單親天地 今日: 0 | 主題: 18399

積分: 19895

畀面勳章

1^#

發表於 11-10-24 12:28 |只看該作者 |正序瀏覽 |打印

今朝9:00,帶左圖圖去見言語專家,發現圖圖既語言能力得歲半左右既程度,

另外言語專家覺得圖圖係有自閉傾向,而家等電話3個星期內會見醫生,所以

我要繼續努力

0 0 0

除了你我誰都不愛,to have but not to hold

私人傳訊

積分: 19895

畀面勳章

54^#

發表於 11-11-26 08:19 |只看該作者

今日小豬去左見3個兒科醫生,同時間見,聽覺同視力正常,認知能力,言語理

解同埋言語表達都係得18個月,體能發展就有2歲,合作性較弱同埋容易鬧情

緒,因為佢今日入到間房完全表現非常正常,所以唯有有代再等電話約見醫

生,不過而家要幫佢轉明愛ip位,另外再同學校合作加強訓練,希望佢可以快d

追番上個進度啦,多謝brian媽咪今日話陪我地去,不過我話左唔駛,係因為佢

湊仔都好累,比佢休息下啦

多謝你

除了你我誰都不愛,to have but not to hold

私人傳訊

積分: 19895

畀面勳章

53^#

發表於 11-11-11 22:52 |只看該作者

hellokitty1013 發表於 11-11-11 22:33
我識左你咁耐，我當然了解你嘅性格同明白你諗法，仔女係每個父母嘅心肝寶貝，我只係想講，有d事要發生 ...

知道啦MAY E我會努力架啦

除了你我誰都不愛,to have but not to hold

私人傳訊

hellokitty1013

男爵府

積分: 9857

畀面勳章

52^#

發表於 11-11-11 22:33 |只看該作者

引用：Quote:hellokitty1013+發表於+11-11-11+22:

原帖由 ditochan 於 11-11-11 發表
MAY E你都知我其實好緊張個仔架,而家佢其實係乖左好多既,不過就嗲左好多,我係擔心佢

真係可能要轉校姐:pit ...

我識左你咁耐，我當然了解你嘅性格同明白你諗法，仔女係每個父母嘅心肝寶貝，我只係想講，有d事要發生嘅，始終都要發生，亦唔到你擔心，你可以做嘅就係，幫佢set個有規律嘅時間表，幫佢做訓練，去圖書館借d書取經，參考吓點去幫佢，始終最了解佢丶最幫到佢嗰個係你

私人傳訊

積分: 19895

畀面勳章

51^#

發表於 11-11-11 22:20 |只看該作者

hellokitty1013 發表於 11-11-11 22:15
仲駛乜喊哂口，前晚我鬼死咁忙都抽時間同你傾左一大輪電話，你其實多多少少都有 ...

MAY E你都知我其實好緊張個仔架,而家佢其實係乖左好多既,不過就嗲左好多,我係擔心佢

真係可能要轉校姐

除了你我誰都不愛,to have but not to hold

私人傳訊

hellokitty1013

男爵府

積分: 9857

畀面勳章

50^#

發表於 11-11-11 22:15 |只看該作者

引用：今日去湊隻臭豬心情好差勁唉,因為問左老師,

原帖由 ditochan 於 11-11-11 發表
今日去湊隻臭豬心情好差勁唉,因為問左老師,佢話圖圖呢排係有進步左,但

係佢既情緒呢排都係高漲左好多,每日 ...

仲駛乜喊哂口

，前晚我鬼死咁忙都抽時間同你傾左一大輪電話，你其實多多少少都有個答案，你話阿B今個月25號返去評估，到時咪知囉，唔好而加咁早就諗定先，盞自己唔開心，到時評估結果唔係如老師所講咁，你呢兩個星期所擔心嘅，咪好笨囉！不如將d時間同圖b玩多d ，多d帶佢出走四圍去，等佢係生活中體驗同學習，又可以比佢放哂d電嘛 :wahaha

私人傳訊

積分: 19895

畀面勳章

49^#

發表於 11-11-11 19:48 |只看該作者

今日去湊隻臭豬心情好差勁唉,因為問左老師,佢話圖圖呢排係有進步左,但

係佢既情緒呢排都係高漲左好多,每日上堂開心就大笑得好緊要有排都唔收

聲,老師叫佢安靜D佢就喊,而家老師採取人釘人政策黎照顧佢攪到我都非常

之唔好意思,不過我問左老師佢地都希望圖圖可以繼續係度讀除非話佢係等

左評估出黎過度活躍係中度或者高度佢地就無能為力,可能要轉讀特殊學校,

我真係唔希望個仔會轉校因為呢度D老師真係好好,不過我都相信個仔唔駛

轉既

除了你我誰都不愛,to have but not to hold

私人傳訊

積分: 19895

畀面勳章

48^#

發表於 11-11-2 07:34 |只看該作者

單親媽發表於 11-11-2 01:25
俗語話:無仇不成父,無怨不成夫婦!!

真係唔係好明點解命運要安排d咁垃圾o既人,做我個仔o既老豆!!仲張d哀野 ...

所以我覺得自己得到既比失去更加多,我而家會加倍努力去教好圖圖既,至於我男朋友呢,

我都有叫佢溫柔d對圖圖佢都肯聽既,而家我唯有係順其自然啦所有野唔去諗,多謝你呀

單親媽

除了你我誰都不愛,to have but not to hold

私人傳訊

積分: 2432

畀面勳章

47^#

發表於 11-11-2 01:25 |只看該作者

本帖最後由單親媽於 11-11-2 01:26 編輯

俗語話:無仇不成父,無怨不成夫婦!!

真係唔係好明點解命運要安排d咁垃圾o既人,做我個仔o既老豆!!仲張d哀野遺傳比我個仔!!我都覺得對唔住我個仔我比唔到個好家庭佢!!! 其實呢d野係無得解, 3個字"整定o既!"

唔好睇你失去o既野,應該睇你擁有o既野!!!
因為條友,你有圖圖,
因為條友,你變得堅強,
因為條友,你同圖圖更緊密;
因為條友,你會更勤力做一個好媽媽!
因為條友,圖圖長大後會照顧你一生一世!!!
到有一日,當你想起呢個人,會想真正多謝佢o既時候,正代表你已經將佢放低!!

孩子其實咩都知!!!
當我個仔3歲o既時候,有次我o係佢公司附近約o左朋友食飯,我打比叫佢出黎見個仔,我叫阿仔叫爸爸啦!阿仔點都叫佢做叔叔!我個仔對佢好泠淡,佢仲串我

車~!都唔出聲o既!!!

幼稚園d老師都知我比好多時間個仔,阿仔完全唔覺得無爸爸係問題......
d八婆好鍾意問我個仔,你爸爸呢? 我個仔就會答我無爸爸架......

阿仔從來都無問個老豆,直至半年前,阿仔一開口就問:我爸爸呢?係咪死o左呀???我話未......
阿仔即刻話:嘩~!個爸爸好衰喎!!!!跟住開始咸:我一路都無......
我攬住佢笑笑口話:唔洗喊~!佢選擇o左唔同我地一齊生活之麻,你同媽媽一齊開唔開心呀? 阿仔:"開心!" 咁你要努力d啦,等果個爸爸知道你係叻仔!!!!之後佢都無再提起!!!

依家男朋友對圖圖太嚴!
呢個係一個問題, 你要好溫柔同佢講. 圖圖check到有自閉症,要用另一種方法教, 你會跟姑娘學.叫佢放哂手由你教!!!

我係過來人,你有咩野pm我都得, 我用手機隨時睇到!!

私人傳訊

積分: 19895

畀面勳章

46^#

發表於 11-11-1 23:36 |只看該作者

單親媽發表於 11-11-1 23:15
其實我都估到你有抑鬱症(咁多野煩,點會無事呀!!!),因為o係我3.4個月,我已經有產前抑鬱,而產前抑鬱有90%發展 ...

你完全明白我當時既苦況呀單親媽我真係好多謝你,其實我唔係意外有左圖圖,我係唔會生bb出黎既,不過

唔有都有左,當時政府d社工狂叫我放棄唔好要我好堅決一定要自己湊番,由初時搬入去間屋咩都冇,後來同

番屋企人聯絡之後d野慢慢買晒,直到遇到個好朋友介紹我搬入黎呢度我開始開心番好多,起碼我可以養我

自己鍾意既動物陪我,佢亦可以教識圖圖行路,後來佢個賤人爸爸都仲有搵我,不過一講錢就走左老啦,佢基本

上除左比粒精子我之外冇野比過我地2個,所有野都係我慢慢捱番黎,湊圖圖初期真係好辛苦,因為要食夜奶,

冇教好訓,而且又好唔開心,所以我係產前產後都有抑鬱既,回想起呢個時間我真係覺得似發個惡夢,4-5年都

未醒,岩岩先夢醒左,真係好累好辛苦,我唯一覺得係對唔住個仔我比唔到個好家庭佢,不過我有個男朋友,佢知

有圖圖既,佢唔係唔錫佢,不過佢對圖圖好嚴既,圖圖淨係怕佢,我地2個都好緊張佢,我地都計劃好晒唔會再生,

圖圖係我地既寶貝,有d咩野全部都會比晒佢,而我養d小動物其實真係有助我舒緩我既情緒既,馬死落地行,

而家我地係見步行步既,我真係好多謝你聽我呻,其實我到而家都好憎佢親生爸爸,點解要呃我冇太太同2個仔,

如果我一早知我唔會為佢攪成咁

除了你我誰都不愛,to have but not to hold

私人傳訊

積分: 2432

畀面勳章

45^#

發表於 11-11-1 23:15 |只看該作者

其實我都估到你有抑鬱症(咁多野煩,點會無事呀!!!),因為o係我3.4個月,我已經有產前抑鬱,而產前抑鬱有90%發展成產後抑鬱症, 當時係我人生o既低潮,我知道我有o左抑鬱症之後,我d朋友好驚,因為我以前好開朗時時笑面迎人,之後成日無啦啦咸,我家姐同我講叫我唔好咁樣,咁樣會影響我個胎!!!(鬼咩?!!d眼淚成出自己流出黎,我都唔想架!) 好怏我已經附合初步資格,排期等見醫生.....(你都知政府o既精神科有牌掛等呀....)

o係果個時候,我自己諗-人認為唔開心o既事?! 其實係個人o既睇法,你可以好主觀話"比人呃錢"係好事:
因為我認為我以後會提高警覺,無人呃到我錢!!!
因為破財擋災,可能有更大鑊o既事發生,家陣擋o左一劫!!
因為個賊個老母可能有急病,等住我d錢救命!!我可能因此做o左善事!!

人地個個覺得我慘,好折墮,我閑閑地可以即刻諗出3.5.7個優點出黎,tum到自己好開心!!好快我cancel o左見醫生, 產後都無抑鬱症,有姑娘耐唔耐打黎傾計,都覺得我無事!!!事後都証明我o既想法正確! 至今我都無睇過精神科!!!

當然逆境時d抑鬱症又會返番黎, 我都有舖掟野引,仲掟燦哂d野,不過唔好比呀仔睇到,因為阿仔真係學o左掟玩具,搞到我要道歉應承以後唔再掟!!!!
總知你都努力啦! 得閑搵我地傾計!有問題搵我地啦!你唔係一個人o既!!

私人傳訊

積分: 19895

畀面勳章

44^#

發表於 11-11-1 21:58 |只看該作者

單親媽發表於 11-11-1 21:23
你個case 好似我，不過我大肚就開始睇書，全部自己一手一腳搞掂！圖圖嘅情況同我仔仔都好似！不過阿仔脾氣 ...

唉,其實我而家仲見緊我精神科既醫生既,不過呢我仲有拎d藥,如果我控制到我既情緒我就唔會食藥,因為

食完之後副作用係冇記性得好緊要,開頭我其實都接受唔到個仔係有問題既,當我知道左之後其實都喊左好耐,

之前不停咁問人點算點算,點解佢會咁既,成日發脾氣,撞頭,扔野,大叫大喊,冇人答到我問題,後來呢度有媽咪

見過圖圖之後就話比我知覺得佢有問題,後來我先開始正式關注呢樣野,我個社工開頭都話佢冇野呀,咩問題都冇,

後來佢黎家訪完先覺得圖圖係有問題既,所以我提早比佢讀n班,佢去面試既時候,校長都覺得佢有問題,不過未知

個問題係咩野,我好多謝學校既老師同校長同我一齊關注佢既情況,咁圖圖都係鍾意笑架,不過又係鍾意發脾氣,

而家最鍾意就係訓地下,仲會周街除鞋,所以我教佢都幾頭痛,唯一好彩既係而家我tum佢有時佢都肯聽下我講,

同埋佢而家返左學我對小左佢,我地大家關係改善左好多既,我亦冇咁大壓力,我覺得佢就唔止有自閉,仲似有埋過度

活躍,因為佢親生賤格爸爸講過我知,佢有個仔係有呢個症既,所以有可能圖圖都會有唔定,11月25號就知結果啦,

我亦預左佢2樣都有架啦,老師同埋校長都有講過其實佢唔係蠢架,係叻仔黎既,佢好硬頸,好固執,堅持己見,

我而家對住佢我既耐性高左好多,唯一既係我屋企人始終唔肯面對覺得佢有問題,因為成個家族都冇人有小朋友

有呢d問題,佢地仲係覺得有問題既係我唔係圖圖,不過我唔會理佢地點諗,因為我同屋企人好小見,同埋隻臭豬有時

又真係tum到我都幾開心既,同埋學校既老師同校長都好錫佢,因為佢會突然走去攬住佢地,而家佢係讀緊明愛既幼

稚園,有埋'i'位既,所以我唔駛擔心萬一佢有事學校會唔收佢,而且所有老師都知道晒佢既情況所以令我好安心,我而家

都不停搵緊有咩方法可以教好佢既,我亦都好多謝你解答我既問題,因為我其實都幾頭痛下

除了你我誰都不愛,to have but not to hold

私人傳訊

積分: 2432

畀面勳章

43^#

發表於 11-11-1 21:23 |只看該作者

回覆：ditochan 的帖子

本帖最後由單親媽於 11-11-1 21:53 編輯

你個case 好似我，不過我大肚就開始睇書，全部自己一手一腳搞掂！圖圖嘅情況同我仔仔都好似！不過阿仔脾氣好笑容好！阿仔4歲至被發現有自閉症傾向。一發現已經寫50%嘅傷殘津貼比我，不過我從來無上過一個course, 因為相信我自己吸收多d呢方面知識，自己喺屋企訓練仲好！(不過我唔建議你咁做,你要聽醫生講,跟住做!) 今年仔仔7歳剛入到一間幾好嘅小學，成績都ok架！

過度活躍症，都屬於自閉症嘅一種，「大都係鍾意玩車,最鍾意係排車隊,玩車look,望人都有時唔會正視人既」坦白講以上嘅全部都係自閉症嘅病癥。
自閉症嘅範圍好大，包括言語障礙，讀寫障礙，專注力不足，過度活躍症，仲有好多，組合有好多，至今成因未明。

自閉症嘅細路仔將來能否入讀正規學校，係取決於佢有無正常嘅IQ!大概會喺入4、5歲時再做評估。
你唔需要太擔心！你有無限愛心，耐性，時間幫圖圖，相信會好有成果！我反而擔心你個人情緒方面嘅問題多d!

私人傳訊

積分: 19895

畀面勳章

42^#

發表於 11-11-1 20:33 |只看該作者

單親媽發表於 11-11-1 20:20
唔好意思，我無咩特別意思！
因為一般細路仔，喺嬰兒期8個月前係特別需要回應嘅！即係要時時抱多d! 好讓bb ...

冇所謂既,我擔心你以為我由得圖圖自己照顧自己姐哈哈,其實因為當我有左佢既時候,我同佢爸爸已經分開左,

後來既環境真係變得好差,不過我已經盡左最大能力去照顧佢教佢,但係我都知自己唔識教,唉,所以我而家都係

學緊點教佢,其實佢由細到大都好小出聲既,我好小抱佢,多數由佢係床仔自己玩又或者我陪佢玩,另外佢由細到

大都係鍾意玩車,最鍾意係排車隊,玩車look,望人都有時唔會正視人既,我又唔覺佢係冇自信呀,因為佢同其他小

朋友溝通又好似冇咩問題咁,只係都係唔肯講野,仲係講bb話,或者單字,而家好左d啦返左學之後講多左好多野,

另外我其實覺得佢又有d似過度活躍多過自閉,因為佢係學校都係坐唔定既,係屋企又係成日周圍走,我好小比佢

睇卡通片架,而且我屋企冇買電視添架,就係怕佢分心,另外仲有佢好彩唔偏食,最鍾意食野,不過限正餐,零食我好小

比,如果係食只可以食餅又或者食1粒糖咁,佢而家要邊樣野我都會叫佢指,指完之後我會叫佢講出黎既,佢而家係

未發得準個音囉,通常我教佢佢都冇咩心機理我,佢又會繼續玩自己既車算啦唉,其實我自己一向脾氣都唔多好,

不過當我知道佢有問題之後我已經冇再鬧佢打佢,反而係忍佢之後慢慢tum佢,因為我知道打同鬧都冇用,有時佢

係控制唔到自己,就係因為表達唔到自己想要既野出黎先會咁,言語專家呢仲有話佢視覺能力就冇問題既,如果你

用手指指住d野叫佢做佢都大概明你意思,不過聽覺方面就差啦如果冇指示,佢應該唔明白,所以黎緊我會買d煮飯

仔呀,公仔呀個d教多d佢呢d知識,其實有時我教到佢都幾灰,不過冇計呢個係自己個仔,就算點難教我都要繼續,

唯有我同自己講加油努力

除了你我誰都不愛,to have but not to hold

私人傳訊