大仔大女媽媽會

收藏本版
發帖
返回列表
跳至頁

首頁
1

尾頁
   0
bagman


大宅

積分: 3131


1#
發表於 11-8-21 18:01 |只看該作者
由2yrs至而家,斷斷續續成大半年,用左好多方法都吾得.我個女語言能力好強,好早已能表達vee vee or poo poo,但就係堅持要用片,買左好多個potty/厕所板去吸引佢,都係吾去. 以前試過只係俾底褲仔佢著,她可以一個早上賴5次,都吾肯去厕板上去.仲要大哭要我同佢沖身.死都要穿返片.最近我又同佢試左個幾月,引到佢坐在小朋友厕板上,但佢死都要我抱著,try了一個月(早上),都只係去到2次.而家仲死都吾肯坐,寧願罰企or我吾采佢!真係好激氣!而家我有左6個月,真係無能力同佢再堅持.以前有專業社工教我,如果自己介吾到,到等佢返學交給學校介.佢開左學一星期,miss同我講,佢死都吾俾人同佢除片去厕所!真係連最後一個希望都無啦!!!

身邊的人包括親戚及朋友,不知不覺都俾左好多說話我聽,真係好難受.個個小朋友的情況都吾同,我個女的性格真係吾願試新野,硬頸到死.佢地話真係接受吾到個女兩yrs幾都未介到片,你同佢介得吾夠堅持, 個女介吾到完全係亞媽的責任,你應該未夠一yr就要同佢介(我鬼識啊,佢係第一個b)...... 個個都在repeat一些方法,我都有try過但吾得的. 見到佢地我都吾想提,但佢地成日都要討論,好煩!又幫吾到手,只係話我要一早同佢介,我個問題係而定佢咁堅持,我點介好???佢連每日兩次的刷牙都要又哭又拞計, 奶樽又吾肯介,生果又吾肯食,總之,日日都好激氣!!!

想問下你地都有無咁硬頸的小朋友,點幫到佢地介好???thx!!!!!
私人傳訊

cherry007


別墅

積分: 961


16#
發表於 11-9-6 02:29 |只看該作者
Hi bagman,

我個囝囝都用咗好多唔同嘅方法, 而家先叫做成功戎到片(夜晚瞓覺除外). 我就試過迫佢坐, 攪到佢好反感, 之後我就冇迫佢, 改用以下幾種方法去氹佢坐Potty. 你睇吓有冇用:
1) 睇碟 - 隻碟內容主要係話你己經係big kid, 唔使再著片, 有一日囝囝突然話我係big kid, 唔係BB, 咁我就順勢話big kid 好叻果播, 自己坐potty, 你得唔得吖? 佢答得, 我就拿拿淋除褲除片囉...跟手又用好誇張嘅表情讚佢叻叻啦

2) 去咗VV同popo都有貼紙獎勵, 噉越貼越多時就讚吓佢

3) 試過去popo時唔肯坐定, 咁我就話d popo其實好想出黎玩, 你快d叫佢地出黎啦, 跟住我就扮到好用力噉叫佢跟住做, 結果疴咗出黎dum dum聲佢覺得好得意, 我就話好嘢, popo好開心呀, 佢出咗黎玩勒...

4) 睇有關嘅圖書, 好似之前有本書係講1個小朋友唔肯冲涼, 唔肯刷牙, 間房好亂, 有好多鳥蠅跟住佢,冇朋友同佢玩, d牙蛀晒, 當每次囝囝唔肯刷牙時, 我就會講番嗰個故事,問佢係咪想生晒d牙蟲, d牙蛀晒禁肉酸? 跟住佢就肯去刷牙

5) 我囝就黎3歲,佢早晚都要飲支奶, 我都係比奶樽佢飲, 呢d都係d小問題, 點解一定要迫佢戎呢? 到佢大d, 佢可能自己都唔鐘意用奶樽呢

6) 我都唔贊成一歲就戎片, 起碼2歲半後, 個人識講嘢先啦, 起碼識表達先啦

其他人講咩都唔使理, 每個人嘅性格都唔同.總之, 當佢有一日見到其他同學冇著片自己去vv同popo時, 佢就會想試嫁勒...小朋友互相影响好work,我試過幾個小朋友一齊食生果, 平時我囝唔食提子, 佢見到其他小朋友食, 噉我就比粒佢試下, 點之佢真係食喎...

慢慢黎啦, 我係度support你, 等你好消息!
私人傳訊

chingcging


伯爵府

積分: 19013

環保接龍勳章


15#
發表於 11-9-4 15:14 |只看該作者

死都吾肯介片(2yrs8m)!!!好激氣!!!!!!!!!!!!!

我個女係3歲幾先介到片。話說有次同學聚會，佢著咗條低腰褲，俾人見到條片邊，於是，個個同學見到都問：點解你仲著片咁醜怪嘅？/ 你都唔係BB，點解著片嘅？嗰日之後，佢除咗夜晚瞓覺著片，其他時間佢已經唔肯著啦。
私人傳訊

wannababy


男爵府

積分: 5060


14#
發表於 11-9-3 22:06 |只看該作者
回覆 bagman 的帖子

Hi,

首先唔多講我個仔有既固執, 佢介小便就好快, 但大便要成3.5歲先成功, 之前一直要我抱住佢在片上大大,但真係好攞命,佢真的太重了. (期間用過無數方法都唔成功).

最後我諗佢地要有安全感,要pat pat有野圍住既感覺, 有一次我在條片既"後面" 剪左一個大孔, 佢想大便時即比佢著住(當然唔好比佢地見到個大孔啦), 跟住同佢講好你不如著住片片坐上廁所啦! 佢又肯war, 跟住叫佢好啦依家出力痾落片片啦! 無幾耐就聽到, dum dum 咁就成功左, 跟住不停讃佢好叻, 咁大聲既好得意呀....... 佢好受law...

個次次後佢就唔再怕了, 我真係開心到難以形容, 比心機, 終有一天會成功!

點評

bagman  Good idea!  發表於 11-9-3 23:23

私人傳訊

bagman


大宅

積分: 3131


13#
發表於 11-9-3 17:54 |只看該作者
回覆 CAKEMom 的帖子

好可惜我那個住在北美的99,成日都話要越早越好,話我已經過左最合適的時間.仲有一班朋友,佢地不斷的教我,又話我要點樣無理由吾得喎,我個B幾日就得,已經好煩了.根本個個小朋友都吾同的,我個女樣樣都幾好,但係吾接受要介片及介奶樽,超硬頸!而家返學了,老師叫我地吾好同佢著片,TRY了一天,賴左一次,又俾老師帶左去了坐厕所兩次,不過都係痾吾到.我都吾再急了,都會照TRY但順其自然啦!
私人傳訊

CAKEMom


大宅

積分: 1163


12#
發表於 11-9-3 04:37 |只看該作者
本帖最後由 CAKEMom 於 11-9-2 15:37 編輯

在北美，戒片係睇孩子ready未，完全是孩子主導，不是家長主導。

Ready意思係孩子可以說出有便意而要求去大小二便。有些孩子是ready但心理上未ready，那就要慢慢來，不要急，因為家長越急孩子越反感。我識得個女仔三歲幾都唔肯去廁所，死忍到尿道炎都要忍。她媽媽不再迫她，到幾個月後再試，一個禮拜就OK戒哂。總之孩子ready就會好快，唔ready就點急點迫都冇用。

http://cakemomworld.wordpress.com 一個充滿湊仔、教仔、慳錢、Shopping。。。仲有記得要感恩嘅世界
私人傳訊

kubibi_2008


別墅

積分: 531


11#
發表於 11-8-24 14:43 |只看該作者
我個仔而家2years &8months之前一路唔肯介片, 死都唔肯除片, 我就由得佢著, 不過就一直同佢講好醜怪, 咁大個仲著片, 見有的小朋友同佢差唔多大個冇著片我又會同佢講人哋好叻, 冇著片片著褲仔好好睇等等, 佢爸爸去廁所時又叫佢去睇點去....總之一路係咁哦佢. 得閑又攞tomas底褲仔引佢.....有一日, 佢終於肯試著褲仔, 咁就一日搞掂左日夜片. 每次Vv同poopoo完都會係咁讚自己叻....
私人傳訊

sswkiki08


禁止訪問

積分: 4262

2018復活節勳章 環保接龍勳章


10#
發表於 11-8-24 01:21 |只看該作者
提示: 作者被禁止或刪除 內容自動屏蔽
私人傳訊

ryan-mama


大宅

積分: 1506


9#
發表於 11-8-23 16:46 |只看該作者
曾經聽過一個講座, 學了這一句:「世上沒有會喊死的bb」, 你抱著他讓他喊吧, 讓他知道你愛他, 所以才要戒片, 怎麼喊媽媽都要bb戒, 尿床時不罵不打, 溫柔的說句:「慢慢來, 媽媽陪你戒」, 幾日之後, bb就會明白你的決心了。bb成功了你要記得讚他, 他尿床的次數會漸少的。
私人傳訊

hanbb


伯爵府

積分: 16230


8#
發表於 11-8-23 11:42 |只看該作者
你d 朋友叫你一歲b戒片??? 戒片通常都2歲開始, 一歲點戒?? 唔好聽你d 朋友講啦.

每個小朋友都唔同, 媽媽辛苦了.

我囡之前返學未戒片, 老師係叫我幫囡著底褲仔返學. 咁返左學2星期就戒到了. 不過我囡返全日, 如返半日就可能難d.
私人傳訊

nam120809


複式洋房

積分: 372


7#
發表於 11-8-23 02:01 |只看該作者
我諗你唯一能做就係同佢鬥堅持，你試下張D尿片收起，唔好俾佢見到，到佢想去個時你話俾佢聽唯一嘅方法就係去洗手間，如果佢令願賴都唔去洗手間，你就叫佢處理番佢自己d野（當然你要係旁邊啦！）如果都唔聽你話，你就咩都唔俾佢做同玩，由得佢發皮氣喊，你都唔好理佢，你一讓步小朋友就覺得原來咁做媽媽就會放過我，所以真係要企硬，同佢依家都係番左幾日學啫，俾d時間佢啦，當佢成日都見住啲同學仔同佢有唔同時，佢自不然會慢慢去做~加油呀
私人傳訊

玻璃窗


大宅

積分: 3932


6#
發表於 11-8-22 15:00 |只看該作者

回覆：死都吾肯介片(2yrs8m)!!!好激氣!!!!!!!!!!!!!

我哋除咗笑佢之外，又教佢揍BB，佢好鍾意揍BB，成日叫我哋教佢點做。試下發掘囡囡興趣喺邊方面，就對症下藥，有時太在意反而唔得，放開一下先。我之前試過介奶嘴介唔到，但唔刻意去做，又做到了，＂萬物總有時＂！
私人傳訊

bagman


大宅

積分: 3131


5#
發表於 11-8-22 14:26 |只看該作者
回覆 玻璃窗 的帖子

我都有個BB12月出生, 都試過同佢講BB先至著片,但我個女係吾怕人笑,總之吾肯就吾肯.好鬼死硬的.
私人傳訊

Oscar66


大宅

積分: 1043

畀面勳章 陪月勳章


4#
發表於 11-8-22 12:13 |只看該作者
我都是過來人，完全明向身邊的人好多話,真係好難受.
佢想關心但變成訓話
我囝囝現3歲2個月，我用好多方法介片，佢現在可以返學都無同片，學校幫到一些，好擔心，小朋友會長大，佢會變，又試下買一有卡通公仔底底，日日在家就堅持穿底底，半個鐘叫佢Vi Vi；specially after drunk water. 好work. Dont' give up...
私人傳訊

玻璃窗


大宅

積分: 3932


3#
發表於 11-8-21 23:20 |只看該作者

回覆：死都吾肯介片(2yrs8m)!!!好激氣!!!!!!!!!!!!!

我絕對明白你的感受，我家的小孩同你的小朋友一樣大，性格都差無幾，佢唔要做嘅嘢你打死佢都唔做。佢都係介咗片個幾月，初時又係死都唔肯，返學人去廁所佢就縮。
終於用咗一個方法，因為屋企就嚟有一個BB，我哋不停話只係BB先要著片，大個仔／女唔使著，（因為呢個階段的小朋友鍾意扮大個），咁佢自己話要留返片片俾BB。每次佢想要片，我哋又笑佢係BB，試多幾次就介到。
其實呢個階段係有好多勞氣嘢，每樣事都好似要激到你死先做到，我成曰都話佢講多過做。介片過程中試過唔肯用街外廁所，扭計瞓喺廁所地下，問你死未！
最緊要都係耐性，講真，呢個過程總會過去的，是遲早的事。重要是唔好同人比較，小朋友乜都唔知，好多時係大人覺得唔舒服，點解自己小朋友比人差。除非已超出正常標準，連醫生／專家都話係問題，才需要着緊處理，否則終有一天會達標。
如果要講，十日都講唔哂，總之放鬆自己，盡力而為，我相信有一天你囡囡一定會俾你意想不到的驚喜！（一笑）
私人傳訊

saulamlover


伯爵府

積分: 16548

好媽媽勳章 醒目開學勳章 畀面勳章


2#
發表於 11-8-21 22:12 |只看該作者
其實你系咪一個心軟ge媽咪呢???
我個囡2歲-2歲半都有試過叫佢去佢ge小型廁所....但...佢興趣不大....加上可能唔太習慣...我就唔迫佢
今年9月3歲...7月左右我先至開始同佢戒片...到而家日頭都冇問題...系夜晚仲未同佢戒片...日頭如果約左人...出門口前預大半個鐘系俾佢去vv ge...總之唔去就唔出街...
奶樽: 開頭佢都唔肯...但我話掉曬d奶樽..因為用得耐又壞又臭..唔用得la...佢習慣左用杯幾晚..都ok...
刷牙: 日日幫佢整定杯開水...整埋牙膏...放系到叫佢自己刷...刷完先有野食...如果佢肚餓硬系要扭計...甘咪由佢喊law...喊飽...都系要刷...
生果: 唔食完唔洗做下一樣野...總之食完先可以玩ar...又或者做其他野...

一個小朋友只要你硬過佢...唔好俾佢哭鬧..攪到你覺得頂唔順而心軟...佢就冇得反抗...可能個個小朋友都唔同...
我由個囡開始聽得明我講野時...我就每樣野都硬過佢...因為我系全職媽咪...如果我軟過佢...只會俾佢恰...只會做佢ge工人...所以到而家...ar囡基本上系我一個助手...我有時要佢幫手..佢都可以幫下我...現代ge公主病...佢都冇...相反身邊有幾個好鍚仔女ge媽咪...到4-5歲仲要人餵佢食野...食餐飯仲要食成個幾鐘...
可能會覺得我好狠心...但至少佢會系一個可以獨立ge人...
+油ar媽咪...支持你~
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy