我尋晚真係有d嬲,平時同佢耍花槍0個種完全唔同,真係頂住頂住!
我地出左cwb二期食飯,食完上海野行下二期呢個商場,我入左去一間賣晚妝的衫鋪,老公話去toilet,咁男厠0係下一層,佢話去完上來搵我,咁都好平常我入去睇下衫,睇左一陣我見c6行緊番來,但突然出現一個女仔橋住佢隻手,
似係撞倒朋友咁..個女仔好熱情咁橋下佢又放開手,我梗係即刻行出衫鋪,個女仔就話:去邊呀?一個人(我當時0係佢後面佢睇我唔倒)老公話:同老婆行街食飯~你呢?女仔話:同班同事唱k,你都識架!以前咩咩咩0個班囉!你去唔去?叫埋你老婆一齊去囉!0個時我已經行到佢身邊,我就好有禮貌同佢say hi,佢都好自然咁say hi,仲叫我一齊去唱k,老公就話:我地2個都唔鐘意唱k既~下次再約!byebye 個女仔個樣真係有d失望咁:0下?咁好啦~再打比你啦!
分開左後我個心極唔舒服,諗緊呢條女平時係咪見人就橋既呢?會唔會我諗多左?我個樣黑住面,老公就先講:頭先個個我舊同事來架!我就有d醋意咁話:同事一見面會橋手?我仲以為你2奶搵你呀!佢即刻笑住口咁講: 你先係2奶呀!乜你唔知d男人最錫2奶既咩?但我冇開心到繼續問:佢平時都係咁橋d男人手?佢唔覺得咁樣唔好既咩?c6先feel倒我真係唔高興,就話:佢係我地公司既花痴來,成日同人地講樓上樓下d公司入面都有男人鐘意佢,所以先比老細掉左公司,因為佢掛住溝仔成日唔做野,聽聞佢同幾個男同事都訓過,咁橋手對佢來講算好普通!你放心啦!我鐘意乾淨!私家一定好過公用的!唔好嬲喇!跟住我話:咩私家呀?邊個係你私家呀?私家咩呀?死開呀!跟住佢拖實我話:一個男人要作反你點睇實佢佢都可以作反,佢要偷食,一定搵倒機會偷食~係咪?大家一齊講個信字!一個都夠晒煩,仲搵多個自找麻煩咩?我愛...下刪幾廿字...
雖然我信我老公,但我都信有邊隻貓係唔食魚?有d食左只係冇話比人知~天下之大,太多卑鄙既狐狸精最鐘意撩d有婦之夫~確實我都見好多呢d女人~~我唯一做倒既只係信佢!
曾經有一個可以讓我好好咁訓0既晚上，但係我冇珍惜到!到左起身勁眼訓0既時候先至後悔莫及，塵世間最痛苦莫過於此。 如果個天可以俾機會我番轉頭既話， 我會同周公講我愛佢，如果係都要0係玩bk0既時間上加一個期限，我希望係48小時。
發表於 
mouth:
我係一個醋呈,唔敢想像如果係我會點......
返回列表
