吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 生產經過分享 (長篇)

懷孕前後今日: 0|主題: 330582

收藏本版

發帖

返回列表

跳至頁

查看: 5738 | 回覆: 78

生產經過分享 (長篇) [複製鏈接]

12 3 4

豆腐雪糕

大宅

積分: 1621

畀面勳章

1^#

發表於 11-10-22 01:27 |只看該作者 |正序瀏覽 |打印

依家先分享生產經過好似遲左d，(已經生左成個月有多)
但係我老公係咁叫我同大家分享下~

我9月13日凌晨開始覺得肚痛~
去到 5:00am 睇鐘開始5分鐘痛一下，
但係覺得唔算好痛，又驚佢痛一陣又唔痛，
心大心細唔知入唔入醫院，就諗住睇定d先，
之後去到11點幾都係決定入院，
因為持續都係5分鐘痛一下。

去到醫院係canteen食埋個 lunch先入院，
上到去姑娘幫我check子宮頸，未開，我都預左冇咁快，
之後駁機聽bb心跳同check宮縮，姑娘話宮縮規律，等子宮頸開就ok~

去到半夜，依然係5分鐘一下，痛得大力左少少，
依家食得行得走得訓得，就咁係醫院過左第一日。

第二日，全日都係5分鐘一下，只係比尋日再痛得大力左，
仲頂得順，夜晚開始痛到訓下醒下，但係子宮頸都仲唔開‧‧‧

第三日，早上開始見紅，陣痛都仲係5分鐘一下，
又駁機聽bb心跳同check宮縮，醫生同姑娘又係話宮縮好規律，
d姑娘都開始覺得我慘，咁耐都未生得~
下午開始痛到完全訓唔到，個人開始炆炆地~
眼見隔離床一個一個咁推去生但係都未到我，
意志開始被消磨，有d唔耐煩‧‧‧我仲要等幾耐？

夜晚直頭痛到訓唔到，訓得果4分鐘，第5分鐘就痛醒‧‧‧
要痛到抓床單同深呼吸，姑娘見我好似好痛，話要同我做檢查，
我都係好灰咁搭佢：算啦~ 我未得ga~ 唔洗理我啦~
我眼光光，痛天光，已經痛左好耐同訓唔到覺，個人情緒好差！
我覺得自己都算忍得痛，大家話檢查子宮頸痛，我都唔係幾覺得痛，
所以我痛到咁都仲未生得，子宮頸又唔開，我真係覺得好灰‧‧‧

去到第四日，依然係5分鐘一下陣痛同見紅，
醫生巡房做檢查，子宮頸當然係未開啦~
醫生話如果聽日仲係見紅就會幫我催生。
我聽完之後真係忍唔住坐係到喊，我已經好痛，仲要我咁樣折磨等多一日，
又訓唔到覺，我真係會死！

有另外一個醫生見到我喊，就行黎問我咩事，
我問佢，可唔可以早d催生，我真係已經好痛！
佢睇我file，又幫我宮縮時摸我個肚，佢話我宮縮得幾好，
我話係呀~ 我已經維持左呢個狀態好耐啦！但係子宮勁都係唔開‧‧‧
佢見我咁，話不如幫下我 (我心諗唔通幫我催生！？)
點知佢話幫我用人手整鬆我子宮頸，不過佢話係會好痛的~
問我得唔得，如果做左應該今日就有機會生得！
我唔理三七廿一緊係話好啦！佢就幫我！
我有哂心理準備抓實哂床單枕頭，不過都痛到我係咁流眼淚同係咁縮，
醫生整完之後叫我去洗手間，之後再幫我駁機，
行去洗手間既路程好似十萬九千里咁長呀~
一路行我就一路痛到震，個人又企唔直，眼淚又係咁流‧‧‧

好辛苦先行返自己張床，又駁機，醫生睇完報告之後，
話好有信心我今日就生得，叫我好好休息等生b，
我仲邊到可以休息到丫！？我痛到想死！眼見推去生果d個樣都好似冇我咁痛！
到左 lunch time，一見到老公就忍唔住係到喊‧‧‧
之後痛密左，2-3分鐘一下，係咁深呼吸，我心諗今次仲唔係子宮頸終於開！？
老公叫姑娘幫我check下，點知姑娘竟然話都仲係未開！！！
仲叫我訓下休息下，點會咁ga！！我真係好想死！！！

老公走左之後，我又忍唔住係到喊，d姑娘見到我，都唔知可以點安慰我‧‧‧
下午2點左右，又有個醫生走埋黎話同我檢查，
我話1點幾先有姑娘同我做過檢查，子宮頸未開呀~
醫生話：你俾我檢查左先啦~
檢查完就話：子宮頸未開，(我心諗都話左ga la~) 不如幫你穿水啦~ 不過可能只係快1-2個鐘ga咋~
我兩眼發光即刻話好！就打俾老公，執埋d行李過產房穿水！

去到產房，穿水，唔痛的~ 好似做檢查咁！
之後醫生話：依家駁機聽 bb 心跳，如果心跳ok等陣幫你打止痛針！
我心諗醫生都一定覺得我好痛，連聞氣都skip埋就自動話幫我打針。
d陣痛已經好痛，我一心諗住有止痛針打，我就死忍唔嗌，
點知等左好耐都未有針打，我就問姑娘，駁機聽bb心跳要聽到幾時？
姑娘話：要聽到生囉~ 我就話：咁我幾時有止痛針打？
佢竟然話：乜你要打止痛針咩！？
我話：頭先醫生話幫我打ga！！！
佢話：咁我去叫醫生開啦~
我心諗依家先叫醫生開，有排都未有得打啦~ 就叫佢俾住氣我聞先~
佢竟然唔俾！叫我做深呼吸運動舒緩陣痛！
我已經痛到冇力同佢嘈，我唯有忍！留返d力生b！
我痛到係咁捉實床欄，深呼吸一d都幫唔到我，之後個姑娘見到我面容扭曲，
終於都話: 俾氣你聞住先啦~
不過原來聞氣係一d都唔止痛的！！！但係我都覺得有好過冇！
之後終於都捱到打止痛針，冇耐藥力就發，我就真係好開心！終於都冇咁痛！
加上聞氣聞到有d wing wing地，竟然訓著左！超開心！
期間聽到有人幫我做檢查，子宮頸都好似未開，就打催生藥。

朦朧間聽到已經開到4、5度，果下真係好開心！
佢叫我打電話俾老公，叫佢係產房出面standby入黎陪產，
訓左一陣，就見到老公啦~ 呢段期間係呢幾日最舒服，有老公陪又訓得著！
開到8度，開始覺得痛，枝止痛針既藥力開始散，好急c，
完全控制唔到自己係咁用力痾c，過左大約1個鐘，依然係8度冇進展，
佢竟然話俾我試下生，就推去生b果張床，然後教我點樣呼吸同用力，
佢話可以開始，我就用盡哂我僅有既氣力，痾左幾下，全程5分鐘倒，
我個寶貝女就出世！
好彩有枝止痛針，可以訓返幾個鐘，如果唔係我諗我真係無力生！
我老公係我隔離，見我痛到咁，好驚我會死！又話我痛到語無倫次‧‧‧總之就好好笑！

我d朋友個個都覺得好誇張，話未聽過有人要痛咁耐！唉‧‧‧我都唔想ga‧‧‧

我知生小朋友唔易，但係真係冇諗過係咁‧‧‧
不過見到 bb，呢d痛又好似好快唔記得左咁~

0 0 0

私人傳訊

kivien

大宅

積分: 2711

79^#

發表於 11-10-28 02:42 |只看該作者

生產經過分享 (長篇)

我疼到七小時左右，勁想開刀！但而家生左兩個月啦，又唔記得晒啦！

私人傳訊

Aprilbaby

大宅

積分: 2155

78^#

發表於 11-10-28 02:23 |只看該作者

回覆回覆:豆腐雪糕的帖子

睇完你既分享，發覺原來自己都好幸運，我催生痛了6小时就生左个b。我都有打止痛針，當時痛到咩都唔理，但又无打返解藥，所以bb比較sleepy, 但e十都无咩大礙丫！！但你真係好堅，痛左4days

私人傳訊

niko0923

大宅

積分: 1176

畀面勳章

77^#

發表於 11-10-27 21:28 |只看該作者

回覆：生產經過分享 (長篇)

超勁!!俾十個叻你

私人傳訊

yi_arashi

伯爵府

積分: 15396

陪月勳章

76^#

發表於 11-10-27 18:59 |只看該作者

私人傳訊

caramelpudding

伯爵府

積分: 16822

75^#

發表於 11-10-25 17:12 |只看該作者

本帖最後由 caramelpudding 於 11-10-25 17:15 編輯

我自己係穿水催生痛十個鐘,
真係冇法想像痛4日係點

(應該開左刀)
但我打止痛針都冇減痛, 係個人wing wing下, 一樣咁痛
聞氣都冇用
中途恰著1分鐘, 第2分鐘就痛醒, 真係人都din!
唔知係咪陣痛痛得濟, 中間所有野, 包括宮頸檢查,聯針等一D都唔痛
然後生完之後一D都唔記得係點痛法~~

私人傳訊

ahman327

別墅

積分: 791

74^#

發表於 11-10-24 08:16 |只看該作者

聞氣真係冇作用…
我吊催生針，唔俾飲野食嘢，瞓喺張床度等等等…
等左六七個鐘都係開得兩度！唔想生！
根住叫護士幫我打針…點知原來未開夠唔知幾多度係唔打得…
最後等咗…痛咗…十五個鐘，生了八磅半B

以為一生最痛苦嘅事已過去，點知…原來坐月，加餵人奶係辛苦過生仔…
生嘅痛已經唔係好記得…

各媽媽一齊加油，努力！

私人傳訊

豆腐雪糕

大宅

積分: 1621

畀面勳章

73^#

發表於 11-10-24 00:59 |只看該作者

karenivy 發表於 11-10-23 21:22
回覆豆腐雪糕的帖子

死啦, 我好驚呀.........我同你一樣無返工, 我仲衰過你成日訓又無行樓梯, 係呢, 你 ...

我行樓梯係因為我住村屋，出入屋企唔行唔得~ 哈哈哈哈~~

不過d人話唔好咁快開始行咁多，去到最後1個月先勁行喎~
我都唔知~ 我去到最後果個月都冇勁行，只係每日行多3-4次倒~ (仲要分開行)

有d人話易生d，有d人行好多都係痛好耐，個個人唔同，
不過我覺得運動下都係好事~

私人傳訊

豆腐雪糕

大宅

積分: 1621

畀面勳章

72^#

發表於 11-10-24 00:57 |只看該作者

20120321 發表於 11-10-23 19:39
多謝你的分享！睇到眼濕濕。你痛成咁，仲會吾會考慮生多個呀？

我生小b前，同老公傾過，生得出的，最少生2個，可以的話3個~
我生完小b之後，原來第一句同老公講既係：
「我唔生啦！如果再想要小朋友就領養啦！」
我其實都唔記得我生完之後講果d乜，已經累到半死~
係我老公之後講返我聽的~

生完幾日之後，都覺得自己再冇勇氣生多個！

生完3星期倒，覺得如果再好似今次咁，真係唔想生~ 但係如果冇痛咁耐的，可以考慮下！

到依家，好似已經唔記得d痛係點樣ga la~

我諗過多半年，我就會想生~ 哈哈哈哈~~

點評

caramelpudding 我都係生完即刻講,都唔明D人點解會再生第2個! 宜家一D都唔記得係點痛法

發表於 11-10-25 17:34

私人傳訊

1sttimemum

大宅

積分: 2395

71^#

發表於 11-10-23 22:42 |只看該作者

really scared but thanks for your sharing!

all the best to you and baby!

私人傳訊

mingemna

大宅

積分: 1284

70^#

發表於 11-10-23 22:11 |只看該作者

回覆：豆腐雪糕的帖子

妳好偉大，我下個月就生了，但願我可像妳那麼有勇氣~祝妳和bb幸福快樂~

私人傳訊

meow.meow

複式洋房

積分: 494

69^#

發表於 11-10-23 22:07 |只看該作者

本帖最後由 meow.meow 於 11-10-23 22:09 編輯

你好叻呀, 我見到你D文字都覺得痛....亦都睇到好驚, 驚第日自己都係咁....

祝你同BB都健康快樂呀~~

私人傳訊

karenivy

男爵府

積分: 6890

68^#

發表於 11-10-23 21:22 |只看該作者

回覆豆腐雪糕的帖子

死啦, 我好驚呀.........我同你一樣無返工, 我仲衰過你成日訓又無行樓梯, 係呢, 你幾週開始行樓梯架? 聽人講話會易生d, 我諗住36w先行......

私人傳訊

20120321

複式洋房

積分: 255

67^#

發表於 11-10-23 19:39 |只看該作者

回覆：豆腐雪糕的帖子

多謝你的分享！睇到眼濕濕。你痛成咁，仲會吾會考慮生多個呀？

私人傳訊

豆腐雪糕

大宅

積分: 1621

畀面勳章

66^#

發表於 11-10-23 19:12 |只看該作者

karenivy 發表於 11-10-23 08:34
回覆豆腐雪糕的帖子

wah....睇到我好肉緊呀, 好似自己都身在其中咁....我想問下你有無返工架? ...

我冇返工的~ 我成個懷孕期都冇工作~
運動我唔多，最多係散下步、行樓梯同做一d產前運動，但每次都唔係做好耐~
因為我有左既時候有貧血，曬個太陽都暈，係屋企做太耐運動都暈~
(咁你見紅訓多d都正常)

係政府醫院，除非你係特殊情況，佢係唔會隨便建議同俾你開刀的~
就算我痛左4日，我只係陣痛都見紅，我又冇穿水，所以佢都唔會建議我開刀
政府醫院係：你可以順產的，就盡量都係俾你順產

止痛針係打 pat pat

聞笑氣既止痛作用完全唔覺佢有發作過！

(可能我太痛)
打止痛針就覺得好快發作 (印象係唔洗3個字)

唔緊要的~ 幫到你我都開心！