本身有個好好好朋友,大家由中學識到而家,都成16 17年, 一直都好FRIEND,大家都係女仔. 佢之前係大陸做野, 星期6 日先會返香港,我地一定會出去行街吃飯睇戲,直情好似拍拖咁. 就連佢阿妹都以為我地同性戀咁當然我地唔係啦. 佢屋企人都熟哂,佢家姐個D都好鐘意我成日叫我上去食飯之類. 又會一齊去旅行.
但後期有一次,我地大家講好一齊去AU WHV,唔知你地知唔知咩叫WHV(工作假期), 講好一齊RESIGN唔做一齊去. 後來我頂唔順個時做緊間公司,我就RESIGN左, 個時距離我去WHV仲有半年, 我唔想係呢半年又搵另一份工,又學職新環境後又唔做,所以我決定早D去, 我問佢會唔會同我一齊提早去, 佢就話唔肯, 不停叫我等埋佢, 我就話我真係唔想等多半年坐係屋企OR搵一份新工, 我真係打算而家就去. 佢知道後係有少少嬲嬲地. 其實我明, 係我唔岩, 應承左後來又自己一個話去先..佢之後來先再大家一齊玩. 但我真係忍受唔到份工.
咁去到AU,我都時不時打電話問候下佢, 到差唔多佢要來個時, 我都有問佢係咪真係去AU, 但話仲唔知,又唔想RESIGN,好似對唔住個MGR,其實呢份工佢幾年前已經想走,但一直覺得對唔住個MGR, 所以拖左幾年都仲係到. 因為份工人工低,以佢年資佢可以返HK搵到更高人工...所以我成日勸佢唔好做...到最後, 佢都來左AU,但個時我仲有2個月就要返HK,大家時間唔夾,就無係AU見到面,但都成日講電話
後來, 我自己一個去左外國, 識左而家老公,仲好快結婚生仔. 有時MSN我見到佢,我都會問候下佢. 之後返到HK, 都有約佢出來食飯, 但佢從來都唔會主動搵我, 有次我收到佢電話好開心,終於打比我. 我一接電話,佢聽到係我, 就話打錯左,係打比另一個FRIEND. 所以我返左HK2個半月, 我都只係見過佢2次, 一次係凡約佢出來吃飯,第二次係我係HK補擺結婚酒佢來飲
佢來飲時, 佢做左500人情, 好老實講, 我係幾唔開心. 因為我地大家咁熟, 係老死, 我估佢點都會有D心意, 500同佢其他同事無分別. 如果佢買個相架比我, 我都已經好開心. 但真係咩都無, 比個利是封仲要係皺哂皮.
個晚我結婚佢仲好HIGH, 大家都爭住同我阿仔玩, 佢就搶左佢去, 唔緊要,多人鐘意阿仔我緊係開心. 但係佢居然係我唔知道既情況下話餵魚佢食, 仲夾左落個碗到. 個時我仔只得5個月,一直只係飲奶,仲未食過野. 同台既人發現佢想餵魚立即阻止左佢, 話阿仔仲未食得野. 佢話魚咁有益點解唔可以食呀, D人就話BB唔可以亂餵野佢食. 佢仲大大聲話, 你敢講魚無益咩???我本身唔知佢想餵魚比阿仔食,係後來聽到佢地張台好嘈走去問咩事先知佢地係到嘈緊食魚. 當時我只係搶返個仔, 就返左埋位. 係事後諗起好彩我有朋友阻止佢, 唔係阿仔真係食左, 唔好彩比魚骨搶親真係唔知點算.
仲有, 我生左仔咁耐, 佢都無送過野比BB, 可能你地覺得我又話人地人情做500, 又無禮物覺得我好市儈. 但我覺得作為我既好朋友, 我點都會封多少少, OR加份GIFT, 人地生仔我都會送GIFT仔比阿B. 我覺得係關心既表現.
我有將件事同我阿媽講,因為我阿媽都知我地好好朋友, 我阿媽就話會唔會佢近排有咩唔開心呀. 咁我諗諗下, 都可能係既, 我就MSN佢時問下佢係咪有心事呀, 可以同我分享下...佢就話無, 我話我地咁FRIEND,你有咩唔怕同我講喎, 佢話無呀,我好開心. 咁我就話我覺得你唔同左, 個人好HIGH,但係我覺得唔係開心既HIGH...佢就無答我. 咁我都無再問
直到而家, 我返返外國, 我又再有左. 我呢幾個月MSN見佢,我耐唔耐都會主動問候下佢, 話比佢知我近況同問下佢近況, 但佢就係問一句答一句, 你FEEL到佢唔多想同你講野. 後來到而家, 我見到佢,都無主動搵佢, 佢就緊加無主動搵我
我真係好DOWN, 因為咁多年朋友!! 我唔知係咪因為我結左婚, 佢仲係單身, 覺得我背叛左佢定點. 但真係勁唔開心囉. 諗起以前大家咁好朋友, 而家大家居然一句問候都無!！
其實我仲想問下, 成件事, 我係咪真係有咩做錯? 太市儈? 我自己唔覺,如果你地覺得, 可以講出來, 可能係我自己問題而無左個朋友都唔定
Tim is my big boy and Max is my little boy. tiMax are my favorite boys!
有時唔止男女關係..普通朋友都有緣份依樣野既..
發表於 
明明就是忌妒你腰細、奶澎、屁股硬綁綁！外加天使臉孔菩薩心！
返回列表
