興趣嗜好 今日: 0 | 主題: 124528

積分: 395

畀面勳章

1^#

發表於 11-10-1 01:25 |只看該作者 |正序瀏覽 |打印

我有一隻西施仔仔，10歲，性格內向。上年我生左個女，而家一歲多d啱啱學行，成日走去撩隻狗玩，比隻狗咬左3次，好彩唔太嚴重，不過我鬧過打過隻狗都係咁，困住佢又爪門&吠，唯有長時間同佢帶口罩，但係又覺得好殘忍，另一方面又擔心個女嘅安全，我心情好矛盾...有無人有經歷過同樣嘅case可以同我分享下？

0 0 0

私人傳訊

shadowrainbow

積分: 8800

15^#

發表於 11-10-7 13:32 |只看該作者

juniebarbie 發表於 11-10-6 15:04
我覺得狗仔同女女2個都唔懂性...女女出於好奇…狗仔出於自衛...
我女女又唔係打隻狗狗…佢只係摸狗狗d比較 ...

唔怕既，試下比妳母親睇下Cesar Millan 既教狗方法，你在旁解釋，可能得既。不要放棄呀.

私人傳訊

積分: 395

畀面勳章

14^#

發表於 11-10-6 15:04 |只看該作者

我覺得狗仔同女女2個都唔懂性...女女出於好奇…狗仔出於自衛...
我女女又唔係打隻狗狗…佢只係摸狗狗d比較敏感既部位…例如條尾…
所以狗狗就會想咬佢…
我明白要分開佢地確保安全係我地大人既責任...
但係我阿媽幫我湊女…我交代既預防措施佢唔做...
又或者唔係佢唔想做…只係唔記得或者唔習慣去做...
我亦唔想因為我隻狗狗同女女而令到我媽咪變左罪人…
唔想件事愈攪愈大...破壞一家人既關係...
況且事情已經發生左...我亦唔想追究責任...只係希望尋求方法點樣可以阻止以後再發生…
因為我真係好驚萬一無咁好彩…到時2個都係我最錫既…另外一個係我阿媽…
我而家唯有盡力去分開佢地2個同埋尋求方法去教隻狗...

私人傳訊

shadowrainbow

積分: 8800

13^#

發表於 11-10-6 13:50 |只看該作者

estw 發表於 11-10-6 00:31
我個孫女1歲開始都試過有2次因為遼屋企只長毛芝娃娃而被咬, 不過只狗都會就住咬, 係咬到個孫女喊, 但只係有 ...

你做得好啱，的細路係要教。你而家唔教，比定規矩佢孫女，遲的你就辛苦了。

再者如果你孫女習慣咁對的狗，
妳隻狗就話會聽妳話, 所以 " 就住 " 反擊，祇是 " 架住" 妳孫女，

但妳試想，如果街外狗，比你孫女咁對待，後果係點呢？到時我怕會見報。

所有狗隻都有天生攻擊既能力，你未見過並不是等於佢地唔用，到生死關頭，佢地要自保，就會用。
至於狗既世界，佢地既生死關頭，跟人類有分別，不能用人類眼光去睇。

為左要三贏，請你孫女父母幫手教。
甚至比 " 義犬報恩，神犬拉茜" 既劇集你孫女睇，
希望妳孫女會受感染而懂得尊重狗隻。

點評

estw 街外狗佢吾會更夠膽遼. 其實佢同屋企嘅狗仔好friend, 己經有人狗情架喇! 發表於 11-10-6 14:01

私人傳訊

shadowrainbow

積分: 8800

12^#

發表於 11-10-6 13:41 |只看該作者

你試下上網，
you tube search Cesea Millan, 或 search
" 報告狗班長" ，可能你會有的idea. 佢的方法幾好，不用打隻狗.

請記住，狗既世界沒有過去, 佢地活在當下，即係以前點點點，佢地未必會好似人咁去記得好實。

有時間，consider bring your dog out for a walk.

佢地冇地方發洩精力，也是一個問題。

試下用聯想法教狗狗同 B B 女，

Let say :

如果同Bb 玩是快樂，佢地冇理由會咬BB, 不如試試留意你女兒同隻狗如何玩法。

我反而擔心係，如果你女兒跟外面的狗玩，會否發生危險呢？

個人經驗，小女兒時 ( 一歲大 ) 有次睡醒，我兩隻狗 (魔天使) 埋去擺尾歡迎個女，我個女竟然一手拉住其中一隻狗仔既尾，我肯定係好痛，因為我隻狗係好純，平時唔出聲。佢痛到大叫，但並無咬我個女，而另一隻狗女，一見到咁，嚇到走開。

當時我好嬲，點解我個女咁差，拉狗尾!
當下就教個女，唔可以咁對狗狗，咁係好唔尊重同埋佢會好痛。
個女就答， " 玩玩 ! " 原來個女以為拉狗尾等如同人拉手仔。

跟住隔左半小時，我就同兩隻狗玩拋波，佢地玩得好開心，跟住我比個波個女，叫個女拋出去，兩隻狗就走去追。我就話 " 同狗 " 玩玩" 就係咁啦 "

個女後來每次都係同狗玩既時候，就拋波。以後冇再拉狗尾。

我並不是話妳BB 有任何惡意，而是怕佢有的身體語言，是否會使隻狗誤會，呢點若妳能留意多些，可能會搵到原因。

以上是我個人之愚見，希望對妳有用啦！

私人傳訊

estw

積分: 5977

11^#

發表於 11-10-6 00:31 |只看該作者

我個孫女1歲開始都試過有2次因為遼屋企只長毛芝娃娃而被咬, 不過只狗都會就住咬, 係咬到個孫女喊, 但只係有個紅印而冇流血. 我會即刻鬧只狗叫佢要錫BB吾好咬佢, 同佢講BB細吾識麻, 同時又同個孫女講叫佢吾好搞只狗, 佢休息緊吾鍾意有人搞佢架. 之後個孫女吾多敢遼只狗, 不過而家孫女就黎2歲, 吾知係未佢知只狗吾敢咬佢就時時蝦只狗, 只狗想咬又吾敢咬,我見到都覺得只狗好可憐. 原來教只狗重容易過教人lor, 個孫女話極都係要撩佢, 但只狗自從比我話過幾次就吾敢咬佢喇, 吾知係未我話只狗時語氣重過話個孫女?

『然而我告訴你們，就是所羅門極榮華的時候，他所穿戴的，還不如這花一朵呢！』
馬太福音六章29節

私人傳訊

一心一意

大宅

積分: 4320

10^#

發表於 11-10-6 00:10 |只看該作者

回覆八婆仔@ 的帖子

其實係我黎睇...狗仔開左口已經係錯!!!
無論小朋友點搞都好...狗仔都唔可開口,
因為佢係要同人生活, 必須要知道規則,
唔咬人係狗仔最基本要守既規則!!

教小朋友固之然重要, 但狗狗既紀律更為重要..
佢地開得口, 即係已經有危險.
揾TRAINER, 除左TRAIN狗狗既服從性, 亦都要TRAIN埋主人, 一定要自己HEAD得住隻狗!!

希望樓主可以盡快解決到呢個問題, 因為壓力真係好大. 一個自己親生骨肉, 一個係責任... 仲有好多人係旁邊指指點點. 加油, 唔好氣餒...

點評

八婆仔@ 我已pm樓主,搵教練教樓主如何讓孩子同狗狗和諧相處! 發表於 11-10-6 11:10

八婆仔@ 斷不能日日由得小朋友打隻狗狗???隻狗狗爬係地上任打???? 發表於 11-10-6 11:09

八婆仔@ 主人有責任教狗狗之餘一定要教小孩子正確與狗相處態度! 發表於 11-10-6 11:08

八婆仔@ 隻狗遇上人"攻擊"佢,自衛都好正常? 發表於 11-10-6 11:07

私人傳訊

積分: 395

畀面勳章

9^#

發表於 11-10-6 00:07 |只看該作者

引用：已PM你！ +

原帖由 八婆仔@ 於 11-10-05 發表
已PM你！

收到了~thanks a lot!

私人傳訊

八婆仔@

水晶宮

積分: 53079

最關心BB問題熱投勳章環保接龍勳章大廚勳章 BK Milk勳章

8^#

發表於 11-10-5 05:42 |只看該作者

回覆：juniebarbie 的帖子

已PM你！

私人傳訊