吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 今日喺惠x同人嘈交 (有啲長)

自由講場今日: 136|主題: 1351163

收藏本版

發帖

返回列表

跳至頁

查看: 4242 | 回覆: 56

今日喺惠x同人嘈交 (有啲長)

[複製鏈接]

12 3

Vixen

大宅

積分: 2820

畀面勳章環保接龍勳章大廚勳章

1^#

發表於 11-9-10 16:25 |只看該作者 |正序瀏覽 |打印

話說今日同老公去惠X shopping, 我推住架車仔, 老公跟住喺我後面
我地呢間惠x好窄, 推車仔又好, 行又好都要好小心
行到賣燒味嗰part, 前面有對80後情侶喺度揀緊嘢
佢地企正喺轉彎位, 唔算太阻, 但如果車仔要過, 要好小心
咁我雖然同緊我老公講緊嘢, 但我都見到佢地, 我好小心咁轉彎
個男仔見到, 就捉住佢女朋友企埋啲, 但行為眼神都好似係我錯咁
咁我咪望多兩眼囉, 個男仔就話: 「望咩呀, 你差啲撞到人呀!」
我話: 「我好小心, 我冇撞到你地喎, 我見到你地揀緊嘢, 我冇撞到你地。」
男仔又話: 「我拉開佢咋, 唔係你就撞咗埋嚟啦!」
我好堅持: 「我的確冇撞到你地喎。」跟住我就推住架車仔繼續走啦。
點知聽到個女仔話我: 「死肥婆。」
呢個時候我老公好大聲喝佢地: 「你講咩呀!?」
老公問我發生咩事, 我話: 「佢話我撞佢女朋友喎, 我都冇撞到!」
嗰對情侶嚇一跳, 冇諗過有人幫拖, 但都呈強: 「關你咩事呀?」
我老公依然好大聲: 「嗰個係我老婆呀! 你講咩呀? 咩死肥婆呀?」
個男仔叫我老公翻睇錄影帶: 「佢差啲撞親人呀? 唔係我拉住我女友, 佢就撞咗埋嚟啦!」
我老公繼續兇佢地: 「咁叫經理嚟囉, 睇錄影帶吖嘛!」
男仔話: 「你咪叫囉, 關我咩事? 大聲就得架嗱?」
老公話: 「好, 唔大聲, 報警囉。」
此時我開聲: 「我冇撞到你, 你就已經開口話人, 你以為我聽唔到你話我死肥婆咩? 我俾你地話都冇口出惡言過, 而家係你地話人先咋。」
個女仔話: 「我冇講過喎! 有錄音咩?」
我話: 「有冇講過你唔知咩? 講咗唔認, 呢啲咪賴皮囉。」個女仔唔出聲。
跟住兩個開始"劣"喇, 個女仔推個男仔走, 但一路行仲要一路吠。
我老公咪叫佢地唔好走, 報警呀。
佢地繼續吠, 仲要話: 「而家我地咩都唔講! 你地都收聲呀!」之後走咗。
我同老公有檢討成個過程我地有冇問題, 好彩有師奶都覺得我地冇錯咋。
搞到我同老公原本今日知道bingo咗, 超開心, 因為呢件事搞到不愉快。
真係難忘的一天...

點評

上等人其實你行之前講定一句唔該借借先咪得囉. 雖然你無撞到人, 但人地唔係咁唸發表於 11-9-11 17:09

milktealai 恭喜你Bingo, 唔好為d 閒人動氣! 發表於 11-9-11 15:34

0 3 0

私人傳訊

pigpigyy

彩鑽殿

積分: 716124

2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章 2021可愛聖誕B勳章牛年勳章 15週年勳章親子王國15週年勳章 2018復活節勳章 2018母親節勳章 2018父親節勳章畀面勳章好媽媽勳章醒目開學勳章環保接龍勳章大廚勳章 BK猜猜猜慶中秋 BK Milk勳章 hashtag影視迷勳章認識瑞士牛牛第一回認識瑞士牛牛第二回認識瑞士牛牛第三回最關心BB問題熱投勳章開心吸收勳章

57^#

發表於 11-9-11 21:52 |只看該作者

樓主, 唔好為呢d人勞氣呀.

恭喜妳bingo呀

私人傳訊

rubytang

子爵府

積分: 12706

56^#

發表於 11-9-11 18:50 |只看該作者

唔好咁嬲啦~過左度氣就算啦~

其實無論係推車仔既,抑或是行緊路既,
都應該自己留意下身邊既情況,
推車仔既就有理無理都要同人講番聲"唔該借借"
企係度既人OR行緊路既人, 就自己留意下身邊有無人要經過,
企既人亦都應該自己避忌下, 人地唔縮開既, 咪自己企開D,
千祈咪以為自己可以霸晒成氣路黎行OR企先至得架~:;pppp:
一陣人地車到你, 又要去鬧人, 又要去嘈一餐, 其實都幾無謂囉~

好似個對80後咁, 我諗樓主都唔會咁衰, 明睇到都要車埋去佢果度卦,
咁無事都要嘈一餐, 如果樓主不幸唔小心車到佢,
唔知洗唔洗打番一身先至出得門口呢~

私人傳訊

foine

侯爵府

積分: 24243

畀面勳章 BK Milk勳章

55^#

發表於 11-9-11 18:27 |只看該作者

恭喜你BINGO~~~~

私人傳訊

bongbongpatty

水晶宮

積分: 72245

BK Milk勳章

54^#

發表於 11-9-11 17:58 |只看該作者

依家d人無咩禮貌..我成日俾人問路都無吾該...好似老馮答佢咁...通常我都吾會答佢架...

私人傳訊

iwff

伯爵府

積分: 17280

好媽媽勳章

53^#

發表於 11-9-11 17:50 |只看該作者

私人傳訊

cotychan

伯爵府

積分: 18748

畀面勳章環保接龍勳章

52^#

發表於 11-9-11 17:46 |只看該作者

我架車仔未行到就先叫定"唔該""小心睇腳"無必要去推斷夠唔夠過.大家企既位置唔同,你覺得夠過,但係喺人地企既角度未必睇到一樣,而且如果個女既突然轉身,而唔知你推住架車喺佢後面,就已經撞咗落去.

如果咁樣比你架車攔一攔而跌親,咁啱又仆落你架B車到,咁究竟怪人定怪自己呢?

正如好似我大仔咁,行路無時定,我成日叫住佢小心整親人,佢有時會答我都無整到人,同後面隔好遠,我會同佢講,你唔知會唔會有人突然加快行到你後面,一陣人地睇唔到你,撞到你,你又話人地好撞你!