香港18區媽媽會 今日: 0|主題: 156974

夏天冷衫仲未有==>係未有貨定佢漏咗你張單，你未畀錢唔好買，去鱟地坊鐡皮屋有得賣，質料一樣只係$59咋！你係戴麟趾對面菜檔條巷直入見到有檔賣牛仔褲(檔主係短髮女人)隔離檔係賣小朋友衫(檔主係亞婆)，果度就有得賣，兩檔檔主係母女來的。

我估要買埋恤衫…我估裙係傳統的背心裙內要加恤衫，而且褲同裙價錢一樣，所以我覺得係要買埋恤衫。9月19日4-6PM校服公司會帶埋不同尺寸校服供小朋友度身用，到時可以問清楚。我記得好似話運動服有兩種料的，一厚一薄，唔知係唔係，毛衣要115好似比校貴咗D，諗緊係唔係學校買，因為鱟地坊都有灰色返學外套賣，都係$59蚊咋。

你d情況我好少遇到，有兩日我囡病咗要請假我打返學校，我無指定要搵老師，只係講低N班XXX今日唔舒服請假，第一日聽電話的係老師只係問咗亞囡乜嘢病，第二日就校長聽電話，佢話XXX剛剛開始返學唔喊，明天返學又要再適應。雖然係好小事，但我覺得校長咁都記得囡囡我已經覺得OK，因為全校過一百個學生，校長要記晒都有D困難。

而你話老師同校長8點幾仲食早餐呢個問題，咁未到上班時間食早餐真係無問題喎？自己都係打工，點解唔可以體諒下老師，佢哋都係打份工啫。都有自己生活。其實學校返工時間係輪更制的，幼稚園開放時間係08:00AM-08:00PM，即全日開放十二小時，無可能每個老師日日都返十二個鐘，咁部份老師就會返早放早，部份老師返遲收夜。而且老師除咗上堂仲要做行政工作，也要準備教材，有時抱怨的時候要先試試站係對方的立場想想。仲有係薪金係佔學校開支的大部份，所以學校無可能請咁多人手，而所有人力資源都係用返係小朋友身上並唔係做面門功夫。以全日班來講呢間學費已經算便宜啦！

而你話打電話問老師嘢呢個問題，如果一日十個家長打去問嘢，每人問五分鐘，其實真係好阻礙老師上堂，果五分鐘裏面課室其實可以發生好多嘢，而且學校都講過係小組教學，每次係六個人一組由一位老師教學，而其他小朋友自由活動時由另一位老師睇住。就算集體唱游 / 講故事時，一位老師負責主持咁另一位老師就要負責維持課室秩序。始終小朋友只係得兩歲唔會個個都坐得定的。

剛開始時老師打過一、兩次畀我講囡囡係學校的情況，之後都係我打去問多，不過我都唔係次次打得通，有時講講下學校有電話入，我會自動收線，而且學校好似得一條電話線。

其實大家都好緊張自己的小朋友，但做家長的如果對學校存有偏見，其實好難同學校做到家校合作的。如果真係想係另外的時間打畀老師，可以試下寫紙條放係通告袋畀老師約佢某個時間打畀你傾小朋友的事。

以上係我個人意見，只係係度交流並無任何針對成份。