Baby Kingdom - 親子王國 香港 討論區 › 首頁 › 家庭理財› 冇錢又想學買樓

家庭理財

收藏本版
發帖
返回列表
跳至頁
冇錢又想學買樓   [複製鏈接]

首頁
12345...7

尾頁
   3
滅絕施太


別墅

積分: 851


1#
發表於 11-8-11 16:47 |只看該作者
本帖最後由 滅絕施太 於 11-8-11 17:12 編輯

我都唔知開個topic講咩先好，投資有好多方面，c9們你哋要先學識慳，至好再學投資，千其唔好盲中中，跟人尾亂投資。而我喺度只係分享個人理財和投資的經驗和心得，說不上教人。
不如先講下投資買樓呀! 我有一個冇錢又想學人買樓的經歷 ，請大家唔好笑我喎!
喺婚前，我老公係光蛋一名，冇樓、冇車、冇儲蓄，咩都冇。而我只得兩萬儲蓄。結婚冇請客，嫁妝得兩萬。婚後，我冇工作，所以由我負責理財(因老公太大洗)，每分毫我都計得清楚，支出收入都有紀錄，屋企慳得就慳。頭半年+之前的錢，我儲到5萬(2萬+2萬+1萬)。我一直有個念頭想投資樓，但又自知之明，香港樓一定買唔起，所以做好功課就番大陸睇盤。但係大陸買樓5萬都唔夠啦，當我睇岩盤，計過條數，仲差4萬至夠，點算呢？？
食飯先，下回分解.....

點評

PY-Sing  "Auathena  樓主,你咁早就食飯？！" 樓主在澳洲, 有時差.  發表於 11-8-11 17:58
Auathena  樓主,你咁早就食飯？！等緊你啊！  發表於 11-8-11 17:42
Pigbaby  無錢買樓......勁  發表於 11-8-11 17:05
sasa612  haha..多謝你  發表於 11-8-11 16:56
私人傳訊

angel-11


大宅

積分: 3168


124#
發表於 11-8-15 17:41 |只看該作者
本帖最後由 angel-11 於 11-8-15 17:48 編輯

good !
pls continue...
私人傳訊

LilianLegend


伯爵府

積分: 15470

wyeth冷知識勳章 環保接龍勳章 大廚勳章 親子達人勳章 畀面勳章


123#
發表於 11-8-15 16:07 |只看該作者
滅絕施太 發表於 11-8-14 15:42
回覆 sbb3 的帖子

我咁鐘意買樓，就當然會繼續努力做功課。你問我點睇嚟緊香港股市和樓市，我就真係冇資格 ...
妳即係話而家澳洲d樓價都趺緊???

點評

滅絕施太  仲未跌呀，只係慢熱咗咋!近月少咗好多成交盤。希望明年會跌就好啦!  發表於 11-8-15 17:40
私人傳訊

滅絕施太


別墅

積分: 851


122#
發表於 11-8-15 15:55 |只看該作者
回覆 karee 的帖子

多謝! 但我要休息下先，遲d開個topic，講投資失敗的經歷，再同大家分享。
會成功自然都會有失敗，我相信光輝唔會係永恆的，世上冇一樣投資係冇風危，問題在於風危有幾高，你又能如何成受。

私人傳訊

karee


男爵府

積分: 9576

畀面勳章 環保接龍勳章


121#
發表於 11-8-15 15:23 |只看該作者
我仲有追你呢個POST架施太
私人傳訊

sasa612


男爵府

積分: 5391


120#
發表於 11-8-15 11:19 |只看該作者
擔櫈仔, 聽故仔

點評

Dumpling96  擔櫈仔，聽故仔 x 2  發表於 11-8-15 15:46
私人傳訊

kellyfan


大宅

積分: 2397


119#
發表於 11-8-14 22:36 |只看該作者

回覆：冇錢又想學買樓

想继续听故事呢！快d讲埋pls！
私人傳訊

滅絕施太


別墅

積分: 851


118#
發表於 11-8-14 19:40 |只看該作者
本帖最後由 滅絕施太 於 11-8-14 19:44 編輯

成功交易後，爸爸總算鬆了一口氣，佢先將之前的所有欠款全部清還，餘下的利潤都非常可觀，咁都未上報住。這次成功的買賣，事後工作並未完成，之前提過有附帶條件的，而爸爸就好有信心，可以喺一年內搵到另一個買家接手。題外話，我仲記得當年，香港第一大銀行、黃氏集團等....都係貨倉租客之一，仲見過黃生和小甜甜因欠倉租問題，到寫字樓搵爸爸，所以話做生意投資的冇邊個係唔欠街數。好啦!回題先，後來爸爸就真係達成信用，係九個月內已搵到另一新買家，日本公司當然賺大錢，同時爸爸從中抽佣的利潤也不非。(補充下，之前有提過，爸爸間集團公司名下有9間子公司，其中有，投資物業、物業管理、倉務和運輸等等......所以，以上所有買賣、借貸或抽佣等事，都全依足法律，絕無犯法)。外資公司來港投資物業一年不到賺大錢，當年都可算係新聞，日本商人被記者追問過程中，得知原來中間人係我爸爸，仲查到爸爸之前買賣的大約過程，所以就咁成為一件新聞，我睇過份報紙一次，記得有三份報紙，其中一份係成報，但報導冇提及我爸爸的名，只刊登佢公司名，報紙亦冇講到之前一買一賣差價賺幾多，只係講爸爸的投資公司一夜間賺了過百萬，其實前前後後加埋的金額都已超過千萬。
咁個投資方式，咁個風危程度，我相信你我都未必做到，我冇咁個擔亦都唔敢試，但咁唔代表冇人會做到。爸爸的經歷，絕對唔係只有成功冇失敗，佢的人生都試過高底三次，但佢都受得起，一個憶萬富翁又如何係兩三年內變成一個平民。有機會再同大家分享!

點評

fengfeng  難怪好多人講做大生意的人都是梟雄,要承受到大起大落  發表於 11-8-15 11:18
私人傳訊

滅絕施太


別墅

積分: 851


117#
發表於 11-8-14 16:24 |只看該作者
本帖最後由 滅絕施太 於 11-8-14 18:26 編輯

再三忠告，我的故事只作分享，絕不鼓吹大家學習。凡任何投資都會有一定的風危，如果無法成受過中失敗，最好就不要作任何投資。就算買樓都好，有足夠首期，都一樣會有機會成為負支產的。
好啦! 尋日講到爸爸仲欠260萬，點算？!原來佢一早已計劃好，這個投資只係短線，佢目的係想購入貨倉後轉手比第二個買家，而從中賺差價。講真，佢都冇一定把握喺三個月內可以轉手，佢只係盡力而為，就算失敗，佢都已作好心理準備去接受。喺這三個月，佢不停搵客，不停登報紙賣廣告，不停出差。終於喺佢最需要運的時候，比佢遇到一個日本商人，係代表日本總公司嚟香港發展的，想喺香港作物業投資。爸爸又點樣令到日本公司願意即時投資這個項目呢？附帶條件就係，免費一年物業管理和保證一年內幫日本公司將物業轉手賺錢。所以相方就咁成功交易了。
故事未完，我要食飯先，一陣再講埋。

點評

fengfeng  果然係富貴險中求  發表於 11-8-15 11:16
私人傳訊

滅絕施太


別墅

積分: 851


116#
發表於 11-8-14 15:42 |只看該作者
回覆 sbb3 的帖子

我咁鐘意買樓，就當然會繼續努力做功課。你問我點睇嚟緊香港股市和樓市，我就真係冇資格評論，而家至啱啱開始亂。最近澳洲樓市開始慢，繼而會慢慢下滑，我都係等緊幾時跌到落谷底，再入跳樓貨。
私人傳訊

sbb3


大宅

積分: 4293


115#
發表於 11-8-14 14:13 |只看該作者
你有沒有繼續做功課?
來緊你點睇股市和樓市?
私人傳訊

hkaa


伯爵府

積分: 15080


114#
發表於 11-8-13 23:00 |只看該作者
滅絕施太 發表於 11-8-13 16:04
故事發生多年，我需要組織下先可以回憶番，如果細節唔清，敬請原諒。本人唔吹鼓大家學習，就當聽下民間故事 ...

請快快講啦!
私人傳訊

小可愛11


珊瑚宮

積分: 102475

畀面勳章


113#
發表於 11-8-13 17:54 |只看該作者
滅絕施太 金融海潚的前因後果，你可睇番美國海潚前3-5年的投資房地產，就會明白。 發表於 5 小時前

呢點係人都知啦, 仲有唔係投資, 佢0地係次按爆煲, 但係又係邊D人係始作俑者呢 ?!!
不如你問清楚你老公先啦 !

點評

滅絕施太  我老公表示，你比經濟師更懂經濟，佢不再作評論。讚你!  發表於 11-8-13 19:55
私人傳訊

木土土


琥珀宮

積分: 166289


112#
發表於 11-8-13 17:02 |只看該作者

引用：故事發生多年，我需要組織下先可以回憶番，

原帖由 滅絕施太 於 11-08-13 發表
故事發生多年，我需要組織下先可以回憶番，如果細節唔清，敬請原諒。本人唔吹鼓大家學習，就當聽下民間故事 ...
未講完已經覺得世伯好勇，有信心一個月內可如願租出單位，果然係其父必有其女！

點評

滅絕施太  當然買前已先同經紀做好功課。  發表於 11-8-13 17:09
私人傳訊

滅絕施太


別墅

積分: 851


111#
發表於 11-8-13 16:04 |只看該作者
故事發生多年，我需要組織下先可以回憶番，如果細節唔清，敬請原諒。本人唔吹鼓大家學習，就當聽下民間故事算啦!無需去追根究底。
好啦，上文講到冇足夠資金點買大型貨倉呢？!爸爸就先常試搵銀行借貸，將名下所有物業和公司全部按比銀行，再向某省公司私下借筆錢，但就算咁，都係距離首期好遠，根本都唔夠。佢又再計下條數仲差400萬，個400萬點算呢？佢又去搵過好多間銀行，將投資計劃同貸款部研究，當然銀行都怕有風危，所以有好多間銀行都距絕合作。某一日，爸爸又忽然想起個經紀，地產經紀多數都同銀行貸款人員有聯絡或關係，經紀都想做成單大買賣，所以一定都會好幫忙，爸爸就咁成功借到400萬，但先帶條件係，資金太大風危高，銀行只願借款三個月。就咁爸爸就將貨倉買咗，買前佢當然都有考慮多方面，亦知道風危有幾大，佢個計劃就係，頭一個月，先立即將每層的倉都租晒比香港當年的大型上市公司，將兩個月上期同一個月租金全部收晒，再還比銀行，但全部租金加埋都只得140萬，仲欠260萬，仲有兩個月時間。佢點算呢？!
我都聽到急死，爸爸講故時話，今日唔講啦，聽日再講喎!hahah

點評

sbb3  好想再聽之後點呀!  發表於 11-8-14 14:10
私人傳訊

滅絕施太


別墅

積分: 851


110#
發表於 11-8-13 14:15 |只看該作者
而家開始講故仔啦! 請大家:以下無投資經驗或冒險精神者，切勿模仿!

事原就發生係約80年代，嗰時我得12歲，我爸爸係一個普通生意人，任職中國某省政府註香港分支公司，高級職員，而佢名下有物業、車和一間集團公司，公司名下有9間子公司。好啦!有一日，有個投資房地產經紀搵我爸爸，想某省公司投資一個物業，位置係深圳，即今時今日的陽光酒店。當年就係爸爸全權負責這個投資項目，命名為"陽光酒店"的。又過一段時間，同一經紀又嚟搵我爸爸，有另一個投資物業想介紹，今次位置係香港，九龍灣一幢貨倉，當年又命名為九龍灣貨倉，但而家叫咩唔知啦!咁爸爸就番去同某省公司開會研究這個投資計劃，最後結果係，某省公司決定放棄。但這幢貨倉係爸爸心目中，好有升值潛能，所以佢一直唔想放棄。有一日，佢終於諗到了，竟然想自已買下這幢貨倉，真係天大笑話，一個普通生意人，身家又冇幾多，學人想買大型物業？當年一幢大型八層高貨倉，即=現今一個購物商場的價值，根本就係冇可能買到。咁點算好呢？!故事太長，我要分幾段，如果想聽故仔，就請耐心等待。
私人傳訊

滅絕施太


別墅

積分: 851


109#
發表於 11-8-13 13:18 |只看該作者
本帖最後由 滅絕施太 於 11-8-13 13:28 編輯

回覆 simplylife 的帖子

指教唔敢講，大家分享下無防! 明白係故事會有好多細節冇提到，而令人有好奇，而你肯問，我就一定答。你用123問，咁我用123簡單d答啦!

1)我老公目前係銀行經濟師，無謂講假，亦都冇必要吹。佢唔係唔識理財，而係唔想日對夜對d數。婚前比晒份糧亞媽，婚後比晒份糧我，仲教埋我做家用表，咁佢就唔洗煩屋企理財，佢只係懶咋!

2)老公有工作，自然可以申請白金卡，我冇工作就當然冇資格申請啦!

3)老公喺香港唔係銀行工作，但都係經濟師。我匯錢嗰時，佢已係外國工作，佢都有提議過我幾種方法，但因大陸銀行匯款方面，人仔匯到落香港會變成美金，而我又想儲人仔，所以最後選擇分裝搬番香港。

4) 關於爸爸故事，我只睇過份報紙一次，聽過爸爸講過一次。已格多年，我人都老啦，記憶都有限，但我會盡力而為。如果有d咩細節講得唔清楚，請見諒。

5)關於個平到不得了的五萬人仔盤，我都應該講多少少。個大廈叫咩就唔交代啦，位置大約就係三亞往海口公路邊，一d都唔起眼的垃圾盤，如果你都有興趣投資三亞，最好先實地考察下會比較好。當時賣家係我買入之前一年以8萬入貨，上年急套現，所以我就以5萬買入跳樓貨。其實三亞唔係間間樓都過百萬，只有豪宅至炒到咁貴。例如，豪宅格條橋位，橫街細行，又細又舊個d，而家賣緊20-30萬左右，絕冇花假。

最後，我好多謝你有參與討論同分享，各人有各人的意見我都明，反對與讚賞也好，我都只係好簡單想分享下個人經歷，而絕對冇任何想教人點投資，大家可以當故仔聽。
私人傳訊

滅絕施太


別墅

積分: 851


108#
發表於 11-8-13 12:33 |只看該作者
回覆 popocat 的帖子

明白你的意思，我第一間大陸投資盤係2006年，老公係政府部門工作，所以計過先敢借的。如果借信用卡錢買樓，我本人都唔會讚成，自己我都唔會做。

點評

fengfeng  真係要大字註明"老公還款能力強"和"份工超穩陣"先得 ;) 對普通人就好高危  發表於 11-8-15 11:10
私人傳訊

popocat


水晶宮

積分: 61082

2024年龍年勳章 2023年兔年勳章


107#
發表於 11-8-12 23:40 |只看該作者

回覆：冇錢又想學買樓

我唔知有冇記錯，2000年好低迷時都有新盤0首期買樓定係碌咭比首期咁，但嗰陣好多公司裁員、冇人工加，失業率高，唔少人破產，好多銀主盤，樓市供多過求。假如樓主唔好彩老公失業或有其他突發支出，首期兩萬如何在六個月內還清？還唔到比息都比死！如果連息都比唔起就要賣樓，樓價冇升的話你就輸律師釐印費。我估反對嘅網友係想講先洗未來錢嘅concept要預萬一冇錢還嘅風險！
私人傳訊

小可愛11


珊瑚宮

積分: 102475

畀面勳章


106#
發表於 11-8-12 23:26 |只看該作者
本帖最後由 小可愛11 於 11-8-12 23:27 編輯

By the way，金融風暴都係 Harvard / Cambridge 啲金融才俊搞出來。


點評滅絕施太 我老公話你誤解金融風暴的前因後果喎! 發表於 4 小時前

其實我都係拾人牙慧, 我係從 Asia Week / Economist 啲 article 睇番來, 照計妳老公係銀行經濟師都會期期訂閱.

點評

滅絕施太  金融海潚的前因後果，你可睇番美國海潚前3-5年的投資房地產，就會明白。  發表於 11-8-13 12:21
私人傳訊


首頁
12345...7

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy