自由講場今日: 2396|主題: 1347485

收藏本版

發帖

返回列表

跳至頁

查看: 3550 | 回覆: 88

提醒新僱主唔好請呢個印尼工人(請版主唔好搬去論盡家傭)

[複製鏈接]

12 3 4 5

saui

大宅

積分: 4581

1^#

發表於 11-9-16 12:29 |只看該作者 |正序瀏覽 |打印

本帖最後由 saui 於 11-9-16 13:52 編輯

因為自由講場多人睇, 我亦將相同既POST放咗係論盡家傭, 請版主唔好搬去論盡家傭. 時間唔多, 我只想呢住新僱主簽約前睇到呢個POST, 免得害咗自己個囝.

我工人(佢個名叫 : SALAMAH)今個星期日(Sept 18)同新僱主簽約, 我想提醒呢位太太小心我工人, 因為佢對我小朋友唔好, 所以我先唔同佢續約.

我有兩個小朋友, 我同老公都要返工, 平時工人主管小朋友接送及膳食, 佢唔多做其他家務我亦冇問題, 只要求佢星期六先做一次清潔, 我就自己照顧小朋友. 自問兩年對佢唔差, 佢有整爛我屋企既野, 我都冇要佢賠錢. 佢有爛牙要MOK, claim唔足我都唔使佢俾. 俾佢同枱食飯, 我地食咩佢就食咩, 唔會只俾餸頭餸尾佢食. 當然佢做錯事, 我亦有鬧佢, 但佢都會黑面對番我.

今次唔同佢續約主因係佢竟然搣我小朋友塊面, 耳仔及大脾, 亦有打佢地手掌及手臂. 當然工人唔會好大力而留有瘀傷, 如果唔係, 我都一早發現啦. 大約半年前我問對仔女, 工人對佢地好唔好, 佢地先話俾我知. 我即時質問工人, 佢死口話冇, 但我信對仔女, 因為我囡5歲, 唔識講大話. 而且我多次係唔同時間反覆問, 亞囡都講出相同答案, 而哥哥亦講得出比較詳細既發生過程, 所以我相信對仔女. 佢唔認, 我亦唯有向佢嚴重警告, 唔可以再打小朋友, 佢就黑面對我, 淨係成日都話佢地打交, 好曳喎. 我都諗住完約唔要佢. 自此以後, 我都時不時問小朋友工人有冇仲打佢地, 佢地都話仲有打手掌, 但唔算大力. 試問呢D工人點可以再留用呢???

點知昨晚我同工人傾開, 原來佢已經搵到新僱主, 住係九龍塘, 先生太太平日係大陸返工, 星期六先返香港屋企, 但我工人主要任務係照顧一個5歲男少主, 小朋友係返全日班 (我估係幼稚園). 平日男仔既婆婆會過嚟睇吓及陪吓小朋友玩, 但晚飯會返佢自己屋企食, 亦唔會留宿小朋友屋企, 咁即係大部份時間只有工人對住/照顧小朋友, 亦只有我工人陪小朋友過夜.

講真, 我真係好替呢位男少主担心, 因為我工人擺明冇耐性對小朋友, 特別係男仔, 因為佢話男仔曳, 所以佢對我囝差過我囡. 希望呢位新僱主見到呢個post, 諗清楚先請我工人, 唔好一手推自己個囝落火海囉.