我的家庭都幾大,有7個姑姐,2個叔叔,我爸爸係最大~由細到D姑姐都好豪,樣樣都認最叻,最記得有一次,成班姑姐去澳門賭錢,叫埋我媽咪去,我媽咪係唔鐘意賭錢的人,麻雀仔就會打,打一二蚊咁大,
A姑姐就話: 阿嫂,跟我地一齊過去玩啦,
我媽話答: 冇咩錢呀!唔去喇,你地去啦~
A姑姐: 3兩千都冇?都唔夠我打一鋪牌,..少少錢都冇,誇唔誇張D?
呢件事放左係我媽心裡面好多年,近日又聽佢講番起,阿爺阿麻有好多錢,但都被呢幾個姑姐借晒去,有D還0吉數,有D買首期,有D用來賭錢,一借冇回頭~呢D說話係我同阿爺飲茶時佢親口講我知!應該唔會係假....而我老豆從冇借過一分!
其實我想講既係...佢地借錢點都好啦,我都唔係好在乎,反而我在乎阿爺阿麻,呢班姑姐人前一個樣人後一個樣!好嘔心...成班一齊食飯就噓寒問暖,連去厠所都扶埋佢地老人家去,但一講起錢就同阿爺黑面,好卑鄙~~
B姑姐D仔女同樣咁嘔心,人前就媽咪前媽咪後,FB上就鬧個阿媽係敗家精,廢物...佢3個仔女同樣憎阿媽,我覺得既然咁憎,又做咩出到來食飯成家扮溫馨?連阿MA番屋企都要話送佢去撘車,怕有危險....真係梁朝偉,劉青雲呢D影帝都要靠邊站,呢個B姑姐同我媽咪都熟的,因為佢而家份工係我媽咪介紹比佢,B姑姐成日打來同我媽喊,訴苦..話冇人了解佢,D仔女又唔理佢,我雖然好憎某D姑姐,但我都同情佢,十月懷胎生幾個細路,最後仲比自己D仔女鬧廢人,如果我個仔咁鬧我,我會想自殺囉!一定心痛死~
咁我就係FB暗串佢地,我冇開名就打:一個十月懷胎生你的人,係咪用廢物,八婆呢D名詞來形容佢?又不是十惡不赦,殺人放火,需要咁樣對湊大自己的人嗎?孝順何在?痴孖根~"
打完呢幾句..就好多人REPLY!對號入座又有...鬧我的又有,話什麼一家唔知一家事~
話我插手人地家庭的正八婆!我真係火都來埋~~你阿媽打來我阿媽度日喊夜喊,次次都傾到我媽眼濕濕的,我覺得我提醒佢地孝順好正常囉!大家都一場親戚,又唔係叫佢地去死,叫佢地對阿媽好D,諗下邊個養大佢地者,個阿ma日喊夜喊唔驚有情緒病自殺咩?就算佢幾唔好,都係阿媽來囉!
有份FB鬧我的表妹,佢宜家結婚,我決定唔去!擺低5舊水就算~mami就想我去,好好睇睇...但我真係恭喜唔落,佢地結婚d錢又0係阿爺都借...我好矛盾,我好想自己可以假d...但我真係做唔倒,我驚我一出聲就攪轉個party!
呻完喇!但未爽~因為阿媽依家仲安慰緊喊緊的姑姐~煩死人!
曾經有一個可以讓我好好咁訓0既晚上，但係我冇珍惜到!到左起身勁眼訓0既時候先至後悔莫及，塵世間最痛苦莫過於此。 如果個天可以俾機會我番轉頭既話， 我會同周公講我愛佢，如果係都要0係玩bk0既時間上加一個期限，我希望係48小時。
發表於 
發表於 
返回列表
