吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 唔讀名校, 就係怪物?

自由講場今日: 1698|主題: 1360359

收藏本版

發帖

返回列表

跳至頁

查看: 3462 | 回覆: 62

唔讀名校, 就係怪物?

[複製鏈接]

12 3 4

l_wingwing

伯爵府

積分: 17021

醒目開學勳章畀面勳章

1^#

發表於 11-10-22 20:54 |只看該作者 |正序瀏覽 |打印

本帖最後由 l_wingwing 於 11-10-22 20:58 編輯

個post有點長, 想搵d有共鳴的爸媽, 不喜勿插...

先講下我自己, 我係ft mum, 一個湊兩個, 老公一個養4個, 而就有freelance做, 小朋友都唔會報名校幼稚園, 只報區慈善團體的, 小朋友都有學3, 4樣野...其實都可以報名校, 但經濟方面會緊絀d, 交左學費應該唔可以去咁多旅行, 有咁多消遺...即使幼稚園負擔到, 都驚第日升小 (直資)負擔唔到, 所以決定簡簡單單, 搵d區內好的幼稚園算...加上本區 (我不是住巿區)的中學好多英中, 所以都唔擔心無好學校...最近仲响本區買了大d的樓, 俾小朋友的環境好左

而以下係朋友a的case:
租屋住, 都係同區,但報晒巿區的名校, 又唔夠錢買出面的樓, 煩惱中...佢覺得我買樓好貴好唔抵, 不屑的樣子, 佢自己就死都話要搬出巿區, 個小朋友又死要讀名校...無諗過老公的負擔重(佢老公都係我老朋友, 佢仲要養家人同大食懶細佬妹)..仲覺得, 唔報名校/ 唔搬出巿區就係無前途, 而家佢小朋友出巿區一星期上三日每日兩個鐘的有名playgroup, 個日黎house-warming, 一句都無問過/講過我間屋, 淨係响度挑剔我間屋....同埋不停炫耀佢小朋友試1-10的國語及英文, 同埋試好多英文的顏色, 好巴閉咁...呢個朋友識左好耐, 以前都唔覺得佢功利, 估唔到而家咁...

其實我想講, 識1-10識英文的顏色, 我當年自己教個女都識晒啦.....唉..真係唔明, 如果負擔唔起或好辛苦, 點解仲要追逐名牌呢??我真係"登"佢小朋友辛苦, 咁細個, 上咁多堂, 平日瞓晏覺只可在車上...第日返巿區返學, 長途跋涉, 慘....究竟佢有無响小朋友方面諗下呢??

另一個朋友b:
公一份婆一份, 典型中產, 又係要個仔非讀外校不可, 本黎無問題, 但問題係, 問佢點解揀個間學校? 佢話唔駛知, 亦唔知d學校有咩理念, 只要出名便可, "人人都貪名牌架啦, 好似人人都貪買名牌手袋一樣"..天! 身為知識分子, 佢竟然講d咁的說話...

其實大家都知道, 唔係名牌一定好, 普通幼稚園都會有好老師, 但不知怎的, 中產們還是一窩蜂讀名校...其實代表咩呢? 係咪名牌就是身分象徵?買名牌手袋無所謂, 但搵小朋友的教育黎"較飛", 係咪有點兒哪個呢?? 而我唔報名校, 便要被人睇小??被人當怪物?? 仲要覺我唔為小朋友著想???

當然, 有d家長真係好有經濟能力, 又明白人地學校的教育理念及模式, 咁另作別論啦...但係上述的例子, 又有幾多呢??

而家搞到我同呢班朋友格格不入咁, 佢地一行埋, 只會講自己仔女報咩名校同咩出名的course, 佢地都不屑同我講..

其實自從做了ft mum後, 我都犧牲了很多, 朋友少了, 時間少了, 而家連那些廿幾年朋友都咁..真係心淡.

多謝大家聽我呻了一輪呀...事實上, 呢番說話, 我都無同人講過...做ft time壓力已經大, 仲有呢d野又令我唔咁開心...唉..

0 3 0

私人傳訊

mcheung1

禁止訪問

積分: 4223

63^#

發表於 11-10-24 00:57 |只看該作者

提示: 作者被禁止或刪除內容自動屏蔽

私人傳訊

Tiffany1212

子爵府

積分: 11486

畀面勳章

62^#

發表於 11-10-24 00:09 |只看該作者

其實應該話傳統受歡迎學校教學有質素保証 (唔想用名校呢個字眼)

我好認同墨版主這句話!
我個仔讀個間已經有85年歷史嘅1條龍學校(所稱為名校),這學校環境師資都非常優勝,咪以為好貴學費,就算唔用學券都係千0蚊一個月,這學校有學券我每月只交$400-,比起我區那些學校還要平!!...加上一條龍用東奔西跑!

私人傳訊

無氣同你講

伯爵府

積分: 17834

畀面勳章

61^#

發表於 11-10-23 23:55 |只看該作者

本帖最後由無氣同你講於 11-10-23 23:56 編輯

回覆莎莎莉莉的帖子

呢個只係比例既問題。
以前都已經有好多朋友同我研究過，咁係名校裡面，父母著重子女既比例點都高ｄ掛，淨係睇佢地interview前幾咁緊張個細路, 同埋不停咁用細路仔音同d仔女講道理, 學校又用咁多重方法去in個細路, 咁點都好過派入去咁質素參差掛....

其餘既野就只可以睇個細路既造化。

私人傳訊

莎莎莉莉

伯爵府

積分: 17389

好媽媽勳章

60^#

發表於 11-10-23 23:47 |只看該作者

無氣同你講發表於 11-10-23 23:42
我唔同意想幫子女入名校係虛榮。係想子女有好既價值觀同埋對人生有要求。

簡單黎講，我係一個資優兒童， ...

haha, 你真覺得, 你讀名校, 校內就無人會話你老土, 唔得型, 聽老師話, 俾人覺得豬???
怕且有時只係有過之而無不及矣.....

私人傳訊

無氣同你講

伯爵府

積分: 17834

畀面勳章

59^#

發表於 11-10-23 23:42 |只看該作者

本帖最後由無氣同你講於 11-10-23 23:43 編輯

我唔同意想幫子女入名校係虛榮。係想子女有好既價值觀同埋對人生有要求。

簡單黎講，我係一個資優兒童，但我父母忙於搵食從不在乎我讀咩學校，學校裡面咩人都有，有惡仔女惡父母，有唔重視學業，大部份父母都唔得閒教或唔識教，我考第一會比人覺得係老土，唔得型，聽老師話，會比同學覺得豬。慢慢都會被同化。

所以我一定要好好幫個仔搵間好學校，比佢係一個重視學業既環境長大。