吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老婆因為餵奶發我脾氣

夫婦情感今日: 6|主題: 42726

收藏本版

發帖

返回列表

跳至頁

查看: 3486 | 回覆: 36

老婆因為餵奶發我脾氣 [複製鏈接]

ch_ljk

別墅

積分: 522

1^#

發表於 11-10-15 00:37 |只看該作者 |正序瀏覽 |打印

岩岩見到BB喊，咁10點餵完一次奶，12點見到BB仲喊緊好似扭奶飲，咪開奶俾個bb飲。
點知老婆出黎見到我就大發脾氣，話我平時3個鐘先喂一次，點解見到佢扭計又俾佢飲。

仲激到佢喊添! 而家唔睬我，又唔俾我幫手掃風。
都唔知做錯D乜要咁緊張。

0 0 0

私人傳訊

ylc1015

公爵府

積分: 27587

熱血金章畀面勳章

37^#

發表於 11-11-21 20:41 |只看該作者

醒啲喇!唔該!

私人傳訊

CLong

大宅

積分: 2439

36^#

發表於 11-10-22 20:56 |只看該作者

回覆回覆:ch_ljk的帖子

我唸你要將你的關心說給你太太聽，例如：擔心佢休息唔夠，所以才開奶給bb。同時，你開奶前最好先同你太太說一聲，因為你太太蚊可能因為佢覺得你唔support佢，佢難得堅持到餵人奶，但你未夠鐘就俾bb食，bb夠鐘埋身便不吃了，那你太太便很辛苦，因夠鐘她會脹奶，但bb又不食，她可能會焦慮自己的奶量供應，因為餵人奶真的很辛苦，奶量的多少，完全受bb影響。我老公以前—d都唔體諒，仲覺得我自己攞黎辛苦。難得你咁體諒你太太，唔好嫌麻煩，多d同太太商量，只要佢覺得support佢，佢應該唔會咁蚊。但唔好忘記，唔夠休息，個人自然蚊d，多d包容啦！好羨慕你太太揾到個好老公。加油！

私人傳訊

ha.haa

男爵府

積分: 8567

環保接龍勳章

35^#

發表於 11-10-22 11:50 |只看該作者

回覆：老婆因為餵奶發我脾氣

你老婆真幸福

Make a pregnancy ticker

私人傳訊

yikaho

子爵府

積分: 13782

34^#

發表於 11-10-18 16:08 |只看該作者

坐緊月嘅女人真係好似變咗另一個人咁架, 佢身体又辛苦, 又要適應同埋學習照顧個bb, 好難唔緊張...
我將坐月影容為「黑暗時期」

我都好憎bb一喊d人就問係咪肚餓? 几多點食奶? 好討厭身邊d人加咀, bb個時間表媽媽最清楚啦, 我哋已經好努力咁記住bb嘅時間表(人都癲), 你哋每個問題/對bb做d乜嘢都好似喺度挑戰緊我哋, 好似喺度話我哋做得唔夠好咁... 雖然理性諗返, 你哋都只係想幫手, 但喺我哋嘅角度, 嗰一刻我哋就係覺得你哋好多事&好難受, 又搞亂晒我哋辛苦經營嘅時間表咁...

如果有老爺奶奶喺度「幫手」重煩呀, 其實佢哋唔嚟會好d, 坐月女人想休息, 但又要面對2個「考官」(就算佢哋唔係咁諗, 你老婆可能會有呢種感覺), 好大壓力~~~!

有机會坐低, 攬住老婆, 問佢最辛苦係d乜嘢, 有咩可以幫輕佢等佢可以休息多d

其實如果老公對照顧bb嘅「投入感」大d, 個心唔係覺得「老婆最清楚」,「老婆天生搞得掂個bb」, 將自己當係bb嘅媽媽, 你就會知道bb同埋老婆需要d咩, 當你同你老婆都知道bb需要d咩嘅時候, 你就真係可以減輕老婆嘅生心理負担

教養孩童，使他走當行的道，就是到老他也不偏離。 (箴22:6)
Train up a child in the way he should go: and when he is old, he will not depart from it. (Proverbs 22:6)

私人傳訊

cherryho1021

子爵府

積分: 10301

畀面勳章 BK Milk勳章

33^#

發表於 11-10-18 15:37 |只看該作者

絕對相信你老婆唔係有心對你發惡, 因為佢太緊張BB, 所以你也要有心理準備啦!!

多D同佢傾計, 等佢講晒D辛苦野, 唔開心野出嚟, 個人會輕鬆D!
爸爸, 努力加油呀!!!

我要為小朋友做個好榜樣, 所以2015年要好好為自己和小朋友預備!!

私人傳訊

siujanjan

珍珠宮

積分: 31175

BK Milk勳章

32^#

發表於 11-10-18 11:01 |只看該作者

回覆 ch_ljk 的帖子

如果我c6都好似你咁, 咁體諒個老婆就好啦你太太真係好幸福呢

你太太都要返工? 放工返嚟梗係想同BB玩啦
如果6299都抱住BB, 咁佢冇得抱, 會唔開心呀
做媽媽嘅, 為BB休息少d冇計0架

私人傳訊

alik

公爵府

積分: 25507

31^#

發表於 11-10-17 23:58 |只看該作者

何不坦誠同佢講，見佢咁辛苦，想幫輕吓佢，叫佢話你知有乜你可以為佢做。

唔該唔好同我打招呼，不要點評！

私人傳訊

唔好煩我

水晶宮

積分: 50285

30^#

發表於 11-10-17 23:46 |只看該作者

回覆：老婆因為餵奶發我脾氣

你好好呀對你老婆！比多啲時間同耐性佢，有機會揾個佢信任嘅人同佢講放鬆啲，湊小朋友係耐力戰，點可以一下子就用晒啲彈藥呢？

私人傳訊

Mingfen

禁止訪問

積分: 16080

29^#

發表於 11-10-16 01:19 |只看該作者

回覆：ch_ljk 的帖子

提示: 作者被禁止或刪除內容自動屏蔽

私人傳訊

kaffy

洋房

積分: 88

28^#

發表於 11-10-16 00:41 |只看該作者

引用：回覆+chocoling+的帖子我都有D擔心，佢成

原帖由 ch_ljk 於 11-10-15 發表
回覆 chocoling 的帖子

我都有D擔心，佢成日唔夠訓，又時燥起上黎好惡!

你真係要留意下你太太。我同你太太一樣，初初生完都成日發老公脾氣，小小事都鬼殺咁嘈。我係媽咪度坐月，仲發哂成家人脾氣，個個屋企人我都鬧，鬧完就攬住個仔喊，怨家人唔錫我個仔…喊完又話想帶埋個仔走…嚇到我老公喊我先至叫自己理下老公感受…好彩我老公好脾氣，又成日安慰我，又抽時間陪我先冇事咋…你真係要睇緊d!

私人傳訊

Yoio

大宅

積分: 2338

27^#

發表於 11-10-15 22:16 |只看該作者

聽得出你係個好老公呢~ 不過生完bb係會好緊張, 我以前好溫順, 但係生完為左bb, 連老爺奶奶都敢駁咀! 尤其初初乜都未識, 好緊張, 生完hormones又變緊, 係會難控制情緒呢, 請多多體諒!

下次想幫手, 問下佢有咩可以幫啦!

私人傳訊

rabbitzai

別墅

積分: 761

26^#

發表於 11-10-15 22:07 |只看該作者

回覆：ch_ljk 的帖子

我啱啱生完嗰陣都好憎人亂開奶俾bb飲，那時bb未夠鐘飲奶但系度喊，我阿媽就不停話他肚餓要開奶，總之一喊她就話要開奶，完全唔理bb喊的原因。

私人傳訊

jerymama

大宅

積分: 3533

畀面勳章 BK Milk勳章

25^#

發表於 11-10-15 17:38 |只看該作者

樓主真係好丈夫…太太好幸福…支持你呀！加油！！

有冇試下問一聲有d咩你可以幫佢…或者有時間同佢傾下計囉…
或者佢壓力大先會語氣重，唔好介意呀… 請多見諒媽媽的心情…
好似我咁…有時d「無情脾氣」話黎就黎… 好難控制到… 更唔會知自己有咩問題…
試試同佢安排一下湊bb時間，等佢多d休息下…希望好d啦…

私人傳訊

幸福謝師奶

珍珠宮

積分: 39732

畀面勳章貢獻勳章環保接龍勳章

24^#

發表於 11-10-15 12:20 |只看該作者

樓主真係一個好老公呀, 不過你老公生完又要湊b好辛苦好累, 會易d 發脾4, 你要多多體諒你老婆呀

私人傳訊

Papa_wong

別墅

積分: 563

23^#

發表於 11-10-15 12:14 |只看該作者

引用：佢覺得餵人奶太辛苦，所以而家都係食奶粉。

原帖由 ch_ljk 於 11-10-15 發表
佢覺得餵人奶太辛苦，所以而家都係食奶粉。

或者佢真係好多野好想親力親為啦，我見佢24小時都要睇住個B咁 ...

其實你已很體貼，加油。媽媽緊張孩子是天生的，在她心情輕鬆時大家溝通下，實際對孩子養育有太多的學問。不是無微不至就是代表愛呀。

私人傳訊

szewah

大宅

積分: 4534

畀面勳章

22^#

發表於 11-10-15 11:53 |只看該作者

其實要TRAIN 個 BB 有時間表 ~ 真係好難 ~
我C6成日見個囡喊就話佢肚餓 ~ 要開奶...

(唉~明明飲完都無2個鐘)

不過 ~ 你想吓 ~ 如果你唔係好肚餓咁食 ~ 都會食得比正餐少 ~ 之後嗰餐
D時間又會亂晒 ~
對照顧者同BB都唔好架 ~

私人傳訊

ch_ljk

別墅

積分: 522

21^#

發表於 11-10-15 11:32 |只看該作者

佢覺得餵人奶太辛苦，所以而家都係食奶粉。

或者佢真係好多野好想親力親為啦，我見佢24小時都要睇住個B咁辛苦，想同佢分擔一下，等佢可以休息多D者。老爺奶奶日頭要番工，番到黎咪當幫手睇住阿B囉! 點知佢又唔放心俾人抱得太耐。

我自己番工訓得唔好都集中唔到精神做野啦，何況佢一日24小時都睇住個B，就連訓訓下覺都要起身望下阿B，點訓得好呀!