Baby Kingdom - 親子王國 香港 討論區 › 首頁 › 影視娛樂› "Apple關仁隱事"一齊諗

影視娛樂

收藏本版
發帖
返回列表
跳至頁
"Apple關仁隱事"一齊諗   [複製鏈接]

首頁
12345...84

尾頁
   144
22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1#
發表於 11-8-29 11:16 |只看該作者
關仁隱事：「皇后」見「鹽醋」全裸嗒糖
2011年08月28日
「鹽醋」靚仔兼好戲，出道以嚟都好多戲拍，佢老婆「皇后」就由行天橋轉型做生意。兩個唔同圈子嘅人點解會撻着？聽聞全因鹽醋一身肌肉所致，話說皇后有次機緣下見到鹽醋影嘅相，當時鹽醋只係用張紙仔遮住下體，皇后一睇就嗒晒糖，仲講明要做鹽醋老婆！點知皇后真係主動出擊媾鹽醋，鹽醋係宅男一名，最愛匿喺屋企同打機，所以皇后吼準機會投其所好，話咁易就將鹽醋搞掂。

「鹽醋」- 彥祖
「皇后」- Lisa S

點評

chaniris8  mouth:  發表於 13-3-6 16:08
SuSu2011  mouth:  發表於 12-12-19 10:52
LittleMss  失望男o既bad taste, 恐怖女o既似人妖兼勁八婆!  發表於 12-1-13 05:53
很想知道，追夢的人是如何踏出第一步?
私人傳訊

bb妹


子爵府

積分: 13997

醒目開學勳章 畀面勳章 環保接龍勳章


1667#
發表於 16-1-11 13:21 |只看該作者

回覆：\"Apple關仁隱事\"一齊諗

追看~
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1666#
發表於 15-8-14 14:58 |只看該作者
關仁隱事：「表叔」媾女餐廳變勝地

唔少明星偶爾鍾意去一啲平民化食肆撐枱腳，過一啲普通人拍拖生活。好似「表叔」早排同「靚女」拍嘢撻着，表叔成日約靚女食飯撐枱腳，結果有次兩個去間平民化餐廳開餐，俾傳媒撞到正一正。估唔到呢件事竟然成為藝人私下取笑，話說「脆腩」約埋老友「心火盛」仲有幾個藝人，去咗表叔媾靚女間餐廳食飯，其間撞見熟人，心火盛就口多多咁話：「我哋專登揀喺呢度食飯㗎，等記者嚟影相吖嘛！」擺明寸表叔博俾記者影相兼見報！

「表叔」= 橡膠穎
「靚女」= 塵海淋
「脆腩」= 燒正腩
「心火盛」= 淋X奔 BOB
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1665#
發表於 15-8-13 09:14 |只看該作者
關仁隱事：SoSo姐老公買袋晒婚照

SoSo姐自從嫁咗畀個金融才俊之後，即叠埋心水做少奶奶，仲好快幫老公生咗個慈姑椗，老公梗係錫到佢燶啦，早前仲諗住買個幾萬蚊嘅Hermès包包獎勵老婆。不過名牌手袋呢樣嘢，有時唔係話你有錢就一定即刻買到，好多時都會留起畀啲名媛、闊太或者紅星，排隊嗰張list長過水蛇春咁長。聽講SoSo姐個老公有次就盲摸摸入去名店話要買包包，店員同佢講話冇貨要訂，SoSo姐老公情急智生，攞咗自己同老婆嘅結婚合照畀店員睇，店員望一望知道係明星，即刻話：「咁你等一陣。」最終都成功買到一個，算係𠱁到老婆開心。

SoSo姐 = ??

很想知道，追夢的人是如何踏出第一步?
私人傳訊

kfok


民房

積分: 12


1664#
發表於 15-8-11 10:29 |只看該作者
22May 發表於 15-8-10 09:19
【關仁隱事】包包面借醉勾人夫

娛樂圈呢排突然爆出好多小三，「包包面」亦都係其中一位小三，結果正印嬲到 ...
dai dream dream

點評

22May    發表於 15-8-13 09:14
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1663#
發表於 15-8-10 09:19 |只看該作者
本帖最後由 22May 於 15-8-13 09:14 編輯

【關仁隱事】包包面借醉勾人夫

娛樂圈呢排突然爆出好多小三，「包包面」亦都係其中一位小三，結果正印嬲到出場爆料發難，包包面即辳爆潛水。關仁其實早有所聞包包面愛勾人夫，不過由於對方唔係圈中人，先至冇俾人爆大鑊。包包面份人神化爛玩兼爛飲，有次喺友人生日派對，佢竟然比主人家仲爛飲，係咁追酒飲，但飲大兩杯又失晒儀態，包包面一輪盡興之後依偎落異性身上，就係咁樣借醉主動出擊，好易就令男方有所誤會。

「包包面」= 大夢夢
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1662#
發表於 15-7-27 09:54 |只看該作者
關仁隱事：「小巨人」為啖氣唔宣傳

「小巨人」想搞電視王國，遇上重重阻撓，前途未卜。為咗可以捱耐啲，喺冇收入嘅情況下，當然要減少開支，但亦因為咁，暗地裏得罪好多人。早前「銷魂痣」有部新戲上映，諗住幫手做吓宣傳，雖然唔算大紅大紫，但都叫做大公司出身，所以約訪問都想執靚自己個樣。關仁聽講佢公司要求小巨人嗰邊畀化妝、整頭，知佢哋財政掹掹緊，話願意一人一半，但小巨人就好決絕，認為其他藝人都係用公司化妝師，最後雙方都傾唔埋欄，寧願唔做宣傳，將部戲靜悄悄上咗就算。

「小巨人」= 黃圍機
「銷魂痣」= 湯2?
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1661#
發表於 15-7-13 09:31 |只看該作者
【關仁隱事】娃娃要求誇張趕客

早排「娃娃」俾人猛咁數，好多人以為娃娃之所以搞成咁，係佢嘅經理人一手造成。話說未出事之前，喺佢意氣風發嘅時候，有人搵娃娃開演唱會，唔止收嘅報酬好辛辣，娃娃要求嘅待遇完全唔係人開嘅，例如佢會要求包一間五星級酒店樓層等唔使俾人打擾、仲有私人飛機接送同埋要幫手推廣自己代言嘅產品，真係有你賺冇人賺，試過一兩次之後都冇人夠膽搵佢，加上目前犯眾憎就更加唔使旨意。

「娃娃」= G E M
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1660#
發表於 15-7-3 11:51 |只看該作者
關仁隱事：「麗麗」「思思」爭仔反面

女藝人入得娛樂圈，除咗想大紅大紫，都希望搵到個好歸宿。見到有錢又靚仔嘅才俊，佢哋睇中目標都會主動出擊，當然仲會施展投懷送抱呢一招！電視圈過氣女藝人「思思」同模特兒「麗麗」都係行內出名鍾意四出「搵食」嘅圈中人，麗麗不嬲都有好多uncle照顧，所以細細個已有樓揸手，仲細屋換大屋。有次佢哋喺一個活動上識到個有錢仔，即刻抄牌交換電話，思思同麗麗分別以電話攻勢希望進取攞分，但點知適得其反，就係咁嚇怕咗人，爭食爭到最後連朋友都冇得做。

「麗麗」= ?
「思思」= ?
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1659#
發表於 15-6-30 09:11 |只看該作者
關仁隱事：「東流」谷氣企硬爭新約

大台一向對旗下藝人好強勢。咪以為大台淨係恰後生嗰班，原來就算做咗幾十年嘅老臣子，一樣恰得就恰。就好似喺近日翻炒劇做江湖大佬嘅前輩「東流」咁，佢係好戲之人係人都知，但原來佢性格都相當剛烈，話說佢舊年喺大台做唔夠騷，早排佢同大台簽新約嗰陣，高層要佢還騷，嬲到東流爆炸，認為大台實在太不近人情，唔單止企硬唔肯讓步，仲喺唔少幕前幕後面前鬧爆大台衰格。結果大台終於肯讓步，唔使東流還騷簽約，東流先至順番條氣咋。

「東流」= 曾江
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1658#
發表於 15-6-29 09:45 |只看該作者
【關仁隱事】水滴滴監場扮有料

早前被爆出三角關係嘅「水滴滴」已經返去有米伴侶身邊，水滴滴仲得到資金喺內地開戲，不過佢根本唔係影圈出身，所以拍起上嚟就梗係力不從心。但水滴滴為咗攞威，於是日日監場，現場指生晒，搞到台前幕後覺得佢神憎鬼厭，有啲內地小花為咗有嘢撈，當然嗲爆水滴滴，佢過電照單全收，關仁覺得冇料扮有料，不過佢好彩有條大水喉射住，先有生存空間。

「水滴滴」= 汪指王奇
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1657#
發表於 15-6-25 09:08 |只看該作者
關仁隱事：「壯龍」雞飛狗走拒幫手

娛樂圈一向好現實，早幾年「生意人」搞電視，好多人撲出嚟話支持，又幫佢拍劇。點知當知道生意人搞唔成電視台，有啲藝人即刻雞飛狗走。唔單止咁，早排生意人喺網台播新劇，歌手出身嘅「壯龍」同「打心口」都有份演出，仲係好重戲份嗰種，所以工作人員就同佢兩個經理人開聲，希望壯龍同打心口可以抽小小時間幫手做宣傳，點知兩個即刻閂大閘，話冇時間，就算有時間都唔會做，工作人員碰一面灰，慨嘆真係人情冷暖。

「生意人」= 王維K
「壯龍」= 流浩膿
「打心口」= 趙學2?
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1656#
發表於 15-6-22 09:49 |只看該作者
【關仁隱事】夜鬼擅接戲激嬲高層

一直以來「夜鬼」憑住一雙美腿都不知贏咗幾多男fans支持，雖然佢過去嘅出身唔係咁光彩，喺跟紅頂白嘅娛圈難行啲，但夜鬼經理人公司力撐，所以好快事過境遷。不過夜鬼最近激嬲咗公司，據聞佢接戲拍前冇通知公司都不特止，裏面仲有超激場面，套戲拍完公司都未知。最近電影公司宣傳，傳媒梗係走去問番夜鬼公司，成班經理人俾人問到口啞啞，又唔可以話唔知，最後咪惟有用「不回應」呢個蠢方法。經理人高層震怒，仲話要雪夜鬼一段日子，等佢唔好再自把自為。

「夜鬼」= 連C牙
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1655#
發表於 15-6-15 09:15 |只看該作者
【關仁隱事】大眼妹丟禮物唔留手

藝人經常會收到fans送嘅禮物，有啲藝人會將所有禮物攞晒返屋企，有花插花，有湯飲湯，不過亦有啲藝人就唔係咁諗，因為驚fans送嘅嘢唔知乾唔乾淨，又唔知喺邊度攞嚟，望都唔望一眼就丟。關仁聽講，已經係人妻嘅「大眼妹」，當年就係最唔留手嗰個，fans送畀佢嘅嘢，連拆都唔拆就直接叫人丟，咁多年丟落垃圾桶嘅禮物加起嚟數目都唔少。
其實，好多窮人連基本需要都冇，莫講話買奢侈品，如果收到禮物唔啱用咪捐咗佢囉！再唔係拍賣咗又可以捐錢，浪費不如積福啦！

「大眼妹」= 淋億連?
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1654#
發表於 15-6-12 09:19 |只看該作者
關仁隱事：「飛船」搶贏美滿婚姻

近日「白馬王子」俾人翻炒佢同「一嚿嚿」啲恩恩怨怨，好多人都話白馬王子同老婆「飛船」係圈中嘅模範夫妻，但關仁聽聞，當年飛船其實係小三，由白馬王子正印女友手上橫刀奪愛。更有人話當年白馬王子同拍咗拖幾年嘅圈外女友好恩愛，兩個人已經去到談婚論嫁嘅階段，後來飛船同白馬王子合作，對白馬王子勁冧，不時借請教演戲問題，主動同白馬王子親近，結果請請吓，咪搶走埋人哋個男友囉。

「白馬王子」= 留青暈
「一嚿嚿」= 笑仲痕
「飛船」= 角海明
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1653#
發表於 15-6-11 10:38 |只看該作者
關仁隱事：「好驕傲」撈唔掂冇人吼

喺隔籬台過檔大台嘅「好驕傲」，以為有大靠山「海鮮姐」撐住會撈得好掂，可惜佢做嚟做去都係主持，工作量算唔多，搞到唔夠工作還騷，所以佢成日同身邊朋友呻到樹葉落：「我以前喺隔籬台假假哋都算係一哥，𠵱家就變七哥。」好驕傲喺大台做嘅節目冇收視冇迴響，英文又唔掂，結果令大台唔敢派佢做一啲狂晒英文嘅休閒旅遊節目。關仁聽聞戲劇組方面，深知好驕傲冇觀眾緣，為怕佢趕客，所以都唔敢搵佢拍劇。

「好驕傲」= 位至豪
「海鮮姐」= 魚泳山
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1652#
發表於 15-6-5 11:14 |只看該作者
關仁隱事：「熱爆」誤中「口水佬」圈套

喺電影圈除咗要有真材實料之外，有時吹得講得都好緊要，把口講嘢叻有時真係好過識拍戲，特別係從事幕後嘅人。好似早排有位一向拍開啲低成本電影嘅導演「口水佬」，佢周圍同人講話做過《勾佬》系列電影嘅監製，知嘅圈中人梗係笑死，唔知道嘅新人就畀佢嚇死。就係咁，有位未拍過戲但好想入行嘅富家子弟「熱爆」就被佢𠱁咗簽約，但紙包唔住火，最後熱爆發現口水佬底細，惟有搵有錢老竇出面賠錢搞掂。

「熱爆」= ?
「口水佬」= ?
很想知道，追夢的人是如何踏出第一步?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1651#
發表於 15-6-4 10:14 |只看該作者
本帖最後由 22May 於 15-6-5 11:17 編輯

關仁隱事：「貓女」逼老友買飛捧場

圈中好多女藝人都婚姻唔如意，有啲離婚後仲要養仔女，單親媽咪唔易做。好似「貓女」咁，間唔中會拍吓戲，之前做舞台劇仲擔正做女一，佢都好畀心機閉關排戲。貓女喺呢個圈幾十年，人緣確係唔錯，好多朋友都自動波去撐佢，加上佢好主動叫啲好朋友嚟捧場，成班朋友都覺得貓女好有心，當然會去打吓氣。後來貓女搵助手打畀班朋友，要指定班朋友「認購」幾張飛，仲要係最貴嘅飛，成件事搞到好似係促銷多過真心叫朋友嚟捧場，班朋友當然覺得有啲難為啦。

「貓女」= 魚安安
很想知道，追夢的人是如何踏出第一步?
私人傳訊

simple430


翡翠宮

積分: 81059

好媽媽勳章 醒目開學勳章 環保接龍勳章


1650#
發表於 15-6-2 11:20 |只看該作者
22May 發表於 15-6-2 09:23
關仁隱事：「乳酪」嫌「炭頭」唔浪漫

呢幾年事業好風光嘅「炭頭」搞完後期公司，又投資埋拍戲，𠵱 ...
炭頭同西瓜合約完咗 ? 自由身?

西瓜係咪簽咗 波士高?
私人傳訊

22May


子爵府

積分: 12941

hashtag影視迷勳章 好媽媽勳章 醒目開學勳章 環保接龍勳章 BK猜猜猜慶中秋


1649#
發表於 15-6-2 09:23 |只看該作者
關仁隱事：「乳酪」嫌「炭頭」唔浪漫

呢幾年事業好風光嘅「炭頭」搞完後期公司，又投資埋拍戲，𠵱家唔少人都改口叫佢做老闆。雖然佢事業如日中天，但就好似冇乜聽到佢有拍拖。不過關仁聽啲電影工作人員講，話炭頭成日去「威威」執導嗰部鬼片探班，原來佢每次去片場唔係探威威，主要係見「乳酪」。
炭頭同乳酪拍戲撻着之後，乳酪就一心想同炭頭發展，之不過就埋怨炭頭太忙，又唔夠浪漫，真係唔知佢兩個可以好幾耐啦！

「炭頭」= 古天落
「威威」= 張+輝
「乳酪」= 角采潔
很想知道，追夢的人是如何踏出第一步?
私人傳訊


首頁
12345...84

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見