夫婦情感今日: 10|主題: 42759

收藏本版

發帖

返回列表

跳至頁

查看: 6897 | 回覆: 85

轉貼<偷食的後果>睇完有乜感想?

[複製鏈接]

12 3 4 5

961123

象牙宮

積分: 216485

1^#

發表於 11-10-22 17:07 |只看該作者 |正序瀏覽 |打印

本帖最後由 961123 於 11-10-22 17:15 編輯

我有兩個好老死既舊中學同學,距地F.4就開始拍拖,一直感情好好.

到中學畢業,兩個都出來做野,男既做運輸,女既做SALES,
一直以來男既穩到既錢都交比個女儲錢(男既自願,因距好大洗,而女既好慳家,好識理財,而距地打算儲1筆錢結婚)

之後個女既就將兩人一齊儲既呢筆錢去買左部貨車比個男既去運貨比地盤,從此收入就由打工既萬幾蚊,升到自己做既3萬蚊!!

6年後,個男既頂唔住D妹妹仔誘惑,偷食左,最終個18歲既妹妹仔有左BB!!

1個系一齊捱既6年女友,1個系偷食意外大肚既SP,
系距唔知點抉擇既時候,
個女既幫距決定左:同距分手!!

分手後,距就負責任,娶左個妹妹仔做老婆...
之後生左個女....

但之後既日子先系悲哀既開始:
距老婆唔識煮飯做家務,
日日對住個女,無做野,
日日出街食...
系網上識埋一大班媽咪,
日日有活動,行街SHOPPING,買親都係牌子野...

而個男的,日日早上7點左右出門,做到晚上7-8點先翻屋企,(最少)
距話每日都係送貨到地盤時,睇下有無免費飯盒食,無就一系成日唔食野,等翻屋企自己整個杯麵食,一係就買個包食就一日! !!

但距老婆日日壽司,PIZZA,飲茶...每個月最少洗2皮幾....買好多無謂野,例如每個月帶個女去影樓影2-3次相,
距老婆同女女D衫根本已經多到著唔曬甘多,但距老婆都係甘買買買...

前幾日又無啦啦出左兩部SAMSUNG既GALX S2....又出左部TAP...淨系1日都洗左皮幾野...

距話根本儲唔到錢...

距叫距老婆洗少D錢,但距老婆黑面....發距脾氣.....

距好後悔當初去偷食,好掛住以前個女朋友....

仲好經常想我打探以前個女朋友而家生活系點.....

唉,男人,為咩呢??
有既時候唔珍惜,
無既時候又來後悔!!!

(更新)
後日有個舊同學生日,個舊同學星期1就已經叫我打電話去約翻幾個舊同學出來食飯,其中一個系果個男....
OK,甘我就星期2已經打左電話比個男,話:阿邊個邊個星期6生日,到時果晚去沙田XX食飯...
距當時話:你過兩日再比電話我啦,我要睇睇到時有無野做,無既話就一定到!!!

甘我尋晚又再比個電話距,話:餵,點啊?到時來唔來到啊??
距話:OK,到時幾點?
我話:7點幾8點左右啦!!
但係電話裡頭,我聽到距老婆發曬老皮,好大聲講:你甘中意去,你咪去咯,我帶埋泳泳(距地個女)翻阿媽度!!
之後我都識做,拿拿聲講多句就收線:我話:我唔阻你先啦,得閒先CALL我啦,88!!

唉......
搞到甘........
到時好大機會距都唔會出現咯!!!

以我所知,個男之前同距而家個老婆當年偷食過兩三次,都有戴DUM DUM,最後1次,距老婆話安全期,唔戴都唔會有BB,但最後(賴)野了!!!

最初知道距老婆有左,距好驚,真係有打算過叫距落,但最後條女出到屋企人攻勢,用阿爸阿媽來壓距,搞到全世界都知,距老婆個父母仲去穩個男既父母,個男既父母激到死死下,仲同個女既父母講:我有兩個仔,呢個死仔我唔會再理距,我當生少個!!!

之後件事已經比我個女同學知道,個男的求距以前個女朋友原諒距,話比D時間距去解決件事,話唔好分手......之類既說話!!

但我個女同學反而就好決絕,一定要分手,仲提醒距,錯一次就夠,唔好再傷害任何人,好好對個老婆,大家以後仲可以做朋友.......

最初個男仔既父母真係好嬲個仔,因為距地真係好想我個女同學做距新抱,但之後我個女同學都有打電話比距父母,叫距唔好嬲距個仔,已經成左事實,無必要同個仔計較,況且都準備做爺爺嫲嫲,應該開心先系!!

雖然分左手好耐,但個男的父母有時都會穩我個女同學去飲茶,過時過節,我個女同學又會買下D禮物啊比個男的父母...

0 0 1

私人傳訊

jasonkot

大宅

積分: 3779

86^#

發表於 11-11-13 12:09 |只看該作者

wolimo 發表於 11-10-25 15:54
成件事最可憐小朋友~~

agree.bb唔能夠在快樂的家庭成長, 個男的只得一個出路：燒炭。

唔係黑心。事實係男的都好可憐, 女的已得到全世界同情,
但男的已眾叛親離,變成過街老鼠,
有家仲衰過無家,同一個唔愛自己的人一齊,仲遲早被佢洗到負債累累,
即使有好多人在身邊,都唔可以向任何人傾訴,因只會被人譏諷,
“抵死, 犯賤, 唔死無用, 報應…"
人地在面前或背後d說話要幾難聽有幾難聽,
體會到真真正正嘅寂莫感。

最辛苦係永遠的內疚感同對前女友的掛念。但一切都返唔到轉頭…

人犯什麼錯(就算刑事),都可以改過後,重新受人接納,重新開始。
唯獨呢種錯永遠返唔到身。

唉…最後燒炭, 個b交由社署接管。