夫婦情感今日: 5|主題: 42684

收藏本版

發帖

返回列表

跳至頁

查看: 33664 | 回覆: 267

我老公出面同人生仔

[複製鏈接]

12 3 4 5...14

淚水

民房

積分: 17

1^#

發表於 11-10-5 16:32 |只看該作者 |正序瀏覽 |打印

大家好,我第一次上來,請大家指教!
我同老公結婚十幾年,有一個十歲既女,個女一直都比左姑奶照顧,我老公經常失業,養家的重責就係我身上,我學歷不高只能從事勞動的工作,一天工作十多個小時,才能維持家計,今年4月中開始,我老公開始精神弱待我,我每晚零晨1至2點先收工,返去訓左教,零晨3~4點我老公就會叫我起身,要我掃地拖地,頭幾日我都依佢,但係實在太累了,我唔理佢,佢就拉我起身拖我出廳罵我,要我即刻清潔個窗,我唔做,佢就不斷罵,話人地d老婆收工都要做家務,你睇下間屋幾唔乾淨....每日都係咁,有一晚佢罵我,我真係唔知娶你返做咩,你又冇姿色,又冇學識,又唔溫柔,我真係前世唔收,娶到你,我忍唔到了....我拾左幾件衫就去左朋友度住.
過左幾日,我無意係個facebook睇到個女話,ya!我做左姐姐啦,我打電話比個女,問邊個生左bb?,起初我仲以為係大伯生左bb,但個話係一個唔識既姨姨,爸爸話姨姨幫我地生左個細佬...這時我呆了...呆了....我即刻去facebook搵,搵到我老公同一個叫Yuki Lau既女人一齊抱住個bb,個女人仲係我屋企拍照留念,個女人仲話我地個仔叫劉軒霖,我而家生完返屋企啦,各位開心廣場Piazz HUT既同事不用擔心喔^^......佢地明知我有個女同老公既FACEBOOK....咁樣係咪話比我聽架?係咪特登話我知呢?

我好嬲,我即刻返屋企,我老公開左門,但唔開閘,佢話你走左就唔好返來啦,我問佢係咪同人生左個仔,佢話係又點呀,你已經係前妻,我話我地都未離婚,亦未分居,你都對得我住...我辛辛苦苦養起頭家,你就出去同人生仔,佢話離開左屋企就係分左居,你快d走,間屋我有份架,佢話你咪去報警囉.

我真係去報警,警察來到佢先肯開門,我見到屋內有BB床,有46"平面大電視,之前電視壞左我都冇錢買..我走左就會46"平面大電視...我個心真係好似刀割咁...佢把我既東西全部掉晒,只剩下個yuki lau d野,女警同我講,太太,算啦..lee個男人唔洗恨,我地唔建議你再返這間屋,不如我地安排你去住其他地方先,沙展都話你再留底都冇意思,bb床都有囉......我喊到收唔到聲....

我為左頭家付出左十幾年青春,我出糧全部都係家用,我自己一點錢也沒儲過,用晒係個家,突然間我乜都冇晒,我冇左個家,我冇晒d錢,我冇左個老公.....................................
我真係唔知點算....我份工辭左...因為我返唔到工,我不停喊..停唔到..我本身係孤兒,,又冇屋企人....姑娘安排左我住慈善團體提供既暫時居所.....我條路可以點.....我可以仲有生路行嗎?