吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 好想喊,今早打仔了,仲撕埋佢本黙書部

單親天地今日: 1|主題: 18299

收藏本版

發帖

返回列表

跳至頁

查看: 1911 | 回覆: 31

好想喊,今早打仔了,仲撕埋佢本黙書部 [複製鏈接]

maymay.choi

大宅

積分: 1422

1^#

發表於 11-10-7 18:35 |只看該作者 |正序瀏覽 |打印

呢排好唔開心,阿仔一反小學全部問題浮晒出來...
第一次英文黙書,有92分.ok甘啦
第二次,得54分,仲要講大話,話唔系老師比的范圍.
每日放學去補習社,去到成8點幾呀,真系接受唔到,
最惱系自自然然甘講大話,昨晚打一鍋啦,
今早叫佢起身溫下書,又唔听話,又打鍋甘既.
好辛苦呀...每打一下,自己個心仲痛!
最憎系講大話,有咩事就推晒啲責任出去,我唔想佢以後同佢老豆一樣,害人!
好想好想大聲甘喊一場!

0 0 0

私人傳訊

sfccyan

複式洋房

積分: 185

32^#

發表於 11-10-11 14:15 |只看該作者

妳唔好咁樣打佢....
我細個情況同妳個仔好似，記得剛入小一，仲要轉左間名校，學校程度變深，媽咪又唔識教我，成日要我補習，補習D人成日問我有乜唔明，講真，我上堂都唔明老師講乜，我又點知自己唔明D乜wor....問題係我根本就好唔開心，成日見到媽咪做完野好累，好少對住我笑，雖然係好細個，我地都會明白屋企有問題發生，只係我地唔識點去handle，上堂無心機，咪唔識....

媽咪，妳唔好再將自己o既壓力同壞心情打落個小朋友度....其實佢咁細都會有壓力，只係無我地大人咁有經驗去同妳分擔，所以上堂唔開心咪聽唔入腦囉....我以前就係屋企有事唔開心，讀書幾差就比媽咪咁樣打，令我一世都記得呢個咁唔開心o既童年，我媽咪其實好愛我我知，但因一時之氣咁樣打個小朋友，妳無論而家或日後有幾心痛，點去彌補…係小朋友心情面都會有條刺...

所以大人們，單親家庭係好普遍，當初自己選擇得呢條路，就要努力面對，小朋友無選擇權，無得選擇自己生於一個完整定單親家庭成長，所以作為父母，請好好記住今日你決定要行單親家庭呢條路，就請你負責任，唔好將extra o既壓力打在小孩身上，因為佢心靈上都傷得好重.......仲記得比媽咪打完D痕，返到學校仲要比老師問，比同學笑比媽咪打....試問咁樣，我又樣去好好集中精神上堂？唔好將妳既失婚壓力同期望咁樣壓落個小朋友度....佢都好慘架...媽.......咪......

私人傳訊

sasa0516

侯爵府

積分: 24874

瞓得好勳章

31^#

發表於 11-10-10 16:54 |只看該作者

做人媽媽~~邊一個唔關心自己小朋友嫁~~
我仔仔呢家11歲半啦~p6啦~
一直都有閱讀困難~~學既野係得嫁~
不過唔識點應用~~其實我過左咁多年~
真係咩都睇化了~~當初~我都好似你咁...日日都迫佢溫習~
做練習~補習~到左3年班~~我每一日都睇住佢~
放學放3點20分~但一去補習~晚上11點先返~
補到咁夜~第二日又要起6點~~但我都好忍心~唔理佢~
結果點??呢到好多媽媽都知~~我仔咪愈黎愈差囉~
重一個大話去遮一個大話~~講真~~比我+唔少次餸啦~
咁又點呀~~我根本無理佢感受~~
直到有一日~~我細佬同佢傾計~~佢先話根本唔鍾意呢家生活~
好辛苦~日日晏早起身返學校補課~放學就去補習~
晚晚10點11點先返~訓又訓得少~放假都要去補習~
就係因為咁~我先更+去激媽媽~我想媽媽理我多d~
明我多d~但媽媽唔明白我~唔理我感受~~
自從個次之後~~我真係好後悔嫁~~令到個仔咁唔開心~
我好明白你感受~~你就好似當初既我囉~~
但講真~~岩岩先上小一~真係咩都未接受到~
你自己接受唔到佢咁~~你又有無真係明白佢點解會一個大話又一個大話呢???有時唔係佢想咁~而係比人迫到咁~~
你可以同佢傾下~~話比佢聽~大話係唔岩~
你應該話比媽咪知你想點~有咩苦處~有咩唔開心~
而做媽媽就應該去解釋~講大話既唔好處~同講真話既好處~
講大話既後果同講真話既後果差幾遠~
慢慢講~慢慢傾~~再比d鼓勵~係要多花心機~
+油+油~~

私人傳訊

fiona920

翡翠宮

積分: 75724

2018復活節勳章 BK猜猜猜慶中秋

30^#

發表於 11-10-9 22:48 |只看該作者

引用：住邊區(我住官塘)?我同你個仔補包得!!!!(中

原帖由 單親媽 於 11-10-08 發表
住邊區(我住官塘)?我同你個仔補包得!!!!(中英數全科,普通話,英文至強)
比開幾多錢補習社你照比我得啦...... ...

你真係好勁呀！不單止10項全能，屋企水電周身刀，仲中英數全科普通話

勁呀

人與人之間的感情很脆弱~ 珍惜那個能夠讓你做回真正自己既人~ 活在當下!

私人傳訊

Lavandula

男爵府

積分: 5730

29^#

發表於 11-10-9 22:14 |只看該作者

我認為你要冷靜落嚟冧下他點解會講大話而唔系一味靠打，咁樣只會令你哋嘅關係越惡劣咋，不如你去買阿鄧藹霖寫嘅書睇睇啊聽聽她嘅電台節目FM976香港電台第一台星期日早上10:00訴心事家庭

私人傳訊

maymay.choi

大宅

積分: 1422

28^#

發表於 11-10-9 08:50 |只看該作者

多謝晒你地呀.
其實我一方面系緊張佢既成績.
一方面系惱佢講大話,唔想佢養成呢啲壤習慣.

私人傳訊

sandytsc

複式洋房

積分: 476

27^#

發表於 11-10-9 00:01 |只看該作者

當年我大仔仲差....係唔合格.....比時間佢識應新環境....我大仔要到3年級先有好轉,最後升中佢都考到間好中學....所以唔好迫小朋友...你打佢小心佢仲更加唔讀呀....

私人傳訊

單親媽

大宅

積分: 2432

畀面勳章

26^#

發表於 11-10-8 23:52 |只看該作者

住邊區(我住官塘)?我同你個仔補包得!!!!(中英數全科,普通話,英文至強)
比開幾多錢補習社你照比我得啦......

我個仔都係o岩o岩讚小一(讀寫障礙+語言障礙+專注力不足),我辭埋份工,專心同佢補,中文差唔多ok啦,上次係默書85分;英文默書次次100分.

上個禮拜日去朋友屋企食飯,佢個仔小六,週二英默未讀,我立刻同佢補o左兩個鐘,有89分都唔錯啦!

我o既教法唔洗打,佢會讀得好開心!!!!

唔洗喊!我撐你,有需要pm我!!!

點評

bbily 我要.... 發表於 11-10-9 00:17

私人傳訊

maymay.choi

大宅

積分: 1422

25^#

發表於 11-10-8 19:11 |只看該作者

回覆 Itochu 的帖子

作死呀,喊死我啦....
哇,听3次,用完一包紙巾!

私人傳訊

Itochu

男爵府

積分: 8444

24^#

發表於 11-10-8 16:01 |只看該作者

回覆 maymay.choi 的帖子

送給樓主一首很感人的歌:

*夢中的額吉*
(額吉的意思是媽媽)

私人傳訊

Itochu

男爵府

積分: 8444

23^#

發表於 11-10-8 15:24 |只看該作者

回覆 maymay.choi 的帖子

其實我認為你仔仔未必喺講大話。
有可能他在課堂上聽錯
了老師給的默書範圍。

我相信一位六歲孩子不會刻意說謊。
當中必定有誤會或某些溝通問題。

即使他做錯了，我們亦要嘗試給
他機會解釋，甚至原諒他。
讓他清楚是非黑白，該做甚麼，不該做甚麼。

當他漸漸長大，如果你在他心中只有 " 嚴厲管教 " 這四字，
他便不願意跟你傾訴心事，有困難也不會找家人商討，
那麼，母子相處溝通便出現缺口，
這比現在他成績不好還傷痛萬倍。

緊記，與兒子建立互信關係重於一切。

私人傳訊

mayblesally

禁止訪問

積分: 249

22^#

發表於 11-10-8 15:23 |只看該作者

提示: 作者被禁止或刪除內容自動屏蔽

私人傳訊

Itochu

男爵府

積分: 8444

21^#

發表於 11-10-8 11:24 |只看該作者

我是讀幼兒及兒童心理。亦概嘆香港的
教育真的令小朋友不好過。
讀書是一場持久戰，起碼要捱十幾年。

其實小朋友在六，七歲的發展仍存有差異，
有些人( 特別女孩)會自動自覺，
有些人理解力強，但記憶力卻十分弱，
有些人中文強但英文弱，種種不
同，請不要與人比較。

要慢慢了解孩子的讀書態度，從而矯正。

明白你為生計壓力很大，
教導孩子絕不是簡單任務。

放鬆自己，平心靜氣問一下孩子，
如果有一天他的好朋友
對他說慌，他會開心嗎？
告訴他，媽媽因為他說慌而傷心了，
因為媽媽最愛是孩子" 你 ".

我知現今補習社，功課班質素參(痴)。
你亦需要留意。

我兒子今年二年級，很明顯比小一辛苦多了。
很難說求學是否求分數。但我只知對他的要求
是要適當地配合他白能力，否則大家都不好受。

私人傳訊

維豬豬

男爵府

積分: 6739

20^#

發表於 11-10-8 07:02 |只看該作者

回覆：好想喊,今早打仔了,仲撕埋佢本黙書部

其實只係小一第二次默書啫，如此日子仲有排捱喎，多啲平衡下自己情緒啦，我同你一樣維維都係今年升小一，每日同佢戰鬥嗰份功課，真係日日都家吵屋閉。依家總算係守得雲開有返啲眉目啦，做功唔係太怕啦就輪到默書啦。你要明白佢哋只係5、6歲人仔，每朝七點幾返到學校，一直咁讀一直到夜晚，成十個或者十幾個鐘喎，你有無去關心過佢攰唔攰呀？有無諗下問題出係邊度？唔好一開聲就溫書、默書，聽到佢都怕啦。