美容扮靚今日: 13|主題: 137922

收藏本版

發帖

返回列表

跳至頁

查看: 6078 | 回覆: 69

22/08/11 初次做穴位埋線!! [複製鏈接]

12 3 4

kingkingtc

男爵府

積分: 8329

hashtag影視迷勳章環保接龍勳章 BK Milk勳章畀面勳章

1^#

發表於 11-8-23 11:48 |只看該作者 |正序瀏覽 |打印

2011/08/22 係我人生中第1次做穴位埋線... 可能我太討厭自己的身材啦, 決定試下, 希望結果理想~

我講下自己身型先
高158cm
重58kg
屬於肉地型, 又岩岩生左BB 7個月, 肚D肉好鬆, 大腿多肉, 小腿粗, 手臂有BYEBYE肉&有D肌肉~

埋針位置
先埋肚 : 16針
大脾 : 每邊6針, 共12針
小腿 : 每邊2針, 共4針
之後轉身到 patpat : 每邊4針, 共8針
打側身到手臀 : 每邊5針, 共10針
總共 : 50針

穴位埋線$880+10日藥$600 = $1480

尋日朝早booking, 我指定搵女ec, 下午就可以做埋線啦~ 於是請左半日假去做~
4PM去到, 無人, 因為前面仲有做未做完...等左一陣到我啦~ 我勁驚law~
之後女ec同我把脈, 之後問左d問題
ec : (一邊把脈一邊問) 你有咩唔舒服呀?
me : (心諗我做穴位埋線都要知道有咩唔舒服??) 無呀! 係前果個星期感冒, 依家都好返啦~ 同埋我生過bb, 身體好容易攰, 係咪甘呀?
ec : 你係咪唔開心呀?
me : (我呆左, 無啦啦又關心情事??) 吓? 無呀!! 我係容易嬲, 但好快唔記得, 又會好容易開心, 整體來講我好開心呀!
ec : 係咪有d野煩呀?
me : um... 可能我湊bb辛苦, 又要返工啦~
ec : 係咪工作壓力大呀?
me : 都係呀!! 都幾大壓力呀!
ec : 甘就影響你身體law, 你好熱氣呀, 係咪成日食煎炸野呀? 俾條脷我睇!
me : 呀~係呀! hehe~
ec : 唔好食啦~ 係咪個胃成日脹脤地呀, 大便又唔好, 腸胃好差呀, 所以個肚成日收唔到呀! 你好熱呀, 戒下口啦~ 要幫你調理下個身體呀!! 順便搞下通便!
me : 哦... 甘唔係可以減肥咩? 調理身體算唔算減肥呀? 穴位埋線係咪真係可以減肥?
ec : 你身體有問題, 阻塞住左, 甘幫你調理左通左, 甘咪容易瘦law, 每人的穴位都係有自己的特性, 你調理好自己的特性, 甘咪可以減到肥law~
me : 哦... (好玄呀!! 雖然我明d唔d, 但都行左入去埋線)

可以甘講, 一定無生仔甘痛, 但痛過打針, 因為打針枝針係幼d, 而且打針最多都係打2-3針, 埋線幫我埋左50針... 所以痛的程度由1-10計係2~

有d位置係好痛, 大脾同小腿埋針時係睥睥地~
埋緊的時候我問左2個問題
me : 邊解有d位甘痛ge?
ec : 甘你成身都好多神經線呀, 甘針中果個位置多神經線就會痛d呀!
me : 嘩! 呢邊大腿好睥呀!!!
ec : 係呀~ 會睥d呀!!!
全程都好少講野, 姑娘都唔講野, 只係幫我消毒, ec針完果個位佢即刻抺左d血再幫我貼膠布, &叫我轉身打側身等等... 但都幾nice, 問佢野都肯答, 不過管腔左d~

埋完落床已經感覺到酸痛, 但痛係俾枝針針到痛, 酸係條半腸線係穴位度, 開始運作!!
坐左一陣, 等姑娘執藥粒, 因為我想調理好身體加減肥, 所以配埋藥試下~

出來果時開始多人, 全部都係女仔, 都係來做埋線~ 有d係搵男中ec就快d, 女ec得一個, 所以要等好耐~

坐係度先又酸又怨呀... 好怪的係, 左腳右手好酸好怨好睥, 行得勁辛苦... 右腳左手感覺ok, 似之前跳完舞甘的酸痛, 接受到~

返到屋企要成個鐘, 行行企企會舒服d, 但一坐就好睥...
到左屋企都唔理ec講6個鐘內唔好沖涼住, 我照沖, 見到d膠布都幾恐怖!! 大脾邊有個位仲流血, 所以都要用膠布貼住先~
右手手臂有2個位瘀左, 有d地方都瘀左, 我知道係正常的, 因為刺激勁個穴位太突然啦, 會令到附近的肉都極速運動完甘, 瘀一定會有d...
我就係甘按摩附近的肌肉, 等d根唔好甘硬同埋酸...
可惜阿仔又要我抱, 阿囡返來見到我又要我攬攬, 平時都唔見2隻野甘乖甘痴我, 唔抱下又唔得wo, 唯有鐵人上身, 抱就抱啦~

aroh~~~~ 痛死我... 希望係值得啦~