會好，仲要喺其他人面前都郁手，咁就真係夠晒衰！我覺得你最好都係諗定後路，比你忍到一兩年，你都唔會忍得到幾耐。為個BB先應該離開呢D衰人！唔好再比籍口自己，你既過去係點都好，佢揀得你做老婆就係要接受你的過去，並唔係話佢特別偉大，而且，做男人應該保護老婆，唔係當老婆係附屬品任佢發洩，佢對你好係應該嫁，唔好以為你自己欠咗佢。

清醒D，快D離開呢D賤男！打開女人只會愈打愈離譜，你自己小心！

私人傳訊

積分: 4009

23^#

發表於 11-8-4 12:05 |只看該作者

20022009 發表於 11-8-4 11:57
一次都不能容忍. 但講又真係好容易. 做就更難. 如果我係你都唔知點算. 不過家庭暴力真係O容忍.

C6未試過 ...

我都試過你講咁樣，但係佢唔俾我帶個仔走，佢話要走就你自己走咯..但係我c6自己一個好少同個仔獨處，同埋我個仔仲係bb，所以我唔放心...

點評

20022009 係就係佢發癲前好走.(即蘊讓緊嗰時,你好走啦) 發表於 11-8-4 13:13

私人傳訊

積分: 4009

22^#

發表於 11-8-4 11:59 |只看該作者

07mama 發表於 11-8-4 11:42
點會? 拎袋衫, 奶樽已經可以. 奶粉尿片.......買囉........
再唔係, 等佢唔係屋企再返去拎
佢就係覺得係只 ...

但係個消毒煲，洗奶樽液帶唔到走.....同埋之前我試過夜晚9,10點仲係外家未走著，我個baby好唔like，好忟憎，好似吹我要同佢一齊返屋企咁，所以無佢符...

私人傳訊

20022009