五六月時已經搵”設計X房”傾裝修及訂傢俬,問佢地七月中俾匙佢地可否暑假前完工, 佢地都話無問題.
點知俾匙佢地兩三星期都好似無人做野, 日日去問都話聽日做及一定可以如期完工.
到正式有人開工, 管理處就打來話佢地請黑工及報左警, 結果又要停工.
”設計X房”個管工重好似失憶咁,成日同佢講左要做既野都唔記得.
我地要日日監督及提佢地有什麼未做, 最後逼佢地星期六日都要開工都要九月頭先勉強可以交屋, 之後既幾星期重有好多野要再執.
重有, 佢地重好意思同我地講同期另一單工程人地投訴得重勁, 痴線.
我廁所搵人翻新左叫佢地D伙計小心D及盡量唔好用, 點知佢地又搞到花哂及污穢哂.
最離譜係D傢俬, 傢俬手工粗劣伙計裝又差, 件件都有問題, 裝傢俬果D人又求其, 明知玻璃底面調轉都照裝, 櫃內鏡路軌有問題既又照裝.
投訴佢地D傢俬有問題, ”設計X房”就話好正常,邊到” 乓”左花左就補邊到, 重話無可能唔駛補.但我就從來未買個好似佢地咁差既傢俬, 也未試過買傢俬咁勞氣.
交屋後成個幾月仍要執呢樣執個樣, D伙計好多時執完重衰過之前, 執唔好重俾佢地整” 乓”多一忽.
佢地執一次我地又要清潔一次.
我話要同佢地老闆投訴, 佢地重話老闆唔會理, 有無搞錯,簡直投訴無門.
”設計X房”正一黑店, 一流收費九流貨色.
講就天下無敵, 做就無能為力.重話一條龍服務, 係一條龍衰哂.
佢地既衰野寫多十頁都未寫完, 重之幫襯左”設計X房”就死好多細胞.
我都知裝修有好多黑店, 見上網搵唔到佢地俾人投訴及唸住佢地做街坊生意會好D, 點知…………唉, 激死人啦.
發表於 
返回列表
